lht1111's Profile

放工時間約左好友食晚飯 朋友係牛頭角番工 話佢果頭都有好西食 平時都係去開九龍灣同觀塘開餐 真係唔知原來牛頭角係有好西 咁就一於黎試下呢間餐廳叫moomoo 牛頭角地鐵站開始行去需時5-6 分鐘 附近都好多工商大廈 要睇google map 先識行搵到喇終於 間野外面有幅好街頭風既塗鴉 幾特別餐廳外面就用左好多霓虹燈 design 令到個感覺充滿美式漫畫 街頭文化x現代工業風感餐廳設有露天位 用上bar 枱bar凳 都幾chill 放工同一大班同事黎happy hour 呢間餐廳都係個唔錯選擇酒類既選擇都好多 今次黎呢度主要目的係食burger 同芝士肉醬薯條落order 都好方便 個經理會好樂意介紹burger咁我地最後揀左經典burger 同美式burger塊牛肉相當新鮮 充滿肉汁 唔會全熟 肉色帶粉紅 岩岩好 個包處理得好好 包底有煎過 咬落去外軟內脆 好有心思芝士肉醬薯條係呢度招牌 份糧十足 個芝士醬勁濃郁 最值得讚係唔會因爲擺耐左而凝固 兩個人share 食捧住個肚走 一定夠飽…Read More

放工約左去銅鑼灣食飯，大家都想食下炸雞呢啲咁邪惡嘅野，但又唔想又係食連鎖店個啲喎，咁就openrice下，揀左呢間係利舞台嘅韓式炸雞餐廳喇😋餐廳係利舞台十七樓，餐廳裝修好新淨， 好有韓式簡約feel，場內幾部大電視都播緊韓國mv，老板同侍應都係韓國人，成間餐廳都感覺好地道。最初以為呢間餐廳好主要都係賣炸雞，其實淨係雞都有烤、焗、烤幾種烹調方式，而且唔會獨沽一味全部都係雞，仲有好多韓式嘅菜式嘅😂由於餐牌實在太多選擇喇，揀左好耐最終揀左呢個芝士年糕拉麵，又有邪惡嘅芝士年糕，又有韓式辣麵，一次滿足我地兩個願望🤤芝士熱辣辣食到拉絲夠晒邪惡😈，年糕煙韌度岩岩好，值得推介嘅一碟菜！之後就輪到當日嘅主角香脆雞喇，有得揀半份/一份，有骨/無骨，咁我地見到隔離枱嗌一份嘅分量相當誇張😲，就嗌左半份有骨嘅試試先。果然兩個人叫半份嘅分量岩岩好，每人可以食到三件雞😋食住炸得金黃香口，但又無油溢感嘅雞真係好幸福呀😍雞肉肉質好嫩滑，調味亦都岩岩好，好入味🤤就咁無醬咁食已經可以輕鬆ko兩件，淨低再試埋配上隨雞附上嘅兩種醬--紅色嘅帶甜味嘅韓式辣醬同黃色嘅蜜糖芥末醬。唔知係咪韓式食炸雞嘅慣常做法，隨雞附上嘅仲有呢一碟醃蘿蔔，味道酸味味，可以係食雞途中調和返個油膩感👍🏻…Read More

呢間餐廳平日下午茶時段都幾多人等位，我地都等左大概半個鐘先入座。 叫左兩個tea set，一個肉醬意粉，一個小食拼盤share黎食。肉醬意粉味道幾好，分量都好足。小食拼盤嘅配搭好豐富，春卷入面有少少黑松露，幾得意又好食，薯條都炸得岩岩好，唔會話好油膩，雞翼就略嫌淡左啲啲。…Read More

間野門口擺曬d 大pizza 感覺有d 似連鎖店Paisano 賣相相當吸引 所以就walk in 入去試下 形式同Paisano 差唔多 都係cashier 比完錢就送去你位 唔同既係收銀樓面都香港人 唔洗講英文😂 入到去環境暗 有d似bar 如果食pizza +飲啤酒一齊飲 應該幾好feel 但今次我冇飲到啤酒 純粹剩係試佢slice pizza 🍕叫左個meat 同special 其實味道分別唔大 special 有dd 辣 pizza 上枱好夠熱 拎上手直情係辣手果隻 蕃茄味濃 仲有勁多肉 正下次再黎會同一大班fd share 食…Read More

