將軍澳海濱長廊開咗一間裝修好靚嘅餐廳。由調景嶺地鐵站行過去淨係需要10分鐘，地理位置不錯！食完之後行吓海濱長廊，睇吓海景順便消化下！
炭燒prime 美國西冷
賣相 5/5
味道 5/5
價錢 3/5
性價比 4/5
今次點咗7成熟嘅西冷扒，估唔到真係可以做到啱啱好。之前去過有d餐廳整得唔係太熟就係太生。 西冷扒係炭燒嘅，旁邊有啲焦脆，食落幾香口！ 另外配菜都好出色，尤其是係粟米仔，燒得好香，秋葵同雞髀菇都好唔錯！
香煎法國鱸魚
賣相 5/5
味道 5/5
價錢 3/5
性價比 4/5
鱸魚煎到外脆內軟，魚皮真係超級好食，又香又脆！魚肉仲係好多汁好香同埋真係好大份！ 當然配菜亦都係同樣出色。唯一美中不足嘅就係個檸檬汁唔係好夠鹹同埋好似唔係好夾條魚咁。
每個套餐都包餐湯同埋一杯嘢飲，泡沫咖啡味道唔錯，糖漿亦都會另上可以自行調節！
