Riceduncan's Profile

位於中環娛樂行商場入面有一間古式格調食點心嘅餐廳，因為餐牌字體太細有老花睇唔清楚，總之基乎推介嘅都有點，人叫就食啦，師傅教落寫食評最好影餐牌，不過今次多款點心造型關係，相片已到上限，菜脯煎蛋餅、芋蓉焗布甸、蛋黃千層糕、酥皮焗叉燒餐包均非常美味，秘製六堡茶去油膩，不過茶位醬油收費屬於昂貴，幸好有老板們通融陪付，總括位置非常方便、點心選擇多，環境優雅，要嚟最好預早訂枱，食完有時間仲可以過隔嚟睇返場戲。…Read More

原來炮台山站呢間酒樓換咗手，今次膽粗粗跟住人嚟食晚飯，坦白講裝修服務一般，不過睇到餐單設計用心，感覺驚喜，而且食物質素和味道都算有水準，如果要挑剔糖水最遜色，但其實食完炒飯都已經超飽，無特別食碗紅豆沙，包房仲有卡拉 OK 總結全晚氣氛唔錯。精美前菜拼盤鹽燒鮑魚、冰燒三層肉、陳醋海蜇頭、泡椒脆魚皮主菜金箔白雪藏龍鮑汁金錢扣花膠黑松露堂煎大元貝姬松茸螺頭竹絲雞燉海參冰鎮咕嚕西班牙黑豚肉清蒸大海虎杉斑大閘蟹粉扒豆苗潤宴招牌食神炒飯精美甜品…Read More

姚姚可能就係門口生招牌公仔個名，餐廳以粉藍為主色調，內裡光線十足間隔整齊，電話自助落單，食物款式繁多，我同朋友不約而同都揀咗手打麵，自選配料感覺有啲似高級版車仔麵，入口味道正常，跟餐奉送一杯手打檸檬茶，檸檬味道濃郁，另配自助冰粉，感覺抵食，本來想試埋佢烤鴨做緊大特價，不過已經好飽唯有留待下次，餐廳位置算方便，喺商場 13樓，銅鑼灣地鐵站出嚟地庫沿路一直都有好多嘢睇，如果時間有多，仲可以落兩層誠品睇書。…Read More

呢間餐廳嚟過兩次，喺因為第一次食唔到，但係見到隔離枱食，終於第二次再嚟，為咗要食到佢，最重要第一，佢夠熱，第二睇住隻蛋熟嘅過程都幾特別，第三份量夠多食得完都唔使再加其他點心，講到份量同區大型商場入面冰場旁邊一個 food court 有間點心又係巨型嘅，蝦餃拳頭咁大，講返呢間連鎖店式點心餐廳，雖然我今次只有一款食物，不過總算係我一個人出去食飯嘅真實體驗和推介，至於位置鰂魚涌站有點距離，至於其他服務等方面中規中矩。…Read More

難解人越嚟越講究緣份，又會喺商業區開開一間嚐藝館，風格當然同中環總店、機場分舖有啲唔同，不過始終係走高檔路線，裝修排場同服務就唔會差，食物方面，試業期間選擇唔多，我哋揀咗招牌燒鵝髀，醬汁鮮黃豆秘製，罕有咁完全清碟，不過驚喜來自於佢嘅蓮藕肉餅，素材十足啱晒食素朋友，另外椰香麻花都十分出色，加埋粉果炒牛肉飯，非常飽足，一壺菊花一壺普洱，自製菊普，連埋茶芥加一雖然稍微超出咗我哋預算，當係開吓眼界俾自己豪一次咁上下。…Read More

蓮香三戶—蓮香樓、蓮香居、蓮香棧，其中蓮香樓最老字號，據說總店係喺廣州。翻新咗之後今次第一次嚟，大致上保留返傳統茶室風味，仲有得 OpenRice 訂位，感覺方便。茶樓開 6AM ，佢話可以飲到 4PM ，好多街坊支持，有飲開西茶嘅人，一個人，隔離有人客著旗袍支持。另外，大門口蓮香茶專賣茶品和特飲，行過一個舖位有蓮香燒臘。伙記十分熱情，示範泡茶斟水、上點心、帶位影相都無問題。食物方面好多選擇，有半自助式有煎腸粉車，味道唔錯，埋單價錢中上。…Read More

位置便利嘅世貿中心前面，可以欣賞到怡和午炮嘅餐廳唔多，一幻係其中一間，人流雖然唔多，但如果想坐海景位置最好都係要訂位。二人同行優惠做緊極上海鮮蝦湯拉麵，手機自助方便左加右加，選擇係唔少、蝦大大隻、味道亦都十分濃郁，份量夠多，唯一嘅係湯底唔夠熱，之前嗰啲食完麵碗湯仲超級熱嘅。話雖如此，我覺得整體來說都算唔錯。另外，我哋發現咗日本知名 Afternoon Tea TEAROOM 除咗尖沙咀，仲開咗喺隔離，下次可以再安排去試。…Read More

已經試業咗兩日先過嚟食，原來太古城都有，馬鞍山就係第九店，所以會有幸運大抽獎慶祝。店舖間隔十分寬敞，可以坐得幾舒服，不過揀咗張門口枱，感覺似金魚被人行過欣賞多，同埋音樂好似大聲咗。今次試過佢嘅招牌香餅同咖啡：唔錯。香餅—似日本麥記，熱香餅跟沙律，香餅黏住落肚，有驚喜。忌廉咖啡凍特濃—相信第一次飲啱，係將忌廉攪勻啲咖啡，而唔好係雪糕咁食咗忌廉先飲，但對於鍾意 Affogate 仲要指定係紅豆雪糕嘅，其實先後分別不大。…Read More

