派冒專員's Profile

為左個咖椰爆漿而黎！餐廳原來採用自助服務～好似food court咁肉脞麵可以選粗麵／幼麵／老鼠粉，我選了粗麵～成碗野好多餸，有肉脞、豬肝、魚蛋、滷冬菇、豬油渣、生菜同炸雲吞～另外仲有碗湯，偏淡 岩哂配濃味既麵，可以就咁飲／撈麵食炸魚片米粉 個湯係用左魚湯做湯底 味道幾鮮！仲有幾多炸魚片、白菜、蕃茄，清清地又好食！Kaya overload真係好邪惡！ 食到有煉奶、榛子醬、花生醬、美祿粉，同厚厚既牛油！好豐富既味道～切開都有成６舊 好夠食！黑白其實係仙草豆漿，味道ＯＫ！斑蘭薏米水消暑解渴，薏米水入面飲到淡淡既斑蘭味～…Read More

魷魚薯蓉沙律：好有層次！溏心蛋好正☺️酸酸甜甜既薯蓉超開胃～又綿滑～下層仲有有魷魚同青瓜 超豐富紫蘇芥末豬五花腩、豚肉蘆筍串：呢兩隻豬肉咬落去好多汁，而且燒得啱啱好唔會韌，各自配上唔同嘅料，味道都唔同啲燒白鱔：白鱔好少燒嚟食，原來食落去質地好脆之餘魚味亦都會保留得返，唔錯！明太子雞肉串：明太子同雞肉好夾，明太子鮮味帶出雞肉肉味！厚燒牛舌：牛舌真係勁厚切，勁有有咬口，加埋少少調味已經好好食牛小排配蘿蔔蓉醋 ：牛小排肉味超香濃，食落都juicy 配埋蘿蔔蓉醋一齊食😋火炙牛小排拉麵：湯底係勁濃郁既黑蒜油豬骨湯，一上枱好香嘅黑蒜味撲鼻而來！仲有幾塊大大塊既牛小排！滿滿又油脂超滿足🥰…Read More

放工就同同事去左食餃子，呢間自家製手包餃子專門店係元朗都幾出名，所以我地就去左食喇，睇下係咪真係真材實料先~呢到除左有煎餃湯餃之外，仲有麵可以食，我地兩款都叫黎食~近期都食左好多熱氣野，食之前飲番罐涼茶消一消熱氣~我地叫左款新派口味，就係芝士粟米煎餃，見到佢係餐廳推薦，入面包滿左芝士、粟米同豬肉餡，芝士味真係非常之濃郁，粟米一粒粒好飽滿，煎餃配上一碗是日靚湯，無添加味精，所以全部都係真材實料熬出味，飲完都唔會覺得口渴，好飲!我地仲叫左一碗大白菜鮮肉湯餃配菠菜麵，咁就可以一次過試哂煎餃、湯餃同麵，湯餃隻隻都大大隻，好飽滿，樸實美味，豬骨湯滲哂入湯餃入面，有陣陣肉嘅鮮味，菠菜麵好爽口彈牙。我同朋友都好鍾意食餃子，呢間就岩哂我地口味，話唔定會成為我地嘅飯堂!…Read More

呢個星期突然凍左好多又係時侯圍爐打邊燒野食取暖，今次聚會揀左係韓燒，任食爐明碼實價任飲任食，係我地一班人聚會之選。燒韓燒收一個價錢，比起單點實惠得多，可以放開懷抱去食都係收一個價有泡菜、芽菜、海帶小食3碟，有舊大蘿蔔，係用嚟卒燒焦左既爐面，唔係食的等燒肉熟之前，點左D熟食:辣炸雞、餃子揀食韓燒都係碞我地班食肉獸，以燒肉為主，呢度肉類選擇都幾多，仲有海鮮燒，有蠔、扇貝、蝦、魷魚，任食韓燒黎講有得燒埋海鮮，都算性價比值好高。 醬汁自取，食物上枱速度好快用餐報紙點，有牛肉豬肉雞肉海鮮同菜，種類都算多肉類首選晒最愛燒牛仔骨同辣味五花腩，前者薄薄地一片，易快熟，好香牛味，入口JUICY後者簡直係無敵, 入口即溶，油脂爆香海鮮方面都無得輸，蝦夠大隻同新鮮，蝦肉燒完札實得黎肉身好彈，啖啖肉燒扇貝都好正，味好鮮，不過隔住個殼就要燒耐D，建議可以一開波放係爐邊邊燒肉就邊烤貝殼類，省時得多另外，要大大力推既係芝士蠔，爆汁超JUICY搭埋芝士既香, 碞晒我呢D食海新鮮都鐘意加蒜蛄豉油既重口味人士總的來說地方走動闊絡，枱與枱之間有距離，坐得都好舒服，， 食物選擇類型多同新鮮，仲有海鮮任燒，超越性價，圍爐之選…Read More

