ccching_0109's Profile

去完泥涌影相出返沙田食個lunch～想食日本嘢，但唔想嚟嚟去去都係食壽司，就揀咗食丼飯。如果大家好似我咁有選擇困難症，可以揀佢嘅雙拼，試晒兩樣。我就揀咗豚肉同牛肉，睇相十分吸引！當日嘅牛比較韌，有啲難咬斷，但燒得好香。豚肉較牛肉薄身，無牛肉咁juicy，但都唔差，味道十足！飯嘅份量對女仔嚟講適中，米飯有口感。配埋醬油同蔥，成個口感好豐富，香得嚟唔會過咸，唔錯～…Read More

南豐紗廠無耐都有喺3樓食過burger，當時已經覺得好驚艷～今日去開有啲心郁郁想食返，雖然唔記得係咪同一間，但今次都無令我失望👍🏻我哋叫咗一個Classic Burger，一個Cheese Burger🍔Burger新鮮整起，熱辣辣～面包食落唔會好乾身，帶點鬆軟，唔係個啲放好耐嘅包🍞成個burger咬落去好juicy，唔會覺得啲肉好柴，調味亦唔會過咸。配上佢哋自家製嘅醬汁，帶點辣，十分惹味😋個人覺得加上生菜令整個burger感覺更fresh，食落無咁膩。整體嚟講係好食嘅！但佢burger份量唔算大，性價比唔算高。難得嚟到南豐紗廠過下口癮都OK嘅～…Read More

去完迪士尼，出返嚟青衣已經9點幾好多餐廳都閂咗，無咩選擇又肚餓，好彩仲有呢間！我地叫咗一個菠蘿海鮮炒飯同一個雞絲湯河咁啱餐廳做緊飲品買一送一，就叫咗三色冰菠蘿炒飯賣相都唔錯，有兩隻大蝦同埋青口係上面材料就比較普通，有三色豆、菠蘿、蛋、提子乾味道不過不失，最開心係佢菠蘿唔酸，亦都有唔少(ᗒᗨᗕ)雞絲湯河方面，湯底清甜雖然只有雞絲，比較齋，但唔會覺得好柴，份量都夠配湯河個人幾鍾意佢有蔥同洋蔥絲，好香~比較個人攰個陣食返啲湯面，爽٩(^ᴗ^)۶飲品正正常常，甜咗少少，買一送一先會叫XD整體嚟講，普通，無話好有令人眼前一亮或者特別性價比唔高，一碗湯河$78再加一朋友話食物質素無變，但價錢又貴咗(ᗒᗣᗕ)…Read More

萬聖節前夕，約咗朋友食飯見呢間餐廳係OpenRice都好多好評同推薦，決定試試佢前一晚係網上book咗位，所以唔洗排隊就已經有位~一上去見到個環境已經覺得好正，成個感覺好柔和，餐廳分咗室內同室外我同朋友見天氣都唔錯，有微風，就決定坐室外´･ᴗ･`部分位置有吊椅，啱晒打卡XD因為臨近萬聖節，所以餐廳都掛咗啲南瓜燈籠職員亦都著咗應節嘅服裝，有feel又唔搶fo，同餐廳成個感覺好match(ᗒᗨᗕ)我地一人叫咗一個「一汁三菜」：野菜卷同埋雞塊飲品就分別叫咗：櫻花忌廉草莓泡泡啤同埋冷泡水果茶再加多個甜品：桂花班戟(*´∇｀*)餐廳會有張卡仔教你食法，唔洗擔心唔識食食物質素方面，雞塊份量相對較少，只有3舊不過味道啱啱好，肉質嫩滑同juicy，唔會覺得過火雖然佢都有啲醬係面，但如果可以提供細細地嘅檸檬片，比客人自己加會更好，感覺好似fresh啲朋友叫嘅野菜卷，份量好足，好大舊XD見佢每啖咬落去都有滿滿嘅湯汁(´ρ`)食到一半，會將慢煮蛋、飯、鰹魚昆布湯同漬物拌勻食用有啲似泡飯，但米飯無咁稔，口感較好朋友就幾鍾意呢款食法飲品方面，水果茶正正常常，清爽解膩，最記得佢提子好甜(* >ω<)泡泡啤好特別，飲落唔會好死甜，層次豐富，而且朋友話有果肉定花瓣(?如果再去，會再叫呢個！不過影相要快，如果唔係泡泡好快消氣，塌咗(つ﹏⊂)甜品叫埋就唔洗出去再搵地方下場(๑¯◡¯๑)個人其實麻麻地桂花，不過呢個甜品無話好重桂花味，可以接受甚至比我感覺係清甜嘅~麻糬好足料，唔似出面有啲甜品店得勁少，呢度相反，欣賞(･ω･)b雪糕齋食會比較甜，加埋班戟一齊食就啱啱好，脆脆令成個口感再豐富啲(っ˘ڡ˘ς)整體嚟講，食物質素正常，個人比較鍾意飲品同甜品性價比唔算高，主要都係體驗「一汁三菜」、食氣氛同環境儘管置身鬧市，呢度有令人放鬆嘅感覺，放慢腳步(❁´◡`❁)***餐廳只收現金，大家記得㩒定錢先上去…Read More

