Annie4419's Profile

這次的晚餐真是太好味了！我們點咗烤五花肉，肉質超嫩，外面焦脆的，搭配醬汁好吃到停不下來！豬皮好正，燒得啱啱好，入口即化，好過癮。牛肋骨肉厚又多汁，香氣四溢，真的是肉食者的天堂！雞蛋卷滑滑的，裏面仲有超多芝士。最後的冷麵超解膩，搭配新鮮蔬菜，整體吃下來非常平衡。這頓飯讓我意猶未盡，絕對值得再來一次！服務也很周到，讓我們的用餐體驗更完美！環境方面，餐廳氣氛輕鬆舒適，燈光柔和，讓人覺得很放鬆。桌子間距也很好，不會太擁擠，適合聊天聚餐。這頓飯讓我意猶未盡，絕對值得再來一次！…Read More

呢間居酒屋距離地鐵站都好近，入面裝修好日式，侍應服務態度好好，整體嚟講食物睇得又高質，好適合約三四個friends 一齊飲番兩杯。日本啤酒拉麵賣相 5/5味道 5/5價錢 5/5性價比 5/5呢個以啤酒杯造型嘅拉麵真心以為佢湯底入邊有啤酒成份，可能會有啲奇怪。但係食落超級有驚喜，佢湯底應該係凍蕎麥麵汁，上面扮啤酒泡嘅係芝士奶蓋，加埋拉麵真係出奇地夾，濃濃嘅奶香，一定要試！夏之芒蟹子沙律賣相 4/5味道 4/5價錢 4/5性價比 4/5超多嘅蟹子同青瓜絲，芒果超大嚿，正常發揮！如果芒果甜啲就會更加正！一口和牛三文治賣相 4/5味道 5/5價錢 3.5/5性價比 4/5總共有四件和牛三文治，每一件三文治上面都有唔同嘅醬汁，而個人最鍾意係黑松露醬！吉列和牛外脆內軟，炸粉唔算厚，牛肉既tender 同埋有牛味。帶子海膽青瓜卷賣相 5/5味道 4/5價錢 4/5性價比 4/5總共有六件卷物，每一件上面都有一件帶子同埋海膽，兩樣刺身都係十分之新鮮同埋鮮甜，配埋青瓜都幾有口感！蜜桃烏龍熊茶賣相 5/5味道 5/5價錢 5/5性價比 5/5呢款嘢飲係餐廳嘅signature! 超得意嘅熊仔冰，係用紅茶整，唔會溝淡咗杯嘢飲。北海道士多啤梨乳酸賣相 5/5味道 5/5價錢 5/5性價比 5/5士多啤梨味一啲都唔假同埋杯嘢飲，好重牛奶味，值得encore!…Read More

餐廳距離地鐵站唔算遠大概7分鐘嘅路程，環境幾靚，仲有戶外座位添。最衰嗰日落雨冇得出去打下卡！午市餐牌有七款Main 可以選擇價錢大概$150至$300不等。 每款主菜都有一個Starter。餐包賣相 4/5味道 4/5 正正常常嘅餐包，食物外脆內軟。Soup of the day (Mushroom soup)賣相 3/5味道 3/5一聽到今日個湯係蘑菇湯就即刻揀咗佢，望落個湯就好似會比較濃郁同埋會有啲蘑菇蓉。飲落味道又唔算好rich ，整體偏鹹。下次會簡沙律，應該會好啲。Grilled Black Angus Ribeye賣相 4/5味道 4/5價錢 4/5性價比 4/5餐廳提供左三款mustard ，我今次就揀咗蜜糖芥末，味道同牛扒好夾。牛扒切得偏薄，但係好大塊。呢個係叫三成熟，肉質好腍，幾juicy! 嗰個handmade chips 超好味！Mustard Beef Burger賣相 5/5味道 5/5價錢 4/5性價比 4/5個飽有烘底，牛肉漢堡都算厚，食落都係好Juicy，唔嚡口。番薯條份量超級多，外脆內軟，食落甜甜地，真係停唔到口。Panna Cotta賣相 5/5味道 5/5價錢 5/5性價比 5/5主角旁邊嘅水果全部都好甜，主角非常之滑溜同埋好濃奶味，配埋紅莓醬酸酸甜甜，perfect! 仲要加$20就有一款甜品，好鬼抵！…Read More

