thnasa29's Profile

行聚令之下嘅👭2人閨蜜行，2020年剩返20幾日，感覺今年過得特別快，亦都過得特別冇安全感，希望來年可以有一番新嘅景象。上網見到呢間新開嘅☕️☕️Cafe店，同閨蜜一齊過嚟試吓，外型設計清新脫俗，早上係咖啡店，夜晚有提供酒類飲品同水煙。🍹🍸🥃🍷🍾🥂Cafe有兩層，樓上私隱度勁高，有我勁喜歡嘅白色做主設計。今日同閨蜜叫咗一份多士，有煙三文魚同牛油果嘅配搭。講明先，我係牛油果🥑嘅忠實粉絲。呢款牛油果加咗橄欖油同少少黑椒，帶出左牛油果嘅香味，而且份量非常之多。多士有咬口，配埋牛油果味度勁絕。煙三文魚都不失特色，味道適中唔會偏鹹亦都唔會偏淡，食材都好新鮮！配上一杯咖啡☕️，完美嘅下午🍀🍀🍀。…Read More

最近為工作上一事，心情煩躁左好耐。雖然係咁，但冇咩煩躁係一餐飯解決唔到嘅！食物總係會令人開心同放鬆，一直都覺得係澳門逸園中心嘅餐廳都係好貴同好貴，但係我覺得佢地嘅性價比都係好高。今日我地一行２人，都係大食嘅朋友。我地８點左右到達，人流唔多，即時安排座位。雖然店舖嘅面積唔大，但係空間感十足，完全唔覺得迫同窄。餐牌總類繁多，眼花撩亂，不過處於飢餓嘅狀態下，好快就可以點餐。呢一個配料係免費，無論你點左咩野食，都會有一碟。佢地嘅員工會好細心咁解釋唔同嘅配料同食法，簡單易記。但係我地２個人一於少理，按自己喜歡嘅方法，哈哈哈！＊＊生蝦係泰國菜一定的吃嘅，肉質肥美，口感豐厚，配上醬汁，更加可以提升到另外一個層次。的確，佢地嘅生蝦真係肉質肥美，睇返Ｄ相先發覺我冇影到，呢個真係一定要吃！新鮮、肥美、彈牙！！！仲有一樣一定要提嘅，就係碟中間嘅蝦頭，真係好細心，蝦頭係炸過，我係一個十分十分喜歡吃蝦頭，但我真心第一次見到生蝦會有咁嘅配答。＊＊再黎就係木瓜絲沙津，我本人係好喜歡木瓜，所以呢一個我一定會叫。木瓜本身係冇咩味嘅，但係爽口感十足。本身木瓜絲沙津嘅醬汁都配得好好，酸酸辣辣，加埋花生口感豐富！＊＊蝦球，隻隻都好大粒，而且炸粉一Ｄ都唔厚，薄薄一層。而且蝦肉豐富同彈牙，雖然係炸左，但仲吃到好香嘅蝦味。＊＊金邊粉，感覺上我地２個女仔點嘅都係大路野，哈哈哈。不過，愈係睇落普通嘅食物就愈難整得好呢個金邊粉完全冇令我失望，色香味全部都得好好，面條咬落有質感，平衡係乾同濕嘅中間點。而且甜度適中，就係最喜歡呢一種甜甜嘅感覺。不得不讚係金邊粉上面嘅蝦肉，新鮮，厚肉，以呢一個價錢可以吃到相對的材料，感覺已經物超所值了。＊＊女仔吃飯，一定要叫甜品先有完美嘅感覺。呢一個共芒果糯米飯有別於一般芒果糯米飯，糯米飯係會包住蛋再煎，口感脆口，外脆內軟。而且一塊塊容易吃。不過就略遜一籌就係個芒果冇咩味。享受完一餐美食，就要再好好工作啦！…Read More

