ck65's Profile

選了萬花紅做 香港島之旅的第一站, 因為看過 openrice 的食評及相片, 應該唔會差得去邊 這裡的阿叔 招呼當然不會很熱情, 但也不太串就是了, 來這些老牌酒家, 算 ok 啦. 食物方面真的做得幾好, 我們叫了 : - 蝦餃 : 皮不太薄, 但很緊緻 (我最怕見到皮與餡分開的點心), 蝦與肉的比例幾好, 而且豬肉很彈牙呢. - 香茜餃 : 餃皮一樣出色, 餡料勁香. - 點心拼盤 : 4種點心, 值得一提是 燒賣, 平常我不吃這個, 因燒賣一般都大大舊肉好漏下, 但男友特意叫我試一口, 哈, 原來它是手喙的, 豬肉好有咬口, 好味. - 3式包拼盤 : 3種包都幾好食. 鳳爪扎 : 男友的心水點心, 我每次只吃腐皮, 但今次吃了一整個, 想試真佢啲水準, 鳳爪入味, 豬肉彈牙, 芋頭夠粉, 正!- 馬拉糕 : 因為係出名嘅所以叫呢試下, 佢真係好鬆, 但我就覺我甜咗啲 食完以上, 其實都飽啦, 不過又想試下廚房嘢, 所以叫咗個豆腐斑腩飯, 呢個就好一般啦, 斑腩炸得幾硬, 咬開嘅時候都幾難下, 而飯又無飯香, 所以下次我哋都係繼續食點心啦 …Read More

特意放半天假, 跟男友 遊香港島, 由於好幾年沒有來過, 所以晚飯決定來波士頓, 可惜 這個決定讓我們美好的一天濛上污點....8.15 去到, 無需等位, 樓下知客俾左張飛仔, 直接行上去. 有個 waiter 帶入去, 在水吧 與 卡位中間的走道, 有 3張 四方形嘅 2人枱, 裡邊 2張已坐了 4個人, 佢要我哋坐最開嗰張.問題係, 張枱好細, 後邊係水吧, 超多人與食物在進進出出, 一邊坐了 4個人, 另一邊係走道, 又係超多人與食物在進進出出, 如果我哋真係坐嗰度, 情形同係地鐵站出口食飯 無咩分別, 而最最最大嘅 point 係 : 我一路行入去嘅時候, 見有 3-4 張卡位係 吉嘅, 既然有卡位, 點解要俾咁嘅位我哋坐?於是我問 waiter 可唔可以轉去 卡位坐, 佢嘅答案係 : 啲卡位係俾 4個人坐嫁小姐, 我都想俾你呀, 不過唔得,有嘅我一定轉俾你啦.我叫男友先坐下, 我自己去了洗手間, 回來時我特意望清楚, 坐卡位的有 2個, 3個 或 4個人, 有 3張卡位吉枱, 枱面上放了 2人餐具, 咁即係你都預備係 2人入坐, 咁點解唔轉得, 回來時跟男友商量, 如不可以轉就走吧, 有個女的聽到我們的對話, 於是即時幫我哋轉枱, 我不明白, 就這麼簡單的事也不肯安排, what kind of service it is? 還講到自己好似好想幫忙咁, 其實就係唔想做.....好啦, 點菜啦, 男友要了大蝦豬扒餐, 我要了 T骨 5成熟. T骨 : 無肉味, 好多鬆粉, 塊肉仲勁多根.....大蝦豬扒 : 大蝦我無食, 因男友話啲蝦臭嘅... 而豬扒我食咗一少舊..唉...係食鬆粉, 完全無肉味....啲嘢已經難食, 其間仲要不停聽到 2個 waiter (其中一個係之前唔肯轉枱嗰個), 係度話某個客點樣點樣唔啱, 唔鐘意唔好落嚟食, 唔駛講咁多嘢....呢啲服務, 仲可以生存, 佢 兩個都算幸福見到一間咁老字號嘅餐廳攪成咁, 幾可惜下, 但係感情分已經無得再扣, 我要自己記住, 以後唔好再去, 無謂貼錢買難受....…Read More

