六嫂's Profile

誤打誤撞入左呢度食越南野，平日6點半左右入到去唔算多人，一入去就有位坐。識食一定係叫番個生牛肉湯河！果然有驚喜，未食已經聞到好大陣香料味，自己加埋青檸汁上去，齋聞已經覺得好開胃！牛肉既份量唔少，而且牛肉一啲都唔肥同埋好林，食落唔會有筋。河粉份量剛好，同樣吸左湯之後都唔會過林。另外我仲叫左個燒豬頸肉既小食，脂肪分佈平均，食落幾香脆但若果乾身啲會更好～黎到叫野飲冇理由唔叫越南咖啡試下掛，我今次就叫左個椰奶咖啡試下。第一次飲，第一下係好濃郁既黑咖啡味，但攪勻啲椰奶之後，覺得個椰奶味好突出好香濃。同埋印象中越南咖啡係有好甜嘅印象，但呢杯又唔會，值得叫嚟飲吓！…Read More

上次食過普通雞白湯覺得湯底幾濃郁，麵質又硬硬淨淨幾鍾意，今日決定再訪去試下佢其他湯底！今次叫左個翡翠濃湯，同樣都係雞白湯底，但加埋菠菜汁，食埋冇單一雞白湯咁漏，但同樣都飲到有雞湯既香味同甜味。雞肉同上次一樣有水準，唔會煮得好老，同埋唔會得一塊咁少另外想提下隻蛋好正！勁溏心同埋勁重蛋香，一路食一路勁想另叫多隻，不過已經飽XDDD野飲方面今次叫左個日本桃梳打，好refreshing同埋好夠氣～桃味都幾重，好似飲緊真既桃汁一樣！…Read More

平日放工即興同朋友黎左呢度，環境幾闊落，一入到黎即刻有店員帶我地入座同埋介紹餐單，好有禮貌。第一印象已經幾唔錯👍🏻一黎到當然要叫個刺身拼盤先啦，特別想講吓個海膽，好鮮甜，喺香港好少可會食到啲咁新鮮嘅海膽，而且份量唔小，一食就成口都係海膽嘅味道，要試！🥹其他嗰幾款刺身都係厚切，帆立貝大大粒😍😍另外我地仲叫咗一個一口牛，佢係鐵板上嘅，所以上碟嘅時候仲係熱辣辣，燒落去仲好最後幾唔錯㗎！多人嚟食建議嗌兩碟，因為真係食唔停口😎呢度最特別嘅，就係佢會俾埋個gas爐你shabushabu, 一路同朋友吹水，一路烚吓烚吓都咪話唔正😌烏冬大大份，食完都飽晒🤰🏻🤰🏻食完之後個店員都行過嚟問我哋啱唔啱食，認真覺得服務唔錯，覺得下次可以再嚟🙆🏻‍♀️推介！…Read More

今次比個門口吸引左！藍藍白白咁好有型😂雖然間餐廳唔大，但入到去覺得好有特色～坐bar位仲可以睇住廚師煮野食，廚房超級企理，睇住佢地整完再送上黎個陣靚靚仔仔好治癒🤣坐坐下仲見到原來佢地有自家品牌啤酒，不過我唔太飲得所以冇叫到，大家去到可以留意下😆一入到去店員已經好熱情招呼入座，感覺幾好。⭐️煙燻牛肉芝士三文治 $138個包烘得好脆口，同埋極有牛油香。中間夾有啲芝士，口感好rich，但食落又唔會太漏。中間夾有煙燻牛肉嘅餡料，食落真係有煙燻嘅香味幾特別。牛肉份量唔少，食落無筋，正常發揮。佢會配埋一杯薯條比你食，新鮮炸起脆卜卜！跟餐叫左杯English breakfast tea，滿足呀！☕️⭐️蕃茄肉醬意粉 $128要試一間餐廳，食最基本嘅野就會試到廚師手勢。果然無令我失望呀，好多肉醬，唔係一般工場啤好嘅肉醬，同埋蕃茄味十足，合格有凸，推薦！意粉都好夠濕潤，軟硬適中，幾掛汁。加埋個碎芝士，成個意粉撈埋咁食係啖啖肉同埋芝士咸香，估唔到咁有驚喜。同樣跟餐野飲唔洗錢，叫左個Americano～飲落幾Fruity! ❤️…Read More