拎左半日假同男朋友出去睇下燈飾，由港島到尖沙咀，各處燈飾各處好。但係每次去到吃飯時間，就係考驗情侶間嘅容忍度。不過隨性嘅我地，行下行下就搵到好野食。因為餐廳係採取開放式的設計，所以好容易被睇到有咩可吃，當然對我地搵吃嘅人黎講係一件好事但係對吃緊野嘅人黎講係一件好不自在的事。至少我都係因為睇到d食物而決定吃呢間開頭男朋友話個碗有烏英，嚇得我以爲真係。原來只係設計，真係又大擔又搶新不如就介紹下我享用左d咩先:粥果皮味好重，因為我個人不喜愛果皮，以不中立的意見黎講，我不太喜歡。不過粥底的確都好綿，味道香甜的。乳鵨係每枱每人限叫一隻的，而且大大隻都係25蚊炸。係邊度可以搵得到呀。貼心嘅餐廳送上手套，吃起上黎真係方便好多。乳鵨燒得好正，熱度咸度剛好，仲係脆卜卜的。肉汁多同香，真係連骨都吃埋黑沙流金包呢個包包係見到其他枱叫，所以都忍唔住自己都叫係好得意嘅奶皇包，仲要係流沙奶黃包。因為一上台有點熱，諗住放一陣先吃，但又驚奶皇會唔流心，但係但係，完完全全無呢個問題，奶皇一樣咁流沙包皮好髮軟，一口咬落去已經見到流沙，完全唔呃人，49蚊嘅包真材實料，奶皇多到一口咬完都仲係源源不絕，淡淡奶皇香，我足足吃左2個猛虎咬豬重頭戲一定係放係最後，聽個名真係覺得好搞笑。其實係刈包，但入面包住嘅係肉汁豐厚的五花腩，仲有酸菜同另一樣吃唔出的材料。再花腩肉汁鮮甜香口，酸菜正好中和腩肉的油膩感，一個人吃哂一個，絕不過份能享用一餐豐富好味的食物，真係幸福…Read More

係銅鑼灣返工，要搵一間中下位價錢又吃得飽肚既餐廳真係唔多:(。一早就聽同事話呢間餐廳嘅lunch set抵到笑，但係唯一問題就係中午時間人好多。如果真係準時一點到餐廳，已經要等上15 - 20mins的時候，雖然上菜係好快，但係只有短短半小時的享用時間，真係熱了口又熱了自己......雖則等位失敗了一次，今次決定再早ＤＤ去。12:50準時到達，但都係人山人海，不是今次決心等下去，20mins後準時入。因為之前已經睇好個餐牌，已經有哂心水要吃咩野，一坐底二話不說地落好單，要慢慢欣賞周圍的環境。位於金朝陽二期29樓，景觀開揚又舒服，自然光好充足。感覺HKD55的lunch 又包特飲，真心超值。＃蕃茄湯底，台灣雞件，日式芝士筒x2舊，蜂巢豆腐x4舊，台灣拉面其實配菜上已經有豆牙，蕃茄x2舊，叔米x3舊。感覺上已經很full了。蕃茄湯底：味道岩岩好，本身以為蕃茄係因為我個湯底而有，但原來係配菜。佢地蕃茄湯底係用蕃茄容，都吃得出係有蕃茄湯底的感覺。台灣雞件：必點之選，份量都好多，雞好滑同好入味。日式芝士筒：呢個冇得輸，因為係我嘅最愛。軟軟的外皮包住融左嘅芝士，香味一流。蜂巢豆腐：呢一個係睇網友提議的，我覺得好吸味，豆腐本身係冇味的，不是吸哂蕃茄湯後，變左頂級食品（如果可以，最後先食，咁就可以更入味了）台灣拉面：反而台灣拉面我就覺得一般般，我覺得面身有點硬。但係份量的確好多，一個女生的確好難食得哂......份量同味道都係我最喜歡的地方，唯獨就係人太多，等太耐了。＜—咁都係代表好生意嘅！…Read More