平日夜晚想搵間尖沙咀餐廳平平地又有情調 自然諗起deli and wine 知佢裝修完 都想試下有咩唔同去到文化中心 原本個位變左美心 依家個位都係係附近 餐牌野食明顯冇以前咁吸引 感覺似大學頹can feel 冇左burger 餐環境方面 光猛左 冇左以前果種情調最後點左肉醬意同忌廉意味道好一般 真係似頹can質素 不過不失 冇咩驚喜 頹食黎講 呢個價錢ok la以前黎呢度好鐘意飲mocha 杯野變左茶記款 面頭冇左cream 同朱古力醬 賣相差左 好彩味道都唔錯 都推介飲結論係有得揀會想食番以前既質素 可以當呢間野係另一間😅…Read More

星期日約左人係筲箕灣街坊戲院睇戲，睇戲之前去相距唔遠嘅華星冰室食個靚brunch醒一醒神😋我地大概11:30到達冰室，呢個時間仲未開始有人潮，未需要排隊等位。等我地食完出餐廳，門外就出現左長長嘅人龍，華星冰室果然係名聲在外👍🏻黎到華星，就緊係要食最出名嘅常餐啦！侍應落單上菜非常之快，坐得五分鐘就有野食喇。呢到嘅炒蛋絕對係我食過最滑最好食嘅，份量亦都好夠，夾係三文治到食絕對係一流🤤湯意粉嘅叉燒收埋左係意粉下面，其實有好幾舊，幾足料，味道亦都相當唔錯。下次黎開呢頭睇戲不妨黎埋華星食返個靚常餐先😋…Read More

今次黎到東大街呢間人氣小店食lunch。店鋪雖小，五臟俱全，座位大概都有廿個，亦都唔會話坐得好逼。 Lunch set有幾款，價錢相宜，當中最受歡迎始終係招牌花膠撈蝦子麵，我第一次黎呢到，當然係要試下佢啦！😋招牌花膠撈麵嘅賣相非常吸引，花膠大大塊，麵上灑滿蝦子，非常吸引😋。花膠食落口好腍身，而且好入味，應該熬左好耐。麵身爽口，而且吸滿晒醬汁嘅味道，令人食到停唔到口🤤另外仲嗌左一盅海參煲雞湯，價錢唔貴貴，但出乎意料咁好飲！湯非常鮮甜，完全無味精味，亦都唔油，湯料都好足料，屬誠意之作！推介大家黎呢到試下佢嘅招牌撈麵同雞湯，質素有保證，一定撈得喜…Read More

同事慶祝生日 揀左呢間 貪佢有semi buffet 有得出去夾下沙律甜品幾過癮Main course 價錢最平係burger 98蚊 但好快賣曬 所以叫左龍蝦天使麵 178蚊龍蝦大大隻 仲有鉗食 用芝士燒 好好味 天使麵都相當唔錯至於沙律吧 有兩款菜 四款汁 我就揀左袖子 感覺唔太肥 湯就有南瓜忌廉湯 都唔錯 仲有凍豆腐 凍肉盤 粟米等等甜品選擇比想像多 有焦糖燉蛋 豆腐花 cheese cake 抹茶撻 啫哩糖 蛋糕仔 咁多野食加埋一齊 絕對飽肚 同同事慶祝值得推薦呢間…Read More