之前呢間餐廳喺博文街既時候已經食過唔錯，朋友講起宜家搬左利奧坊新舖，今日weekend晚上時份去都唔洗點等位。搬左新舖後個環境光猛左同企理左，好舒服！食完覺得搬舖後既水準依然keep到！今日我地一行兩人，叫左三個小菜同埋各一杯野飲，連埋加一先每人$220，食到勁飽，非常滿足呀！我地分別叫左炭燒牛肋骨、半隻海南雞同埋一個蛋包海鮮炒飯～碟牛肋骨都幾大碟，食落唔算乾身，肉質偏林，幾有牛味。加埋佢個泰式辣汁仲正，再加上有少少酸味，減少左本身煎牛肉既油膩感～海南雞就正常發揮，都算嫩滑，同埋肥瘦適中。至於個蛋包炒飯係我今餐最滿意既，除左個賣相夠打卡外，皆因佢海鮮既份量十足，一不起就成大隻蝦食落仲要幾鮮甜兼爽口，正呀！而且個飯炒得算乾身唔會太濕，我幾鍾意！飲品方面我見呢度好多人介紹芒果冰特飲，就即管試試佢，又真係冇介紹錯喎！好濃郁既芒果甜味，加上有ｄ芒果肉咁，有d咬口，夏天黎飲呢杯一定仲正。朋友就叫左個珍多冰，偷飲左佢一啖，一飲已經好重椰奶味。如果鍾意像珍多冰既朋友，呢度質素唔錯可試試。…Read More

上次黎左荃灣睇戲得知呢度開左間新野，裝修都好有懷舊/星馬既風格.今日中午左近去到，雖然入面都多人，不過好好彩唔洗等位。座位都闊落。一行兩人，先叫個沙爹雞串燒試試，雞肉超級滑！一上碟個陣食落有ｄ邊位仲有ｄ脆口，香料味唔算好重，岩岩好，好好食～跟住我地一人叫左一個主食，分別係海南雞飯同埋蟹肉炒飯。海南雞飯個油飯好香口，食落唔會過油。個雞就正常發揮，拆晒骨咁食都幾爽至於個炒飯，都炒得幾乾身，粒粒分明。食落係偏少少辣，但都可以接受。個飯除左蟹肉，仲有少少魷魚粒咁。不過呢個價錢唔好期待有好多海鮮，但絕對接受呀！！最後叫左個香蕉船做甜品，一食就諗起細細個成日都會叫香蕉船食，好正😂兩個人share三球慢慢吹住水咁食好開心.weekend食飯時間坐左好耐, 每人百幾蚊咁樣傾下計真心好抵!…Read More

誤打誤撞入左黎呢間cafe，環境幾溫馨，同埋食到肚仔飽飽每人都唔洗二百蚊～我地一行兩人叫左兩個主菜，分別係海鮮忌廉汁意粉配煙三文魚($118），食落個麵幾掛汁，而個汁亦唔會太杰令你好漏，唔錯。另外仲叫左個Aglio Olio意粉，配上軟殼蟹，個蟹新鮮炸起好脆卜卜。意粉黎講，辣味岩岩好，唔會唔夠辣／太辣，唔食得辣既朋友都可以點黎試下～蜆肉的份量都唔少，食落都算新鮮。呢個質素黎講$138都算係對得住個價錢。由於兩份主菜的份量都幾多，我地兩個只係升級左一個set， 加48蚊包一個櫻花濃蝦湯、同埋一個甜品 & 飲品。個湯係主菜前起的，飲落係偏杰身，蝦味都幾濃郁。甜品就叫左new york cheese, 唔算好濃的芝士味但呢個價錢升級做set的話其實都冇咩投訴, 旨因宜家出去食件cake都至少$60...所以都可以接受！…Read More

