我地一行兩人叫左兩個主菜，分別係海鮮忌廉汁意粉配煙三文魚($118），食落個麵幾掛汁，而個汁亦唔會太杰令你好漏，唔錯。
另外仲叫左個Aglio Olio意粉，配上軟殼蟹，個蟹新鮮炸起好脆卜卜。意粉黎講，辣味岩岩好，唔會唔夠辣／太辣，唔食得辣既朋友都可以點黎試下～蜆肉的份量都唔少，食落都算新鮮。呢個質素黎講$138都算係對得住個價錢。
由於兩份主菜的份量都幾多，我地兩個只係升級左一個set， 加48蚊包一個櫻花濃蝦湯、同埋一個甜品 & 飲品。
個湯係主菜前起的，飲落係偏杰身，蝦味都幾濃郁。甜品就叫左new york cheese, 唔算好濃的芝士味但呢個價錢升級做set的話其實都冇咩投訴, 旨因宜家出去食件cake都至少$60...所以都可以接受！
