THE ALCHEMIST CAFE (K11 Art Mall)

之前介紹過位於尖沙咀文化中心隔離個間牧羊少年與他的浮萍，今次就介紹返最原本嘅牧羊少年咖啡館🤣今次食個間係位於K11入面嘅，比起其他分店呢到個間應該相對上較細，位置都唔算多，不過食物質素同樣很不錯👍🏻

小編覺得其實佢哋性價比真係幾高，價錢適中，最重要係佢哋每一個餸菜嘅portion都唔細，所以同朋友一齊嚟gathering食下野share就啱晒啦🤪除左以上嘅食物，J小編另外都幾推介佢哋啲pizza，唔會好漏，味道不錯，同樣幾出色嫁😉

呢個沙律真係好大份，足足半個牛油果再加上芒果片，小編兩個人都食唔使😂牛油果夠新鮮，芒果酸酸甜甜好開胃。用胡麻醬mix埋烤雞同埋沙律菜食，感覺好健康💪🏼

$118

呢個牛粒係J小編指定一定要食，性價比極高！一大盤已經有好多牛粒，好似食極都未食完咁🥹而且牛粒嘅質素都好好，每一舊都好淋，真係好好食呀。

$88

呢個意粉夠晒惹味，喇沙味比想像中濃，唔會話太辣，加埋少少青檸汁感覺仲開胃😋鳳尾蝦都有五六隻，整體呢個組合好夾。

$128