又去左元朗搵食啦！咁岩上網見到朋友黎左呢間食雞白湯幾靚仔，所以就促使左我今日又黎試試佢！雞白湯黎個呢間真係算抵食呀，$80蚊有一碗, 宜家咩都加晒價，咁既價錢食到碗拉麵真係唔話得！！🤩🤩我最鍾意食拉麵個隻蛋，整得幾唔錯呀，少少甜幾好食。呢度既拉麵麵質比平時粗少少，幾有咬口但又唔會食落好粉咁。👍湯係飲得出好濃郁既雞味，讚！！佢比舊雞肉亦都係幾嫩滑，同埋一ｄ都唔姑寒，都幾厚，唔會薄薄一片咁。另外我加多左三隻餃子，好大隻～建議女仔如果想加，真係加三隻好喇🤭因為餡料都幾多。我仲支左支梳打，日本黎的，一支$22，飲落好清新。埋單發現咁多樣野先$117，好抵食！…Read More

想食自助餐但胃口又唔太大的朋友，最岩黎呢度啦～事源朋友介紹呢間既自助餐模式係semi buffet，今次黎左呢度試下，的確係比一般自助餐平，晚市semi buffet都只係每位三百幾。佢係包你一個主菜，咁出面自助既位置就而輕食為主。當然呢個價錢就唔好期望有龍蝦鮑魚呢d啦，不過都有提供唔同既海鮮，有青口，有螺，有蝦等等～對於唔太大胃口既人黎講都真係夠食有餘！👍最好既係呢度都可以叫埋素食既朋友一齊黎食，皆因佢有個沙律吧，所以黎食自助餐都可以食得健康🤣今次主菜我叫左個三文魚，雖然唔太大舊，但焗得剛剛好，唔會過熟，同埋冇腥味，幾好。身為甜品控既我梗係要提一提下個甜品吧，佢冇酒店咁多款，但so far幾樣甜點都食落唔錯，對得住個價錢。🍧…Read More

呢排成日行過路德圍見到呢間野已經想試好耐啦，今日決定買啲生餃番屋企同屋企人開心share! 等緊期間，個姐姐同我傾計講起話包餃子個師傅已經有十幾年經驗，加上係每日新鮮用鮮肉包起，話我一定會鍾意食。見佢講得咁勁，即管買兩盒試吓啦🤪廿隻加埋唔洗$90，好抵！分別叫左十隻韭菜生餃同埋十隻白菜生餃，睇賣相都睇得出唔係工場貨～每一隻形狀不一。想讚一讚兩款餃嘅皮都好薄，皮薄得黎唔會話好易穿。餡料方面十足，食落的確係好新鮮，係有鮮肉味。不過白菜餃佢係用大白菜做嘅，本人幾鍾意，但expect係呢隻🥬白菜嘅朋友仔就要留意啦。…Read More

係上環呢個咁繁忙既地方，係呢度可以搵到一間旺中帶靜既西餐廳小店實在好難得。一入去到雖然地方唔係好大，但氣氛好好，燈光暗暗地幾有格調，而且服務好唔錯，一入到就有人Serve同埋講野好溫柔～有高級餐廳既感覺！☺️同朋友只係小聚片刻，所以每人只係叫左個main course，好有驚喜呀！我叫左個冬蔭功意粉，一食就好鍾意。首先個意粉係al dente，第二個汁做得好濃，有齊冬蔭功既酸、甜同埋好重既椰汁味，加上佢有少少辣味吊番起成個汁，所以食落唔會有漏既感覺。🤩意粉亦配左幾隻蝦，幾隻食落都係新鮮而且好好咬口，唔會過熟，非常好食。👍🏻冇諗過求其入一間都有呢個水準，呢間野值得更多人去支持！…Read More

大角咀又有新餐廳進場！！咁岩去搵食見到門口寫住燒烤８折，即刻吸引左我入去食其實本身唔算好餓，但又有ｄ口痕，入去即刻叫番幾個燒物食下，估唔到又幾唔錯。首先食左個蒜蓉焗花甲同一口和牛粒，個花甲份量適中，而且燒落舊肉係岩岩熟，係幾滑口唔會過乾。最正係落左大量蒜蓉，岩晒我呢d重口味既人士🤪至於和牛都係幾稔身既，熟度控制得剛剛好，調味恰到好處，唔會過咸。食食下見到隔離枱叫左個招牌luna poke搞到我又心意意想食，食落係足料既!入面有三文魚、吞拿魚、蟹籽同埋大量既沙律菜同豆~好新鮮,擺盤仲要靚靚,讚！最後忍唔住叫多左個羊串（又比隔離枱吸引到，真係燒得好香😂😂），都係水準之內，燒得好香口，仲要個調味吊香晒成串羊既鮮味，好食！…Read More

