食住搵's Profile

呢間日式打邊爐係山林道上面，坐位都唔算迫。而且枱同枱之間都好開，坐得幾舒服。我地叫咗2個湯底，一個係木魚昆布 同 蕃茄薯仔豚骨濃湯。木魚昆布，好足料味道好清甜。薯仔豚骨濃湯，都好足料都係好清甜，自己覺得加牛肉好夾。係枱面出面有好多蔬菜同配菜。裡面有啲比較少見啲嘅秋葵 。仲有菜心，生菜等等。全部都幾新鮮。而丸類有芝心丸，墨魚丸，魚旦，獅子狗。其他仲有蟹柳，水餃。加拿大豚肉呢個豬肉都肥，而且好滑。肉唔薄，價錢雖然好平，但係都好好味。牛肩胛牛肩胛呢個肉比安格斯瘦啲，肉味濃味好多。安格斯極級牛小排就咁睇相都見到幾肥美，而且好均衡。而且啲肉都唔會話好薄，食得出肉味。…Read More

呢一間韓燒舖頭，聽講個老闆都係韓國人。我諗呢間野嘅韓國食品都唔會差得去邊。咁就去去試下好無味。當日我地平日八點黎到，人唔算多。而且坐位都鬆動。唔會話放到成枱生野食無位食野。韓式蛋餅蛋香好濃而且都唔會太過熟。不過裡面有少少青椒，唔鐘意食青椒嘅朋友要注意喇。牛肉拼盤𥚃面有排骨，裹脊肉，特級牛肋骨。本身巳經有蒜味同其他調味。肉質都幾淋身，燒起黎都幾香口。熟成牛肉拼盤熟成牛肉比普通嘅牛肉拼盤更加軟身，而且牛肉嘅味道會更多出。如果你唔介意貴少少，我本人都幾推介叫熟成牛。奶油芝士火煱雞火煱雞其實係類似炸過嘅雞，加上酸酸地嘅汁。雞係炸得都幾滑多汁，而且加埋芝士嘅份量極多。所以都幾好味。其他肉類配料…Read More

海鮮蛋漿熔岩炒飯店員上左呢個熔岩炒飯之後，就會係顧客面前燒一燒熔個芝士同整熟個蛋。芝士落得夠哂多做到拉絲嘅效果。味道上有濃厚嘅芝士味，蛋同芝士本身就好夾，而且個飯係有味嘅炒飯。不過海鮮就唔係太食得出黎。蒜香炸雞炸雞嘅皮好脆身，脆漿比起一般厚身，變相更加脆口。雞肉好滑有肉汁，似係新鮮炸起。份量唔少，半份有成6-8隻，而且下面仲有薯條。食到非常之飽。炸魷魚上左魷魚之後，店員會即場將魷魚剪開。魷魚同平日嘅炸魷魚圈口感好唔同。咬落較有彈性，都食得出多啲魷魚味。但係調味就無咁重口味喇。…Read More

今次去左一間位於上環嘅湯煲私房火鍋。先講一講價位，坦白講呢間火煱絕對唔係係平，如果兩口子嚟食唔想食麵食飽嘅，都要預左起碼一千落樓。但係想呢度交出嚟嘅貨又絕對對得住呢個價錢。先講一下呢度嘅坐位都算係幾寛敞，2個人都會比4人枱。環境都乾淨企理。而且仲見到一啲設計上嘅小心思，例如呢個勺就無咩係其他火鍋舖見過。我地叫左個黑蒜姬松茸脊骨煲，伺應會先比一碗湯底比大家飲一飲先，飲落去感覺好順喉，仲要唔似有味精果隻燥熱，都好似幾真材實料。醬料方面都唔少，店員特別推介一個師傳特制嘅類似XO醬嘅醬。都幾香口，而且唔辣，配肉類唔錯。安格斯肥牛相信睇相都知幾肥美，唔算太厚身但係食到牛味。而且解凍都適宜，食唔到雪味。牛脷片無肥牛咁有驚喜但係都牛味都出。小籠包驚喜之作，肉質幾新鮮，而且幾多汁。肥美雞腸份量一啲都唔少，食落好滑，更唔中有啲都幾爽口。墨魚滑感覺就唔係太突出，唔算差又唔算好…Read More