料理長推介 — 舞🦩同朋友揀咗舞鶴慶生，臨時電話訂要吧枱，仲可以坐返同一樣果位，近距離觀賞師傅表演，上次乜都唔識，今次做埋功課開心分享，唔識可以即刻問，投入感多咗。順利入座之後，我哋揀咗壽司 12貫及手卷，仲話有 75折，十分優惠。好快上完和風沙律茶碗蒸，馬上進入戲肉1. 真鯛豉油熱下身、甜2. 間八魚鮮、煙韌3. 帆立貝飯黏4. 時不知鮭魚邊食邊聽時不知魚嘅故事，感覺軟綿綿5. 池魚蔥蓉惹味、有和牛口感 5⭐️⭐️ 👍👍6. 赤貝海水味濃7. 九州蝦蝦膏惹味，蝦身鮮滑 👍8. 鰹魚火炙、厚肉 👍9. 中拖羅滑、微鐵锈味 👍10. 梭子魚魚嫩、甜豉油酸飯味融合 👍11. 海膽海膽、紫菜、飯，一啖太快吞咗，食咗至寫12. 大拖羅熱、蒜片好味，搶住追落肚 👍手卷. 雜魚手卷可以盡情咬落去。知道師傅有手習慣，如果每件都整到手卷咁大份就超理想。之後係湯和甜品，上次紅豆雪糕加咖啡，一試難忘，可惜今次換咗柚子雪葩。另外綠茶，正宗日式大碗上超有風味。…Read More

我食過樓上嘅天天海南雞飯，所以感覺裡裡外外都好相似。首先，佢哋用泰國米芝蓮名廚作招徠，其次，雞係東南亞主要美食之一，佢會用不同做法吸引人試。之前行過望入嚟淨係見到有好多燈，好多人，今次實地考察過環境係幾舒服。我叫嘅果份燒雞本身已經好惹味，再配上微辣薑蓉汁，非常好食。不過餐牌有話配湯就無送嚟，我又唔記得追，但有跟贈飲龍眼冰解渴。隔離位師姐好識食，佢點嘅蟹膏蝦多士、泰式香蕉煎餅、同埋泰式椰奶咖啡，賣相都可以試。…Read More

第一次食呢間意大利餐廳，感覺高級除咗因為佢位置喺商業區，仲有佢哋嘅食物水準和服務態度方面都好好，介紹話意粉係人手做，我份巴馬臣忌廉菠菜合桃寬帶麵，齋齋哋但可以將意粉嘅質素同口感，成功帶到 C位，另外巴馬火腿拼巴馬臣芝士都係正確嘅選擇，你絕對可以完成全份餐感覺啱啱好。最後，甜品意式奶凍比平時大杯，我只能話味度適合我，而且能夠完成自己開始嘅事感覺好好，亦應該係我最多說話的一餐。場地人物時間都好，只會嫌佢發生得太遲。…Read More

原來一直都睇漏咗，同事介紹抵先過嚟食，仲預先提醒會爆，我哋已經專登提早，當然有位，不過見到三份二嘅枱都被人預訂好，感覺就相當逼夾，我哋食完馬上埋單，見到門口仲有好多人等緊位。講返餐廳招牌係牛舌定食，人人都點，廚房幾份一齊出，搞到我哋點嗰份和風炒牛肉御膳、豚肉生薑燒御膳，要半個鐘先至有。話雖如此，食物是非常美味又大份，兩個人都食唔晒。最後要提，因為地牢位置關係，我手機全程沒有訊號，影響咗今次用餐體驗。…Read More

預訂前排枱景觀開揚，環境一流，子彈𨋢唔使一分鐘上到 62樓，啱啱出𨋢嘅時候個人會感到飄飄浮，我計過大概一個多小時旋轉一圈，基本上可以完整欣賞到維港兩岸及外圍景色。今日天朗氣清，渴望能夠同時看到雨景彩虹就好，呢個收費如果話三分之一係景觀，都唔算過分。食物方面，味道良好，款式夠多，鮑魚雞粥和蒜蓉芝士蝦春卷回頭指數極高，其他仲有松露蜜糖烤雞翼、叉燒、墨西哥雞肉卷、朱古力噴泉、琥珀合桃，多款日本小食和甜品。餐廳服務和衛生大致合格，我要好好記住呢一次體驗。…Read More

同事形容係高級版壽司朗，價錢又比居酒屋便宜，新開咗一段時間終於有機會試，感覺食物質素相當有水準，壽司湯烏冬簡單易見真功夫，壽司用醋米，比壽司朗精緻，麵豉湯濃，夠熱，同事特別推介鯛魚湯夠味，天婦羅伴碟有綠白兩款味粉，正常會揀白色。埋單平均用呢個價錢，可以食到咁多咁美味，飽，又坐得舒服，雖然限時用餐 60分鐘，依然有人肯熱住咁出面等。今次有段小插曲，上餐其中一份配亂咗，前後出動咗四名店員至講得返啱，繁忙時段明㗎啦。…Read More

好耐無出嚟機場，今次有機會嚟返呢度已經完全唔同咗。眼前有一家大細回鄉探親嘅、有等上機出埠遠遊、也有喺度休息充電嘅，好喜歡睇住呢啲畫面，洗滌下自己。我行咗一輪都係行返轉頭，見只有鴻師傅需要排隊，相當有吸引力。我試咗佢 L07 黯然銷魂飯套餐，有叉燒煎蛋飯，白飯，老火靚湯，蘿蔔小食，另加 $5 轉特飲檸檬可樂。如果喜歡欣賞航機升降人來人往的，我覺得有機會下次可以過嚟，因為除咗食物之外，仲有呢度嘅環境叫人滿意。…Read More