jk_lai的個人專頁

呢個放題一次過滿足晒你咁多種願望，咩都有得食。燒烤邊爐配料一次過滿足晒打邊爐同韓燒兩個願望🍲，好滿足。無論係打邊爐定係韓燒都唔少得肥牛🐮同豚肉🐷。啲肉攞嚟燒就香口啲，打邊爐就冇咁油膩。啲肉唔會係鞋颯颯。金沙骨，魚柳，雞翼，豬頸肉，雞軟骨都淹得好入味，拎黎燒好好食。有好多唔同嘅丸，大大粒好彈牙，啱晒攞嚟打邊爐。如果食到濟，可以食燒菠蘿🍍。菠蘿燒完好甜，好食到停唔到口。仲有好多瓜果蔬菜🥬，可以balance番個diet。打邊爐湯底有兩款選擇－日式豬骨湯，壽喜燒湯。豬骨湯就清淡啲，壽喜燒就濃味啲。刺身－牡丹蝦🦐，三文魚🍣，八爪魚🐙，吞拿魚🍣，希靈魚🐟牡丹蝦大大隻，三文魚，吞拿魚鮮甜肥美，厚切啖啖肉。希靈魚食落索索聲。雖然呢餐放題好抵食，但係絕對唔低質。除咗主打嘅邊爐同燒烤仲有點心同炸物。點心有燒賣，粉果等等。炸物包括薯條🍟，鹽酥雞粒，炸香蕉年糕，芝麻球，全部都炸得香脆。選擇豐富，實有一樣啱口味甜品選擇多，不過最驚喜係有冰菠蘿🍍，仲有雪糕🍨同啫喱🍧。食完熱辣辣嘅邊爐同燒烤，食返啲凍嘢真係涼透心。最誇張嘅係仲有花茶區🍵。暴食完之後，可以即刻調理吓身體😂…查看更多

一聽佢個名就知佢係fusion，中西合璧😂 環境乾淨，唔會好似大排檔打冷咁。🖤豉椒蜆$88🤍蜆鮮甜肥美，隻隻都打開哂，證明好新鮮，豆豉絕對係呢碟菜嘅情緒，食蜆嘅時候加埋啲豆豉一齊食更加惹味。🍳蘭王蛋蠔餅$78🦪好有驚喜，即叫即炸，超級酥脆，係我食過最好食嘅蠔餅之一，好多蠔仔，隻隻飽滿鮮甜，冇腥味，超足料。🍲潮式滷水拼盤（三選）$208🐥唔油膩，唔會滷水汁上面有一層油。滷水汁好香八角嘅味道。墨魚薄切好有咬口得嚟又唔韌，滷水鵝肉滷得非常入味，唔鞋口。平時焗豬仔髀就食得多，滷水豬仔髀第一次食，啖啖肉，真係唔錯。拼盤上枱嘅時候仲有蠟燭保暖，可以慢慢食，唔使驚凍晒。🖤黑松露蔥油拌麵$78🍝將啲蔥擺喺油入邊炸，啲蔥嘅味溶晒入啲油入邊，然後攞嚟撈麵，所以蔥油拌麵本身已經好惹味。佢仲有加咗啲黑松露點綴，令到味道更加有層次。🍺茘枝接骨木梳打$42🍹超級香甜荔枝味，同接骨木嘅味道好夾，甜度適中。最特別嘅係佢用啤酒罐裝，係餐廳自己包裝，好特別。…查看更多

約左朋友又落大雨，係地鐵站附近食就啱啦。🦀軟殼蟹配鱈魚子忌廉鮮製意粉🍝鱈魚子忌廉醬汁帶有濃郁嘅魚子味同忌廉嘅奶香味，味道非常豐富。軟殼蟹都幾大隻，炸到鬆脆，好香口。意大利麵軟硬適中，沾滿醬汁，夠哂味。🦐精選海鮮蒜香蕃茄意粉🍝海鮮蒜香蕃茄意粉嘅味道豐富，帶有海鮮嘅鮮味、蕃茄嘅酸甜以及蒜頭嘅香氣。非常足料，有一隻大蝦，魷魚，青口。我仲加咗$10要咗x1.5倍意粉，超級大碟。🍹日本產白桃果肉梳打🍑咁濕熱嘅天氣最啱飲凍冰冰又清新嘅梳打，口感帶有微妙嘅氣泡感。白桃甜美可口，加入梳打汽水令汽水增添水果嘅香甜味道。🧡南瓜忌廉湯🧡南瓜忌廉湯口感柔滑濃稠，南瓜嘅甜味和忌廉嘅濃郁味道完美結合，形成一種豐富嘅口感。估唔到價錢平，但係咁高質。…查看更多