將軍澳海濱長廊開咗一間裝修好靚嘅餐廳。由調景嶺地鐵站行過去淨係需要10分鐘，地理位置不錯！食完之後行吓海濱長廊，睇吓海景順便消化下！炭燒prime 美國西冷賣相 5/5味道 5/5價錢 3/5性價比 4/5今次點咗7成熟嘅西冷扒，估唔到真係可以做到啱啱好。之前去過有d餐廳整得唔係太熟就係太生。 西冷扒係炭燒嘅，旁邊有啲焦脆，食落幾香口！ 另外配菜都好出色，尤其是係粟米仔，燒得好香，秋葵同雞髀菇都好唔錯！香煎法國鱸魚賣相 5/5味道 5/5價錢 3/5性價比 4/5鱸魚煎到外脆內軟，魚皮真係超級好食，又香又脆！魚肉仲係好多汁好香同埋真係好大份！ 當然配菜亦都係同樣出色。唯一美中不足嘅就係個檸檬汁唔係好夠鹹同埋好似唔係好夾條魚咁。每個套餐都包餐湯同埋一杯嘢飲，泡沫咖啡味道唔錯，糖漿亦都會另上可以自行調節！…Read More

以後都唔會再嚟呢間餐廳。。。。因為夜晚會喺觀塘上手作坊，所以就喺附近搵咗間餐廳。本來都覺得呢間餐廳幾好，環境闊落，門口嘅reception 好有禮貌態度好好，估唔到落完單之後就係惡夢嘅開始…..全晚唯一叫做OK嘅係生蠔，都叫做新鮮嘅。第一轉叫咗個闊條麵，青口同埋一個Pizza。闊條麵一想就知一定唔夠食，二百幾蚊一個麵，份量超小，一個人食都唔會夠飽，味道普通。好明顯唔夠食所以我哋即刻點多咗一個Pizza，十分後悔。白酒煮青口，青口都算大隻，有少少腥，一開始都覺得算唔錯，但係原來有幾隻係壞咗，食落係臭㗎…最後到嗰兩個Pizza，一個係野菌燒腩肉pizza，另一個salami pizza。野菌燒腩肉Pizza好細心之下都叫做見到一兩舊好似指甲咁幼嘅豬肉。嗰個salami pizza 係完全見唔到有salami，由於佢差唔多每樣食物都做得有啲差，我哋最後都同左餐廳反映過Pizza完全冇salami。餐廳嘅侍應首先反應好大，仲話冇可能，又話我哋兇佢，重點係當下我哋都冇講嘢，跟住又話幫我哋去廚房check 下。check完之後就話 d salami 佢喺個底度，我哋睇完之後都係冇，侍應都冇再理我哋。我哋懷疑Salami 應該係混入左Pizza上面嗰啲辣醬。到我哋埋完單準備走嗰陣突然間有個侍應過嚟問有咩幫到我地，佢講嘢完全冇頭冇尾唔知佢想點，跟住佢再問頭先發生咩事。我哋完全聽到O晒嘴，佢唔係應該問返佢啲同事嘅咩，同埋我哋都諗住走佢仲可以幫到我哋啲咩呢？真心呢間餐廳唔使錢都唔會再去食，完全係食到成肚氣！…Read More

