JoeC9's Profile

2025年 賀大家姐生日，揀咗荃灣新開嘅日式放題，主要系近屋企。經openrice訂枱，再打電話確認訂位。 我哋一行八人，可以坐到最後排嗰一張長台，地方唔算大，枱同枱之間好貼嘅，出入唔算太方便，攞嘢飲就靠最出嗰位咯。嘢食方面: 冇乜漏單，抵讚。 刺身種類都算多，夠凍不過味道就唔可以話好吸引，叫咗兩round就好滿足。生蠔新鮮，味道ok，食一隻無妨。壽司方面非常好，因為舊飯好細粒，啱晒試多幾款，味道ok嘅。熟食方面：羊架就太肥太漏，膻味大勁食唔落。其他嘢都一般般。兩個鐘頭夠晒食，上菜唔慢，價錢合理。雖然生日冇任何優惠，但自攜蛋糕不另收費，非常好。每人share唔使400，好合理。(利申：自己真金白銀比錢，唔係食免費餐）…Read More

裝修後用番麗晶個名，以正價嚟食個生日自助餐。安排窗邊位，兩個人可以睇住維港夜景邊食邊享受。今次無咗鹿兒島和牛，鵝肝唔再配多士，配咗柚子醬，更容易入口唔怕濟。凍海鮮我地就無乜點食。淨係不斷encore刺身，個帶子刺身好甜，好好食。熱燻開邊龍蝦夠鮮味。 甜品個麥堤莎蛋糕好濃郁，再配埋自家雪糕，prefect配搭。啲雪糕軟綿綿滑滑流，朱古力味要encore.由6點食到10點，唔使分兩輪可以慢慢嘆，泊車優惠3小時，之後100蚊個鐘。好值得去食嘅自助餐👍…Read More

公司聖誕午聚， 選擇咗呢間比較新嘅cafe試下，預早訂定枱，一行七人happy together ❤️ 有六位叫午市套餐，一份散叫主菜。全店滿坐有好多其他公司聚餐，所以叫套餐嘅牛柳好快就上枱，有機會整定嘅，唔喺好夠熱。 反而我叫主菜 煎牛排就晏啲啲上，但好夠熱同肉嫰。 同事們都有叫奶昔，朱古力碎碎勁好味，不過好飽肚 😅士多啤梨女同事話太甜，飲唔晒。 仲有quota叫兩份pancake開心share，原味好ok喎，當然朱古力味更吸引啦。 total埋單唔使2000，個個都食得開心又滿足，2024聖誕快樂。…Read More

明明要攞飛入座, 點解侍應會比咗兩個就咁行入去嘅外省人坐呢? 呢點真係要再TRAIN吓. 我地就係門口乾等多十分鐘先有枱. 奇怪, 最奇係同侍應講番佢地一啲反應都無, 真係做到麻木晒.嘢食方面, 個豚內SET係勁豐富又飽肚, 有飯又有烏冬, 味道仲唔錯添喎. 呢個可以ENCORE. 反而和牛漢堡, 塊和牛漢堡煎到過晒龍, 濃面, 仲有啲打渣, 真係唔掂. 用大堆薯條頂上.   …Read More

早前老豆朋友喺呢到擺咗幾圍, 食完返嚟勁讚.咁我地就搵個星期六去飲個早茶睇下係咪咁好啦. 先上嚟OPENRICE睇食評, 點心唔夠熱? 但我地今次樣樣都夠晒溫度. 應該係運作順咗吧. 除咗個粥淡味啲, 個潮洲粉果皮厚咗啲啲之外, 其他點心都好正常吖. 早茶又有孖寶優惠. 算幾抵喇. 坐得都唔算太逼,  唔使排隊,  暫時都係一個唔錯嘅選擇. …Read More