收工之後7點鐘上堂係綠楊附近搵啲嘢食好耐無食過茶木，對上一次食已經係幾年前今次見人少少，唔洗排隊，就試試佢個下午茶我叫咗個鹽酥雞麵同芒果沙冰麵身較硬，湯底十分濃郁，但整體唔會覺得好咸鹽酥雞炸得鬆脆，唔柴，唔會有厚粉嘅感覺沙冰好好飲！一嚟唔會過甜，二嚟佢最上面擺咗芒果肉，真材實料果肉下面又有啲cream，令成杯飲品飲落口感同味道都好好因為我唔肚餓，所以成個餐對我嚟講都好夠飽男仔就可能會覺得份量比較少…Read More

唔講唔知，原來間店係Stephy開架XD我同男朋友都話，同咒術迴戰聯乘到好勁，亦都好醒(･ω･)b成間舖頭都係咒術迴戰嘅裝飾，更有投影燈，投射角色係牆上面我地叫咗個$88盲盒紙杯組合因為都比較口渴，所以揀咗茉莉綠茶（半糖）杯身比一般高，因為佢最底係盲盒，入面會有粒乒乓波唔同顏色代表唔同嘅中獎禮物（每日唔同）呢個諗法幾有趣～因為叫咗半糖，所以成個茶味好出，茉莉就唔太覺比起其他店，佢地嘅茶味好濃，入口偏苦，後有回甘如果唔係飲開茶嘅朋友仔，未必會接受到，會覺得好苦鍾意咒術迴戰嘅朋友仔不妨嚟試下自己嘅運氣唔抽嘅都可以淨買products，打個卡一流～下次有機會再試下啲咖啡先( ˘▽˘)っ♨…Read More

對上一次經過想食，但係職員同我地講full咗(╥_╥)今次早咗少少到，好好彩有位(≧▽≦)餐廳外面睇落唔太吸引，經過個陣我都唔為意原來係間餐廳但係一入到去好有feel，昏暗嘅燈光再加啲燈飾，成個感覺好relax~餐廳環境整潔，坐得舒服我地叫咗一串雞翼、一串肥牛金針姑、芝士玉子燒、薯蓉、海鮮鍋定食同埋一杯菠蘿冰雞翼同肥牛都燒得啱啱好，唔會過咸，金針菇亦都好juicy芝士玉子燒心思100分，係上面印有「香港」d(･∀･○)趁暖食仲有拉絲嘅效果（๑✧∀✧๑）薯蓉係焗過，所以表面帶點焦香，又有啲芝士同埋奶香味口感creamy得嚟，你都會食到一粒粒薯仔，真材實料～海鮮鍋材料都好豐富，有青口、蝦、豆腐、蟹柳、菜同冬菇啲蝦大大隻，好有肉(｡･ρ･)但原來係辣架！！！因為我唔係好食得辣呢個對我嚟講都算辣，食到流晒鼻水不過天氣凍個陣食，個人即刻暖晒（＞ ་། ＜）本身想叫奶昔，但已經賣晒，就試下同樣有推薦嘅菠蘿冰個人就麻麻地，菠蘿冰都係食好啲XD食串燒又或者居酒屋嚟性價比都算高，以為埋單要三百，結果都係二百幾就搞掂食物質素中等，個人最鍾意薯蓉同海鮮鍋，下次想試佢個「一舊飯」有少少地方可以改善：1) 係落單紙上面加返定食嘅item，唔洗客人另外手寫2) 係海鮮鍋或者其他辣嘅嘢食隔離加返隻辣椒仔大家食嘅時候，請記得耐心等待(◕ᴗ◕✿)…Read More