見此店新開, 門面又幾好, 本來想搵大班人嚟試吓, 是日中午跟一女友人在附近搵食, 大家都覺得不妨兩個人試少少先.....於是, 我哋就係咁 "鐘" 咗入去......其實嚟間舖位置幾好, 又長又深, 仲係 L 位, 全玻璃, 望出去全部係 綠色樹木, 係元朗區, 算幾好啦.... 可惜....唉...看完餐俾, 決定叫 :- 春卷涷濛- 雞絲沙律問過侍應, 佢話 +$6 可轉套餐, 即係多杯嘢飲, 於是叫咗 2杯 涷檸茶, 1少甜, 1 走甜.先講嘢食, 幾精彩吓...- 春卷涷濛 : 濛粉係暖嘅, 嗰個汁呢, 唔酸, 唔咸, 亦無味...撈埋啲唔涷又唔熱嘅濛粉度一齊食, 感覺係.....難受...- 雞絲沙律 : 沙律個汁, 唔酸, 但超甜, 雞絲又係無味嘅....我哋一路食, 大家唔駛講嘢, 已經知道唔會再嚟, 仲好慶幸得我哋 2個, 唔駛大班人....佢哋除咗嘢食"騎呢", 啲人都好攪笑, 唔知以前係咪做樓面嘅....首先, 1杯凍檸茶到, 問佢係少甜定走甜, 佢望住我哋, 呆咗, 跟住走開, 完全無對白, 亦無打算回應....喂, 大佬, 你係咪傻嫁, 唔知都講句呀, 就咁行咗去, 咩意思呀...再問...另一個人走過嚟, 佢話 : 嚟杯走甜, 即刻消失, 費事再同你哋講嘢.....跟住, 有個女人, 不停咁攞嘢出嚟, 每次都問我哋 或者 我哋隔離個枱, 係咪我哋叫嘅, 但佢無講嗰樣係咩呢....佢問咗足足有 5-6 次, 喂, 你哋無寫枱號咩? 就算無, 你唔講你捧住嘅係咩, 我又點知係唔係我哋叫嘅呢....最後, 佢終於攞住我哋個春卷涷濛, 但佢今次只係問我哋隔離個枱, 嗰個女人已經食緊自己碟嘢, 當然唔係佢叫啦, 咁個傳菜呀姐就走去前面, 我枱高頭見到係春卷涷濛, 叫住佢, 佢都仲係咁衝去前面, 跟住係度嘈話唔知邊個叫嘅, 個經理睇單見係我哋就送返過嚟, 仲叫佢唔知就問下人, 佢話佢問咗但係我哋話無..............於是我同經理講, 話佢無問過我哋, 只係問咗隔離個枱, 而我叫住佢, 佢都係走......好啦, 捱完哂諗住埋單走人, 一 check, 每杯涷檸茶收 $16, 我問佢點解? 之前個女仔話 只要 +$6 可轉套餐?佢又唔回應, 就咁走咗, 然後木口木面咁返嚟, 話只可以做到一杯俾我....咩叫 "只可以做到一杯俾我"? 係你哋啲樓面講 +$6轉套餐, 唔係我乞求你哋只收我 $6??唔好講到你 do 緊我 favour 咁, 分清楚啲唔該...但係我一句說話都無講, 錢, 我俾你, 不過一毫子 tips 都唔會俾, 而且, 一定無下次!!!…Read More

一直有點怕在元朗區 食日本菜, 感覺就好似全元朗啲人都走出來排隊一樣, 聽住在附近的朋友仔講話谷川都 ok, 起碼唔似係隔離嗰間田中咁等餐死...而且田中我之前已經領教過, 應該永遠都唔會再入去....講返谷川, 尋日同男朋友 2個去食晚飯, 完全無需等位, 坐位都算 ok, 起碼唔會好似紙板人咁坐....亦唔會一陏就撞倒隔離..叫咗 : 半磅 三文魚刺身 : $59 算抵食, 但係真係無魚嘅鮮味, 亦無魚油...蟹子沙律 : $22 抵食, 我哋 order 時特別要少沙律醬, 因為好怕太多沙律醬好"漏", 而佢亦有照做, 所以, 呢個菜係全晚我覺我最好食嫁喇, 起碼青瓜夠爽脆, 係啲蟹子細粒咗, 不過呢個情況係元朗區好普遍. 鰻魚反半卷 : 失敗, 反卷啲飯好鬆散, 卷飯時根本用唔夠力, 而塊紫菜就 "un" 到咬極都咬唔開, 食到七零八落咁, 唉.... $43, 一啲都唔值...三文魚壽司 : 一般, 都係無魚味... $10/客. 鯂青魚壽司 : 舊鯂青魚好乾, 亦好咸....$10/客. 鹽燒三文魚頭 : 魚頭 size 偏細, 燒得 ok 嘅, 不過佢好咸, 未食完已經覺得口腔內有被擦損嘅跡象...$33.整體嚟講, 係一間好普通嘅日本菜餐廳, 只係由於佢係正田中隔離, 所以多咗人嚟, 因為田中等位是相當血拼的哦...而服務方面, 谷川請嘅都係好後生嘅, 佢哋不時會聚埋傾計, 而唔會睇下有冇客人搵佢哋, 直至, 你高聲呼叫, 咁, 佢哋就會過嚟..都係嗰句, 無期望........亦唔會再嚟....…Read More

