davidleung214的个人专页

今晚想同女朋友食好西，見到有間日式西餐廳環境好似唔錯就入去試一試我哋叫咗一個二人餐。有蘑菇湯同麵包，麵包好脆口！之後有水牛雞翼少少辣，加上外皮充滿醬汁極之開胃！主菜係銀鱈魚羅勒醬手打闊條麵，闊條麵充滿忌廉味，口感好充實仲有淡淡的魚味，口感幾特別！另外一個主菜係香草燒雞計上枱嘅時候熱辣辣食落去唔會好鹹，外脆內嫩，驚喜之作！飲品我哋揀咗菠蘿水果茶，入邊真係有菠蘿！最後有焦糖朱古力蛋糕做點綴，作為完美嘅句號！呢間餐廳性價比好高，晚餐都可以試吓！…查看更多

我是火鍋控 渝味曉宇重慶老火鍋!!!!已經係第3次食 哈哈 我好鐘意佢既麻辣 好香 但又唔會太麻-皮蛋香菜鍋配普通湯底 $38/位-曉宇嫩牛肉 $40 (半份)-紅糖糍粑(半份) $35 (半份)-黑豚腩肉 $40 (半份) -手打蝦滑 $45 (半份)-曉宇手打三寶丸 $49 (半份)-凍豆腐 $15 (半份)-田園菜籃 $40 (半份)入面有油麥菜、娃娃菜、皇帝菜、唐生菜自製羅漢果 $58 (渣)一坐低就有碗糖水 原來係用黎比唔食開太辣既我地暖一暖個胃 另外頌有圍裙唔怕比湯底彈到件衫 真係好細心❤ 醬料都安排曬係枱面 佢既麻酒好香加埋醬油 同出面既醬料好唔同 大家一定要試下 佢枱面有教大家點配搭係最好 👍心水推介係佢個紅糖糍粑 鐘意食甜點既一定要試!🤤佢e家午市免湯底 優惠期有限 ❤ 2個人都食左好多野 最鐘意佢可以半份半份咁叫 2個人都可以慢慢嘆 控制到食量之餘頌可以試多D 唔同既野🥰繼續翻桌之選🤓👍…查看更多

今晚同朋友慶祝生日我就去咗一間新嘅日本餐廳「平成」食飯。麻雀雖小但五臟俱全。餐廳上菜速度幾有效率，食完一款就上另一款菜式。先上菜的係 螢光魷魚漬 呢個前菜小食就比較重味，但好新鮮，送飯一流。黑松露燒鹿兒島和牛丼，本身諗住黑松露同牛肉呢就完全唔夾， 點知發現冇調味嘅牛肉就係加少少嘅黑松露就有好好嘅化學作用。 可以將牛肉嘅味道完全咁帶出嚟而且味道唔會覺得好複雜， 仲有就係用日本珍珠米， 食落去唔會好乾淨淨 。接住呢就係芝士蛋配火灼北海道帆立貝 可能我之前都試過芝士配蛋呢個組合我覺得呢個係一個好簡單但係好好食嘅配搭 再加上 主菜的帆立貝,和風味就更突出。帆立貝整得好乾身， 都好適合 一啲鍾意食 熟海鮮嘅朋友。之後再上咗個 一口炸雞， 但係我覺得咁樣叫佢實在太普通，因為佢真係稱得上得唐揚炸雞，簡單嚟講外脆內軟。 咬落去仲有好嫩嘅雞肉， 火喉控制得啱啱好 十分建議大家叫呢個炸雞。仲有一個特色小食就係牛肉大阪燒 大阪燒下面滿佈牛肉，幾有創意。同埋食落口好有層次感。重建呢度食飯啲嘢唔細份，而且老闆好好人又 好吹得， 如果大家鍾意飲酒仲可以飲夜啲，係一間有居酒屋風味嘅日本餐廳。…查看更多

最近想同朋友聚一聚，最後去開旺角為食仔，其實我自己本身唔係好好雞煲不過朋友介紹就去試下。去到門口呢都見都好多人食，但等咗一陣就有位啦。一坐低就可以調配啱自己口味嘅豉油，之後就好快上菜啦。其實嗰陣得八點鐘好肚餓好彩即刻上雞煲，而且個雞煲好香，食落仲好入味。 雞煲最有特色嘅地方係有蜆係裡邊，仲有啲似避風塘嘅風味，十分香口自然停唔到口。食哂雞同蜆之後，伙記將魚湯加入到餘下的配料。 之後就正式打邊爐啦 今晚打邊爐就十分有驚喜，分別有呢個紫菜響鈴、蛋黃魚皮、肉丸四寶 、一盤安格斯肥牛 、黑松露餃子、鮮蝦雲吞、鯪魚肉麵同菜。 響鈴攝紫菜口感脆得嚟有少少煙韌出面好小有。蛋黃魚皮同新加坡嘅魚皮有得揮。肥牛都十分新鮮，幾分鐘就俾朋友清曬。黑松露餃子唔會好濃味，岩岩好！最特別就係個唧唧鯪魚肉麵，又好玩又識得。幾個朋友邊食邊傾，食到最後個個都飽住走。 雖然小食種類同好多火煱店大致相同，但加咗唔少創意令口感豐富左好多。 而且雞煲可以啱曬鍾意食辣同唔食辣嘅朋友仔，咁就唔會嗌交啦😁！…查看更多