CarmenTsui's Profile

又到咗打邊爐嘅季節喇，鍾意食牛嘅朋友 一定唔可以錯過呢間餐廳，潮式火鍋概念以鮮牛肉作為主打。唔單只係新鮮咁簡單仲要係人手即場手切，滿滿的誠意。入座後職員馬上安排預設的牛肉拼盤及送上海鮮拼盤。拼盤內嘅手切牛吃完後亦都可以用手機落單無限任點: 五花趾/吊龍/匙抦/雪花/牛胸油。 個人最喜歡五花趾， 有筋又有肉，口感較為爽口，肉味濃。贈送中嘅海鮮拼盤竟然有咁大隻蠔，勁開心，軟綿綿口感勁juicy。自助吧有熟食也有火鍋配料提供，配料款式齊全，分門別類擺放好，整體食材都係非常新鮮。蜆係任攞，海鮮愛好者有口福了。個人亦非常推介餃，韭菜鮮牛肉餃/芹菜豚肉餃，皮薄餡靚，能吃出事新鮮包製的。用餐當晚係平日，都如此爆場，質素確實有返咁上下，今餐相當滿意。…Read More

元朗區極尚大瀛喜質素向來有保證， 最鍾意佢久唔久就會轉menu。秋風起又到食大閘蟹嘅季節， 每人可以加十蚊要一隻大閘蟹，每人行買兩隻。食日式放題當然最愛嘅部分當然係刺身任食啦，款式較多，三文魚..油甘魚..甜蝦..長腳蟹.. 刺身款式達10種以上， 最鮮味個人覺得是藍鰭吞拿魚，味道回甘鮮嫩。自助區熟食竟然有豉汁蒸鱔，鱔肉彈牙爽口， 豉汁香濃。新推出大頭蝦伊麵及鹽焗大頭蝦，大頭蝦勁多膏，伊麵底有驚喜，同平時酒樓食嘅一樣味，好有水準。壽司都好多款式，最緊要係舊飯夠細，留返D quota食其他嘢。鵝肝都有幾個唔同製作方式， 藍莓果醬配蘋果凍肝/ 香煎多士鵝肝/焦糖鵝肝壽司，款款都好食。好多食物都好難忘，烤榴槤 熱辣辣齒頰留香，蒜蓉燒蠔夠曬惹味，燒牛舌彈牙爽口... 好吃的實在太多，不能盡錄。今日光顧時間午市第一輪，兩個人可以坐四人枱，有足夠空間放成枱食物，十二點可以食到三點，絕對有足夠時間慢慢食。最後一定要留肚食雪糕，雪糕機整嘅雪糕特別好食，夠凍又夠滑，仲可以自己加配料。…Read More

天氣開始凍呀，又係時候出動打邊爐，大食人仕冇限制最好就係揀放題，火鍋加燒烤，一店兩食，good。有朋友唔食牛所以揀咗鴛鴦湯底，要加$38，麻辣湯底夠香，蕃茄湯底夠開胃。自助吧款式好多選擇，冷凍夠勁，我出曬煙，食材新鮮。估唔到沙白，蟶子仔，海蝦…海鮮類都係任食，仲要新鮮肥美，鮮味十足。生蠔隻隻都肥嘟嘟，唔算好大隻，不過夠嫩。肉類:豬/牛/雞齊全，肉質都算唔錯，望落同食落都夠新鮮。自助吧枱餐前小食同涼拌小吃都好多選擇，最驚喜嘅竟然小龍蝦係任食。串燒已經燒好，火喉啱啱好，唔會太乾，好香口。支裝啤酒/罐裝啤酒/生啤都係任飲，食串燒配啤酒一流，當然出面仲有其他無酒精飲品提供。充滿童年嘅橙味雪條，竟然呢度有得食。整體來說，環境食物都不錯，性價比高， 重點係職員服務好好，值得表揚。…Read More