本身約咗食另一間泰國餐廳，但唔記得book枱，所以嚟到厚福街呢邊搵嘢食朋友係尖沙咀工作，話呢間餐廳唔錯，不過坐得唔太舒服我地見周圍都排晒長龍，呢間唔洗排隊，就揀咗佢，試試伏餐廳外觀同內部環境都比較舊式，唔係朋友話味道唔錯，行過都未必會入去食(._.)三個女仔叫咗個二人套餐C，再加無骨鳳爪同一杯龍眼冰因為朋友都比較細食，所以份量都足夠冬蔭公湯正正常常，每碗都有雞肉、菇、車厘茄等等，都算足料，飲落都帶點椰奶味豬頸肉嘅皮係好香口，但食落口感好乾好柴(>﹏<)馬拉盞炒通菜開頭食覺得麻麻地，好似味道偏淡，唔夠香不過越食越ok，底啲嘅菜味道都夠，亦唔會覺得好咸個人覺得雞係咁多道菜入面表現最好，唔油膩，肉質嫩滑(｡･ω･｡)無骨鳳爪酸酸辣辣，對我呢啲唔太食得辣嘅，有啲頂唔住XD佢唔係完全無骨，大家食嘅時候有啲位都要啲牙力，但都算係一道唔錯嘅小食因為店舖都無乜客人，所以我地都可以坐好耐同朋友都有講到，如果店舖環境改善下，未至於星期五都咁冷清…Read More

又係一間bookmark咗好耐嘅cafe(≧∀≦)咁啱中午黑雨，都有啲擔心夜晚食唔到好在最後都順利食到(* >ω<)打電話book枱個陣，接電話嘅staff好有禮貌同好溫柔(*´∀`*)餐廳位於酒店一樓，門口望入去，已經令你有置身森林嘅感覺，個人好舒服好放鬆～餐廳嘅唔同角落都有小擺設，門口張枱更係兩隻公仔對坐，見到令人會心微笑(•‿•)呢度嘅餐碟都具藝術品味，侍應送上嘅藍色水係蝶豆花檸檬水，放埋一齊又係一張打卡相坐低無耐都已經睇得出餐廳十分有心思我地叫咗小食拼盤(小)、慢落豬、明太子蟹肉扁意粉同埋在森林和原野小食拼盤份量比想像中多，我地都話好在叫咗個細XD個人最喜歡佢個雞翼，外面酥脆，醬汁酸酸甜甜，帶點辣，十分開胃同惹味(´ρ`)蕃薯條好甜好好味，我最怕食到啲淡茂茂嘅蕃薯芝士條比想像中硬同實，本身以為有拉絲效果慢落豬一致好評，豬肉爽口又juicy，配上酸酸甜甜嘅醬汁，完全唔覺油膩意粉係滿滿嘅明太子同蟹肉！！！（✧∀✧）食落好足料，因為有明太子，令每啖口感都提升咗對我嚟講，越食越會覺得咸咗少少，朋友就覺得蟹肉比較腍身，不過都好好味！餐廳好好，提供係甜品碟上寫字嘅服務因為諗唔到買咩蛋糕，或者唔想又係買蛋糕慶祝，呢個絕對可以！呢度嘅甜品除咗係視覺上嘅享受，可以瘋狂打卡之外，味道亦都好好≧ω≦我地叫嘅在森林和原野，口感同層次十分豐富中間係雪糕，上面有少少蛋糕碎，外層係咖啡味，內層係雲呢拿味，口感綿滑，有驚喜！旁邊係抹茶味嘅蛋糕，較乾身，但配埋雪糕啱啱好因為我本身唔鍾意食好甜，呢個甜品對我嚟講所有嘢都啱啱好(灬♥ω♥灬)總括而言，個價錢對我嚟講雖然唔係咁靚，但食物質素確係出色，環境同服務都係一流偶爾放肆一下，同屋企、朋友或者另一半慶祝生日或紀念日，絕對係個好地方(❁´◡`❁)如果諗唔到食咩甜品，仲可以請佢地職員推介建議大家book定枱同埋要準時到，因為餐廳係由book枱時間計起個半鐘用餐時間，並非入座/落單計當然無人等可以坐耐啲，但如果繁忙個陣就要睇住時間影相啦～如果想搵個地方傾耐啲，坐耐啲，可能就唔太合適，比較趕(＞﹏＜)…Read More