係南豐中心睇完醫生:(急急去醫肚。新之城以前太興位置開咗間新餐廳，價錢正常，環境舒適明亮一黎問下邊款唔使等，咁安全啲叫個肉燥扒飯啦😉例湯即上，一啖落口，咦咁清嘅，好有青紅蘿蔔味喎......唔通無落師傅？係就正喇，唔驚會口渴。多一個靚湯選擇 🥰個肉燥好好味連埋隻靚蛋差不多撈晒個飯黎食。 但都唔好忘記塊大雞扒 見佢煎到脆脆咁，估唔到又保持到有肉汁又肉嫩，爭少少咸味啫，定係我病病地口寡寡呢？Any肥最多好番再去試過咯 😆7點開始有早餐添喎。今次試新店滿足❣️…Read More

新都會又有新店, 撘扶手梯發現有花籃喎, 即刻入去試下啦, 話晒同名三分親嘛鋪頭光線充足, 夠舒服又唔焗促. 仲撘咗句 Fran Lebowitz 名言, 食物應該有番啲要求吧. (我諗)LUNCH SET 都算多選擇, 包個湯同咖啡, 加10%的. 價錢係新都會黎講都算好合理. 初試牛刀就揀兩意粉先. 蕃茄羅勒海鮮意粉: 份量夠一個OL食, 蕃茄汁唔會過酸或太竭,  意粉好煙韌, 啱晒鍾意食爽意嘅大胃同事.呢個燒汁意式安格斯牛肉丸意粉, 粒肉丸值得食多一次, 啲肉唔係機打死實實咁, 又無勁濃調味料, 仲好軟熟. 略為淡味少少, 加番啲TABASCO, 即刻醒胃好多. 下次可以試下個BURGER 同ALL DAY, 見隔離枱叫咗, 份量好澎湃下喎. …Read More

以前三洋改咗做露露冰室格局唔同，有裝修，座位濶落。食過兩三次lunch, 水準都唔錯，但無set lunch, 問過收銀，佢地話餐牌未定，可能會有嘢改喎。第一次去食，無咩人等位，午餐時間二人可佔四人卡位，夏天唔怕撘著個香味人 😅第一個海南雞飯，份量大，雞又滑，超班過新都會間少爺×8，仲平足一半。煎肉餅飯，極力推介，雖然40幾蚊唔包嘢飲，但個肉餅超正，夠大塊，肉唔係林pad pad，而且煎得外脆內嫩，食過翻尋味第二次就試個雜扒飯，雖然撘咗隻蛋同火腿，但塊豬扒係好味喎，唔會鞋口，又有醃過。反而塊雞扒就普普通通，不過不失。第三次食煎蛋豬扒飯，嘿嘿，明顯係用黎比拼敏華嘅😆😆。 結果係露露勝出，成個飯唔油膩，唔會滯住滯住，而且份量相約，價錢又相約。見呢到啲咖哩好似好多人叫，搏一搏，就出事。咖哩牛腩就太韌，後生都咬唔開。但個咖哩好餸到飯，有少少辣，惹味喎。影埋宜家個餐牌先，之後睇下佢係咪改嘢。…Read More

見到欣榮㗎啡室，即刻諗起懷舊冰室係荃豐呢帶商場，一個小鋪位，午餐時段要等下咯咦，無套餐喎，單點就可以加10蚊叫嘢飲。見到好多人叫咖哩雞飯，份量唔算多，一碗仔咖哩加一碟飯。啱細食之人。先講飲品， 有好多吸引嘅，好想試。見到人哋飲嗰個奶茶紅豆冰，好小地方有喎。但我最終係決定試杯朱古力咖啡，唔太甜，溝埋好飲過星×克喎🤣回鍋肉豬扒出前一丁，ok呀，無話好出色，ok呀。一杯嘢飲加一丁，47蚊埋單，有杯特飲就更加好嘞…Read More