呢間餐廳平時應該都幾多白領會去食，佢開喺辦公室大樓樓下。而員工服務態度非常好，上菜速度都好快。大腸包小腸賣相 5/5味道 5/5價錢 5/5性價比 5/5最多人點嘅小食，差唔多每台都有點到，賣相精緻，味道唔錯，台式腸你平時食開嘅大條。蔥油四色拌麵賣相 4/5味道 4/5價錢 4/5性價比 4/5同想像中嘅拌麵有些出入，本身以為係蔥油同蒜蓉拌台式麵，佢原來只係黑豉油撈幼面，感覺比較普通。 但係勝在有唔同嘅前菜同埋有個肉燥油麻菜。鹽酥雞賣相 4/5味道 3.5/5價錢 4/5性價比 4/5賣相還好，食落去唔算嫩滑，九層塔反而炸得唔錯夠乾身！台式香腸賣相 5/5味道 5/5價錢 5/5性價比 5/5台式香腸比出面食嘅大條，外皮脆脆地，好味 ！黃金脆炸單骨雞翼賣相 4/5味道 5/5價錢 5/5性價比 5/5雞翼好有蛋黃味，炸到外脆內軟，十分惹味，下次一定會再叫！胡麻醬青瓜雞絲沙律賣相 4/5味道 4/5價錢 5/5性價比 4.5/5雞絲份量超級多，胡麻醬好香，加埋青瓜食成個感覺好清新！QQ紫芋波賣相 5/5味道 5/5價錢 5/5性價比 5/5即叫即炸，外脆內軟糯，好香芋頭味，係好味嘅甜品！炒雜菜賣相 4/5味道 4/5價錢 4/5性價比 3.5/5呢個炒雜菜冇乜特別，比較清淡，最好味嘅已經係嗰啲菇，唔係超想食菜嘅話都唔需要特別點。特選水果玫瑰花賣相 5/5味道 5/5價錢 5/5性價比 5/5呢杯嘢飲打卡一流，水果份量十分足料，飲落都有淡淡玫瑰花香，加埋愛玉飲落更加有口感。隔離枱見到我點左一杯即刻都叫咗一杯一模一樣嘅。鮮手工製芋圓奶茶賣相 5/5味道 5/5價錢 5/5性價比 4.5/5奶茶味道香濃， 芋圓煙韌有咬口，加埋珍珠，成杯嘢飲都好邪惡，但係完全停唔到！…Read More

呢間餐廳好近地鐵站，地理位置相當不錯。整體來講食物選擇多，尤其是有好多唔同壽司揀。超級龍捲風 (中間)賣相 5/5味道 4/5價錢 5/5性價比 4.5/5超級龍捲風係包括有鰻魚，海老，青瓜，芝士，脆片嘅壽卷物。每一啖都有唔同嘅口感，炸蝦雖然包咗喺壽司入邊但係都仲係好脆！份量都好多，總共有八件。蜘蛛 (右邊)賣相 5/5味道 4/5價錢 4/5性價比 4/5呢個卷物入面有炸軟殼蟹，青瓜，牛油果，蟹柳。軟殼蟹好大件，而味道都同牛油果好夾。忘不了你 (左邊)賣相 5/5味道 5/5價錢 5/5性價比 5/5最推薦嘅係呢一款忘不了你入邊有，芒果，炸牛肉，芝士。又炸物又芝士，聽落好似有啲膩，但係就係因為有芒果，令到成個卷物一啲都唔會膩，仲好refreshing!三文魚頭湯賣相 4/5味道 4/5價錢 5/5性價比 4.5/580幾蚊咁大鍋三文魚頭湯，性價比十分高！味道正常，略嫌有少少太鹹，入邊有好多蔬菜而三文魚肉都十分嫩滑。黑豚荔枝卷串燒賣相 4/5味道 4/5價錢 4/5性價比 4/5第一次食荔枝加黑豚呢個配搭，荔枝令到成個串燒更juicy，而黑豚肉都燒到焦脆，頗香口！雞翼串燒賣相 3/5味道 4/5價錢 4/5性價比 3.5/5雞翼串燒冇乜特別，略嫌稍鹹，但係都做到外脆內滑嘅。…Read More