估唔到係旺角都會有呢種有格調嘅半fine dining ，點解話佢半fine因為食物質素同擺盤我覺得好唔錯，但係價錢好合理，完全唔貴。好鍾意飲佢個餐湯，係南瓜湯，好creamy，有南瓜嘅甜味，甜得嚟唔假。另外食咗個幾得意嘅，以為係千層面，原來入面係一層層唔同嘅菇同菌，配埋千層面嘅醬，好好味仲無咗d菇嘅青味，令唔食菇嘅我都食咗好多，同埋都幾飽肚。另外burger同扒，不過不失，都有水準嘅。burger都非常足料，不過件牛略略有啲乾。總捨嚟講，我覺得係旺角咁方便嘅平民地區，有間樓上靜靜地，裝修唔錯嘅半fine dine ，真係唔錯，唔使成日同人逼，食得好舒服自在。…Read More

深水埗有間食粉麵係朋友間都幾出名，主因係佢地話食過呢間豬潤好好味，咁岩今次出去買野，就係後面條街，行過少少就黎試一試佢賣點就係瀨粉，一碗瀨粉原來都好多份量，所以我加多2份餸已經好夠食，再加多2份小食同飲品，真係好飽雲吞好大粒，包得實，餡好足料，粒粒夠肉豬潤一D都唔韌，仲要好有味，真係好食過出面好多呢到瀨粉唔知我地平時食開個D，係比較彈牙實色，應該係手工野，就算清湯都唔會好淡，幾好味，冇咩味精，食完都唔見口渴另外我地配多左炸雞翼同蕃薯條，雞翼真係炸得好脆身，又多汁，好好味至於蕃薯條，條條都好大條多肉，佢呢到係配個泰式醬比你，都幾新奇，其實單食都幾好味值得一提既係呢到既檸茶，檸檬好新鮮，而且比足4塊你，一D都唔澀，茶底好味，好飲過好多茶記…Read More

三五知己gathering 唔一定要烚吓烚吓打邊爐，圍埋一齊食下啲特別野都好唔錯，今次就專登提早book定枱黎食私房菜，尚鮮依間店好多人都以為得火鍋，查實佢個私房菜都好得。環境唔錯，設備齊全，店員服務態度好今次係私房宴，同朋友坐底左之後，店員拎左個菜單比我地睇，我地當然急不及待啦。坐左陣，頭淡湯就上，今次飲既係花膠燉雞湯，一人一碗，飲第一啖，我同朋友都覺得好正正子，又清甜又足料，有想飲多碗既感覺。之後分別都黎左幾度菜，每度都食到我好滋味😋😋😋😋依個係金銀蒜葛絲蒸大扇貝，特別在既係佢唔同平時用粉絲，佢係用葛絲，好似食緊薯粉咁，不但只咁，廚師幫我地起曬肉先上，夠方便😋😋外脆內軟，生蠔肥美又多汁😋依個係爆脆炸生蠔，中意食生蠔既我，真係覺得依個菜不得了 ，又大舊，好食到忍唔住食埋朋友個舊😋😋再黎唔少得既招牌避風塘炒肉蟹，平日少食蟹既我都食左幾舊，每一舊都係啖啖肉，好快就成碟清曬😛食到一半已經好飽，但都無影響到接落黎既菜，繼續食，食番下啲菜呀魚先，都一樣咁豐富滋味😋露筍松露炒雙蚌，第一次食露筍，原來咁好食😋😋籠仔龍蝦蒸荷葉飯，唔好睇少依個飯，真係好豐盛，好大碟，龍蝦亦好鮮味多肉😋😋上埋依條清蒸大海斑就接近尾聲啦，條魚大之如，魚肉仲好滑好鮮味😋😋食曬咁多度菜之後，一個字總結，正呀。食物好之外，店員既服務態度都真係好唔錯，好有心咁提供服務比我地，而且價錢都唔貴，一人都係300幾蚊，下一次同朋友聚會又多一個選擇啦。…Read More