8月尾個陣因為荃灣分店突然停電，食唔到佢( ´•︵•` ) 一直心心念念咗好耐個日行銅鑼灣，本身晚餐想食Curry Bee，見到隔離「秘」試業中，即刻二話不說入咗去！我地叫咗一個味噌牛肉($98)同一個板燒吉列牛($118+38晚市定食)因為客人比較少，上餐都好快~一嚟到，石燒板上面會有舊細細嘅肥肉，可以用佢嚟燒出啲油脂，再燒牛肉燒嘅過程由你話事，由你決定牛肉幾成熟好似我鍾意食熟啲，男朋友鍾意偏生，呢度唔需要為咗食幾成熟而嘈交XD因為牛肉質素好好，令我產生自己係大廚嘅感覺，點燒都好好食(˶‾᷄ ⁻̫ ‾᷅˵)味噌牛肉入口鮮嫩，牛肉味食落較吉列牛重吉列牛就口感豐富，外脆內嫩飯嘅份量十足，食完一個餐勁飽≧ω≦如果你本身鍾意原汁原味，追求牛味濃啲嘅，可以叫味噌牛肉配白飯，牛肉鮮味唔怕被飯素影響追求口感同層次嘅，可以叫吉列牛但其實兩個都好好食(༎ຶ⌑༎ຶ)記得燒嘅時候要小心石燒爐同板，高溫！夾嘢比屋企人、同伴或者另一半個陣要小心唔好整到(>ω^)總括而言，牛肉質素好，飯同牛都份量十足，又可以體驗自己燒嘅感覺，係回頭率高嘅餐廳d(･∀･○)*店舖只收現金*…Read More

成日都係社交平台見到啲朋友仔po相去食壽司朗，搞到我都好好奇（・ｗ・）最近MK開咗間，決定去朝聖一下，睇睇佢有咩咁吸引我地5半拎飛，啱啱好拎完佢就截飛，等嘅期間就係附近周圍行下（朗豪坊、信和）雖然佢個Apps無得遙距拎飛同埋book位，但我都down咗落嚟，可以睇住佢叫到幾多號，再就返時間行過去 d(･∀･○)等咗近3個鐘終於到我地，仲好好彩有四人位，坐得舒服o((*^▽^*))o個人覺得內部裝潢、燈光都有啲偏舊式我地叫咗甜蝦、鰻魚、牛肉、燒三文魚、卷物、雞軟骨…同我想像中有啲落差，啲食物係新鮮，但啲飯唔太實，有啲易散，但勝在價錢係合理，都抵食嘅~甜蝦係我同男朋友都覺得最好食，好鮮甜，又有肉，所以我地都encore咗幾碟(*´﹃`)我次次去食壽司都一定會叫茶碗蒸壽司郎嘅唔算好好食，仲帶少少燒焦，但佢啲料夠多，元貝都大過人最後我地都太飽，只係叫咗抹茶芭菲同布甸抹茶芭菲好食！鍾意佢嘅料，有層次，而且雪糕又唔會好甜~布甸就麻麻地，好實，唔係布甸軟滑嘅口感，似蒸過咁(｡•́︿•̀｡)下次會挑戰其他甜品<(￣︶￣)>建議大家可以下載佢個apps睇下叫號，同埋早少少拎飛，如果唔係佢會截龍！…Read More

之前經過TOP都想試下呢間，佢門口放咗日本Cremia雪糕嘅牌，好似好吸引咁咁啱今次佢做「我的英雄學院」主題，我同男朋友就入去試試≧ω≦我地叫咗個轟嘅定食、All Might嘅軟殼蟹漢堡同爆豪特飲(注意：轟定食嘅個杯飲品無鎖匙扣送)食物質素比我想像好，因為平時去開啲主題cafe，食物質素都一般(*￣∇￣*)定食份量對女仔嚟講好足夠，炸豬扒炸得啱啱好，十分鬆脆而且豬扒唔會話好厚粉，keep到肉嘅嫩滑，唔柴，對我嚟講有驚喜（๑✧∀✧๑）但佢有泡菜同薯角，成個餐睇落好雜，唔知算係咩菜式XD如果可以將泡菜或者薯角轉做小甜品，例如果凍、丸子會更好(´ρ`)另外，漢堡包份量都好夠，男朋友食完都話好飽，味道足又juicy有啲可惜嘅係，明明menu上面漢堡個度有All Might嘅插牌，但上菜個陣無，問職員，職員話其實係無(︶︹︺)兩杯飲品都幾好，芒果個杯有唔少爆珠，增加咗口感荔枝個杯帶點益力多味，上面有啲cream，味道都唔錯但我地都覺得兩杯偏甜，所以飲咗三分二就放棄咗食飯中間，有客人同職員有啲爭執，同埋都見到間餐廳有啲地方可以改善下：1) 人手不足，成間餐廳得2個樓面同事負責，但客人都唔少2) 入座前職員無解釋清楚收費，點先可以有postcard個啲，要自己細閱menu3) 建議一主食+一飲品就有postcard較一主食+一甜品合理4) 飲品送嘅杯墊入透明袋大家都係鍾意套動漫先會入去，拎到送嘅嘢固然開心。如果有咩唔小心(如：倒瀉)，整污糟咗就心痛，尤其係杯墊呢啲紙品，唔似鎖匙扣咁可以沖洗。整體嚟講，食物質素幾好，如果餐廳改善下，相信會有更多人回頭同埋吸引更多客人ヾ(＠^∇^＠)ノ…Read More