Hotel COZi - The Platter平日星期一至四推出左新menu，「龍蝦松露 • 半自助晚餐 」。自助海鮮，沙律吧，餐湯，自助甜品，咖啡或茶👆🏻以上皆是自在形式。凍海鮮包括海蝦/螺/蜆/青口，款款時令，新鮮肥美。🥬沙律吧蔬菜新鮮爽脆，有唔同醬汁自由配搭， 仲可以除個人口味加芝士粉/麵包碎等配料。🦞主菜揀咗原隻焗龍蝦$408，烤龍蝦芝士焗，香氣撲鼻，芝士焗到微微焦脆，與龍蝦彈牙的肉質，極為相配。🥩烤安格斯牛扒配黑松露汁$318，油脂味豐富，肉質軟熟，一路切一路有肉汁流出，塊牛扒好出色。👶🏻兒童餐$140，用火車卡裝住美食，增加童趣玩意， 有小朋友最鍾意嘅炸麥樂雞/炸薯條/炒飯/仲有好甜嘅時令生果。必食推介~自製泡芙，熱辣辣加糖漿同牛油，口感鬆軟，好吃非常。小朋友最鍾意嘅區域，雪糕飲食，有多種口味選擇。 🎪小小冒險加升級套餐，+$10可獲贈繪畫套裝一套及兒童樂園免費60分鐘遊樂時間(兒童樂園位於5樓)。👩‍❤️‍👨飲飽食醉之後，可以出餐廳平台打卡「大型心心」&「企鵝仔霓虹燈」&「星月」，小朋友可以在外走走跳跳，幫助消化。📍前往悅品度假酒店·屯門，酒店距離港鐵屯門站F1出口僅3分鐘路程，鄰近大型商場。📸記得到達屯門站/V-city時候回望一下酒店，會發現酒店平台有隻六米高巨型小企鵝，記住打卡做個留念啦。…Read More

♨️強烈推介:牛大人(120分鐘日本A4黑毛和牛火鍋放題)🆓️入座每位送兩粒M9和牛牛肉丸，我哋一家五口用餐，所以送咗十粒，粒粒乒乓波咁大， 仲彈牙過潮州嗰啲手打丸。🦑海鮮拼盤部分食材都係按人頭計，扇貝/生蠔冇得再任添大大隻虎蝦都係任點任食，呈現海鮮自由。反而大大隻嘅鮑魚 可以任點任食，有醉鮑魚/炸鮑魚/灼鮑魚，三種唔同食法。🫕點得呢個餐一定要盡情享受高質素嘅日本黑毛和牛A4&伊比利亞黑毛豬梅肉。 🐃和牛灼一灼就即刻食得， 完全感受到咩叫入口即溶。🐖個人唔太喜歡食豬平時， 但係完全被呢款黑毛豬心心吸引，冇豬嘅怪味，而且又唔會太肥，梅肉好淋，同平時食開嘅豬簡直係天堂同地獄既分別。🍄‍🟫湯底鴛鴦鍋(養生菇菌燉雞鍋/胡椒豬肚雞)，香而不油，冇味精添加。「養生菇菌燉雞鍋」「聰明魷魚沙茶鍋」 今期期間限定湯底🍤小食：烏金墨汁手作腸、三和夜市雞皮卷、夜市撈脆薯、海苔鹽酥雞、滷味五香雞胗座位寬敞，乾淨整潔，適合大伙兒用餐。食物款式夠多樣，全部任點任食。記得留肚食甜品🍹特飲：芒檸蜜西米爽🍺酒精特飲：港式檸檬茶18+，惠顧「日本黑毛和牛A4+」任飲，惠顧「澳洲極上和牛」升級任飲價$68/位，其他套餐單點$58/杯🍧甜品：蜜桃愛玉冰 推介…Read More

尋尋覓覓又搵到一間超好食嘅米線舖，夜晚超多人要等位，不過食客都算快來快去，不用等太耐。湯底都好多總選擇，有辣有唔辣，唔辣嘅有魚湯同蕃茄湯。不過我同老公都食得辣， 老公揀咗豬骨湯(微辣)， 偷飲咗佢一啖湯覺得幾香濃。餸方面，佢就揀咗豬腩肉同埋豬扒。豬腩肉 好有驚喜，入口即溶嘅感覺，半肥半瘦，好淋。豬扒醃得入味，厚薄度剛好有咬口。紅薯粉煙煙靭靭，帶點彈牙。我叫左麻酸樂金湯， 又酸又麻又辣，味道層次夠了豐富。雲吞 皮薄餡靚，隻隻都飽滿肥美，最怕食粉頭，好彩呢度嘅雲吞唔係粉頭質素。煎雞扒 好香蒜味，而且唔鞋口，肉質夠亂夠滑。加咗碟小食 豬大腸，外脆內軟，乾身又帶點彈牙， 配泰式辣醬同辣椒粉食，味道更佳。整體嚟講最鍾意佢個湯底 有芽菜+韭菜+肉碎+酸菜，夠豐富，色香味俱全。…Read More