第一次吃沾麵，選擇佐6:45分就黎吃。真係唔係講笑，唔使15分鐘，出面已經要排隊了平時經過都會因為人多而卻步，不過，排隊係有佢既道理，因為真係一試難忘一行2人，被安排坐靠廚師既位置。本身想吃拉麵，但係見到好多人都叫沾麵，所以決定要一試。我好欣賞三田，其一，佢既沾麵大中小都係收同一價錢，如果要特大先要加10蚊，對於我男朋友仔黎講，的確係一種大福利。因為叫2個大麵，我就可以再讓d麵仔俾佢啦而且銅鑼灣呢間店，店員都超窩心，原來男朋友想叫特大(加10蚊)，但店員溫馨提示可以分別叫2個大既，唔使加錢又可以吃到特大份量(因我可以share一半俾男朋友)我地2個分別都叫佐大既沾麵，一個辣一個唔辣。佢所謂既辣只係加佐辣椒油係面，不過沾麵湯好足料，入面仲有豬肉，超入味又淋身，睇得出即使係配料都好有心機做麵有得揀凍定熱既，凍既麵會有彈口感D，熱既麵會淋身，但都爽口，而且碗底會有少少湯汁。附上日本大葱，豬肉，溫泉蛋。最愛日本大葱既我見到雙眼都發哂光，男朋友介紹把日本大葱加入沾麵湯，再吃會更好味店舖好貼心地有介紹沾麵既吃法，不過我鐘意重口味，所以直接當湯面吃好了。無論熱定凍面，我都覺得麵身好有彈怕同實在，麵身夠粗，絕對唔戲場。沾上湯汁，口感更豐富，濃郁既湯汁配合彈牙既麵身，滿滿一口，滿滿幸福。佢既沾麵汁都好大碗，我當湯麵咁吃去到最後都仲有一半，真心咁既價錢，吃到既份量真心好好。溫泉蛋好軟身又滑，不配沾汁會更原汁原味。豬肉淋身又香口，配上沾汁更可以帶出豬肉既香味。平時吃完拉麵一定好口乾，但今次吃完濃郁既沾麵，反而無口乾既感覺最後，店員都有問我地要唔要加湯入沾麵汁當湯飲，是此真係太滿足，所以拒絕佐店員既好意，下次有機會一定再試沾麵同飲埋碗湯先…Read More

星期五，寫字樓打工仔最喜歡happy hours 既日子。當然一早拉定男朋友連晚餐都唔吃，放工後沖上去飲杯水酒，吹下水，打下桌球咁啦平時經過霸嗎拉麵，永遠都係排哂長龍，一直嘈住想試既我，好幾次經還都選擇放棄佐。難得今日飲完，酒意未濃，又見無人等位，愉快地決定佐食個豐富既拉麵店鋪陳列好日式<----好似講緊廢話。正所謂，外觀影響食慾呀嗎，的確坐底都不忘周圍望，睇下佢地既陳列。霸嗎拉麵既餐牌好簡單，要豬定要雞加上要蛋定唔要蛋，要辣定唔要。由於豚肉實在太吸引，類似五花腩，對於兩個都好喜歡吃肥豬肉既人，實在唔容許自己唔order豚肉拉麵的確，豚肉無令人失望，反而覺得得一塊太少了，差d要搶埋男朋友果一塊。肥瘦均平，最正就係中間部分，肥瘦均有。瘦既部分整得好淋，一口咬落已經可以成條瘦肉咬出，肉味好重。而且肥既部分上面連住一塊脆脆既皮實在不得不讚嘆～麵質我覺得還可以，味道比較一般，可能黏性太強，我唔太喜歡黏黏既感覺。湯底我選佐辣味，味道真係好濃，吃完碗面，去佐7仔買佐成支茶自已飲哂相對之下煎餃既功夫同味道就差佐少少，感覺餃子煎得好硬但又唔係唔熟。可能配上一確濃味湯底既拉麵，所以餃子吃落無咩味.......食完，上去又再飲過…Read More

一直都靠男朋友仔搵吃既我，今次都唔例外，而且每一次都好有驚喜。今日7點左右就黎到，已經有人開始等位。雖然店面唔算好大，但流轉量好高，好快就有位了。店舖細細，位置比較密密麻麻。餐牌種類好多，因為第一次吃，真係想樣樣都叫，哈哈哈哈最後我地2個人，叫佐2碗面，一碟水餃，一份細豬耳，加一杯凍豆漿。凍豆漿好快就到，雖然話係凍豆腐，但完全無冰係豆漿，感覺好實在，絕對唔呃稱。加上甜度適中，解渴好味。話咁快，細豬耳就上場了。豬耳係我好喜歡既小食，因為貪佢爽口有咬感。龍鳳既千層醬既豬耳有少少麻辣，肉同爽口位分配得岩岩好，各佔一半。吃到底會有青瓜絲，清涼爽脆，一齊吃，岩岩好中和豬耳既油份。的確係一個好好既配合男朋友叫佐個牛犇面🤔<----研究個犇字點讀都無結論，但店員每上一度菜都有叫個菜名，唯有等店員慢慢介紹。大讚，湯底好吸引我，唔油，清甜。無錯，的確有甜味。午犇好鬆軟，佢既鬆軟唔係一夾就散果d，係入口輕輕一咬就鬆，唔黏牙，加上少少肥肉，一流。p.s 吃到最後，湯底都係無油份浮面，感覺好健康。跟住就到我既紅燒肉拌面，一直要求吃肥豬肉既我，實係叫呢款既。話就話拌面，但湯汁都好充實，每一條面都可以沾上湯汁。紅燒肉肥瘦適中，其中有幾塊係全肥肉<---但對我黎講絕對值回票價唯獨係覺得2碗面都偏淋，如果硬少少會更令我喜愛。最後就到芹菜豬肉餃，因為龍鳳無得拼餃既關係，諗吃咩餃都花了一段時間。皮唔算薄，但肉同菜既份量都好足夠，所以吃落唔覺得全部都係皮。每張枱都有一樽辣淑醬，醋同士油。每一款醬都試過，都係配上醋最岩。40幾蚊一份有實力既面，係香港已經見少賣少。2個人吃得飽飽，捧住肚皮離開舖頭，又係一日既完結…Read More