係THE ONE買完野順便係度食埋飯先走。🐌法國香草蝸牛 薯糰丸子🥔好香濃嘅香草味，醬味主要由牛油🧈、蒜頭🧄、香草🌿同其他調味料製成，蝸牛鮮甜、口感彈牙。薯糰丸子口感綿密、柔軟、帶有薯仔嘅香氣同麵粉嘅口感，可以點埋青醬一齊食。🦞馬賽籠蝦海鮮鍋🦑(半隻龍蝦🦞，黑青口，大蜆，盲曹魚🐟，魷魚🦑)係海鮮大集會，超級豐富！龍蝦，黑青口，大蜆鮮甜肥美，肉質彈牙。盲曹魚煎到塊皮酥脆香口。醬汁好香蕃茄味，酸酸甜甜好開胃。仲有兩塊麵包可以點埋啲汁一齊食，超級滿足！🐥油封鴨髀🍗法國油封鴨髀先係醃製過，然後油炸到金黃色，香氣撲鼻、口感豐富，外皮酥脆可口而且肉質柔軟，肥而不膩。配上薯糰丸子同椰菜做伴碟，足夠飽肚。🍐啤梨杏仁撻🥧啤梨杏仁撻嘅口感清新、鬆軟、帶有杏仁和啤梨嘅香氣，不過冇杏仁常見嘅藥味，甜度適中。煮過嘅啤梨同呢個撻嘅口感好夾。喺撻餅上灑上脆卜卜嘅杏仁碎，口感更加豐富。…查看更多

之前同好朋友走到奧海城shopping, 行到有啲肚餓就走去搵嘢食。行過見到有好多人排呢間, 先發覺佢係一間天丼天婦羅專門店。江戶前天丼 $138我朋友叫咗佢個招牌嘅江戶前天丼。最大賣點就係佢塊穴子夠大, 有成隻手掌咁大 ，招牌穴子天婦羅長達30cm, 超厚肉身, 肥美軟滑🤟 仲有天婦羅蝦, 天婦羅餅, 溫泉蛋同海苔。 我個friend都好少食咁多嘢, 但係見到佢食到唔停口! 我都忍唔住偷食咗一啖佢個穴子, 真係好香同好鬆脆! 真係好食過頭, 我都爭啲忍唔住要追加一份穴子 😅 將新鮮炸起的食材放上飯面，然後再均勻淋上天丼醬汁，令到每件天婦羅都沾上古早秘傳醬汁，好好食。迷你天丼+稻庭烏冬 $118我就叫咗一個天婦羅熱烏冬, 嚟嗰陣時去搬咗成個寶盒咁大嘅盒比我, 原來入面裝住所有可以同烏冬一齊食嘅食材, 例如海帶,柴魚片, 青蔥, 仲有一隻溫泉蛋。 跟住就上咗熱熱嘅稻庭烏冬, 口感煙煙韌韌，同埋寶盒嘅食材撈埋一齊食, 真係絕配! 最後上埋個迷你天丼, 唔好睇佢係迷你但係飯入面啲了天婦羅真係好足料, 有天婦羅蝦, 菇菌, 天婦羅糖心蛋, 海苔等等。食飽飽, 飲番杯黑豆茶解下膩,真係好滿足! 👍…查看更多