上兩星期第一次去試，由於感冒未試真，今次約埋為食仔三個人再試一次由於經常無位，記得要預先book枱前菜海蜇頭，夠爽，有少少辣少少酸，開胃小食白胡椒豬肚杏仁湯， 好夠味呀。一煲三個人分可以有六碗。杏仁味又夠香，白胡椒又夠辣。 而且夠老火，啱曬為食仔口味。麥皮蝦球，粒粒有拳頭咁大， 甜甜地又鹹鹹地，係蝦球有啲過咗小小火喉，但係整體嚟講係好食嘅呢個好似叫做海鮮豆腐呀，其實應該係叫嗰個廚師推介鐵板豆腐會好食啲囉，呢個就太過簡單冇乜特別牛油雞翼，細碟都有八隻，夠曬三個人食。熱辣辣上枱，夠脆夠香口，可以encore。誠意推介黑胡椒炒蟹，呢份係中份，三至四人份量， 蟹蓋唔算多膏，不過黑胡椒好夠味，肉又夠嫩。馬拉盞炒通菜，又係略甜，少少怪，唔推介炒貴刁 麻麻地，個粉唔夠滑椰汁西米湯圓糖水，幾好味，不過怕甜的就唔好叫咯仲有，最重要係兩次都無話限時交枱，可以慢慢歎住食…Read More

久唔久先黎一次，欠違了的荷曄庭，對上一次已經係三年嘞環境依然清靜，六點鐘坐室外，由日光食到夜晚。情調一流。皆因，食客寥寥可數。好，落單先，田螺....無貨。。。。咁$29x 12oz肉眼吖，侍應即刻真心誠意比忠告我地，肉眼嘛，麻麻地，不如叫$69x 32ozT骨吖,或者$69x小牛排， 咁奇怪嘅，邊有侍應咁倒公司米。 我地覺得32ozT骨唔夠食，所以照叫每人一客肉眼。一客鵝肝有兩件，夠厚但煎太乾了:(，無咗入口即溶一客凱撒沙律，普普通通跟住酥皮龍蝦湯，篤穿個皮，個湯竟然一半都無，嘩，咁慳水㗎。味道.....比一田買個龍蝦湯仲淡主菜黎嘞，五成肉眼.....咬落去.....嘩，鞋過鞋底，兩位愛牛之人一大半無食，反而兩位女士就本著唔好嘥就頂埋去。實在又鞋又無肉味，邊值咁多呀唉，礙於地方太偏遠，要再另覓糖水確難搵，唯有試埋佢啲甜品。個$48心太軟，真係好難食呀，佢好似用啲奶粉開水，加啲無朱古力味奶粉整出黎，oh no, 不如唔好賣啦，咁無heart, 食到我地ee鞋鞋。呢個$3x椰汁紅豆糕, 紅豆甩晒出黎，又無豆味。好失望呀，佢係咪轉咗老闆呀？唔好用荷曄庭呢個名啦。我地2011年第一次黎食，比咗9個讚。今日?1個讚都兼多。 …Read More

一班老女同學走去一間young line girl boss, 試下promote緊嘅一送一龍蝦包, 同埋成set好靚嘅3層架套餐.由於好多唔同嘅選擇，避免人多口水多所以交由兩位高效率同學挑選，嘩，好多可以揀喎。五女一男，叫兩set 再加1送1龍蝦包。係夠食喎。drink list 都算多款，呢杯hot coffee就普普通通。龍蝦包果然一絕，麵包雖然有烤過，但咬落仍然軟綿綿。龍蝦肉雖然係散修修，但份量唔少，配埋白醬汁，唔膩喎我地被安排咗馬蹄型卡位，可以自成一角，不過檯面有限，2份套餐已經放滿張枱。令到我哋嘅一送一龍蝦包要係廚房焗住，等清咗碟先可以放低。可能咁樣濃咗包面茶漬飯又幾清新，當面將熱茶倒入縠物飯內。炸蝦變成大配角了慢煮三文，ok喎，肉嫩，但襯底薯蓉好creamy 好食呢個Miss 70s Cider, 就過甜，唔多有cider :(杯杯沙律有四大杯，樣樣都新鮮，配汁酸酸地，啱晒女仔口味。健康之人最好選擇呢杯Black boss coffee 原來係竹炭咖啡....只能講中伏…Read More

