sonson01203's Profile

上星期收到Smartone sms，推介8道星級私房菜套餐，睇過下菜單覺得值得去試下。煎西瓜配魚子醬多士聽落有點奇怪，但又好奇想試下。西瓜有三粒，煎到香香地，好香。上面分別有洋蔥同杏仁片，洋蔥令西瓜更爽口，杏仁片提升左咬感。第一次咁食西瓜，唔錯！鵝肝沙律鵝肝外脆內軟，黑醋汁中和左油膩感。沙律份量唔算多，個醬汁有少少甜，可能因為有黑醋，幾好食。XO醬帶子侍應話呢道係fusion菜，帶子好大粒，份量十足。XO醬係餐廳自己炒，好香口，有少少辣。美中不足係粒帶子應該煎得耐左，有些少。龍蝦湯個湯好濃味，不過偏鹹，份量唔多，幾淡飲完。牛角包好好食，正！薑味雪葩薑味，味道okay，唔太甜，清一清個口。三文魚主菜係慢煮三文魚，皮脆肉嫩，煎既時間撐控得剛剛好，條魚既油份沒有流失，肉質保持潤澤，唔錯。皇室甜品有brownie同macaroons，brownie好食，脆身。好食，會再來！…Read More

係ig 見到有人post 二段丼既相，睇落幾吸引，加上電視有介紹過，所以抱住好奇心去試下。地點算易揾，不用等位，人流不多。叫左個極上海鮮二段丼加杯Asahi，女朋友叫左個弘丼淺草睇落真係幾吸引，份量好多，刺身超級新鮮。女朋友中意飲梅酒，見到佢有宣傳某一款梅酒，所以就order 試下，要成$108一枝，但之後竟然俾我係便利店見到賣5十幾蚊一枝。總括而言，二段丼只不過係一個gimmick，刺身新鮮先至係餐廳既靈魂，反而見到在場好少客食二段丼，可能叫其他野食會好食d，但今次食一個丼已經好飽，留待下一次吧。…Read More