foodcraveEE的個人專頁

之前已經黎過食架喇，覺得啲嘢高質素同埋又唔會唔夠飽，今次都係晚飯時間嚟～前菜點左蟹籽薯仔沙律，蟹籽好足料生蠔新鮮，有好重海水味鯛魚好軟身，食得出係新鮮魚。朋友唔食魚生都食左幾片!原隻燒魷魚，由職員新鮮燒～仲有鮑魚都係！ 好新鮮，一路燒一路郁，覺得有啲殘忍佢好大隻，同街市果啲鮑魚大細差好遠！最後叫左甲羅燒，依間餐廳落蟹籽好重手明太子薯仔個樣有啲唔係幾討好 但味道係唔錯嘅，我食左好多野蠻雞！ 個size大到嚇親…查看更多

今日同朋友呢左呢一間以CBD為主題嘅餐廳～ 之前喺其他地方多數都係聽以CBD為主題嘅Cafe，今次係餐廳所以試吓差唔多六點幾黎所以未有人， 有卡位坐得都舒服依度用QR code點餐，大多數食物都落左CBD，但可以mark返唔要CBD或者double CBD～首先嚟咗前菜嘅係蟹肉牛油果他他。蟹肉都幾足料，配上牛油果同埋油醋汁，都幾清新開胃。可以改善嘅地方係我覺得啲麵包可以烘脆啲。然後上嘅係安吉拉雞卷。本身呢度菜賣相一般，但係味道有驚喜 外皮酥脆又唔油，沾上咖喱汁十分惹味。咖喱汁唔太稠可以減低油膩感，不過唔食得辣嘅朋友要叫返杯飲品番茄龍蝦汁虎蝦意粉賣相好靚，味道亦不俗。有三隻大虎蝦，意粉十分掛汁。佢寫住有一個辣椒但又唔算好辣，係有少少辣椒碎飲品方面我哋叫咗柚子梳打同埋CBD latte:雖然食品有添加到CBD，但係食落完全冇難聞嘅大麻味道㗎 餐廳幾有新意！希望真係可以幫助消除疲勞，今晚好瞓啲～…查看更多

因為dining city有promotion, 所以就㨂左依間食fusion嘅餐廳，但都真係食到少少一肚氣首先我地book 8點。早左大概15分鐘到，走廊已經有十幾人等緊。餐廳入面明明有位，但佢都唔放人入去住，門口個個都企喺度等。其實又唔係自助餐，點解要咁樣要人準時入…..以下係dining city menu, 價錢我覺得正常啦Drink menu幾有趣嘅前菜揀左八瓜魚片同松業蟹他他。 等左半個鐘大概8:35pm 先上。份量好少的，味道都ok. 我食嘅係松葉蟹他他，配蕃茄係幾清新。但唔知點解要配咸蛋黃，味道不是太夾朋友嘅八爪魚燒得不錯，少少乾但醃得唔錯。南北杏mousse有趣但味道其實好淡之後等左10分鐘又先上個湯… 蕃茄湯。 再等左15分鐘佢終於上個意粉。意粉應該一早就煮定，仲要carbonara係好容易整，連個蛋汁佢都係就咁放個溫泉蛋上去，我真係唔知點解一個份量咁小嘅意粉可以喺差唔多一個鐘之後先送來。二其實我係我等嘢食嘅時候，我見到八成客人嘅都係枱上面冇嘢食嘅，大家都係飲住野等，可想而知呢間餐廳係台台客人上菜都係非常之遲講返呢一個腐乳意粉，其實睇Menu我覺得係有驚喜嘅，但係食落口嗰啲我就覺得腐乳味好淡，而且撈左溫泉蛋好稀唔掛汁。只可以講呢個一個非常之普通嘅意粉。到9:17分佢終於上左主菜。呢個炭燒豬鞍份量非常之大，我覺得佢嘅青蘋果洋蔥醬煮得係幾好食嘅，煮出嚟冇嗰種青蘋果好酸嘅味。同埋我都會鍾意食佢墊底嘅紫薯薯蓉。不過食到豬鞍嘅中間嘅時候，我覺得佢嘅豬肉係有啲似偏粉紅色嘅，因為豬肉我唔敢食生……所以中間都冇食到，但都希望廚房遲啲可以注意一下生熟度。最後上甜品嗰陣其實已經9:30。我記得入咗嗰陣佢有同我講話入座時間限90分鐘，其實90分鐘佢連啲菜都未上齊嘅…可想而知佢上菜係有幾慢。。我食緊呢個係楊枝甘露會花茶啫喱，上面有雲呢拿雪糕。其實呢一個甜品我自己覺得賣相好靚，份量好大，但係敗筆將幾樣唔同嘅食材配埋一齊。楊枝甘露嘅味道同花茶啫喱我覺得係各有各嘅，唔可以撈埋一齊食，就算加左雲呢拿雪糕都冇用。所以呢個甜品我覺得都幾唔好食。朋友就點左抹茶慕絲配檸檬荔枝啫喱。呢一個甜品仲衰過頭先嗰個…首先佢兩個item好低糖或者無糖, 所以唔係太甜，咁樣都OK。但佢個濃抺茶慕絲同埋啫喱又係兩樣味道完全唔夾嘅，所以撈埋一齊係分開各有各嘅味道。我覺得如果佢就咁一個慕絲陪米通其實係幾好食，係個唔係太甜嘅甜品，建議可以單獨上就可以。最後結論係餐廳管理可以做好啲，例如入座同埋上菜嘅時間同人流可以管理得更好。至於食物方面，我覺得甜品係最令人失望嘅，雖然係fusion，但係食材配搭可以進步。…查看更多