呢間餐廳設計得比一般嘅茶餐廳特別，整體來說食物份量頗多，味道都不錯！拔絲山楂汁菠蘿咕嚕肉賣相 5/5味道 5/5價錢 5/5性價比 5/5每一塊咕嚕肉都真係可以做到拔絲嘅效果，酸酸甜甜，外脆內軟，值得encore! 菠蘿面頭仲有啲山楂汁，更突出菠蘿嘅味道，整體味道配合得幾好！黑蒜油叉燒滑蛋飯賣相 5/5味道 5/5價錢 5/5性價比 5/5其他餐廳食嘅通常都係普通滑蛋叉燒飯，今次呢個特別之處係用咗黑蒜油，令到成個飯更加香同埋惹味。唔怪得知可以成為餐廳嘅招牌菜之一！食物放在非常之多，好多叉燒滑蛋又大份，完全係大份夾抵食。唐人街飛天炒通菜賣相 3/5味道 4/5價錢 4/5性價比 4/5炒通菜望落比較淺色，以為會唔係好夠味，食落偏香辣，味道都唔錯，下次會試吓馬拉盞炒通菜。酥皮蛋撻賣相 5/5味道 5/5價錢 5/5性價比 5/5酥皮蛋撻係餐廳嘅另一個招牌菜，收皮有好多層，外脆內軟，蛋漿亦都十分軟滑。土匪花膠排骨煲賣相 4/5味道 5/5價錢 5/5性價比 5/5排骨有超過10嚿，花膠都最少有3，4塊，份量簡直係超越我所想。味道相對比較濃味，送飯一流！晚市套餐仲有燉湯送，十分滋補！瑤柱扒西蘭花賣相 3/5味道 3/5價錢 4/5性價比 3.5/5西蘭花比想像中嘅賣相冇咁好，味道都冇乜特別，但係勝在佢係晚市套餐之一，80幾蚊有菜有飯仲有湯都算唔錯！…Read More

呢間餐廳非常值得encore，食物質素高，味道辣行過癮，好對得住個價錢，環境好舒服，唔會坐得好迫，仲可以對住海景慢慢食！幻彩荔枝花茶 （$32）賣相 5/5味道 5/5價錢 5/5性價比 5/5好啱打卡又好飲嘅花茶。洛神花茶喺個底蝶豆花茶喺上面造成漸變嘅效果。淡淡花香，配埋清爽嘅蘆薈，可以舒緩辣感。檸檬柚子蜜 ($32)賣相 4/5味道 4/5價錢 4/5性價比 4/5無論賣相還是味道都是正常發揮，冇乜特別，酸酸甜甜幾開胃。千層大刀耳片 （$88） 賣相 5/5味道 5/5價錢 5/5性價比 5/5從來都冇食過咁薄嘅豬耳，醬汁十分惹味，入面仲夾住咗青瓜，口感豐富。糖醋炸魚皮 （$128）賣相 5/5味道 5/5價錢 5/5性價比 5/5呢個係必點嘅開胃菜！即叫即炸嘅魚皮，十分鬆脆，加埋糖醋醬，蔥絲，辣椒，薑絲落去炒，食落唔算太辣，完全係食唔停！麻辣小龍蝦 （$328）賣相 5/5味道 5/5價錢 4/5性價比 4.5/5自從喺內地食完小龍蝦之後都冇試過喺香港食，今次食小龍蝦好有驚喜。嗰汁同喺內地食嘅差唔多，面頭有大量芫荽同埋原粒蒜瓣。另外小龍蝦煮得好入味，辣得好過癮！水煮鱸魚 （$388）賣相 5/5味道 5/5價錢 4/5性價比 4.5/5水煮魚睇個樣都知道真材實料，味道頗辣，裏面都有唔少配菜，有荀，青瓜，芽菜，鴨血，寬粉。魚片十分滑溜完全冇骨，份量都有唔少，好足料。霸王辣子雞 （$228）賣相 5/5味道 4/5價錢 4/5性價比 4/5辣子雞加咗好多乾辣椒入去炒，但係味道唔算辣。佢係將雞切到一小塊落去炒，如果大嚿啲嘅話口感應該會好啲。入面仲有啲腰果，炒得好香口。三色蛋浸時菜 （$138）賣相 4/5味道 5/5價錢 4/5性價比 4.5/5唯一一點唔辣嘅菜，三色蛋好好味，尤其鹹蛋做得最出色，佢個上湯都充滿着鹹蛋味，唔錯！紅糖冰粉 （$48）賣相 5/5味道 4/5價錢 4/5性價比 4/5食咗咁多辣嘅嘢當然要食返一碗冰粉，冰粉份量唔算多，上面有啲芝麻碎，花生碎同埋西瓜粒，凍啲嘅話應該更加好味😋…Read More