前日已經知道今日有事要出銅鑼灣一轉，所以係前一晚已經諗定吃咩早餐一直好鐘意super sandwich 既早餐，大大份，好實在，加上一杯熱咖啡，真係精神佐成日。因為有d肚餓，加上又想吃飽飽既，就order 佐B1 set 加熱咖啡($40)。滿足哂我想面包又想吃炒蛋既心意。唔使15分鐘，美食就送到我面前。因為我對吃有d麻煩，所以要求佐多一份既果醬同蕃茄醬。原因？？？方包有2塊，當然係一塊送牛油，另一塊送果醬。咁蕃茄醬呢？仲使講既，非薯餅莫屬啦方包，香脆。烘得岩岩好，暖暖地，一口咬落去聽到好脆既聲音。配上牛油同果醬，兩種唔同既口感同味覺。薯餅，油佐少少，所以口感唔脆，滿口油呀！哈哈哈。炒蛋，俾佢既金黃色嚇親。因為好有蛋香同實在，吃完呢一大份炒蛋，已經飽飽哂。腸仔俾我既感覺係加佐少少糊淑係裹面，因為吃落有d辣。蕃茄唔係難吃，只係我唔吃生蕃茄，但又好奇怪點解你會吃蕃茄醬既？？？其實呢一個餐真心令我覺得好抵吃～因爲有配湯粉。如期話係湯，都係濃湯。但係我覺得味道就偏淡，感覺無咩味。所以我加上原本條腸仔，有少少辣，但粉既淡味又配合得岩岩好。最後配反杯熱咖啡，一個早餐吃佐我一個鐘頭。PS真係要有時間先可以再黎呢度吃咁豐富既早餐了。…Read More

心事還是需要同朋友傾訴，難得有朋自遠方來，山長水遠入黎同我打冷。記得呢間餐廳吃過2次，第一次係打邊爐，今次我地2個人就決定吃小菜，因為用黎送啤酒，真係一流。雖然過佐晚餐時間，但一樣有好多人等位。幸好我地2個人，好快就就被安排入座。Order 佐1. 魯水拼盤 (咩都有d，岩哂心大心細既我地)2. 淑鹽九肚魚3. 菠蘿生炒骨加上2支生力，真係一生一大樂事上菜速度好快，拼盤好大份，2個人吃的確有d難道。友過勝在咩都有，咩都可以吃到。最出色就係個腸，好爽口，配上酸辣醬汁，真係一流。朋友就特別喜歡沾辣醬吃，唔知係咪自家制，感覺好特別同好香。寶物尋歸底，愈吃愈有喜。下面有肥豬肉同芽菜，肥豬肉對我呢位客家妹黎講真係驚喜到不得了，啖啖肥肉又香口。芽菜雖然俾人覺得係下欄菜，但我覺得可以登上大枱。配上魯水汁，一絕既送啤酒菜。淑鹽九肚魚，我就唔太喜歡吃魚。但呢款小菜係朋友極力推薦，試過兩三件，炸得好脆，而且粉唔會太過份！咬落口好鮮甜，啖啖魚肉。菠蘿生炒骨就更加唔使多講，火喉夠，炸得香。甜酸甜酸，配多2碗白飯都完全唔成問題！…Read More

天水圍難得見既甜品店，除佐傳統甜品，窩夫，特色飲品大行其道。朋友仔生日，以此爲借口，黎一個甜品聚會。一糖既地點有d難搵，地圖睇就係天水圍西鐵站隔離，不過2個女仔行錯哂路。轉佐一個大圈先到一糖有傳統甜品，都有西式甜品同特色飲品。價錢算合理，2個女仔叫佐2杯野飲同一個心太軟share share 我覺得心太軟感覺一般，無咩驚喜。雪糕硬得可憐，等到我地吃完飲飽個雪糕仲係硬到不得了，去到最後都係放棄了。唯一我覺得合理既係杯野飲，因為蘇打水好岩天氣熱既時候飲。BTW，外賣佐個楊支金露反屋企俾細佬。第日打電話黎俾我，仲以為佢多謝我外賣俾佢，點知原來係提醒我，好難吃…Read More