今次㨂左依間尖沙咀好多好評嘅日本餐廳！ 一入到餐廳就覺得好好feel好好氣氛，因為牆上面有勁多日本佈置。好似入左日本啲居酒屋咁首先我地點左2杯highball. 好似大約$58 杯又唔算好貴～沙律嘅份量好大，都好嘅因為成日覺得日本野好少菜食專人燒魷魚..好正 我覺得係必點，翼位部份比較爽睇相都見鮑魚好大隻同勁生猛 一路燒緊就一路收縮叫左壽司同刺身拼盤，但我覺得燒物出色啲甲羅燒好好食！ 撈左蟹子好卜卜脆，口感好好夜晚黎講有燒海鮮又有酒飲，每人$500唔貴呀～ 下次可能主攻燒物了…查看更多

友人話依度逢星期三同六有live music, 所以星期六晚黎左試試～本身睇食評見到評價好似一般般，但食完覺得食物都算有水準。只係價錢偏貴首先要講嘅係點左一杯白酒，但係個杯酒嘅份量應該幾啖就飲哂 建議點cocktail吧食物方面就覺得有驚喜：牛油果蟹卷（$118）：啲牛油果好甜，同埋卷入面蟹肉好足料，應該無乜點溝沙律醬。朋友話同IFC 一間西班牙餐廳好似，但我見相另一餐廳蟹肉混合大量沙律醬，相比下aux就足料好多卡邦尼魷魚麵（$188）： 侍應埋黎介紹話魷魚係刨到麵嘅形狀，而黑色一點點係魷魚汁風乾再灑喺面。我覺得定價太高了，唔知係咪手工錢，依個價錢我會expect真係配埋pasta。慢煮牛肋骨： 佢啲肉係起左肉上，有鹽同肉汁喺隔黎比你點黎食. 啲肉我估因為係慢煮過，真係煮得好淋以前喺美國食燒烤牛肋骨真係咬唔開..有驚喜嘅一道菜最後西班牙蛋餅（$70）：入面有啲太濕了，切開會散。不過不失啦～當晚的live music 7-9pm, 上半場唱英文歌，下半場唱中文歌。好少可喺music lounge聽到廣東歌，所以十分推介架一道main, 三個小食, 每人叫左一杯野飲就total$1000/2 個人。覺得價錢有啲太貴了，可能係要包埋live music錢吧。無歌聽就未必會黎了…查看更多

夜晚去荃新天地食飯，難得見依間餐廳唔使排隊就入去～蝦麵店本店喺灣仔發跡，之前食過都覺得幾唔錯依度用QR CODE點餐的。二人餐有幾樣小食加主食同甜品，見每人百幾蚊都幾抵就叫左～亞參多士，佢隻羅果子醬係酸酸地嘅。另外叫左榴連咖央多好好食！！ 甜甜地榴連味又唔太重，我朋友平日唔好榴連嘅都食多左份。 不過唔記得左影相雞翼同串燒，雞翼脆口又入味 朋友叫左喇沙，我試左啖就覺得咖喱味有啲重，蓋左了椰汁味自己叫嘅蝦麵！ 唔錯個湯頭有蝦嘅鮮甜味， 又唔會太辣。唔食得辣嘅朋友都可以叫少辣。 蝦丸都好好食，而啲蝦仔都唔係無味嘅急凍蝦秋葵魷魚..清涼的前菜最後埋單300蚊，有哂咁多道菜好抵…查看更多