呢間舖頭佢啦荔枝角地鐵站好近，只係需要5分鐘嘅路程。餐廳都算闊落，都有好多位。總括而言食物質素唔錯，價錢唔算貴同埋好健康！慢煮天多利雞賣相 5/5味道 4/5價錢 5/5性價比 4/5呢個係佢pre-set咗嘅一個餐，配料冇得轉，淨係可以揀個底層。今次就揀咗白飯做底。主菜同埋配料嘅份量多好多，除咗有雞肉之外仲有我最鍾意嘅中華沙律！蛋黃醬配青瓜同埋仲有啲蟹子喺上面，令到成個飯更加有口感。DIY - 西班牙蒜油熟蝦，薑汁松阪豬賣相 5/5味道 5/5價錢 5/5性價比 5/5另外呢間餐廳最好嘅就係pre set menu 唔啱食你都仲可以自己DIY。蒜油熟蝦下都有成四五隻，好香蒜蓉味，上面仲有啲麵包脆脆，同埋白芝麻，食落好香口。本身以為松阪豬應該會比較鞋口，完全估佢唔到咁嫩，外面仲要煎到脆脆地。DIY - 西班牙蒜油八爪魚，泰式熟蝦賣相 5/5味道 5/5價錢 5/5性價比 5/5最後一個都係嗌咗DIY，同樣八爪魚上面都有大量蒜油同埋麵包脆脆，食到停唔到口。而泰式熟蝦嘅醬汁十分惹味，陣陣芫荽香味。如果個飯可以配上多啲醬汁嘅話應該會更加好食！…Read More

整體來講餐廳環境唔錯，好闊落，服務態度好，食物質素高！懷舊鳳梨咕嚕肉 ($128)賣相 5/5味道 5/5價錢 5/5性價比 5/5賣相精緻，打卡一流。咕嚕肉外脆內軟，醬汁酸酸甜甜， 十分開胃。餐廳唔係用普通嘅罐頭菠蘿，食落更加有口感！ 雖然價錢好似比較貴，但係咕嚕肉分量十足，有超過十塊。唯一美中不足係鳳梨份量比較少。蒜蓉炒菜心($118)賣相 4/5味道 5/5價錢 3/5性價比 3/5菜心好新鮮加埋蒜蓉去炒好惹味，分量唔算多，兩個人食啱啱好，但略嫌稍貴。紅燒花菇豆腐 ($138)賣相 4/5味道 5/5價錢 5/5性價比 5/5本身望到呢一味菜覺得冇乜咁吸引，食落去非常有驚喜，十分推薦！花菇吸晒啲汁，超好味。而豆腐應該係炸過之後先落去煮，豆腐真係好軟滑，食到停唔到口！銀牙肉絲脆麵 ($198)賣相 5/5味道 4/5價錢 4/5性價比 4/5完全比呢個賣相吸引咗，筷子竟然可以凌空擺，好啱打卡！ 店員仲會等你打完卡之後先開始幫你淋醬汁剪開個面。呢個面十分之脆，配埋芽菜同埋肉絲食好有咬口，如果可以配上更加多肉絲就好。部份餐牌…Read More