呢間嘢我已經知道咗幾年, 一路想試但係無機會, 一早到澳門, 於是過來試下, 28蚊一小碟牛雜, 當然係貴, 但抱住試嘅心態無所謂, 朋友去買, 碟嘢一放低已經覺得唔掂, 食落完全想死. 湯汁唔夠香, 牛雜無咬口, 喂, 咁嘅質素竟然被全城食家推介, 大家無事呀, 如果咁都係好嘢, 我食開屯門嗰間牛雜麵直情係極品............... …Read More

看見很多人讚但一向有所保留, 今日終於第一次試食, 叫了椰子雪糕 well, 實在沒有什麼特別, 價錢貴, 口感唔似雪糕, 似雪巴, 係好有椰子味, 但係12蚊一小柸唔值得, 亦唔需要我登呢食, 我當日都係經過所以去試下. …Read More

六點半入到去, 見到有幾張吉枱, 已經很奇怪, 究竟發生咩事?? 平常想搵個位都難, 現在竟然 任君選擇……….好, 照叫嘢食, 一樣係 炸醬 雞肉 豬潤 大辣…..呷一口湯, 咦, 啲辣同痳 去咗邊呀, 無可能咁淡, 又無層次, 再飲多兩啖, 痳香欠奉, 喂大佬, 究竟咩事, 我食咗 十幾年 譚仔, 個味一定唔係咁嫁………….. 唔好 話俾我聽, 佢而家開始變呀, 我會顛嫁…………….…Read More

80年代 第一次幫襯 水車屋, 跟男朋友及朋友來宵夜, 最多不過 4-5人, 生平第一次吃 乾撈魚翅, 埋單 $4000多!! 當時一個普通文員才搵 $1000多, 實在太奢侈!!今時今日得知 水車屋 做放題, 一直想試 又不太願意, 就是怕心中形象 給破壞了, 老實說 $200 多的價錢, 能給您什麼好東西呢, 碗屋做了幾年放題, 價錢都由 $200中加至 $300中啦!! 但係都係俾咁多款您食, 無咩新嘢…………ok, 先講服務, 可能 水車屋啲伙計本身好有優越感, 佢哋個個都唔太啋人嘅, 您問佢哋, 回答都係懶洋洋, 愛理不理, 而且唔興有回應, 佢係聽倒嘅, 而且會轉頭攞俾您, 不過佢哋就係唔應您, 唔 confirm 收唔收倒, 吹帳!!!好喇, 食物呢 我就真係覺得好一般, 不比其他放題好, 也不太差就是.刺身 : 三文魚 / 劍魚 / 油金魚 / 吞拿魚 / 甜蝦 / 赤貝 / 馬刀貝 / 帶子三文+吞拿 正常 / 劍魚無味 / 油金無油 / 赤貝+馬刀貝 夠爽口 / 帶子甜, 夠新鮮以上各款 encore 了 2-3 次, 水準都係咁上下, 唔再叫啦.壽司 : 選擇少但係全餐覺得最出色嘅 三文魚 : 夠油份, 好味油金魚 : 做壽司嘅油金靚過刺身嘅幾倍, 夠油份, 有魚香 魷魚/蟹子 : 魷魚夠爽口 / 蟹子夠脆, 好新鮮牛柳 : 牛柳好軟好淋以上各款 壽司 encore 咗 4-5 次, 次次都好味真係唔明點解 刺身嘅質素會 差過 壽司用嘅刺身咁多, 就算 想用飯呢食飽啲客都唔好咁呀. 值得一提, 佢哋啲壽司飯好少, 食多幾件都 ok. 蜆粥 : 叫咗一碗 share 食, 幾鮮味, ok 嫁, 不過無 encore 因為唔想食太飽.人蔘雞湯 : 又係叫咗一碗 share 食, 幾有人蔘 同雞味, 無味精.牛肉鍋 : 裡邊有 雜菜 / 冬菇 / 肥牛, 幾香幾好味, 不過油啲.燒雞腎 : 兩咗兩次, 兩次都燒得幾好味, 但如果再乾身啲會更好.牛肉薄燒 : 其實即係金菇牛肉卷, 叫咗一次, 牛肉太乾太鞋, 唔再叫啦.蒸旦 : 真係齋蒸旦, 無咩其他料, 無旦香, 而且太實, 同 元氣 差好遠.紅豆綠茶茸 : 幾好味, 唔太甜. 整體食物其實 ok, 但問題係周圍都係咁上下, 唔駛去 您度呀, 無謂成晚好似自己同自己講嘢咁. …Read More

