弘 CHIRASHI

係ig 見到有人post 二段丼既相，睇落幾吸引，加上電視有介紹過，所以抱住好奇心去試下。

地點算易揾，不用等位，人流不多。

叫左個極上海鮮二段丼加杯Asahi，女朋友叫左個弘丼淺草

睇落真係幾吸引，份量好多，刺身超級新鮮。女朋友中意飲梅酒，見到佢有宣傳某一款梅酒，所以就order 試下，要成$108一枝，但之後竟然俾我係便利店見到賣5十幾蚊一枝。

總括而言，二段丼只不過係一個gimmick，刺身新鮮先至係餐廳既靈魂，反而見到在場好少客食二段丼，可能叫其他野食會好食d，但今次食一個丼已經好飽，留待下一次吧。