今日喺尖東做完嘢，見到一間幾特別嘅餐廳，於是就諗住試吓。條樓梯嘅兩邊擺滿啤啤擺設，好似去咗啤啤Museum🐻🐻🐻。一睇就知個老闆有幾鍾意啤啤。呢間餐廳都幾寬敞，坐得舒服，適合同朋友chill下。🐥美式炸雞件配自家香橙蜜糖芥末醬（ $88 ）🐥雞塊炸到熱辣辣脆卜卜，非常香口，而佢嘅自家制香橙蜜糖芥末醬酸酸甜甜😋，點嚟食令到炸雞冇咗煎炸嘢嗰種油膩，仲有一粒粒芥末籽，真材實料。🍝卡邦尼意粉配意式脆煙肉（ $128 ）🥓煙肉炸到脆卜卜，好有咸香味。每條意粉都沾滿卡邦尼醬，味道足夠。上面仲灑咗少少芝士粉🧀，令到味道更加豐富。🦐西班牙海鮮意大利飯（ $158 ）🍛呢個飯好豐富，有青口，帶子，蝦，魷魚鬚。佢個魷魚鬚值得一提，味道好似細個喺茶樓成日食嘅炸魷魚鬚。意大利飯粒粒飽滿，好香蕃茄味，而且酸酸甜甜，食慾大增，食極都唔夠。主食加$50包一碗是日餐湯同埋mocktail主食加$60包一碗是日餐湯同埋cocktail🍄是日餐湯－蘑菇湯🍵口感香滑，蘑菇同忌廉味都香🍸Date With Me (Cocktail)🤩荔枝味嘅飲品幾時都咁好飲🍹Super Cassie (Mocktail)🌸呢杯飲品好靚，除咗係夢幻嘅漸變粉紅色，仲用咗花花嚟裝飾，不過並唔係虛有其表，幾好飲，係一杯凍冰冰嘅熱情果味梳打，好Refreshing。…查看更多

今次同朋友慶祝生日🎂，所以揀咗間玩味十足嘅餐廳。🐷來自舊金山的斧頭豬🥩$260平時叫豬扒好擔心會乾爭爭鞋颯颯，但係見咁多人叫，所以就試吓。俾呢塊斧頭豬扒surprise到。呢塊扒厚肉多汁，肉質嫩滑juicy，冇乜肥膏，唔油膩。有醃過，就算唔點汁都夠味，不過如果鍾意濃味啲，可以點埋芥末醬。sides有炸蝦片，沙律，麻醬烏冬，好豐富。🦀有蟹膏又有蟹肉的蟹蟹蟹意大利扁麵🍝$145啱晒鍾意食蟹嘅人，好多蟹肉同蟹籽，意粉亦都好香蟹膏，材料豐富。蟹籽令到口感更加豐富，大滿足。🖤黑到爆炸魷魚圈墨魚滑墨汁燉飯🦑＄135黑蚊蚊嘅墨汁飯好有鮮味，每粒飯都粒粒飽滿，朔晒墨魚汁，好好味，有墨魚肉，炸墨魚圈，炸墨魚滑，真材實料。🐥記住，期望越大，失望越大。。。雞翼(芝士粉)🧀$72雞翼炸到脆卜卜，外面鋪滿芝士粉🧀，超級足料，啱晒鍾意食芝士嘅人。🥤73.5%朱古力最好味🍫$48朱古力味香濃，唔會太甜，鍾意佢凍得嚟冇冰，唔會溝淡晒。🥤士多啤梨奶昔🍓$56香士多啤梨味，奶昔打到幼滑。🍰唔甜的紫薯蛋糕限量🍠$52唔係唔甜，不過少甜，食得安樂啲。芝士蛋糕底，一層白色，一層紫色，上面仲有一層紫薯蓉。紫薯味濃郁，又唔會冚咗啲芝士味，balance得到。…查看更多

It’s my friend’s birthday so it’s the perfect timing to have nice food! I have been to this restaurant for several times. And this was the best meal I’ve had in this restaurant. 💯 🌊FRESH MUSSELS🍾(½kg $318 / 1kg $418)(Australia mussels🇦🇺, white wine🍾, dill, truffle fries🍟)I was surprised and impressed by this dish because it had the scent of smoke. Mussels are generally pretty mild in flavor with a slight sweetness, but the addition of smoke and a white wine-based broth takes them to new heights. The smoke flavor is delicate and flavor-enhancing. Mussels are meaty😵 The fries were so crispy, and truffle and salt provide a savory and aromatic flavor.🍟 Although it’s a starter, 1Lb mussels with chips is more than enough to be a main. 🇺🇸US ANGUS SIRLOIN (12OZ)🥩 ($388)(black truttle potato puree, chimichurri, red wine beef jus)Since I’m watching fat in my diet, I ordered sirloin instead of ribeyes. The steak was served medium. It’s cooked to perfection🤤 Sirloin is generally and comparatively lower in fat content, but the steak turns out to be tender, juicy💦 and flavorsome. 🍫78% DARK CHOCOLATEFONDANT ($88)🧁The dessert has a rich chocolate flavor and a gooey, molten center🤤. The baking time was just perfect that the outside was cooked and crispy but the center remains molten. The dessert is typically served warm, with a scoop of ice cream🍨😍🥰the vanilla flavored ice cream perfectly blend with the chocolate fondant🍫. What an indulgent dessert. Since it’s my friends birthday, I asked if they can put a blessing message and the staff was so nice and willing to help🥰 but generally customers have to make the request a day before…查看更多