路過這裡, 見到又開了一間新酒樓, 這十幾年來, 呢度已轉了很多手, 實在很好奇, 點解每間酒樓都做唔住, 見差不多食飯時間, 又無咩特別想食, 就入去試下啦.打開餐牌, 見小菜價錢比附近大牌檔還要平?? 這裡可是酒樓呀, 環境乾淨舒服, 亦沒有大牌檔的嘈雜, 如果食物 ok, 以後就有飯堂了 J好, 叫菜時間, 侍應似乎都係生手, 不過都好好禮貌!! 唔知嘅嘢會去問, 轉頭覆實, OK 啦. 而經理哥哥就好好多喇, 以下嘅都係推介嘅 : 海皇蒸旦白 – 海皇有帶子, 蝦, 蟹肉, 食得出全部新鮮彈牙!! 帶子最出色!! 而旦白蒸得火候剛好, 又香又滑….. 呢碟嘢一放低, 十分鐘已被 KO, 恐龍獸 J雞旦焗魚腸 – 但凡菜單有呢個菜, 我都一定會叫, 唔係我特別鐘意食, 係呢個菜超難整, 而且搵兩付靚魚腸好難, HKD38 我一定俾您啦….. 菜一上枱, 已知對辨, 唔單止聞倒好香, 個旦皮沿邊微微卷起, 肯定好脆, 加完胡椒粉, 一匙更落去, 就聽到旦皮脆開嘅聲, 食落….. 不得了, 皮脆 / 旦滑 / 魚腸夠油潤, 而且一啲苦味都無, 就算係大牌檔, 都未必食到呢啲水準喇……… 就係咁, 呢個菜又係 十分鐘內被 KO 咗啦………….炸乳鴒 – 係 BB鴒, 皮脆肉嫰, 正!!炸魷魚鬚 – 哈, 竟然皮香脆, 而肉 JUICY, 唔會死硬, 調味又剛好, 鹹度適中, 好!!豬肺淋白菜 – 係豬肺湯嘅變奏, 湯甜豬肺滑, 白菜潤口, 再呢一定要 ENCORE 呢個………其實菜單裡面仲有好多嘢想試, 但係只得 五個人, 真係食唔倒咁多, 不過, 試過呢次, 我哋一定會返轉頭啦, 大佬呀, 埋單 HKD285, 一個人唔駛 HKD60, 啲嘢仲係中上水準, 您想點呀………….…Read More

一到澳門就呢呢度, 因為呢間係我最想食嘅. 由於行程安排係遊澳門靚嘅建築物, 所以全程係 plan 行路嘅, 酒店車去到關閘, 再行過來約 15-20 分鐘, 大家唔想行又唔想搭 的士的話, 可搭青洲巴士, 落車行兩步就到.佢其實就係青洲小學後邊, 見到蓮花巷行入去左手面就係.由於得兩個人, 又有好多嘢要試, 所以只係叫咗 : 豬扒飽 : 正, 豬扒夠香, 夠脆, 飽又熱又軟, 好過大利啦!!咖哩雞絲撈丁 : 咖哩雞絲好夠味, 撈丁唔算淋, good!!食完無口乾, 下次呢要試多啲其他嘢 (因為我見到人食好多嘢我都想試吓) ..............…Read More