終於開返晚市堂食！今次同朋友去咗旺角兆萬中心入邊嗰間韓國餐廳。餐廳環境幾闊落，仲有卡位可以選擇。用OpenRice 訂座仲有優惠。半半烤雞今次點咗蒜香烤雞同辣醬烤雞，兩樣都係得半份所以唔係太多。辣醬烤雞非常之惹味，淨係點左小辣，我覺得下次可以挑戰吓中辣。蒜香烤雞食落甜甜地，好香，食唔停口。 配菜係薯條，非常有驚喜，外脆內軟，加埋啲蒜香醬，超好味。有啲可惜嘅係唔可以一半炸雞一半烤雞。脆炸雞腎炸雞腎份量超大，好抵食。佢餐牌上面有三個辣椒，本身以為會好辣， 但原來佢係包埋辣椒一齊炸，雞腎一啲都唔辣，除非你咬中辣椒。同埋略嫌有少少厚粉。炸軟殼蟹呢個份量都係好多，大大件嘅軟殼蟹，仲要有膏嘅添，外脆內軟，食落都鮮味十足。檸檬雞沙律食咗咁多炸嘢叫返個沙律中和一下，酸酸甜甜，好解膩，上面仲有幾塊多士同埋大量嘅雞肉。抹茶沙冰抹茶沙冰賣相幾靚，抹茶味都好重，唔會太甜。梨粒果汁罐裝嘅果汁，雖然細細罐，但係充滿着果粒，同埋梨嘅清香。桃粒果汁桃味香甜，大大罐，有好多桃粒。芒果雪冰成餐最期待就係呢個雪冰，本身以為係啲罐頭芒果，竟然係新鮮芒果有啲意外，配料仲有好多芒果爆珠，口感超好。…Read More

呢間茶餐廳俾人嘅感覺非常之高級,個人覺得佢個裝修似Cafe多啲,好適合去打卡。而餐廳嘅食物就同港式茶餐廳類似,但當然佢都有自己特色嘅食物,就好似佢會有甜品。整體來講食物質素好高，價錢相宜，限聚令解除之後一定會同一大班朋友再去！滑蛋叉燒飯 ($59) 賣相 5/5味道 5/5價錢 5/5性價比 5/5 呢個係餐廳嘅招牌菜，滑蛋同埋叉燒嘅份量超級多，完全覆蓋左底下嘅飯。炒蛋非常之嫩滑，應該加咗忌廉或者牛奶落去炒，恰到好處，配埋蔥油，簡直令成個味道昇華左！叉燒全部都比較大嚿，非常之軟腍，食落甜甜地，好惹味，非常推薦！七味椒鹽一口山水豆腐 ($58)賣相 5/5味道 5/5價錢 5/5性價比 5/5豆腐份量簡直驚人，呢個價錢竟然有12嚿豆腐，仲要擺得好靚！雖然佢唔太算係一口豆腐，但係佢炸得真係好好味！外層嘅炸漿好薄，非常香脆，豆腐就好軟滑，加埋面頭嗰啲七味粉整體食落有少少辣。口水皮蛋百頁豆腐 ($58)賣相 4/5味道 4/5價錢 4/5性價比 4/5本身以為係台灣嗰隻百頁豆腐，但原來唔係，佢只係普通嘅山水豆腐， 有少少失望。不過佢切得都幾靚，每塊厚薄都一樣，味道都算唔錯。山楂菠蘿咕嚕黑豚肉 ($78)賣相 5/5味道 5/5價錢 5/5性價比 5/5呢個咕嚕肉非常推薦，擺盤靚之餘，份量十足。黑豚肉外邊酸酸甜甜，有脆皮嘅感覺，食落去肉質好腍，幾好食！同埋佢真係做到拉絲嘅效果。另外佢啲菠蘿唔係加埋落去炒，而係側邊另上，燒過嘅菠蘿特別好味！鹹蛋黑松露雞翼 ($48)賣相 5/5味道 4.5/5價錢 5/5性價比 4.5/5總共有六隻雞翼，雞翼肉質嫩滑，焗到啱啱好。黑松露同鹹蛋黃嘅味道意外配合，但係略嫌底下嘅雞翼冇乜黑松露醬味。雪糕紅豆冰 (+$15)賣相 5/5味道 5/5價錢 5/5性價比 5/5呢間餐廳嘅特飲都非常之大杯，雪糕係雲呢拿味道，成杯嘢飲唔會太甜幾好！熱情果檸檬梳打 (+$15)賣相 5/5味道 5/5價錢 5/5性價比 5/5熱情果味相對檸檬味較濃，酸酸甜甜，飲落都好refreshing，食完啲重口味嘅嘢飲番一杯真係幾正！…Read More