冬天開始，最好就緊係打邊爐！朋友同我去呢一間吞POT，貪佢就係有得食佢自家既芝士響鈴，因為食過真係返唔到轉頭❤冬天凍凍地就緊係叫個滋潤螺片花膠雞煲黎潤一潤啦，我地人少少就只係叫半隻雞煲食，雞唔會好肥，成個雞煲唔會好油，而且都有好多花膠係入面自創爆芝響鈴係我地黎既目的！入面真係爆芝架，芝士夾埋響鈴真心好好味，我自己就鍾意唔好浸到個響鈴太淋，少少脆脆地就最好食！十全大寶丸就岩曬鍾意咩味都試下既人，我地鍾意佢地呢到D食物夠創新，唔係淨係普通咩豬肉丸、墨魚丸個類打邊爐就緊係必備特級美國肥牛，片片都切得好平均，同埋D紋真係幾靚，食落都幾有牛味脆肉鯇腩都好夠新鮮，肉質食落一D都唔霉，鍾意食魚既都可以點下呢個除左打邊爐料之外，我地仲有叫左呢到特有既Wasabi牛柳粒，少少wasabi攻鼻，但係配埋D牛柳粒又幾好味，幾香牛油香，牛迷可以一試！…Read More

今日好開心地再去nene chicken 到食雞,因為佢地韓國既雞已經好好食, 番到黎香港好彩都會有佢地分店我地叫左個仲夏set, 因為廢事煩諗太多而加申請會員仲有折,幾好幾多優惠首先一時唔小得韓國既前菜,有粟米,泡菜同蘿卜粒我叫左杯西瓜特飲西瓜味都幾濃,應該真係新鮮西瓜榨汁,因為我好怕飲到合成味既西瓜幾清甜韓式醬炸雞呢個都可以話係佢地既招牌炸雞,因為去到韓國我都係點隻去食,唔知味道會唔會有唔同呢食落都係外脆內軟, 韓式醬甜甜地,酸酸地好鬼開胃,加上杏仁片脆卜卜就口感更豐富,同韓國差唔多之後係雞胸沙律雖然會比較乾身,但係d菜都幾新鮮,唔會食落有苦味, 加埋沙律醬幾開胃雞胸乾身主食 溶岩之芝士皇室豬肋骨x炸魷魚首先芝宜已經好邪惡, 加埋皇室豬肋骨,哇….肉加本身個醬甜甜地, 加上微咸既芝士,個味好突出好邪惡, 豬肋骨咬落唔會硬,岩岩好,肉質都幾鬆軟,有少少肉汁,不過呢個唔夠而邪惡, 炸魷魚點芝士先叫邪惡, 炸魷魚脆卜卜加上微咸芝士,正整體質素幾好,值得一試…Read More

今日行去荃新天地行完街，地方都有不少食市，其中有間就是米線陣食過都不錯，而且被門口的海報吸引了，炸雞扒配蕃茄米線，價錢五十元都不貴就入去食，因為差不多收工所以入面不多人，食物未到又要出去付錢，其實如果知道要提早付款，可以我入去之時可以付錢先，又出去有點煩，自己拿了水一陣，食物都幾快來到，雞扒都幾大份，仲要幾香口，食落去好脆口而入面的雞都幾滑身，仲有點辣夠惹味，脆皮不太大片可接受，又夠熱好食。麵的湯底有點淡但都可以，蕃茄碎不少，米線口感都幾好，有驚喜的新品。…Read More

聽朋友介紹呢期有間地道兼創意雞煲火鍋值得一戰，咁就聞名不如一試啦。我坐個位，晚市夜景伴隨住一巢咕姑固（公仔）黎食佢同類，個風景都幾別緻～一開波點完菜就黎左個九宮格，原來係醬料大集合。混醬！緊係要整番碟又辣又多蒜嘅豉油先夠霸氣架啦～雞煲叫左中辣，太辣點算好？咁咪大檸樂囉！飲品大檸樂夠大杯，檸檬有醃過夠酸夠鹹，止辣解渴一流。原本想叫鹹檸七嘅，但我都係鍾意可樂多Ｄ，夠澎湃。跟住輪到第一ｒｏｕｎｄ主角雞煲啦，聞到都覺得正，不過唔好大力吸，Ｄ煙有少少攻鼻攻眼。滾左一陣撈起兩舊試下，雞肉岩岩熟肉質鮮嫩，索左湯汁之後風味好足，中辣辣度岩岩好，一路食口水填滿口腔，好評！食哂Ｄ雞之後，按照傳統個湯底就當然唔好浪費啦，加番Ｄ清湯就變左雞味濃郁又有少少辣嘅湯頭，拎黎打邊爐岩哂。之後黎評下Ｄ配菜：花枝片：爽口，彈牙，相當容易入味。推薦。菜菜籃：有唐生菜、金菇、冬菇、雞脾菇。幾新鮮，解膩必叫。建議撇左面頭Ｄ油先落。手打芝心牛丸：厚實彈牙多汁，加埋芝士流出黎拉絲個種感覺，冇得彈！爆芝響鈴：重點推介菜色。響鈴本身穌脆，浸落湯個幾秒除左軟化左外皮，仲熔埋中間嘅芝士，啖啖濃厚芝士香味，口感同味道層次都好豐富。牛柳粒：牛味較重，每舊都有少少脂肪帶出油脂香味。五至七成熟肉質岩岩好。薯粉：入口順滑，咬感爽口，ｆｅｅｌ到有彈性，味道質素都算上乘。總結黎講，食物水平高，又幾大份，ＣＰ值唔錯。鍾意地道特色雞煲火鍋嘅都推薦黎試下～…Read More