同我嘅閨蜜最鍾意去韓國， 今年各有各忙都未抽到時間去旅行，近近哋香港約住食飯先， 韓國餐係我哋嘅首選。店舖少少坐滿人，估唔到樓上舖生意都咁旺，好彩一早訂咗位。餐廳嘅裝修好得意，年輕而且帶有活力感， 好似去咗韓國嘅大排檔一樣。個炸雞真係不得了，超好味，揀咗雙拼口味，蜜糖同黑松露各有千秋，其實咩味都唔緊要，最緊要啲雞好滑，即叫即炸外脆內軟，入面仲識流汁。鐵板魷魚，好惹味，好有鑊氣，魷魚口感Q彈，好似食緊干鍋一樣，但韓式風味口味是偏甜的。韓式年糕 初初入口嘅時候可以接受，但係越食就覺得越辣，要辣辣地先夠過癮，年糕Q彈煙韌，掛汁一流。海鮮煎餅 真材實料，可以用皮薄餡靚嚟形容，初時仲以為好肥膩，點知食落口好乾身， 唔會成口油。牛肉鍋一定要食呀，超多肥牛，份量好驚人， 超抵食，個湯底好濃好鮮，後悔冇加公仔麵。炸芝士豬扒都好驚喜，不過要趁熱食，絕對係邪惡嘅象徵，香濃嘅芝士配上淡淡肉嘅豬扒， 好味到爆燈。整體：份量大大碟，適合多人用餐，開心share，咁樣款式先食得夠多，炸雞同炸豬扒最令我深刻，會想再encore。…Read More

今日同老公舊地重遊，去返我哋以前相識嘅餐廳食飯，原來餐廳已經改革，變咗成日式放題。平日晚市好旺，walk in碰碰運氣，等咗一陣就有得入座，太幸運了。QR code 落單，菜單有好多名貴嘅食材，包括海膽，和牛，鵝肝，鮑魚…食放題梗係唔少得刺身環節，刺身嘅款式基本都好齊全，三文魚厚切超肥美，大蝦爽口鮮甜，整體都好新鮮，冇腥味。超開心，鵝肝多士任點任食，件件都厚切，爆曬油。海膽嘅菜式亦都好多，呈現海膽自由！！！海膽壽司海膽份量夠多。仲有crossover菜式，海膽配和牛牛角包，牛角包好鬆脆，細細個一啖一口。唔記得咗呢個叫咩名，好彩早叫，過咗一陣已經售罄，配搭有 鵝肝 鰻魚 海膽。不得不提有我最愛嘅凍榴槤，軟綿綿，夠甜夠香。串燒都好多選擇，燒雞翼老公非常欣賞，而我就鍾意牛舌。磯燒鮑魚好入味，又夠彈牙。整睇嘢食選擇非常多，除咗自助落單嘅嘢食，前台吧位都好多熟食可以選擇，煙三文魚任食，回本冇難度。當然嘢飲同雪糕雪條都係任食啦，最後食到捧住個肚走。晚市平均$4XX/人，呢個價錢係接受的。…Read More