近排都無咩食過真係好正嘅串燒舖，難得今次食到一間無論食材定師傳手勢都唔錯。而且舖頭嘅價錢唔貴，性價比好高。鹽燒prime牛小排($38)夠哂肥美，我估真係prime嚟。肉汁夠多，而且燒得好香口又唔係乾身。露荀($23)無渣唔老唔乾身鹽燒牛舌（$48)無膻味，牛味濃，柔軟惹味豬大腸($22)豬大腸唔算唔肥，都燒去左唔少脂肪。而且唔會太乾身。雞軟骨($16)呢個就無咩特別，唔會過於瘦牛油蜜糖日本蕃薯條($38)薯條都幾脆，不過牛油同蜜糖都幾heavy，食多幾條會有飽膩感免治雞肉棒($28)份量都唔細，而且一樣肉汁好多。我個人就好鐘意。日本甜薯($16)皮燒到少少脆口，來貨都唔差茄子($32)落左好多蒜容，好夠味道…Read More

相信唔少綠茶腔都聽過京林屋。今日就去左hyson呢一間京林屋，好好彩唔使等位。基本上呢間舖係無一刻係有空位。呢間舖頭對坐位嘅佈局感覺上就好唔講究，有啲位置仲太接近經常有人出入嘅地方。感覺上都有啲煩擾。而服務方面，得一兩個伺應，伺應已經做到盡哂力，但係都只能夠維持最基本嘅服務。有時都要叫多兩三次先有人理你。抺茶餡密首先個抺茶雪糕抺茶味十足，好濃好好味。糖漿唔算太甜，配以寒天，白玉，啫喱配合得幾好。係香港可以食到呢個相對傳統嘅日本甜品，感覺唔錯。…Read More

今日黎到將軍澳，見附近間間都係連鎖無咩好食，就黎左小啲聲見嘅桂花小幸。呢間桂花小幸主打台灣野食，裝飾走文青路線，座位都唔算好迫。呢度係半自助型式。睇啱食咩就要自己出去落單比錢。出去落單之前記住自己嘅枱號，之後要話比個收銀聽。鹽酥雞排滷肉飯雞排炸得不過不失，肉都仲係好嫩滑。滷肉飯肥肉唔會太多，而個滷汁無咁杰身，比較健康清爽。煲仔塔香三杯雞呢個三杯雞用嘅都雞翼仔，肉唔會因為長期煮而變老。而且呢個收汁收得好乾身，好香口。麻辣牛肚本人最鐘意呢味，因為本身佢嘅份量已經好多。個麻辣汁調得好好，牛肚十分之麻，但係辣又唔太辣。辣得好過癮。芝士奶蓋桂花烏龍茶呢杯野幾有驚喜，首先芝士奶蓋夠多，而且夠濃。而個烏龍茶就唔算過濃有少少回甘。以台式餐廳嘅野飲黎講，質素係明顯好好。…Read More

杏花村商場最近有間賣日本魚生同生蠔嘅舖頭。午餐set lunch都好抵食，價錢由58-78不等。除左主食之外，仲有沙津同味噌湯。相信係杏花村都好難搵到咁平嘅日式料理。生蠔都算係新鮮，出面有個凍櫃可以自己揀自己嘅生蠔種類。沙津好清新，唔會落好多沙津醬搞到好肥利。而個味噌湯都好正常。火灸三文魚丼落左好多沙津醬，感覺好肥美三文魚親子丼三文魚唔算薄，而且三文魚魚籽都幾濃味三色魚生丼呢個有齊三款魚生，都幾抵食三文魚，劍魚，三文魚籽壽司三文魚嘅魚脂都幾夠。而劍魚切得好厚，口感十足。三文魚籽嘅紫菜就好脆身唔會話淋哂食唔到咁。…Read More