餐廳總共有3個level嘅韓燒放題，我地揀咗level 2嘅體驗和牛套餐。唔洗比太貴就食到和牛，啱哂啲想食和牛又食唔到好多嘅人！一開始佢就上咗碟和牛拼盤體驗吓先🥩， 分別有美國牛頸脊，A4和牛肉眼蓋，澳洲M9和牛西冷。3款嘅油脂都分布得好均勻🧈，入口即溶而且牛味重，非常出色🤤。喺放題方面，食物選擇種類非常多，除咗燒嘅食物外，仲有刺身炸物沙律等。因為主要想燒嘢食，刺身只點咗3款試吓，三文魚鮮甜肥美🐟，甜蝦都唔錯🦐，仲磋啱心心形狀同花之戀。安格斯牛板腱同一口牛係牛類中最出色👍。牛板腱牛味好重，油脂都分布均勻，燒完肉質嫩口又多汁💦。一口牛望落冇咁多脂肪，但完全唔會韌或者鞋，食落都係肉質嫩滑彈牙多汁。肥牛片半肥瘦，充滿油香味。安格斯肉眼扒大塊到不得了，比臉仲要大，適合Share。呢個和牛套餐仲有得食海蝦🦐同帆立貝，蝦非常新鮮，食落爽口彈牙，而且大大隻，好有咬口。串燒有5款🍢，爆脆墨魚咀喺放題入邊比較少見🐙，食落爽口。炭燒雞串啲雞肉好滑🐥，配埋燒汁好好味。雞皮串燒一路燒一路滴油，燒完幾脆口。黑松露金菇一上枱就已經聞到好大陣黑松露味，如果鍾意食黑松露就啱晒🍄。炸物方面 ，榴槤炸彈同番薯波波🍠都係放題常見食物，應該都係即叫即炸，炸到皮脆內軟。另外仲有日式芝士年糕，感覺佢比一般芝士年糕厚，入面有滿滿濃郁嘅芝士🧀，好邪惡。水果方面有橙同菠蘿🍊，菠蘿好甜，鍾意食燒菠蘿嘅話，仲可以放落去燒吓，感覺上燒完好似更加甜🍍。甜品就可以係出面攞雪糕🍨，亦可以叫迷你泡芙，用甜品作結。…查看更多

餐廳有兩層，地下主打石燒，上層主打網燒，選擇豐富。石燒肉嘅種類多，而且提供唔同份量比客人揀。套餐包羅宋湯，石燒肉，飯，沙律。🍲羅宋湯🍲超級足料，紅蘿蔔、蕃茄、西芹樣樣齊。好香蕃茄味，味道酸酸甜甜，好開胃，好飲到想一碗接一碗。🥩封門柳牛扒🥩厚切封門柳，牛扒嫩而肉質有彈性，味道濃郁多汁💦，唔油膩，口感豐富。上枱嘅時候牛扒淨係煎咗表面，鎖住肉汁。我鍾意食生啲，所以煎到個面焦啡色就拎咗起身，費事煎到熟晒。🥩牛肩肉🥩薄啲但係大塊啲。油脂唔多不過分布平均，肉質比較紮實。朋友鍾意食熟啲，就算係7成熟都唔覺鞋。如果鍾意食牛嘅原汁原味，加啲鹽就可以。如果鍾意濃味啲，可以加啲燒肉汁，或者跟餐嘅香草牛油。🥤薏米水／竹蔗茅根🥤兩種飲品都係店主自己煲，真材實料。😍薏米水清熱、解渴、利水消腫。竹蔗茅根清熱解毒。兩樣都唔會太甜，飲落清清地，幾舒服。😊…查看更多