一直都好去品嚐一下美中鴨子，但每一次經過，除佐見到廚窗掛滿燒鴨外，就係人山人海既場面。記得有一次經過，見到門面無咩人，諗住碰下運氣。點知店員告知今日無燒鴨🦆🦆🦆，真係可惜。今日難得男朋友放假，一早拎定位先有機會一嚐鴨子。坐車途中收到男朋友send 過黎既圖片，睇住鴨子，我真係流哂口水。其中一樣我欣賞鴨子既就係佢地既陳列，黑白圖案，簡單帶出鴨子。另一樣就係既筷子架，真係好想帶佢地反屋企。p.s. 咁樣做係唔岩嫁！好少餐廳會係餐廳介紹自己既由來，鴨子其中一樣令我有好感既就係佢地既碟，本以為得個圖案無咩特別，但係仔細一睇，係介紹緊公司既歷史，真係好有特色。未開餐前已經睇飽哂，2個人，的確不能叫得太多。但係樣樣都好想吃，眼闊肚窄。不過鴨子以精細爲主，所以份量都偏向適中，加上難得一試，都係要放任一下。其中一樣好欣賞既小菜，雞絲粉皮。芝麻醬絕不小氣，遇上鐘意吃芝麻醬既我，一定大啖大啖咁吃。粉皮爽口清涼，同芝麻醬一拍即合。小菜吃佐後，終於到重頭戲。雖然等呢個重頭戲等佐好耐，不過都值得既。新鮮製！份量好大，我覺得4個人吃都絕對無問題。鴨皮燒得岩岩好，油份適量，入口爽脆。本身以為得皮，但原來內有驚喜，附上鴨肉。鴨肉扎實，吃落好香，絕對唔會輸俾鴨皮。師傅炮製包住黎吃既簿餅<---諗佐好耐都唔知叫咩先好。薄身，絕對唔似吃皮飽既感覺，而且份量好夠，好似吃極都有。喜歡鴨子，喜歡❤️果一份認真🦆…Read More

係機場反工踏入第三年，東涌都係一個必去既飯堂。第一次跟同事黎呢一間吃，因為佢地強烈推薦大份兼抵。不過以西餐既set lunch 黎講，價錢算係中下。鐘情牛既我，二話不說，一定係set B。5成熟。主菜前，有沙津或者餐湯，2選一。因為同朋友一齊，當然各叫一份，可以share share 一齊吃。反而我欣賞餐湯，係叔米湯，鐘情叔米既我，幾啖就飲哂。好香好濃既叔米，睇得出用料好足。主菜上抬，牛扒份量比想像中大同厚，5成熟岩岩好不過表面燒得有點過火。最後order 一杯熱咖啡，店員好窩心咁送上熱牛奶，絕對睇得出佢地對食物既執著。…Read More

自從肥妹學人減肥後，已經好少出去享用美食，今日重拾當年熱情，全因一班來自台灣既朋友👬👭台灣朋友一早已經落定order，希望吃到香港當地既傳統美食，左諗右諗。除佐可以滿足佢地對吃既要求，更加重要既係可以坐耐d，吹下水。最後，我決定帶佢地嘗試位於尖沙咀既-飲茶。提外話一則，當朋友問到會帶佢地去邊度吃野既時候，我答:飲茶。朋友都話好呀，仲追問去邊間。其實間餐廳咪叫做-飲茶囉因為星期六既關係，加上walk in，等佐太約半個鐘先可以入座。幾位台灣朋友一到佐門口，已經俾門口既雞雞吸引住，所以等位既時間都過得突別快。餐廳設計其實相對西式，真係所謂既中西合璧。反而我地更期待既係食物。其實一般去飲茶，我覺得包點無咩吸引力，反而今次我地叫佐好多個包點，因為實在太可愛啦。呢款雞雞點心，好似係每台必點既包點。造型可愛，一上台大家都影個唔停。呢款點心有d似鳳梨酥，中間有甜甜既打成「溶」既梨。外皮鬆化，一口一個，岩岩好。因為無影到餐牌既原因，所以唔能夠話俾大家聽個名，不過記得佢地既點心都有一堆好特別既名稱。呢款包就好似奶黃包，仲要係流心既奶黃包，仲好重奶黃味。呢款豬豬包點，其實係叉燒包。不過睇得出廚師都好有心機，耳仔，鼻仔全部都整得好靚。我覺得呢款叉燒包最好吃，因為叉燒好香，肥瘦適中，一口氣吃佐2個最後，當然唔少得既甜品，我地一行4人，都叫佐同一類別既甜品，因為俾佢既綿花糖造型吸引住呢款甜品得一種綿花糖味，不過杯入面既就有3種甜品揀。綿花糖入口即融，一d都唔痴手，不過就偏甜佐少少。最後飲一啖綠茶，回果食物既香味，傾下計，笑下又一日啦…Read More