呢間係柴灣工廈裡面嘅柴門。呢間餐廳入到感覺好特別，feel到老闆好有心機去佈誌。而最特別係呢度嘅staff都好熱心主動去講解。唔似一般餐廳做到基本運作到就算。先講野食：今日去食嘅set lunch係有包一個湯同沙津首先個擺盤都好吸引而個湯好creamy，而且比較香口，甜身少少。感覺就唔似就咁用罐頭開出黎。格離個包脆口，相對唔算有咩特別。沙津菜新鮮美國優選肉眼牛排呢間餐廳講到明啲牛排係US Prime。個牛本身唔算好厚身，但係質地真係好嫩滑，juicy。而且個表面都煎得幾香口。配上牛肉汁就更加香濃。香煎三文魚三文魚有煎脆，肉都好嫩滑口感上就一流。個魚身本身就幾好味，所以個人就覺得白汁牛油汁可以點可以唔點。奶凍奶凍奶味好濃好香，唔算甜。茶凍茶凍茶味未到好濃好濃，本人就覺得淡味左少少。最後，想講一講服務。基本上而家香港好多餐廳都唔係好重視出餐次序，總之廚房整好就出，就係搞到你成枱都係野食，食完就好走。而呢一間餐廳真係好少有地會等你食完前菜再上main course，食完main course再上甜品。呢個可能食客好少留意，但係都顯得出佢地嘅好細心。…Read More

自己野食自己燒，呢間食店提供嘅室內自助式燒烤。基本上成人188-238，大部份嘅食材都可以係自助吧任攞 。每一枱都有個電爐，燒起黎唔覺得特別大煙，加上室內有冷氣唔會覺得個爐熱住哂。最重要嘅係個爐係識令到啲串燒可以自己轉。所以話呢度真係可以做到企企理理咁燒下野食。自助吧嘅野有生食同熟食。熟食比較有睇頭嘅係呢個蒜容蠔，除左香口之外，蠔肉都唔算細，都唔會煮過龍。鳳爪就不過不失。餃子就似來貨料，無咩驚喜啦。生食嘅食材大路嘅都有，雞肉，豬肉，牛肉，京蔥羊肉都有。呢度大部份肉類都有醃過。雞肉，豬肉，牛肉，材料都算新鮮，食落唔會覺得有咩古怪野。京蔥羊肉就幾香口，不過就有少少羊味，唔鐘意羊味嘅就小心啲啦。另外有啲特別啲嘅午餐肉，燒賣，台灣腸都有。午餐肉因為個爐自己會轉嘅關係，好輕易就燒到外脆肉軟。燒賣有個細心位，就係好多燒烤樂園嘅燒賣都未熔哂雪，變左一燒就好易成粒分裂跌落火海，呢度就完全無問題。台灣腸來貨都唔差，唔似平價貨。菜方面有秋葵，車厘茄。呢兩樣都係普通燒烤樂園少見啲，成本都算高啲。用料都新鮮，可以解一解啲肥膩感。…Read More

呢間texas burger係商場頂樓嘅一角，人唔算好多，而且坐位分佈都幾舒服。燈光都偏向柔和啲，同另一半食都幾唔錯。軟殻蟹牛油果牛肉漢堡 (套餐)個burger本身個包都唔係好hea好軟果種，算係有啲口感。而個軟殻蟹都唔係炸到好油。薯條記得要襯熱食，外面係炸得脆口，但係就唔係硬果隻，變左放耐左就會淋。睇相都知係偏向厚身，個人就比較鐘意呢款厚身嘅薯條，食到多啲薯仔味。卡萊羅納燒烤骨呢個ribs跟左一個薯條同沙津。薯條就同上面一樣係度就唔多講啦，沙津就有少少生果。雖然佢地menu英文係寫baby ribs, 但係我就覺得都算係多肉食。味道都算濃味，都無overcooked唔會乾得劑。…Read More