疫情關係，而家出去都 好少去啲好靚嘅餐廳，都係想簡簡單單快趣食埋一餐返屋企。今日就嚟咗西環呢間餃掂食晚飯，而依間店係連鎖店黎，喺其他地方都有分店嘅。佢最出名係松䇯餃，咁我就叫咗八隻煎餃，再跟一碗湯嘅。佢煎餃入邊都幾足料，仲見到有一粒粒松䇯菇係入面嘅。而個湯都飲得出係真材實料，冇乜味精。食完煎餃，我哋都叫咗另一個元貝豬肉餃，今次就食灼餃嘅無咁熱氣，亦都係跟狀元湯。同樣的都係好足料，都有一絲絲元貝肉。個人就鍾意食松䇯餃嘅味道多啲。另外都叫左涼皮，上湯時蔬同薏米水。 四川涼皮幾好食，夠足料又多花生碎，天氣熱果陣都食到涼涼地嘅辣野。薏米水個人覺得甜左少少。埋單每人百零蚊，價錢合理…查看更多

今日平日難得放假，黎到灣仔依間幾出名嘅咖啡店試下～店內裝修走輕工業風，環境都幾寫意個menu有分日同夜～ 日嘅全日都有，今次試左新嘅sweet potato cake佢係一個炸左嘅長型紫薯球，上面插左個菜好似盤栽咁 味道係甜甜地， 入面全部都係紫薯蓉好足料的。後面白色果個係流心蛋朋友叫左avocado toast, 賣相好似個菠蘿咁。我只係食左個牛油果， 係已經熟透嘅，好好味出去食牛油果最驚係唔熟嘅硬又無味。依間cafe我朋友大推咖啡! 我朋友叫左dirty, 佢話choco blend 好味我叫左個single origin pourover (nutty). 真係唔酸，個咖啡豆聞落都好香，品質不錯！我覺得依度嘅咖啡比食物出色，建議大家都可以試試～…查看更多

西環果頭一向好多cafe， 今日就黎左coffeelin試下～餐廳佈置以綠色為主，小清新風格我覺得幾舒服～餐單以咖啡為主，餐點唔算太多，有數款甜點及多士。叫左杯flat white, 喜歡佢嘅咖啡杯具。拉花都好有節日氣氛～朋友嘅latte, 佢話好好飲～點的綠茶burnt basque cheesecake. 平日見得多原味，綠茶味就比較特別。芝士蛋糕都夠軟綿細滑最後是truffle cheese panini, 我鍾意佢個panini 幾煙un! 總括黎講我覺得咖啡店環境都幾舒服，適合同朋友coffee catch-up…查看更多

今日天氣太凍 行過尖沙咀見到依間韓國餐廳就入左去食舖頭細細 佈置到好有聖誕氣氛因為天氣太凍 所以我地叫左2個湯 佢話係真材實料無加味精的第一個係牛肋骨濃湯，睇落好似平平唔奇：用匙羹了起，就見到有好多料喺入邊啦入面有粉絲，牛肋骨，牛肋肉同埋洋蔥。個湯都好足料，味道我覺得係清清地嘅，唔會係出面啲濃味精味。之後叫左個參雞湯，睇相都見到好足料！湯好多參絲，同埋有半隻春雞喺入面。啲肉係煲到好冧，連骨都係軟到可以食入口架最後少不免我最愛嘅甜米水…查看更多

難得黎到筲箕灣依頭，當然要去東大街搵下野食低調高手一路都好出名，今次同朋友兩個人就叫左雞蛋仔同格仔餅，合共$38格仔餅外脆內軟！個漿粉調得好好，唔似外面啲舖會成個淋哂。料方面落多砂糖就再好啲！雞蛋仔係好出名 都外脆內軟嘅，但個漿粉落得太少，所以個饀唔夠飽滿，得個脆字，有點少失望…查看更多

星期四晚黎左尖沙咀依間西餐廳～ 估唔到平日晚上都幾多人，我哋本身想坐室內但無位，結果出咗室外。估唔到室外環境都幾chill~ 但係因為呢間餐廳都有水煙食，所以如果唔受得水煙陣味，就建議坐返室內。首先我哋就叫咗個nachos~ 佢係新鮮炸起嘅，配料有salsa, 牛油果醬，酸忌廉等等。足料同味道不錯，用黎做前菜幾好我地都試左依個三文魚他他。佢最頂係魚子醬，跟住係煙三文魚碎粒，再有紅菜頭同酸忌廉配喺底。依道前菜好好味，推介! 感覺無咁膩，因為有紅菜頭清清甜甜，都幾開胃～叫左杯pina colada, 不過覺得椰味可以再濃啲主菜係依個烤焗海鮮拼盤！ 賣相好唔錯，一睇就知有好多料，有帶子、龍蝦、魷魚、青口、貝類等等。亦都有啲椰菜花同粟米，同埋佢會送4塊蒜蓉包。 個汁係少少辣的，有啲cajun的味道。下次黎可能會試生果個海鮮拼盤！最後點左蘋果批做甜品，佢係好薄身果款的，所以雖然食到好飽但都仲食得落…查看更多