朋友介紹食過呢間生蠔好抵食, 難得今日公司放早, 即刻去試下!原來呢間野位置幾易搵，係時代附近，行幾分鐘就到啦。一上到去，即刻好好有人招呼入座，講解一下個生蠔放題點玩。原來佢係一個Set黎，$468一位,再加一。同埋呢個Set唔係淨係食生蠔, 係包埋餐湯，前菜，一個main course同一杯野飲。如果鍾意飲酒既朋友可以加$98任飲紅白酒，不過自問唔算好飲得，就咁叫個set試試佢就算今次一行兩人，食完前菜同餐湯就會先上十隻生蠔，個海鮮拼盤仲有其他野食，有螺有蝦。個主角係生蠔，當然要講講啦，食落唔似平時酒店buffet個d咁。首先每一隻個size都唔細的，同埋佢係即叫即開，而且師傅都清洗都幾好，食落冇乜沙石。每一隻都大細平均有肉，都食得到有海水既咸香。話口未完就追加多一打Main course我就叫左牛扒，叫左五成熟，不過不失，個配菜薯角超好食，食唔停，可惜薯角唔包括係放題名單上🤣🤣🤣其實食完個扒都幾飽~ 但都係忍唔住叫多幾隻蠔，大滿足！…Read More

今日去左葵芳個頭行街, 見到呢間野新開, 睇睇menu仲要係唔貴, 見人唔算多, 二話不說入去試下.我地一行兩人，分別叫左兩個套餐，一個牛肉二食，另一個係一番盛合套餐（包牛小排,牛舌,五花腩）。每個都只係$118，仲要唔收加一。。。每個套餐包一碟牛，有飯，有湯，有前菜，其實好夠飽。你唔好expect佢會比好高級既牛你，但呢個價錢黎講佢比到油脂分佈都算幾平均既牛，都已經幾唔錯，食落肉質都幾挺身，唔會話好霉咁，仲要有牛味，咬落幾林身，其實CP值已經爆晒分。但當日我地晏晝個餐冇乜點食野，發左狂咁係咁追加食物XD叫左d小食, 有吉列蠔同埋薯絲炸蝦. 雖然食左好多肉，但好在呢兩樣食落都唔算好漏，最令人開心係每個小食只係$18蚊，痴左線咁抵食😂😂食左咁多肉同油炸野,都叫番少少蔬菜既, 叫左碟雞脾菇同冬菇~一樣都係每碟$18蚊, 食落正正常常. 呢度追加既小食好多都好抵, 真係一個唔小心就會食大左😂Overall黎講係好抵食, 但食完出黎發現都幾多人排緊, 建議想去食既朋友早d去食就唔洗排!…Read More

早兩次食過覺得好正，今次決定帶老友黎試下，因為食材夠新鮮，仲要宜家訂位有折！好彩佢都一樣咁鍾意！平日約六點鐘左右到，冇乜人，坐落幾闊落。服務同以往一樣唔錯，有需要一定有人幫手。一坐低就叫個花膠雞湯暖暖胃，估唔到隻雞大得咁緊要，好彩我地兩個胃口夠大。隻雞食落似新鮮雞，同埋油份幾重，食落香口，肉質幾嫩滑。我地兩個一樣都係牛魔王，坐低後即刻叫番兩碟牛先啦，一碟牛頸脊，一碟手切安格斯牛肉。兩碟都非常重牛味，食得出好新鮮，而且咬落唔韌，同埋食落油脂分佈幾平均，超正。每次黎呢度都一定要叫牛，真係水準保證呀。重要佢擺盤永遠唔令人失望，岩晒我地呢ｄ打卡人士。…Read More