呢間餐廳主打西餐，而且仲係好有主題。最特別嘅就係係餐廳門口嘅旋轉木馬裝飾。聽講呢間食店好多小朋友鐘意。而當日都有家長突登同小朋友黎。當日就食左一個牛排嘅set lunch當中有牛排，蔬菜湯，同飲品。牛排唔算煮得好太熟，本身嘅調味唔係好多，配上醬汁好味好多喇。沙津本身都好健康，唔會有好多dressing。蔬菜湯感覺好清新，唔會成陣茄膏味。小食拼盤呢個小食拼盤最啱就係小朋友食。因為好多都係炸物。薯角脆身，配上茄汁就好好味。水牛雞翼味道好香濃。芝士條唔會炸得好油。…Read More

呢一間茶餐廳除左有一般嘅茶餐之外，仲有好多點心。而且點心嘅質素都唔錯，口痕想食點心嘅都多一個選擇。而且價錢仲要一啲都唔貴。北菇蒸雞飯飯有雞油香味，雞都好滑。比好多酒樓都要好味。排骨飯排骨用嘅部位唔算好肥，變左飯就淡味左少少。五香牛肚牛肚部位唔錯，食落淋身。味道夠香濃。個人就幾鐘意。番茄牛通番茄湯味道夠，通粉因為煮太耐而變霉。牛油多士，炒蛋，火腿而家間間茶餐廳都對炒蛋特別講究，呢間都一樣。滑就一定呀啦，而且佢仲係特別香口，顏色仲好金黃色。燒賣味道同茶樓基本上係一樣，不過呢度多一粒杞子，食落就多一個層次。…Read More

餐廳好有懷舊嘅味道，每一個地方都落左好多心思。今次就叫左個258嘅套餐。首先就有食左個花膠雞煲，之後就任食打邊爐。 一黎到就有一個餐前小食，有炸燒賣同魚旦。呢一方面都幾細心，因為始終雞煲都要幾分鐘係我地面前去煲。雞煲嘅味道唔會太過濃味，好啱唔係好食得辣嘅人。花膠都唔會象徵性咁落一兩塊就算。雞嘅肉質唔嚡口，煮嘅時間控制得唔錯。打邊爐時間，呢度配菜嘅選擇都唔係少。我就㨂啲特別嘅出黎寫下啦：海鮮拼盤真係好豐富，有蝦，蠔，蜆，鯇魚，墨魚滑。而且份量都好夠。蠔都幾唔錯，夠哂大隻。牛小排肉質唔嚡，而且唔係切到薄切切，食到肉味又唔會老哂。肥牛睇相都見到脂肪分佈好好，一樣唔係薄切切。牛肉味都好夠濃。油炸鬼之前未試過，感覺特別。脆口又吸到個湯。牛丸  墨魚丸食得出唔係一般貨色，都好彈牙。牛丸個味道仲好濃味添…Read More

豬頸肉醬腌呢度個醃料味道類似麵豉醬嘅味道，而且切得比較細條食落無咁有油膩。牛舌呢個牛舌份量幾多，而且重點係佢夠厚身。食到牛嘅香味之外，都好多肉脂。本人就幾鐘意佢地嘅牛舌。牛肝呢個牛肝都幾特別，因為真係無咩舖頭會提供。店員上菜果時有叫我地燒七到八成就好。燒嘅時候聞到類似鵝肝果種香味。食落就雖然係無鵝肝或者鴨肝果種咁滑，但係相對地又唔會咁肥膩。都幾好味。牛五花腩牛五花比豬嘅牛花腩肉就無咁淋身，不過都好肥美。夾生菜就一流。蛋呢個就免費嘅，我就幾鐘意。因為佢落嘅料都好多，有少少海鮮，芝士，同泡菜。口感好豐富。幾有驚喜。最後，呢度嘅店員都好主動，佢地主動同你清一清塊板嘅汙漕同油。見到生菜無哂都會主動換左佢。我覺得呢個價位嘅餐廳嘅店員算幾唔錯。…Read More