依度逢星期二晚都有steak night, $398 ribeye set有買一送一，今次就去試依個。首先上碟時牛扒份量係好足夠嘅，亦都有火箭菜同薯條做伴碟。薯條夠脆口，沙律亦正常。我同朋友叫左medium well同medium, 但煮出黎變左medium rare 同medium, 2件扒都太生。我直情覺得有啲部位係rare, 太生食唔落。另外肉味唔濃，調味不足，應該要落多啲鹽去調味。同埋唔明點解有舊牛油喺面....朋友叫的strawberry rabbit(?) cocktail 好有果味，唔係士多啤梨藥水，依杯cocktail都幾滿意。…查看更多

第一次嚟呢間舖頭想食嘅時候，諗住Walk in但係已經full左，我係第二次去到先食到嘅，所以奉勸大家如果想食記住book位啊！首先入到去，覺得要讚嘅係座位非常之闊落，佢哋仲提供一個藤籃俾大家去擺手袋。另外坐低係有火鍋混醬嗰個盤嘅，咁記住火鍋醬料係要每位加$10 㗎。嘢食方面，因為有好多餸都唔記得咗影，所以想講一講我推介嘅配料。首先要推介嘅係所有手打院嚟。我哋叫咗四寶餃，同埋手打雙重芝士丸。四寶餃嗰度我係試咗雲吞同埋韭菜餃，兩樣都係好足料同埋多汁嘅而佢個手打芝士丸嘅園係手打墨魚丸嚟嘅，就唔係平時街邊食嗰啲人工魚蛋，呢一樣我係覺得有誠意嘅。至於佢個雙重芝士餡，我覺得就同平時嘅芝士丸饀差唔多味道。另外嘢飲方面，我哋叫咗冬瓜檸檬沙冰。我覺得味道係幾好飲嘅，同埋冬瓜檸檬好似可以降下火咁樣。湯底我哋叫咗鴛鴦鍋，係麻辣同埋佢哋店舖推介嘅戈白湯。咁湯底入邊呢有鴨血同埋白頁豆腐嘅。我覺得佢白湯個味好似平日小肥羊火鍋湯包嗰種清湯咁，有好濃嘅中藥味，同埋入邊仲有一啲人參添！因為我係好鍾意嗰種中藥嘅味道真係覺得好正，但係如果有啲人係唔係太喜歡嗰種中藥味呢，就可以試吓其他味道啦。呢啲肥牛上碟好靚，因為佢仲有乾冰。但係我哋叫呢個細手切肥牛我就覺得真係太少了，希望店家可以比多幾塊牛肉啦。即炸響鈴，真係即炸嘅唔係現成淋果啲香蒜炸魚皮都係新鮮炸嘅，同埋好多蒜，浸完湯都有嗰種蒜頭味嘅。但係我覺得佢個炸粉有啲厚，唔夠薄身同脆。最後呢一個係免費嘅甜品，係佢哋送嘅腐竹雞蛋糖水沙冰，真係好有腐竹雞蛋糖水味㗎 ！我覺得打完邊爐因為有啲濟，所以食沙冰都幾清嘅。而同行嘅朋友就叫咗芋圓，我見到佢碗入面除咗芋圓，仲有涼粉，小丸子，紅豆等等嘅料，係非常極之足料！太飽唔好叫～…查看更多

因為疫情關係，所以今次都係叫外賣食嘅。咁等外賣嘅時候，見到間舖頭嘅裝修都幾特別，長嘅裝飾係行中國風，但係啲吊飾就係美國Marvel嘅英雄。叫左幾款餸 - tuna poke, 不過不失, 無咩特別Chicken taco - 香料味重，啱重口味人士略嫌太油Truffle fries - 幼薯條，覺得有啲太乾Wagyu sliders - 必點！超好食，好濃郁嘅牛味，配上醬料、芝士同洋蔥等配料，水準十分不錯！下次會encore 返個sliders!…查看更多