撈喜 (Closed)

今次黎到東大街呢間人氣小店食lunch。店鋪雖小，五臟俱全，座位大概都有廿個，亦都唔會話坐得好逼。 Lunch set有幾款，價錢相宜，當中最受歡迎始終係招牌花膠撈蝦子麵，我第一次黎呢到，當然係要試下佢啦！😋招牌花膠撈麵嘅賣相非常吸引，花膠大大塊，麵上灑滿蝦子，非常吸引😋。花膠食落口好腍身，而且好入味，應該熬左好耐。麵身爽口，而且吸滿晒醬汁嘅味道，令人食到停唔到口🤤另外仲嗌左一盅海參煲雞湯，價錢唔貴貴，但出乎意料咁好飲！湯非常鮮甜，完全無味精味，亦都唔油，湯料都好足料，屬誠意之作！推介大家黎呢到試下佢嘅招牌撈麵同雞湯，質素有保證，一定撈得喜