foodcoupleee_'s Profile

長沙灣最近新開左間串燒店，雖然環境超細，有機會要坐街邊，但都無阻街坊排隊都要食到嘅熱情♨️小編都係見有人介紹所以就嚟試下！7點到嘅小編見到餐廳門口已經排晒隊，真係足足等左9個字先有位坐呀。不過雖然等得耐，但食物嘅質素同水準絕對唔會令你失望🙌🏻整體嚟講食物嘅水準都係中上同好食，係香港食串燒有呢啲價錢真係抵到爛呀🙉除左串燒同小食之外，小編見煲仔飯都好多人叫，性價比一樣高，遲啲諗住要再嚟試下先xdd 特別一提嘅係，佢哋係開到凌晨三點，想食宵夜真係唔使驚無得食。就算唔係住附近嘅朋友如果揸車嚟都無問題，因為餐廳門口可以拍車，大家不妨去試下！…Read More

今次又係T小編帶J小編覓食嘅時候！呢間專係食豆乳嘅小店係荃灣真係人氣好高同好出名，基本上都係見到佢排晒長龍好多人食。鐘意食豆乳嘅J小編當然唔可以錯過，果然無令小編失望，食完會好快想再encore去食🤣豆乳專門店緊係唔少得粢飯，雖然今次無食到，不過T小編之前食過都話好好食，有好高評價👍🏻下次要再試埋佢哋嘅銷量冠軍鮮芋泥豆乳先！🙌🏻…Read More

Feather & Bone就算未聽過個名相信都一定好多人有經過過呢間野🤣佢除左係一間西餐廳之外，佢仲會有一個area係可以買外國西餐嘅配料各樣，最highlight就係可以買埋佢哋好出名嘅牛扒添！小編成日經過灣仔個間都未試過，今次T小編就話帶J小編嚟到荃灣一齊食個lunch先🥰雖然今次無試到佢哋signature嘅牛扒，不過burger入面嘅牛都好不錯🤤下次可以試下佢哋嘅牛扒，聽講仲可以即場自己揀等佢哋即刻整添呀，希望T小編快啲再帶J小編去啦😚…Read More

唔知多唔多人鐘意食夏威夷嘅Poke Bowl，事關小編們係幾鐘意xd 今次嚟到尖沙咀重慶大廈隔離覓食，唔搵都唔知原來有個咁嘅地方😂呢到嘅Poke Bowl比起之前小編係第2間食嘅更大碗，真係食完都超飽好有滿足感！如果本身減緊肥或者本身都鐘意健康飲食嘅朋友仔，Poke Bowl係真係幾不錯嘅選擇~呢到地方雖然望落唔算好大，但都坐得好舒服😉除左尖沙咀之外，銅鑼灣都有一間分店，無論價錢定食物質素都頗推薦，記得去試下啦🙌🏻…Read More

呢間由台灣開到過嚟嘅tap cocktail bar係J小編之前同朋友試完真係大家都覺得好出色所以一定要帶T小編嚟試下！呢到點解會係tap cocktail bar因為佢哋係無任何嘅調酒師，所有cocktail都好似啤酒咁，直接cocktails on tap斟比客人，全部一早調好晒。雖然入面設計都會見到比較簡約，但啲cocktail真係好好飲🥹整體而言，呢到飲cocktail比平時去嘅cocktail bar會比較唔一樣，所以感覺可能會特別啲。如果星期五六日多人，都可以企係到飲，因為本身台灣嘅draft land都係主打企係到的🤣平時都鐘意飲cocktail嘅朋友真係唔好錯過呢間，記住一定要叫14號！😝…Read More

之前介紹過位於尖沙咀文化中心隔離個間牧羊少年與他的浮萍，今次就介紹返最原本嘅牧羊少年咖啡館🤣今次食個間係位於K11入面嘅，比起其他分店呢到個間應該相對上較細，位置都唔算多，不過食物質素同樣很不錯👍🏻小編覺得其實佢哋性價比真係幾高，價錢適中，最重要係佢哋每一個餸菜嘅portion都唔細，所以同朋友一齊嚟gathering食下野share就啱晒啦🤪除左以上嘅食物，J小編另外都幾推介佢哋啲pizza，唔會好漏，味道不錯，同樣幾出色嫁😉…Read More

之前J小編朋友生日，佢話請佢食餐飯就可以，然後就話想嚟呢到試下，咁無理由唔滿足佢啦😌呢到環境雖然唔大，但入到嚟又覺得好親切，因為裝修得幾靚，望落去好搞鬼👻同埋加上呢到係pet friendly，所以一入到去見到有客人帶埋狗狗真係好可愛呀~就咁睇你都會見到佢哋Menu嘅中文食物名稱真係好搞鬼，加上呢度環境都幾舒服，所以嚟呢度食嘢都幾放鬆~小編都覺得呢到同朋友聚餐都係幾不錯嘅選擇，食物質素又唔差，喺銅鑼灣聚腳不妨可以試吓呀😉…Read More

今次終於要介紹小編們都好鍾意去嘅一間西餐廳！呢度可以話係小編每次食完都好想快啲再encore返去食嘅地方🥹第一次嚟其實都係T小編無意中搵到，點知嗰次食完已經好鍾意呢度，性價比真係好高，同埋食物質素絕對唔會令你失望👍🏻呢到雖然唔係好大，不過都幾啱三四個人嚟聚餐，整體感覺都好舒服同良好~整體上小編都搵唔到呢度有咩挑剔嘅地方🤣除咗食物質素同性價比好高之外，呢到嘅員工service都好好，每次小編走嗰陣都會對呢到讚不絕口haha 寫完今次個食評嚟緊又要搵機會再去食一次啦🤭…Read More

