台北日記 (Closed)

由開業到宜家食過好幾次，但之前都係買滷水小食，味道算係中規中矩，最鍾意買滷鵪鶉蛋，出面唔係咁多地方有。最近餐廳晚巿只做到6點，橫掂都要食外賣，又見佢將原來嘅肉燥全部免費升級哂加埋滷肉，就俾次機會佢啦。今次買嘅係鹽酥雞便當，啲雞粒用左紙袋分開擺，拎到返屋企食都仲脆脆地。肉燥底加左滷肉又幾好食喎，白飯份量算幾多。咁嘅質素都對得住呢個價錢啦，會繼續支持幫襯。