有好多人話，女仔係有2個胃，一個人「咸胃」，另一個就係「甜胃」。小妹好明白呢一個道理，都十分認同。哈哈哈哈。Yogurt 既熱潮都唔記得由幾時開始啦，愛美的小妹想嘗甜但又想吃得健康，真係非yogurt 莫屬。小妹唔係yogurt 達人，但係就特別鐘意精緻既yogurt。因為而家小妹想吃既唔單單係yogurt 啦，返而係一種enjoy yogurt 啦。講起要精緻既yogurt，真心被smile 既款式吸引。Smile既款式都好豐富，有smile推介既特定款式，都可以按自己既喜好去設計最適合自己既smile。不過每一次去到，小妹都係被佢特定既款式吸引住，共有10款，一次一款都好似未試完過。睇黎幾健康既yogurt 都會將小妹吃得肥肥既。但係當睇到佢係卡片上既一句 ‘Healthier than ice-cream’ ，又會覺得多吃無仿。哈哈哈哈。今次同朋友仔一人一個，可以share唔同款黎吃。(p.s如果吃佐正餐，小妹建議叫一杯share 吃啦)，雖然價錢高，但係份量都實在嫁，絕對係同價錢成正比。Banana Split (hk$51)層次好豐富，以下結構圖載至: http://smile-yogurt.com/最喜歡佢係杯既背面寫住 ‘We love to see you smile. Enjoy our comfort food for you! May you enjoy yogurt & dessert in a new way’。雖然係一句好簡單既句子，可能係日常生活上都會講到「我喜歡睇你笑!」。但係，當小妹吃住yogurt 既時候，睇到呢一句，真係真心被感動而深深地微笑了。Very Healthy MIX (HK$51)朋友仔第一次吃，所以堅持一定要試個最簡單既款，咁先可以吃得出佢既原味係堅好吃定係假既。小妹都好認同朋友仔既講法，雖然吃過好幾次，但又真係未試過最簡單既款式。雖然簡單，但係層次分明，以下結構圖載至: http://smile-yogurt.com/簡單反而更能夠帶出yogurt 既本性，酸甜酸甜，冇其他味道既夾雜，係最純真既yogurt 。…Read More

今日放lunch 行過東海堂，突然被廚櫃既一種「紫」吸引住。小妹並唔係紫色既愛好者，但就係被呢一隻紫吸引。原來係東海堂一個新產品 - 「戀上沖繩．100%紫薯」。雖然小妹唔係紫色既愛好者，但絕對係紫薯既忠實粉絲。所以決定買幾件新產品，做一個完美既下午茶先。沖繩戀薯撻 (hk$20)外形一睇就已經好吸引小妹了，顏色好搶眼好亮麗，份量都好足夠，絕對物超所值。首先先吃佢最頂部既紫薯，入口好實在，甜度好適中，係口中慢慢移動，會吃到一陣陣既紫薯香。真係層層有驚喜，沖繩戀薯撻有好多個層次，先係豐富既紫薯包住整個薯撻，再有一層朱古力海綿蛋糕。以為已經到底? 不是不是，再深深向下吃，就會見到一層薄薄既奶油，再下一層又會甩到朱古力海綿蛋糕。層次分明，口感好豐富，而且配搭既朱古力海綿蛋糕，都能夠同紫薯互相揮影，真係天作之盒。撻底更有一層朱古力，鬆脆，香口。真係好完美既一個甜品。沖繩紫薯卷 (hk$16)呢一件甜品我就覺得比較平凡，因為紫薯份量唔算多，反而覺得紫薯係配襯卷物既裝飾品，紫薯味道亦唔突出。反而被朱古力搶佐戲份。…Read More