位於北角匯，所以可以睇到海景🌅，都幾適合date night dinner🥰set dinner包括一個前菜，一個主菜，一杯茶/咖啡。🇫🇷法式鵝肝焦糖燉蛋配田園沙律🥗係非常精緻嘅starter。味道同口感好似法式燉蛋，不過鵝肝味香濃，出奇地夾😍。燉蛋經過輕輕燉煮🥚，香滑creamy。食嘅時候將可以鵝肝燉蛋搽喺多士上面食，口感豐富，鵝肝的油香令人回味無窮。沙律菜新鮮爽口。🍛燴牛面頰意大利飯🍛牛肉經過長時間烹煮🐮，肉質軟腍，不過亦保留到牛肉嘅香味。米飯粒粒飽滿，吸收晒湯汁嘅味道同精華。仲有紫色花花點綴🌸，好精緻！🍗油封法國鴨腿配新薯，紅莓汁🍗外型討好擺盤靚，鴨腿外皮烤至焦啡色，不過食落唔會乾爭爭。鴨腿點埋紅莓汁一齊食，味道更加豐富。🍲周打蜆湯🍲香濃忌廉味，好creamy，冇腥味，而且非常足料，加咗蜆肉、薯仔、洋蔥等等。可以一啖法包一啖湯。…查看更多

同朋友食飯，最緊要坐得舒舒服服，可以chill下🦀脆炸軟殼蟹米紙卷牛油果醬6pcs $118🥑米子薄得來煙煙韌韌，識落有口感。軟殼蟹炸到鬆脆香口得來食落唔油膩🦀。個底墊住牛油果醬🥑，酸酸甜甜，點軟殼蟹米紙卷一流。👍🍍泰又話啦波蘿雞肉炒糙米飯•炭烤牛肉串燒 $148真係好鍾意食菠蘿，所以有菠蘿炒飯一定會叫。喺出邊比較少見的餐廳到用糙米嚟炒飯，感覺幾健康。菠蘿炒飯炒到粒粒分明，啲飯亦都粒粒飽滿，用了包括雞肉🐥菠蘿🍍同提子乾🍇，加埋啲香料炒埋一齊好香口惹味，上面放咗啲肉鬆可以撈埋一齊食。仲有兩串牛肉串燒🍢，肉質嫩滑，非常加分。🍜炭燒帶子冬陰功湯河＄108🌶️鍾意食酸辣嘅人去到泰國餐廳一定會叫冬陰功。佢呢碗冬陰功湯底酸酸辣辣，啱晒我胃口，不過朋友就覺得辣咗少少，所以佢食唔到。除咗帶子之外仲有一隻青口，非常足料😃。麵底可以揀幼粉或者卷粉，因為卷粉賣晒，所以我哋揀咗幼粉，原來其實係金邊粉，所以幾有咬口🤩。🐷脆皮豬頸肉 件自家製檸檬番茄醬） $78🐷豬頸肉外脆內嫩滑多汁，非常香口。豬頸肉無論邊種煮法都好，本身比較多油，所以佢哋好貼心準備咗酸酸味嘅自家製檸檬蕃茄醬，解油膩之餘，同豬頸肉一齊食好夾。😋🍍鳳梨清新特飲$43🍹菠蘿梳打，好香菠蘿味，梳打好refreshing，上面仲放咗一篇菠蘿乾點綴，好飲又好睇。最後我連菠蘿乾都食埋😂…查看更多

減肥減得咁辛苦就梗係為左放題嗰種快感，所以今次我哋揀左觀塘呢間隱世餐廳嘅semi buffet。夜晚有性價比超高嘅120分鐘牛扒放題，啱晒大食嘅人，成人只係＄308，仲包埋海鮮，沙律，甜品及MOVENPICK雪糕。牛扒放題menu除咗紐西蘭西冷牛扒，仲包括燒美國豬肩扒，印度夭多利烤雞扒，烤紐西蘭羊西冷配阿根廷青醬，冬陰功雞柳意大利飯同子薑菠蘿青口茄醬扁意粉。我哋兩個女仔食，total叫咗4樣share。1. 烤紐西蘭羊西冷配阿根廷青醬四樣入邊呢樣最好食，羊肉粉嫩多汁，肉質軟腍，有羊味但係唔覺羶，青醬畫龍點睛。2. 紐西蘭西冷牛扒3成熟嘅西冷牛扒外面煎到焦啡，入面粉嫩juicy，厚肉食落口感十足，肉味濃郁。伴碟啲羽衣甘藍同紫薯蓉煮得好好食。3.印度夭多利烤雞扒調味料份量啱啱好，雞肉唔會比調味料蓋過肉味，烤到香口嘅同時亦保留到肉汁。4. 冬陰功雞柳意大利飯冬陰公酸酸辣辣好開胃，啲飯粒粒飽滿，朔晒冬陰功汁，每粒都係精華所在，汁嘅份量剛好，唔會多度變咗粥。自助吧包括自助餐區時令海鮮有多款選擇包括皇冠螺，青口同海蝦，店員會keep住refill。海蝦真係唔錯，每隻都鮮甜彈牙。是日餐湯係甘筍南瓜湯，非常足料，味道香甜，口感濃稠得嚟幼滑。食得太多肉，覺得有啲漏嘅話仲可以食沙律，balance返個diet，啲沙律菜亦都新鮮爽甜。可以以MOVENPICK同埋甜品作結，真係超級滿足。…查看更多