厭倦咗火鍋放題，想搵間高質素有靚食材嘅火鍋店，朋友住開深水埗帶我嚟食呢間。睇咗菜單，選擇都幾多元化，而且價錢都唔貴，深水埗真係臥虎藏龍嘅地方。職員安排咗我哋坐卡位，梳化座感覺舒適， 如果多人的話有大圓枱， 如果想私隱度高的話仲有包房。揀咗蕃茄薯仔湯，真係冇揀錯個湯底越煲越濃，酸酸甜甜勁開胃，入面仲有牛仔粒，可以慳返叫牛肉嘅錢😆湯底入面已經有牛肉粒，所以叫咗份豬試下， 豚肉片雪花均勻，油滋味香濃，肉質鮮嫩。鵝腸爽口彈牙，灼幾秒就食得，滿滿的鵝油香。職員勁細心，午餐肉有得選擇炸或者唔炸， 炸過嘅午餐肉更香口，打邊爐必吃之選。個湯底咁正一定要叫響鈴，又名一秒響鈴， 一個好味嘅湯底，絕對要配響鈴，吸湯一流。韮菜餃同黑松露餃，各有特色，餡料非常充足，真材實料，鍾意黑松露嘅要試下黑松露餃，食完之後滿口都係黑松露香味。咁濃嘅湯底配烏冬係一絕，幾飽都要點個烏冬食下。手功丸本人都很推介，新鮮打製，口感好彈牙，餡料有鵝肝醬，亦有鹹蛋黃，感覺都幾新穎，完全感受到餐廳嘅創意。…Read More

之前食過對呢間放題嘅印象都唔錯，隔咗咁耐menu又轉咗喇。今日最令我驚喜嘅竟然有凍冰冰嘅鮮榴槤食，好似食緊榴槤雪糕咁樣，軟綿綿，味道又香又甜，今餐我一個人應該食咗十粒以上，好滿足。放題唔少得係刺身嘅環節，新鮮嘅刺身完全冇腥味，鮮甜又彈牙，最鍾意甜蝦。鵝肝有熱同凍兩種，唔同食法，熱嘅煎得外面香脆，營造出外脆內軟嘅效果。 凍嘅配咗藍莓醬，有解滯嘅作用，入口即化，有香濃鵝肝味。豉汁鱔，出色，鱔皮彈牙，肉質爽脆。蒜蓉燒扇貝 蒜頭好惹味， 有粉絲墊底，吸曬扇貝嘅精華，另外仲有同款燒生蠔選擇。羊架肉汁豐富，唔算好騷，怕騷嘅人都食得。炸榴槤波波同香芋波波， 熱辣辣 流心效果冇得彈， 愛皮煙煙靭靭，好似食緊炸嘅湯圓，口感好特別。食物自助區仲有好多選擇提供，頭盤嘅選擇多不勝數，食幾多拎幾多，唔好做大嘥鬼。仲有熟食選擇，炒麵 避風塘瀨尿蝦…，賣相都好吸引，樣樣食是咗啲，整體味道都不錯。仲有點心，燒賣 鳳爪… 選擇多到不能盡錄。最開心嘅係有自助雪糕機，仲有無限量雪糕 雪條同自家製甜品供應，作為今餐嘅收尾，大大大滿足。…Read More

收工打算同個朋友飲夜茶， 朋友有間好嘢推介， 佢話又有得食點心又可以打埋邊爐，仲要好抵食， 任飲任食冇限時。呢到好中式茶樓feel，咁夜都咁多食客，都坐滿咗8/9成。乜嘢都係自助嘅，坐低即刻調返個醬料先，呢啲都係基本嘢，重點係佢有桶自製豆腐花，仲有黃糖可以自己落，豆香十足，好滑。火鍋配料主要都喺自助區 自提自取，有部分可以用紙落單，選擇都幾多，除咗一般嘅丸類/蔬菜之外，我覺得佢嘅牛舌/海蝦/魚頭，都很新鮮值得一食。選擇真係包羅萬有，一定要留肚，食多啲，冇限時嘅火鍋點心放題，回本冇難度。海蝦還是活的，好生猛。不得不提呢到嘅點心，全部即點即蒸，蝦餃/燒賣勁出色，餡料真材實料，好巨型。炸饅頭都係即叫即炸 入口嘅時候熱辣辣，配埋煉奶係最佳配搭。飲品竟然有一支支嘅玻璃樽汽水提供， 好耐都未飲過玻璃樽嘅汽水，好夠氣，凍冰冰，好爽。 啤酒都係無限量供應，任飲的。甜品方面有自家製糕點及啫哩，仲有一杯杯唔同口味嘅雪糕提供。…Read More