呢間人人都話係世一嘅巴斯克芝士蛋糕，其實出左名咁耐小編真係第一次食！難得J小編之前約左朋友要去cafe，咁就襯呢個機會嚟試下啦😝開頭其實我哋都預左一定要排隊，但唔知原來係要攞籌的！不過都好好彩，大約等左40-45 min都walk-in入到😛呢度其實除咗甜食之外，嚟到見到Menu先知原來仲有主食，所以都見到有唔少人有叫意粉嗰啲。整體上佢哋嘅巴斯克芝士蛋糕係真係幾出色，不過如果真係想去朝聖嘅朋友可以預先睇吓佢哋嘅社交平台有冇得攞籌，咁就唔使驚排到最後原來冇得入去食啦🙈…Read More

小編們好耐無一齊夜晚出去搵間靚少少嘅餐廳食飯拍拖，無意中搵到間位於西環嘅一間西餐廳好靚，所以就book左枱嚟試下~如果有去過香港大學站個間Fineprint，咁呢間嘢就唔會難搵，因為佢正正就係喺Fineprint隔離🤣今次想特別講下呢到嘅環境，因為J小編真係好滿意。室外有提供些少座位比客人，依家呢啲天氣就算坐出面都唔會覺得好熱，同埋氛圍都好舒服。室內嘅環境真係好靚，樓底好高！安排咗坐上面，空間真係幾大下。同你上樓梯嗰陣會見到好多復古玩味濃嘅鏡同埋圖畫，然後坐低會發覺座位都好舒服同埋寬敞，所以整體個感覺好fancy咁☺️Overall呢到無論環境定係食物質素都好高質，小編都贊成下次可以同朋友一齊嚟，咁就可以食多啲嘢😝呢度環境其實都幾適合慶祝，有興趣嘅朋友都可以嚟試下~同埋想特別一提嘅係呢度嘅staff service都好好，同埋好有禮貌，真係食完好有滿足感，想快啲再覆桌嚟食haha…Read More

嚟到呢間位於西營盤街市熟食中心入面食法國餐，開頭J小編聽到有間法國菜嘅時候我真係以為自己聽錯😂但完來都幾出名同開左好耐，同埋聽人講唔錯所以就嚟試下啦xdd雖然呢度嘅環境就係熟食中心嘅樣，但係你會見到呢間餐廳嘅枱燈會比其他嘅fancy少少😙聽講夜晚仲會鋪晒枱擺埋紅酒杯仲靚！其實小編都有睇過夜晚個dinner set menu，佢價錢都唔係貴，如果有朋友想食法國菜，但又想平平哋試吓呢度其實都幾不錯。最重要係佢真係即叫即整，全部嘢食都係熱辣辣👍🏻…Read More

相信灣仔呢間出晒名嘅茶餐廳無人未聽過，灣仔區嚟講，佢第二出名唔知有無茶餐廳敢認第一🤣Anyway！J小編個朋友講咗好耐話想同我一齊嚟食，今次終於夾到時間一齊嚟試吓呢度個招牌燒春雞啦😍茶餐廳來講佢唔係地舖嚟，不過面積超大，一入到去就好明顯feel到就係港式茶餐廳嘅味道。自己搵到位坐低落單，然後啲嘢食好快就到了，就係好香港🤟🏼除咗燒春雞之外，小編當日仲見到隔籬枱叫鐵板嗰啲扒食，勁香🥲不過點都好啦，無食過呢度嘅燒春雞，唔好話你嚟過薔紅啦🤪…Read More

話說之前T小編之前已經同朋友嚟過呢間cafe飲咖啡同食lunch，食過好食之後當然係毫不猶豫地要帶J小編嚟一齊食啦！🙈聽講呢到係九龍城已經幾出名，長期都有人排隊，不過小編今次都幾好彩唔使等位haha 環境嚟講，主要都係呈日式木系嘅裝修為主，所以整體感覺望落去已經好舒服~小編幾推薦大家叫個燒春雞嚟食，因為真係幾好食🥹其實嗰日最想試埋佢哋個signature Tiramisu，但無奈真係有啲飽費事嘥所以就無叫到🥲下次再嚟食一定要試吓！除咗九龍城分店之外，西環同灣仔都有，有興趣嘅朋友記得bookmark左去啦~…Read More

之前J小編嘅媽咪去過呢間位於旺角嘅日式Omalase食壽司，試完話好好食同性價比好高，好推薦小編嚟食，所以就決定係T小編生日個陣帶佢嚟呢到一齊試下啦👍🏻環境地方唔大，不過好舒服，而且服務都很不錯。雖然師傅係香港人，不過食物質素絕對唔會令你失望嫁😉呢個價錢可以食到咁新鮮嘅食材性價比真係超高，試晒全部壽司之後司傅就會問有無想追加嘅壽司，當中小編們都對池魚、中拖羅、同左口魚裙邊最欣賞所以特別追加左🤣由前菜去到最尾嘅甜品，全部食落去都好滿足🥹如果有興趣嘅朋友真係不妨嚟呢到試下，真係認真不錯🙌🏻…Read More

住係大西北嘅T小編難得放假就去咗係屯門置樂花園附近嘅一間西餐廳食個lunch。呢間餐廳位置都算偏僻，但係如果大家都知屯門小曼谷喺邊，咁就會搵到呢間餐廳！因為呢間餐廳就係小曼谷同一條街隔兩三個舖位。呢度環境都幾舒服，好有家庭式嘅感覺🙆🏻‍♀️T小編對於呢間充滿人情味嘅餐廳真係好surprise，細細地一間餐廳整出嚟嘅食物竟然咁有心思🫶🏻下次一定會帶埋J小編夜晚嚟呢度試下其他嘅野食😆同埋呢度個老闆娘好nice嫁，希望大家都可以去支持下啦！…Read More