之前有朋友介紹食呢間西班牙菜，佢話餐廳主推融入咗亞洲元素嘅Fusion Tapas同飲品，聽落幾特別，於是我就去咗試下。🥖Bread tomato 🍅🧄蒜蓉多士配蕃茄醬🥖Tapas係西班牙菜一個重要菜系，而且選擇非常多。蒜蓉多士配蕃茄醬，好清新開胃。多士本身已經好鬆化, 灑上橄欖油就咁食都唔會覺得單調。 但係加上番茄醬, 就真係畫龍點睛, 非常之夾。👍🐟Tuna tataki 🥭🔥灸燒吞拿魚配芒果莎莎🐟吞拿魚燒咗肉質一啲都唔鞋, 有少少似食赤身咁。 配埋芒果莎莎同埋啲洋蔥粒食, 味道好有層次感同埋好香。 觀感上幾有新鮮感同玩味🤩。🍘Croquetas de pulpos 🐙🐙炸西班牙八爪魚可樂餅🍘呢個同日本嗰啲可樂餅有少少相似。 炸皮外脆內軟一啲都唔厚, 入邊有薯仔,mozzarella cheese, 同埋西班牙八爪魚。因為有唔同材料嘅配搭, 食起嚟非常之有食感同埋香脆可口。 啲薯仔好creamy, 一啲都唔會有食到口乾嘅感覺。☺️🧄Gambas 🦐🦐西班牙蒜蓉蝦配海鮮汁🧄我本身好鍾意食蝦, 所以每次食西班牙菜都會叫蒜蓉蝦。 目測有五隻蝦, 每一隻都幾大隻下。 肉質鮮甜, 配埋佢嘅海鮮汁食就一流。 食完呢度菜, 留番個海鮮汁仲可以用蒜蓉多士去點添!😋🦐Seafood paella 🐙 🇪🇸 西班牙海鮮飯🍛相信當每一個人一聽到西班牙菜就會諗到西班牙海鮮飯。 佢呢度嘅西班牙海鮮飯做得好正宗同埋好足料, 入面有青口,大蝦,蜆,魷魚同埋豬腩肉。一嚟到個pan熱辣辣, 啲煙散發住一浸海洋嘅氣味。 我急不及待咁影咗幾幅相然後就馬上起筷。佢個飯好似有落墨魚汁煮, 所以有好香濃嘅旨味。 再夾埋啲海鮮大啖大啖咁食, 真係食到停唔到口。 快樂嘅時光覺得特別快,食完好有衝動想叫多一個。🤪Instagram: @continuous_feeding…查看更多

好想食下茶餐廳，見到呢間仲有川菜咁吸引，朋友又話唔差，即刻入去。🐥成都口水雞(半隻） $108🌶️雖然係半隻，但係呢半隻嘅份量真係好誇張，超級大隻。上面仲要鋪咗好多辣椒🌶️，超級惹味，不過好彩唔會好辣。雞肉嫩滑有汁💦，就算雞胸都唔會鞋颯颯。🍛葡汁焗雞皇飯 $60🐥由鮮嫩雞肉配埋椰香葡汁，經高溫烤焗，焗到香噴噴，葡汁攞黎撈飯食真係好正😋。🐥咖厘薯仔雞扒飯 $62🥘好香濃嘅港式咖喱味，真係得香港茶餐廳先食到，攞嚟撈飯一流😍，仲有兩嚿嗍哂汁嘅薯仔真係食到停唔到口🥔。雞扒煎到外脆內多汁。🐷XO醬猪頸肉炒河 $59🍝朋友話之前食過，幾好食，所以今次再叫。❌⭕️醬好惹味，豬頸肉又好香口，河粉炒得有穫氣，條條分明，唔會一pat pat又唔會油冧冧，唔怪之得朋友想再食🤩。🥩蒜香蛋餞牛仔骨 $83🍯好香蒜味得嚟唔會蓋過牛肉味🧄，牛肉有咬口。整體：大件抵食，充滿香港風味🇭🇰…查看更多