開餐 (Closed)

星期六7點幾8點，周圍都排晒長龍，咁啱見到呢間唔洗排，就諗住試試佢。一入到去，其實有啲想走，但好似唔太好因為個環境唔太整潔，地下、檯面同餐具都令人唔太放心(ㅇㅁㅇ)不過行到好攰，唔想再等其他餐廳就決定將就一下我地一人一個飯再加杯嘢飲，有啲屋企食家常小菜嘅感覺(^∇^)- 蝦仁炒蛋，正正常常，無咩特別- 涼瓜帶子牛肉有啲驚喜！本身有啲驚牛肉會好韌，但佢一啲都唔會，啱啱好，又無筋，GOOD！加分！另外，佢仲有啲炸蒜同辣椒，所以食落勁香，帶啲辣，餸飯一流！不過熱檸水個杯真係唔得，茶漬勁明顯，影響食慾 (✖╭╮✖)食物係OK，如果餐廳可以改善一下環境衞生，相信會更好٩(^ᴗ^)۶