audrey530's Profile

經常出入此小巷, 當初見到門面裝修得不錯, 有點期待。未嘗過韓國的蜂巢雪糕, 無從比較, 試了這裡的奶茶味, 失望非常! 跟同行友人都嚐不出任何茶味, 連原味的牛奶味亦吃不出, 綜觀各食友相片, 不明白為甚麼蜂巢的SIZE會這麼參差, 不過其實問題不大, 因為honey+ice-cream味道上沒有太大化學作用...如果要數數特別之處的話, 我會說份量很少, cone內八成以上是吉的, 是標準份量? 或是員工手勢問題? 不得而知...另外就是特別快溶, 從照片亦看得出雪糕的濕潤程度吧, 我理解現在天氣很熱, 但我想說這照片已是一出門口立刻拍下的, 但之後一邊吃已一邊滴下雪糕, 原本以為那朵漂亮的花花設計很細心及聰明, 豈料原來完全起不了任可作用,可見溶化的速度相當驚人。總括而言, 就是中伏的感覺。 …Read More

路經此地給’藥膳湯底’四字吸引, 但看勻整個menu都遍尋不獲跟’藥膳’有關的食品, 湯底只有酸菜牛肉跟蕃茄肉碎, 就每樣一碗試試看吧, 不得不承認此店湯底的確是非常之清, 清到連味道都非常清淡, 蕃茄肉碎湯我尚可嚐得出丁點兒蕃茄味, 但酸菜牛肉….標榜用上秘製酸菜, 可一點也吃不出酸味, 難道這個就是秘製之處?! 令人大失所望!配料比湯底來得出色, 腩肉味道雖然亦較為清淡但尚算不錯, 醉鳳爪(其實我覺得似白雲鳳爪多一點)跟滷蛋亦相當有驚喜! …Read More

紅磡區同類型的西餐廳不多, 上一手的Jingles執左, 變左lazybones, 總叫有番個選擇, 第一次去幫襯係下午茶時段, 客人不多, 所以服務正常, 叫了egg benedict 及煙三文魚牛角酥, 食物質素一般, 但礙於同區西餐選擇少, 所以仍會考慮繼續光顧。第二次去諗住試lunch, 門外無人等位, 望入店內亦見有吉檯, 向侍應示意兩位, 正在工作中的侍應亦點頭示意收到, o係門口等左一陣, 仍然未有人安排入座, 我們亦體諒可能店內人手不足, 未有人執檯, 所以都未有加以催促......如是者十多分鐘過後有三位中年男女黎到, 中年女士直接走入店內示意三位過後, 就企正o係門口無走開, 完全無視我地兩位o既存在, 無幾耐, 呢三位中年男女就可以入座了.....遇著呢種情況, 店方見到門外我倆仍然企左o係度, 亦無打算調停或再問我地幾位....原來我地一直企o係門口係白等的, 所以我地呢次無幫襯到, 之後亦不打算再光顧該餐廳了。…Read More

其實對呢個價錢的任食火鍋並無抱任何期望, 但我一心係黎食日式Shabu Shabu, 結果變左港式火鍋, 就有中伏o既感覺!!醬料見到除左所謂'酸汁' 同'麻醬'外, 竟然仲有豉油, 生蒜, 蔥花, 指天椒....etc 同一般酒樓無異心感不妙......唯有當自己求其打個邊爐算吧:(, 就點了蕃茄湯底, 試埋佢個shabu shabu「 酸汁」(店方係咁稱呼的), 酸度同陳醋差唔多.....竟然有d慶幸自己臨時調節左心態, 無再insist 食shabu shabu!!論食物質素, 無論肉類, 蔬菜類, 粉麵類以及飯類, 水準均不及另一間shabu shabu 連鎖店, 同酒樓任食火鍋相比款式又唔夠多, 夠竟個定位想點呢?希望大家唔好比個所謂「名牌」雪糕蒙蔽吧!!…Read More

尖沙咀又一雞湯拉麵登場，而且又係由日本引入，當然要去試一試，可惜大失所望。:(招牌拉麵，好失望，湯好油，我唔介意，但油得黎一d雞湯味都無! 即刻好掛住鳥華的湯頭:(好彩仲有呢隻溏心蛋可取，但總唔會比$7x 食碗麵只為呢隻蛋吧~肉質唔夠淋，一風堂的好食多了當香港越來越過江龍拉麵店登場，大把有得比較時，未夠班真係唔好亂引入，丸玉日本分店未試過，但試完香港呢間，突然想起康龍.......o係日本質素明明好ok 的，就係比香港攪死左.......…Read More

