一聽佢個名就知佢係fusion，中西合璧😂 環境乾淨，唔會好似大排檔打冷咁。
🖤豉椒蜆$88🤍
蜆鮮甜肥美，隻隻都打開哂，證明好新鮮，豆豉絕對係呢碟菜嘅情緒，食蜆嘅時候加埋啲豆豉一齊食更加惹味。
🍳蘭王蛋蠔餅$78🦪
好有驚喜，即叫即炸，超級酥脆，係我食過最好食嘅蠔餅之一，好多蠔仔，隻隻飽滿鮮甜，冇腥味，超足料。
🍲潮式滷水拼盤（三選）$208🐥
唔油膩，唔會滷水汁上面有一層油。滷水汁好香八角嘅味道。墨魚薄切好有咬口得嚟又唔韌，滷水鵝肉滷得非常入味，唔鞋口。平時焗豬仔髀就食得多，滷水豬仔髀第一次食，啖啖肉，真係唔錯。拼盤上枱嘅時候仲有蠟燭保暖，可以慢慢食，唔使驚凍晒。
🖤黑松露蔥油拌麵$78🍝
將啲蔥擺喺油入邊炸，啲蔥嘅味溶晒入啲油入邊，然後攞嚟撈麵，所以蔥油拌麵本身已經好惹味。佢仲有加咗啲黑松露點綴，令到味道更加有層次。
1
🍺茘枝接骨木梳打$42🍹
超級香甜荔枝味，同接骨木嘅味道好夾，甜度適中。最特別嘅係佢用啤酒罐裝，係餐廳自己包裝，好特別。