今日同朋友約食飯 突然好想食日本嘢 就搵到尖沙咀一間嘅omakes於是我哋就book咗呢間去試吓門口已經有打卡位 同朋友嚟一齊影相真係好好我哋今日揀咗$978既lunch nemu Total埋單每人$1565 折左每人$78X服務態度都好好 廚師都好細心 第一道菜：沖繩水雲配秋葵平時唔鐘意食山葵 因為覺得好滑潺潺 加咗啲沖繩水運雲同埋個汁好開胃 酸酸地～第二道菜：茶碗蒸蛋 ：入邊有百合 好食 加咗面頭有紫菜👍 趁熱食啊～第三道菜：北海道秋刀魚刺身配薑蔥醬油！哇 勁有刀工 🔪師傅切咗個花嚟 😍 打卡岩晒～第四道菜：勁出色 見佢係焗爐拎咗啲嘢出嚟原來係拖羅 好香魚味 入口即溶 好juicy 👍第五道菜：和歌山劍齒梭魚配蔬菜~ 下面有小小啫喱，好清新。第六道菜：紫菜包炸蠔 配佢自己調教嘅汁，酸酸甜甜好好味第七道菜：炸天婦羅 炸得好脆好簿 一咬入面個瓜勁多汁 配咗柚子鹽 第八道菜：A4近江和牛柳飯 好香牛肉味 洋蔥好爽脆配埋滑蛋飯絕配第九道菜：芝麻雪糕 奶味比較重…Read More

很久沒有放假，今日趁放假和老公去中環逛逛，順便慶祝生日，同事介紹中環大管這間新餐廳，食物有水準，裝修精緻華麗是慶祝生好選擇。過了午飯時間，人流比較少，店員親切有禮，打開餐牌食物還多選擇先點了一個小吃、火腿些利酒炒蜆、帶點鹹香的火腿加上香草再配上蛋拿的蜆肉，非常美味吃西班牙菜，必點傳統的西班牙海鮮飯，海鮮飯粒粒飽滿，吸入龍蝦湯的精華，每一啖也濃郁美美，海鮮有青口大蜆和蝦、全部都新鮮美味，上枱時還熱辣辣，一盤份量也不少，足夠四人吃原隻海蝦焗龍蝦湯煮 No.0 碎意粉、原來0號的意粉很幼、有點像炒米粉，但係落有口感，用同蝦湯煮食，吃落更加惹味，而且大蝦大大隻，食落新鮮彈牙，值得一試…Read More

十二味好多地區都有分店， 正正在我工作地區旁開了一家，無辣不歡嘅我，把十二味當了我的飯堂。裝修唔算好靚，但勝在地方夠大，冷氣十足，食辣嘢最怕冷氣唔夠，食到成身汗。酸菜魚必食，勁大盤，四個人share食就差唔多，魚片好多片，重點係冇骨，啖啖肉食，得好安心。湯底味道又酸又辣勁開胃，仲有寬粉墊底，煙煙靭靭吸湯效果一流。水煮牛，色香味俱全，辣味層次感豐富，兼且帶有麻香，此菜式相當出眾。惹味跳跳蛙 牛蛙啲肉好新鮮嫩滑，肉質肥美飽滿，用咗辣椒/韭菜炒，好有小炒王風味。小籠包 白麵包包着辣肉餡子，辣油滲透在麵包內，熱騰騰的，飽肚的小吃。霸王辣子雞 紅噹噹的一道餸菜，滿滿的乾辣椒和花椒，味道又香又麻，辣子雞炸得乾身脆口，送酒一流。食咗咁多香辣餸菜，想清清地可以揀清炒萵筍絲，看似簡單的一味菜式，但炒得有鑊氣。…Read More

途經太子見到棋子燒鵝開了分店，地方寬躺、裝修企理，正值午飯時間，於是入去試試點了燒鵝髀瀨粉、很喜歡吃這裏的燒鵝、喜歡那份微微的荔枝木香，肉質鮮嫩的鵝肉被香脆的鵝皮包住、口腔充滿香滑的油脂香味，久久不散這裏的叉燒也很出色，所以點了蜜汁叉燒，半肥瘦的叉燒，入口肉質鬆化，外表燒得微焦，淡淡的蜜糖味，非常惹味還點了燒肉飯、入口肥瘦適中、肉質煙靱、外皮咬落非常酥脆、還帶點咸香除單點外，還可以叫套餐、下午茶都好抵食…Read More