天時暑熱 間鋪離地鐵站有一段路 都身水身汗 搵左陣先搵到 入到去間野full house 好彩一早用openrice個apps book好位 遲左小小都有留到位比我地 值得一讚呢間野既野食野飲都好新奇 真係樣樣都想試 黎之前有上openrice做左功課 見d 人推介 ‘飲得既Tiramisu’ 咁就杯試下賣相好吸引 面頭有tiramisu 粉 同埋好濃厚既咸芝士味 再加埋咖啡 真係perfect 另外有餅乾碎 加上去真係似足tiramisu 咁仲有叫左杯latte 個拉花係成杯野既精華 好飲黎呢度緊係要試埋好出名既流心牛角包 有4款口味 龍蝦湯 冬蔭蝦 黑芝麻 焦糖咖啡咁我地揀左龍蝦湯 其實唔係幾識處理個包 一整散個包就流曬d 湯出黎 呃like 一流 個湯好鮮 好好味 同個牛角包勁夾 好快就食曬 唯一美中不足係我比較鐘意辣口既湯 呢個湯係室溫 所以有小小失望最後叫左個慢煮三文魚意大利飯同平時食開既意大利飯唔同 唔係creamy 果種 似意米有小小咬口 感覺食落有纖維健康d 咁 個汁有香草味 口味岩岩好 三文魚處理我好好 仲好鮮好嫩 呢個真心值得一試…Read More

對於慳家既我 係尖沙咀想搵間好野食係有小小難道 今次就試左呢間峰壽司 位置係food court 果層 有自己鋪位 等左陣就入得 兩條友比4人卡位 nice 熱茶任飲 最正係可以用tablet order 然後等食 三文魚既壽司都好多種 大約兩件既價錢就食到長身切既壽司 滿足感十足 有d令我諗起日本既壽司 另外叫左個蟹蓋 蟹膏鮮味十足 可適蟹肉似蟹棒碎上 感覺有小小假 壽司店黎講 峰壽司抵食選擇多 呢間會係我長期bookmark 會食既壽司店之一…Read More

係中環晚餐搵間平小小既餐廳選擇唔多 原本打算去茶木 點知都係要等位 由於太肚餓關係 得知樓上都有台灣野食 就上左黎鐵牛D 位都幾闊落 選擇都好多 都係大路台灣野食 選擇困難症既我諗左好耐叫左碗半筋半肉麵 再加杯凍珍珠奶茶 先講碗麵 個牛湯都幾重牛味 麵係幼身既 我就比較鐘意粗麵多 牛筋有d un 唔夠腍 仲有小小酸味 麻麻地 牛肉就正正常常冇咩賣點 至於杯珍奶 唔似台式口味 似港式 有苦澀味 珍珠唔夠煙un 有小小失望 好彩跟set 唔算貴基於位於中環 價格味道合理 都叫合格啦…Read More

作為街坊經常都會在係夜晚經過呢間鋪頭，次次都見到有唔少三五知己係到食串燒飲啤酒，氣氛不錯，非常熱鬧。今日終於都係到食左一餐晚餐，嗌左八九樣串燒，質素頗令人滿意，沒有失望😋。嗌左兩隻蒜香飽魚，鮑魚彈牙有口感，蒜味非常香口、強烈，蓋過本身鮑魚嘅鮮味。同樣係蒜香做法嘅扇貝，味道差唔多，蒜落得俾鮑魚更多，好搶口。見到大家都推介招牌芝士撈麵，當然要一試，嗌左蒜香加芝士版本嘅撈公仔麵，蒜同芝士各佔一半，賣相吸引，令人期待。撈勻後發現蒜味始終較為搶口，令芝士味被比下去。overall黎講係令人滿足嘅，下次應該會想試返三重芝士嘅版本。豚肉同牛肉串燒屬中規中矩之作，味道比想像中淡些少，因我同bf都係重口味之人，都不斷係串燒到落孜然粉😂。值得欣賞係兩種串燒都唔會燒得乾身，牛肉入面都juicy嘅。燒蟹棒味道不錯，熱辣辣食幾好。燒多春魚味道都係淡左少少。燒菜心調味反而比肉類重啲，對我而言啱啱好。燒韭菜又係熱門嘅菜式，的確係唔錯，令平時唔太好韭菜嘅我都覺得幾正😋仲有嗌左燒雞中翼，味道都係偏淡，可以再惹味啲，仲有一串辣牛丸，辣辣地幾香口，算係唔錯！…Read More