呢間餐廳位於九龍灣Mega Box。雖然唔近地鐵站，但勝在係德福廣場嗰度可以搭免費穿梭巴士直達MegaBox，尚算方便。好彩今日早啲嚟，大概五點幾就去食，完全唔使等位。過咗六點之後就大排長龍。餐廳嘅防疫措施做得幾好，座位相隔距離比較遠，又有一大塊板隔住，食得幾安心！今次點左兩個梳乎厘pancake同飲品。目玉燒梳乎厘pancake $118賣相 5/5味道 4/5價錢 3.5/5性價比 4/5呢個pancake啱啱出咗冇耐，望落好吸引，一開始以為係真嘅蛋，其實係忌廉芝士同埋吉士。 Pancake以鐵板上，總共有三大塊，大量嘅忌廉芝士同埋一個”蛋黃”。 芝士同pancake好夾，如果再加啲糖漿會好味啲。 “蛋黃”口感好特別，包住吉士醬嗰陣有少少似啫喱，一邊吉士醬味道唔係太濃，甜甜地咁。 下次會想試吓夏威夷pancake。士多啤梨梳乎厘pancake $128賣相 5/5味道 4/5價錢 3.5/5性價比 4/5一樣係有三塊梳乎厘pancake，口感非常鬆軟，上面啲忌廉甜甜地，口感清爽，再加埋糖漿，味道啱啱好！士多啤梨全部切到心形，食落幾新鮮同埋好甜！ 宇治金時 $35賣相 5/5味道 5/5價錢 5/5性價比 5/5呢杯飲品好大杯，賣相好靚，面頭仲有啲綠茶粉點綴。 抹茶味道濃郁，紅豆頗甜。芒果沙冰$48賣相 5/5味道 4/5價錢 4/5性價比 4/5芒果沙冰面頭上有芒果粒，值得加分。飲落去有少少奶味，感覺上都係清爽嘅。…Read More

呢間位於西貢嘅泰國餐廳雖然有少少遠，但係勝在環境超級正！餐廳分咗室內同室外嘅位置，坐喺室外嘅話就係對住一片大海，十分浪漫同埋寫意。食物嘅價錢係中等嘅水平。對住咁靚嘅風景食飯完全覺得超值！小食拼盤(細) $158賣相 5/5味道 4/5價錢 4/5性價比 4/5小食拼盤包括泰式雞卷，魚餅，蝦餅同埋素春卷各4件。蝦餅外脆內彈牙，蝦味濃郁。泰式雞卷口感幾特別，入面有少少雞軟骨，增加左層次感。而素春卷則皮薄餡靚，非常足料。個人來講唔係特別鍾意食魚餅。醉貓炒河 $128 賣相 4/5味道 4/5價錢 4/5性價比 4/5一上菜有陣陣嘅酒香，食落就冇乜嘅酒味，河粉炒得偏油。佢可以揀雞肉，牛肉，豬肉或者海鮮，今次就揀咗海鮮，入邊最少有兩隻青口，兩隻大蝦同埋好多魷魚，非常足料。椰香紅咖喱$148賣相 4/5味道 5/5價錢 4/5性價比 4/5咖喱分量望落好似好細分咁，兩個人食原來係好夠！紅咖喱味道偏辣，非常開胃同埋惹味。羊肉羶唔重，非常軟腍。加咗$38嘅烤薄餅，配咖喱簡直一流。店員仲好好人咁提我地要趁熱食如果唔係就會硬咗。芒果沙冰$68賣相 5/5味道 5/5價錢 4/5性價比 5/5芒果沙冰好大杯，打卡一流！沙冰芒果味非常濃郁，唔係溝芒果醬落去打，味道好清爽。雖然價錢唔係得平，但係勝在大杯同埋好味！ 珍多冰$45 賣相 5/5味道 5/5價錢 4/5性價比 5/5珍多冰正正常常，比坊間嘅大杯，如果椰汁味可以濃啲嘅話會好啲！雪糕 $58賣相 5/5味道 5/5價錢 4/5性價比 4.5/5原本諗住是榴槤味嘅雪糕，但好可惜咁啱賣晒，最後揀咗藍莓同埋士多啤梨味。兩款雪糕入邊都有食到果肉，都算高質！…Read More