今次約埋為食仔三個人再試一次
由於經常無位，記得要預先book枱
前菜海蜇頭，夠爽，有少少辣少少酸，開胃小食
白胡椒豬肚杏仁湯， 好夠味呀。一煲三個人分可以有六碗。杏仁味又夠香，白胡椒又夠辣。 而且夠老火，啱曬為食仔口味。
麥皮蝦球，粒粒有拳頭咁大， 甜甜地又鹹鹹地，係蝦球有啲過咗小小火喉，但係整體嚟講係好食嘅
1
呢個好似叫做海鮮豆腐呀，其實應該係叫嗰個廚師推介鐵板豆腐會好食啲囉，呢個就太過簡單冇乜特別
牛油雞翼，細碟都有八隻，夠曬三個人食。熱辣辣上枱，夠脆夠香口，可以encore。
誠意推介黑胡椒炒蟹，呢份係中份，三至四人份量， 蟹蓋唔算多膏，不過黑胡椒好夠味，肉又夠嫩。
馬拉盞炒通菜，又係略甜，少少怪，唔推介
炒貴刁 麻麻地，個粉唔夠滑
椰汁西米湯圓糖水，幾好味，不過怕甜的就唔好叫咯
仲有，最重要係兩次都無話限時交枱，可以慢慢歎住食
