有朋友唔食牛所以揀咗鴛鴦湯底，要加$38，麻辣湯底夠香，蕃茄湯底夠開胃。
自助吧款式好多選擇，冷凍夠勁，我出曬煙，食材新鮮。
估唔到沙白，蟶子仔，海蝦…海鮮類都係任食，仲要新鮮肥美，鮮味十足。
生蠔隻隻都肥嘟嘟，唔算好大隻，不過夠嫩。
肉類:豬/牛/雞齊全，肉質都算唔錯，望落同食落都夠新鮮。
自助吧枱餐前小食同涼拌小吃都好多選擇，最驚喜嘅竟然小龍蝦係任食。
串燒已經燒好，火喉啱啱好，唔會太乾，好香口。
支裝啤酒/罐裝啤酒/生啤都係任飲，食串燒配啤酒一流，當然出面仲有其他無酒精飲品提供。
充滿童年嘅橙味雪條，竟然呢度有得食。
整體來說，環境食物都不錯，性價比高， 重點係職員服務好好，值得表揚。
