今日黎到將軍澳，見附近間間都係連鎖無咩好食，就黎左小啲聲見嘅桂花小幸。呢間桂花小幸主打台灣野食，裝飾走文青路線，座位都唔算好迫。
呢度係半自助型式。睇啱食咩就要自己出去落單比錢。出去落單之前記住自己嘅枱號，之後要話比個收銀聽。
鹽酥雞排滷肉飯
雞排炸得不過不失，肉都仲係好嫩滑。滷肉飯肥肉唔會太多，而個滷汁無咁杰身，比較健康清爽。
煲仔塔香三杯雞
呢個三杯雞用嘅都雞翼仔，肉唔會因為長期煮而變老。而且呢個收汁收得好乾身，好香口。
麻辣牛肚
本人最鐘意呢味，因為本身佢嘅份量已經好多。個麻辣汁調得好好，牛肚十分之麻，但係辣又唔太辣。辣得好過癮。
芝士奶蓋桂花烏龍茶
呢杯野幾有驚喜，首先芝士奶蓋夠多，而且夠濃。而個烏龍茶就唔算過濃有少少回甘。以台式餐廳嘅野飲黎講，質素係明顯好好。