紅磡堂食韓國菜選擇不多，所以此餐廳開張不久已吸引不少食客等位，呢度並唔係一坐低就會奉上各式小碟泡菜，因為係收費的，五蚊碟，款式任君選擇，味道正常。油花四濺的燒五花腩，鐵板超燙，燙到五花腩口感接近香脆! 可惜係完全無味! 亦無任何烤肉汁附上，最後要問人拎醬油(其實係豉油而已!)同鹽巴....大好五花腩就給糟蹋了:(最後來個人參雞湯，完全同超市包裝好的沒有兩樣，雞肉非常爛，味道又係偏淡，我點解要上館子食呢d貨色呢?價位好平，各樣菜式大概$3x to $5x 到，但碟頭相對地細，份量係一至二人份而已!希望以上經驗純粹新開張未穩定啦，有待改進:(…Read More

因為同事有$50 coupon, 所以就來試試Lunch Set, Order了海鮮麵豉湯。先上三款前菜, 嘩, 估唔到黎食韓國野都會有炸菜食! 中間的泡菜竟然偏甜....難吃(唔係現成外購的嗎?) 剩下一碟就無咩味道....海鮮麵豉湯內有大量薄切蘿蔔, 其餘只剩碎碎的急凍海鮮粒(如蜆肉碎, 八爪魚碎...etc), 退而求其次想搵條蟹柳都無....呢個set 可以賣到六七十蚊, 相信大部份係用黎交租的..........:(就算有coupon 都唔會再幫襯了!…Read More

為了「志在必得」某日的Window Seat, 所以四個多月前已訂位，電話訂座後就收到email確認，清楚列明地點，dress code。四個月後，用餐;兩日前收到reconfirm 電話，亦pre order 了一些service ，店方態度十分友善，讚!最喜歡並不是Parma Ham, 而是最重口味的SAN DANIELE HAM'正' 係比份量, 味道方面....個人都係喜歡黑松露多D好多人讚呢度o既意大利粗通心麵, 我就覺得不過不失Tosca 的招牌甜品- Tiramisu 未獲太多好評，所以就無order，但估唔到店方得悉席間有人生日，竟然有complimentary，真正的驚喜!味道方便未至於差，但就真係食唔到酒味，對於酒味不太著重的可以一試。最後加埋Petit four，兩人食真係超飽呢~~Tosca氣氛頗causal，沒有一般酒店餐廳的formal，各員工都親切有禮，環境就更不用多說，所以用餐心情十分良好，但就略嫌Staff 細心得滯，收碟快左dd....有少少annoying，總括而言，雖然食物質素不算十分出眾，但都會希望下次可以日間時分再來試埋Lunch的。:) …Read More

呢度午市套餐有一人餐, 二人餐...etc.........不單止價錢同模式,就連菜式都同附近的老牌印尼餐廳90%相似!! (呢度餐茶只有普通飲料選擇)Order 左二人餐: 加多加多, 咖哩雞, 粟米餅, 串燒, 白飯, 餐飲味道呢? 就同老牌餐廳爭好遠.......加多加多: 一pat不知明醬汁放上蝦片跟椰菜，完全不是那回事......咖哩雞: 只有辣味，香味欠奉粟米餅: 一堆粟米炸在一起就叫粟米餅....串燒: 味道還可以 選擇o係老字號附近開業挑機, 但食物質素卻不及人地一半, 作為普通便飯一餐亦唔合格, 無覆桌餘地亦唔會推介比朋友…Read More

早前於團購網站發現此大阪Daruma串炸店登錄香港, 第一時間購入現金券, 但十月中想book位時, 打左多次電話都係無人接聽, 到終於有人接聽時,對方竟然話裝修, 要十一月頭才恢復營業, (新開張無耐就話裝修, 係咪有d可疑? 我第一時間只聯想都食環.....) 落到商場, 逛了一圈也發現不到有'Kushi Studio'的蹤跡, 拿coupon出來望清楚店舖號碼, 才發現該位置已變作一間叫'Royal Oak' 的餐廳!! 甫坐下已心感不妙, 看看餐牌亦已面目全非, 跟團購網站登出來的完全兩碼子的事, 午餐少左一半選擇，魚生飯類別已完全消失。幸好仍然有串揚套餐, 就叫左一個普通串揚套餐$58 +10%, 及海鮮串揚套餐$68 +10%, 各跟前菜(青瓜數粒), 白飯, 麵豉湯及餐茶。另加炸蠔, 炸帆立貝及炸虎蝦各一串 ($18@ +10%)雖然炸皮跟食物分離, 但味道未至於難食, 不過看到如此賣相確實有點倒胃吧~~好難相信一間自命係承載日本串揚元祖Daruma的日本餐廳會有如此的presentation. ....比蠔豉還要細的炸蠔, 跟手指size相若的「虎蝦」同唔知自己食緊乜的帆立貝, 盛惠$18x3 +10% 我慶幸自己係買左半價coupon 黎試菜......... …Read More