和舊同事出外聚會，吾想行咁遠見到有間素食任食價錢$138/位，不用加一價錢都吾貴就入去試一試，食品方面選擇還可以，沙律有芝麻醬都新鮮不錯，泡菜偏辣，醋蛋入味薑都夠辣度，菜整體都新鮮有四至五款選擇但熱度只屬一般。漢堡包幾靚但决有失望，味道一般，南瓜批驚喜不錯，薄餅口感都夠脆口帶微溫，炒麵偏濕但熱度夠，豆腐味道不錯淡淡地幾清。甜品選擇蛋糕二款味道不錯，糕點偏淡味，生果都新鮮。杞子茶淡身少少但可接受，黃瓜湯味道濃郁好味道，仲有粥同糖水只屬一般。這裡坐得舒服而且都幾乾淨，最後我地坐到九點半先離開。…Read More

今日終於到最想去嘅旅行終於來啦，因為班機比較夜，所以最後就決定咗去機場吃晚餐。去到選擇感覺上唔算好多選擇，最後見到味千拉麵，就去咗試吓。見到佢有機場限定豬軟骨配魷魚圈再加個汽水，大約120多元，價錢喺機場來講還可接受，由排隊至食物大約等左10分鐘嘢，食就嚟到。豬軟骨味道普通，湯底的辣到反而有驚喜唔錯。面質就淋身，份量吾太多。之後就食小食魷魚圈，絕對失望，個脆皮好淋又連魷魚口感都冇。而泡菜好乾身，而且都是冇乜味。最後就係汽水汽水可能係百事關係？所以感覺上係十分之甜，整體來講感覺上係始終市區好食過機場。…Read More

平時真係好少入南昌，咁啱有朋友搬咗去個頭，一切同佢食番餐，佢話想試下呢聞新野，日本野我啱食，食完，水準都幾好。間店啲裝修好靚，有D似日本漁村居酒屋設計，我地叫咗醬油濃雞白湯拉麵、黃金軟殼蟹、鰻魚柳川鍋，自家製玉子燒，柚子胡椒醬雞肉串和醬燒美國安格斯牛肉粒，都係約500蚊，取價公道，整體水平很好。醬油濃雞白湯拉麵，湯頭非常鮮美，濃得唔算肥膩，也沒有豬骨湯過份黏稠，拉趣爽滑彈牙，很有掛湯力度，叉燒做得非常好，又香又腍的肉質，跟銅鑼灣索價百多元拉麵相比，實在勝價比較好高! 黃金軟殼蟹，相信係用咸蛋粉漿來酥炸軟殼蟹，食落咸蛋味好搶也惹味，加埋香脆的軟殼蟹，好好食。玉子燒做得香軟，內層相常嫩滑，有滿滿的蛋味，串燒也很美味，如柚子胡椒醬雞肉串，雞肉鬆軟而柚子胡椒醬有獨特橘香和辛辣，真係好夾，安格斯單單來比貨高質已非常美味，不用加醬燒亦可。至於鰻魚柳川鍋是我整晚的最愛，鰻魚鮮香汁醬帶甜，蓋係上面的蛋漿又如此渭溜有蛋味，還帶點鰻魚汁嘅味道，相當好食，推介!…Read More

高質平食泰國菜朋友聚會，是晚選擇了這間位於加拿芬道，面對K11的新泰。餐廳地點方便，門面裝潢很泰國，有竹有水，泰relax!沿著特式牆前往地庫，就見到寬敞的用餐區。由於時間尚早，餐廳只有數台客人，但過了不久就爆滿了！前菜先點一份醃無骨鳳爪沙律（$68）- 鳳瓜彈牙少筋，配微辣沙律很惹味！然後是炭燒豬頸肉（$68）- 份量與質量皆有驚喜！炭燒味香，豬頸肉又有咬口，正！串燒（$88）- 大大串的豬、牛、雞肉，醃上特制香料燒，與豬頸肉一樣有咬口，夠過癮！最後是泰式蝦炒金邊粉（$98）新泰的金邊粉偏向乾身，有大概3隻蝦仁，伴有不少花生碎及青檸作調味。最後最後：會再來吃的！…Read More