第一晚食唔到嘅葡國美食天地, 第二日中午終於食到, 但係........ 真係好不外如是....首先, 我哋差不多兩點入到去, 佢哋幾乎即刻要您落單 (因為午市收 2.45pm), 連話等埋其中一個朋友由洗手間出呢再商量下, 都話等唔到, 咁我唯有問佢有咩好食 / 同根據我記得嘅別人推介呢點 : 豬耳沙律 (食友推介) - ok, 豬耳幾爽, olive oil 幾香.燒沙丁魚 (男友要求) - 燒得幾香脆, 夾飽食好正.燒黑豬柳 (是日餐廳推介) - 好 un, 好蘇, 無豬味, 食咗兩舊, 放棄!!燒爐魚 (都係是日餐廳推介) - 好鞋, 好乾, 無魚味......... 西班牙海鮮焗飯 (都係是日餐廳推介) - 好鹹呀, 海鮮又唔新鮮, 飯又焗得太淋, 失敗........豬仔飽四個 : 送嘅, 又香又軟, 朋友話係最好食嘅, 死未........sangria : 無水果, 亦無水果味, 90% 係紅酒味, 隻紅酒仲要唔 fruity.......... 以上所點嘅, 其實都係一般大路嘢, 有三樣仲係餐廳/侍應嘅 推介, 點解會咁差呢, 仲有咁多人讚....唔明, 亦唔想再試......... 我夠喇.........…Read More

世事真係好奇怪, 去澳門之前, 選擇再三, 見亞馬交, 只做夜晚, 地方又細, 而葡國美食天地似乎多本地人去, 而遊客偏少, 是日無 book 位, 7 點 20 分到了 葡國美食天地, 大大隻字貼係門外 : fully book! 問佢哋 夜少少會唔會有位, 對方好決絕咁話 : 好難講!! ok, 多講無謂, 即刻走去 第二選擇 : 亞馬交, 入到去見門後有張二人嘅 吉枱, bingo 有得食.我哋坐低無耐, 又見一對情侶問有冇位, 亞姐話 無啦, 嘩, 好好彩呢.我大約記得 亞馬交的拿手菜, 而且知道份量幾大, 只得我跟男友兩個, 只可以叫兩個餸 : 半隻葡國雞燒焗馬介休等了差不多 30 分鐘, 其間解釋給男友聽 亞馬交的背景 及大廚俾氣 (唔催得), 又八下人哋叫咗咩 / 食緊咩......燒焗馬介休 先來, 嘩, 聽到個面燒到脆波波嘅聲, 聞我香噴噴嘅魚香, 即刻叫個飯呢食, 唔好以為呢個餸好滯, 佢加入咗好多青瓜粒同薯仔粒同馬介休絲一齊焗, 面頭仲有大量莞茜, 好正呀......跟住呢葡國雞, 淨係睇到同聞到已經知好味, 食落.... 嘩, 鮮雞啲味同香港啲冰鮮雞無得比, 嗰啲鮮味好耐未食過啦....... 好滿足呀, 為咗撈個葡汁, 我哋又叫多個飯, 終於, 整整兩大砵餸 同兩碟飯都食唒, 連汁都無剩, 飽到跟住完全食唔到嘢, 勁!!! 下次我一定要叫多啲人呢食佢唔同嘅餸, 不過一定要先訂位, 同預訂一啲特別嘅嘢!! …Read More

又係次次見咁多人, 買個葡撻試下, 熱喇喇, 好好食, 又唔會太甜, 有雞蛋香 下次再食........…Read More

見呢度次次人山人海, 差不多係人都有杯係手, 四個人, 一於試下 雞蛋大菜糕 + 波羅大菜糕.雞蛋大菜糕 - 無雞蛋味波羅大菜糕 - 似藥水味每杯細細杯, 賣成 8-10蚊, 試一次已經夠數, 以後唔駛呢 …Read More

無辨法, 呢度真係我食過咁多間 譚仔中, 最好食嘅一間!! 佢好食在 米線 係彈牙嘅, 湯底飲到尾唔會 有香料未煲透嘅苦味, 而當然雞肉要嫰滑, 豬潤要爽脆, 呢啲係嚟譚仔最基本嘅要求.我已經幫襯咗 譚仔十幾年, 由長沙灣一間舖, 食到衣家幾十間舖, 每次都係食咁上下嘅嘢, 呢間舖係最接近 長沙灣 母店嘅水準嫁喇......順帶一提, 呢度嘅辣度比出面嘅輕手少少.......... …Read More