veggiechung89's Profile

不論平定貴嘅酸菜魚都食過好多間，見佢大大個招牌寫住自己叫太漁老壇酸菜魚，以為都唔會衰得去邊啦，點知伏到爆炸。魚嘅質素已經唔想多講，叫左中辣，但平時食開辣野都食唔到，辣到成個湯變埋紅色，好恐怖。辣到完全冇哂酸菜味，加萵苣要廿幾蚊都算，俾勁幼嘅萵苣絲，搵左勁耐先喺兜魚度搵到十幾條🤯🤯🤯🙄🙄🙄🙄🙄🙄真心唔明咁嘅質素點解有信心做生招牌，已經冇晚巿食，想搵個酸菜魚食下點知中伏真係好灰機，太漁賣返點心小菜算啦😤…Read More

由開業到宜家食過好幾次，但之前都係買滷水小食，味道算係中規中矩，最鍾意買滷鵪鶉蛋，出面唔係咁多地方有。最近餐廳晚巿只做到6點，橫掂都要食外賣，又見佢將原來嘅肉燥全部免費升級哂加埋滷肉，就俾次機會佢啦。今次買嘅係鹽酥雞便當，啲雞粒用左紙袋分開擺，拎到返屋企食都仲脆脆地。肉燥底加左滷肉又幾好食喎，白飯份量算幾多。咁嘅質素都對得住呢個價錢啦，會繼續支持幫襯。…Read More

見到人介紹兩位主廚由Shangri-La Angelini同Conrad Nicholini出黎開，已經好想過黎試，但之前無book位嘗試walk in一路都唔成功。最後要預早大半個月先book到星期5食晚餐。餐廳風格比較casual，wine menu有好多意大利酒選擇，價錢亦都好親民，大部分4-5百蚊以下，2-3百蚊選擇都好多！前菜方面必點一定係個burrata，可以配parma ham或者番茄仔。份量無得選擇，一定要兩粒burrata，本來怕兩個人食會太飽，但因爲太creamy太滑，之後先發現原來一人食一粒都ok！另外叫左個紅菜頭salad，都好新鮮好好食。主菜試左同樣好多人力sell既Black Truffle Homemade Pasta，聞落超級香！…Read More

曾經因為好鍾意食深圳間太二酸菜魚，排大長龍都放假特登去食。之後發現美國班底係香港開分店，滿心歡喜黎過食魚，相比之下，雖然同深圳味道都係有少許分別，但開業初期不論係酸菜魚賣相或者味道都唔會令人失望。唔洗花時間搭車又過關都可以食到算係相似既酸菜魚，都算唔錯啦。兩年後再次光臨銅鑼灣分店，先發現人氣不再，全場得幾檯客人。酸菜魚上菜之後直頭連冷汗都差d流出黎，點解可以好似餿水咁既樣？辣椒入錯貨？好經典既黃色花瓣缺貨？酸菜味道都唔太對路。唯一未算最差係d魚肉都仲嫩，勉強食完，但一定唔會再回頭，真係好可惜。…Read More

行過見到話支持香港人，撐醫護所以試下。非常後悔冇上黎望下review先買。講到話啲餃子自家製，又話湯底正，完全係伏到冇朋友。啲餃子皮同入邊啲料差唔多一比一，真心冇食過咁難食嘅餃子。落單嗰個呀姐態度又唔好，間餐廳完全唔爆，等個餃子外賣仲要等多過15分鐘？我唔上黎表達不滿我對唔住自己! 呢頭咁多野食，一定一定唔會再俾機會佢。希望佢快啲結業留返個位俾啲有心做好食物嘅餐廳。唔好再浪費客人啲錢食佢地整啲咁難食嘅食物!!!!…Read More