平時同屋企人都會去涌美買餸，有經過間茶樓，但都唔知原來上面仲有呢間食小菜同雞煲嘅餐廳餐廳選擇種類都唔少，我地叫咗個金銀蛋肉鬆浸莧菜、馬拉盞炒通菜、蒜蓉炒西蘭花、蒸魚、咕嚕肉同魚香茄子個人覺得金銀蛋肉鬆浸莧菜最好食，味道啱啱好，又有啲湯咕嚕肉都唔錯，唔會好酸，之前試過有啲餐廳嘅咕嚕肉酸到食唔到(ᗒᗩᗕ)如果佢可以多返啲菠蘿就更好了(´∀` )馬拉盞炒通菜可以唔洗叫，咸...聽到我地後面個枱都係咁講，如果真係想食，落單時叫師傅唔好咁重手(´∀｀；)本身以為蒜蓉炒西蘭花係咸嘅，點知係甜嘅( ・◇・)？又無話唔好食，但好新奇個日啲白飯偏硬同乾身，個人比較鍾意軟身，所以麻麻地整體嚟講，味道正常，無話好出色，如果一班人經過，諗唔到食乜都可以叫返幾碟share(•‿•)…Read More

疫情下已經好耐無去過旅行(╥_╥)朋友話想食越南菜，呢間見大家都好推薦，於是就決定試試佢！因為怕收工後比較多人，所以我一早就打電話book定位，咁就唔洗等啦~一入到去，個環境好乾淨好舒服，時尚又帶點玩味我地3個人叫咗6樣嘢：1) 脆米紙薄餅✿勁推！我大鄉里，第一次食脆米紙同埋越南臘腸，感覺好新奇有別於成日食嘅PIZZA，底係脆米紙做，上面有越南臘腸、青瓜絲、蘿蔔絲、炸蒜配搭千島醬口感香脆清爽，而且性價比高(･ω･)b2) 越式時蔬網上見人地叫，好似菜嘅份量都OK但我地個日係西蘭花，份量唔多，感覺唔太抵食(>_<)建議大家可以了解下係咩菜先同埋如果唔太食蝦醬嘅朋友仔唔好叫，因為蝦醬味都頗濃3、4) 辣嫲嫲招牌金邊粉（少辣）、嫲嫲南越湯金邊粉✿分別係辣同唔辣、少幾樣餸湯底我地一致都覺得正！濃郁、鮮甜又帶點藥材味(? 但金邊粉大家都覺得同出面嘅唔同，偏冧身少少，一般般整體嚟講，湯底出色，可食辣嘅朋友叫辣5) 烤萋葉雞配青蘋果條（半隻）✿雞烤得啱啱好，算入味同鮮嫩，食落唔會好柴食完覺得下次叫一隻都得XD青蘋果條完全唔似青蘋果，味道酸酸甜甜，帶點辣，幾開胃，可以沖一沖口嘅味道6) NVN南越法式麵包✿麵包十分脆，分量亦十足！我最怕食啲包好乾好硬，哽喉嚨，但佢一啲都唔會因為有蔬菜絲同醬汁，食落啱啱好，口感清新總括：可以encore嘅餐廳但有時人比較多，人手唔算好多，可以要等耐少少或者講多兩次需要嘅嘢（如：水）下次會試埋佢嘅飲品，見好多人推o(^▽^)o…Read More

星期六7點幾8點，周圍都排晒長龍，咁啱見到呢間唔洗排，就諗住試試佢。一入到去，其實有啲想走，但好似唔太好因為個環境唔太整潔，地下、檯面同餐具都令人唔太放心(ㅇㅁㅇ)不過行到好攰，唔想再等其他餐廳就決定將就一下我地一人一個飯再加杯嘢飲，有啲屋企食家常小菜嘅感覺(^∇^)- 蝦仁炒蛋，正正常常，無咩特別- 涼瓜帶子牛肉有啲驚喜！本身有啲驚牛肉會好韌，但佢一啲都唔會，啱啱好，又無筋，GOOD！加分！另外，佢仲有啲炸蒜同辣椒，所以食落勁香，帶啲辣，餸飯一流！不過熱檸水個杯真係唔得，茶漬勁明顯，影響食慾 (✖╭╮✖)食物係OK，如果餐廳可以改善一下環境衞生，相信會更好٩(^ᴗ^)۶…Read More