得悉面面圓是來自翡翠集團其下的，就滿心歡喜地去食我最喜愛的蔥油拌麵，可惜餐牌上找不到，有點失望....卻發現有口水雞拌麵，那就試試看！有點奇怪的口水雞，沒有麻，只有辣，不好吃。而且雞件還有酒味....就像用醉雞撈撈辣椒油就算.....但隨麵奉上的雞湯味道就非常濃郁，跟與翡翠吃到沒有兩樣!小籠包亦跟翡翠吃到的不相伯仲，鮮味夠，沒有失色。總結來算雖然水準不是十分高，但已比現在的王家沙好得多了。…Read More

如果唔係跟同事去食lunch, 根本唔會考慮呢間港式日本料理, 所以好保險地選擇了最平的Set Lunch, $38 的滑蛋牛肉飯定食。滑蛋牛肉就係滑蛋豬扒飯的變奏, 另有雞肉可以選擇, 滑蛋味道完全不對辦, 沒有味啉的味道外, 少少甜味都無, 同茶記滑蛋牛肉飯無咩分別!! OKOK, 我知呢間野sell 豚肉的, 我就comment 一下每個set 都有的豚汁! 三個字, 好‧難‧飲! 雖然見有d 湯料, 但味道好淡, 連普通麵豉湯都不如........我覺得有少少似開到好稀的即食麵味精湯。另外送o既小食係超市常見的即食螺肉, 甜品係一碗類似椰汁西米露的東西, 呢間舖頭係咩葫蘆賣咩藥, 唔洗講到咁明吧~~…Read More

新張期間去幫襯, 見灣仔總店食評不太差, 所以就一試，結果大失所望。平日的晚上, 只得三兩枱客人, order 左五六樣野, 竟然有兩款係"無".............有點匪夷所思........食物價錢唔平, 自然期望提高, 但食物質素只是一般, 唯有寄望燒肉汁可作調味, 但估唔到如此格調的日式燒肉, 燒汁味道完全不對辦!!只得個咸字, 我相信到日式超市買任可一支燒肉汁味道都比佢好!!跟伊呂波那些相比, 葫同當然不入流, 以呢個價錢....我寧願由紅磡轉登搭車去食番盛八, 牛角.......…Read More

份量好少, 價錢唔平, 仲以為以質素取勝......原來自己想得太多.....$6 三小塊燒雞皮: 但鹽就一D 都唔吝嗇, 習慣濃油赤醬的我都頂唔順$7 OR $8 兩片粟米(加埋都無半條): 好彩都算幾甜下, 同樣價錢去附近串燒阿姐度應該會有一個DOUBLE 溫馨提示: 有時間先好去, 因為D野要燒好耐架 (EVEN 當時只有自己一個客而已)…Read More

好耐無post 食評，但今次真係忍無可忍!因o係呢頭番工，所以平時間唔中都會幫櫬，但並唔係因為佢地特別好味，只係唔想成日重覆食同一間食店，所以就週圍幫襯下。。。呢度都幾多客，由其係朝早外賣早餐同午市，可能d 阿姐做到踢晒腳，有時都幾亂，不過忙中有錯，我都會睇諒。但有位阿姐(唔係著制服的那位)，變臉變得好快，雖然向個個客都叫靚仔靚女(講真..真係頂唔順)，講"靚仔靚女埋黎坐啦~~~"時好好聲氣，但當你落單時就悔悔氣氣，最近有次買早餐，一個跟一個排隊，我已order 了，企o係度等緊時，呢位變臉阿姐背住我問小姐食乜野，由於我已叫晒野，佢又背住我，唔知佢同邊個講。。。所以我無應佢，照理就應該係下一位應佢，但呢位變臉阿姐竟然擰番轉頭拍晒手大聲喝我:"食咩講啦!" (爭在未dum地吧?!) 隔黎位制服阿姐幫我答佢話我已叫左....我唔想同佢嘈，轉身就走了我見識少，真係未見過人咁做生意。。就算係普通待人接物，都唔應該態度咁惡劣吧?!就算你賣既食物幾咁好食，咁既態度我都唔會再幫襯。。何況唔係特別好食，客人為咩要受你氣?…Read More