係openrice搵buffet介紹，就見到呢間，有7折添喎，一行11人黎試下啦6:20已安排入座，座位唔算多，而且寬敞，燈光柔和，幾好feel趁開動時人少少，即刻攞刺身先，除 希靈魚無試之外，其餘5款都ok啊。隻龍蝦鉗就麻麻地，無味。細粒壽司略嫌啲飯太硬每一位客人都贈送半隻龍蝦同一件和牛，但可能stand by 太耐，件和牛比牛小排還韌，老到不似和牛。而龍蝦亦同樣焗得過火了。冷盤有生蠔喎，每次出小量，每人只可攞3隻，珍珠蠔，無咩肉，一般水準，唔使添食嘞。羊架夠嫩，可以encore. 至放廚房推介的豬肋排，鞋過鞋底，一口都嫌阻訂。中湯幾朋友話好味，西湯就稀咗啲，我就搵冬蔭功湯，唔太辣，啱怕辣嘅我。但食開辣的朋友就話太咸。跳去甜品格，先黎2球double chocolate, 雪到死晒，一筆就散晒一細舊，咩鬼雪糕😣 仲口多多叫埋窩夫，嘩，厚粉，又硬，又唔好食。千祈唔好試。嘢食選擇唔可以話少，長腳蟹都幾好，但令人回味的却是零。…Read More

未食過湯加, 見個名以為有湯飲, 點知原來係湯飯湯麵.座位逼逼地, 肥少少會座唔入卡位. 侍應姐姐比譚仔口音仲難聽得明.  而且樓面人手非常不足, 叫極都無人理, 黎到就黑晒臉. 係經理黎confirm order就好啲。淮生麵好似幾健康咁喎, 一於試下, 幾爽吖, 但一飲個湯底, 咦~~~ 有師傅.  即刻唔使諗有第二次. 食完口渴. 另外加8蚊（定10蚊）換兩粒雞腿. 無錯, 係兩粒, 炸到乾晒的兩粒雞腿.......而個湯飯, 係唔可以叫小飯, 餐牌上寫住可以添飯, 咁我地諗住有得添就有得少啦, 唔好食剩嘢嘛. 點知姐姐話, 無呀, 無得少呀. 但又解釋唔到點解喎.最終係要等上菜先知, 原來個飯係一砵砵, 唉, 溝通上真係有啲困難.  除白飯，可以選三色飯，又幾健康喎。整體黎講, 唔係難食, 只係味精重啲. …Read More

為咗威靈頓而黎, 亦為咗JAMIE OLIVE而黎 點都要去下Gordon Ramsay餐廳. 又係咁, BOOK位分兩段, 6點黎8:15還枱, 使唔使咁趕呀. 餐廳選址真係無得彈, 對住180度維港食, 黃昏至晚黑, 美境盡入眼簾. 但係COCKTAIL就麻麻, 叫番杯啤酒/紅酒就穩陣啲. 嘢食上場, 唔長篇寫, 因為勁失望. beef wellington - 為咗佢黎地獄餐廳，但真心失望，切開即散晒，菇味超重，完全唔覺得食緊牛, 而且會打渣。配菜mash potato好食     ($ 888)dry aged pork chop - 真心覺得似燒肉，略咸     ($ 228)pea & parsley risotto - 青豆意大利飯，甜甜地幾好食     ($ 138)  <<<只因當晚啲嘢食偏遜.grilled octopus - 全晚最好食     ($ 128)rid eye medium - 份量大但食唔到係牛肉, 無牛味........失望     ($ 488)classic caesar salad - 煙肉 同麵包糠.....硬     ($ 138)oysters with green apple mignonette - 青蘋果汁帶出生蠔鮮味，好配合     ($ 218)由於大失所望, 絶不推介嘢食, 只會推介地點好. …Read More