菠蘿柚子's Profile

隨著西環不斷地發展，係到既糖水鋪再唔係獨市生意。由最初既一間兩間變成而家既好幾間，今日就走左去試下呢間😂半糖主意- 原來已經開左一段時間，但由於佢位於北街咁入所以都唔係好覺佢既存在，今次係由住係附近既友人話我知所以先去試下咋，唔係既話都唔會發現佢牙🙊由於天氣凍冰冰，所以一黎就叫左壺對女士幾好既紅棗桂圓茶。佢一壺都好多，兩個人可以飲到2至3少杯，最抵既係勁多料。唔浪費食物既我連渣都食埋😋之後仲叫左2個甜品慢慢嘆豆乳芝士拿破崙其實本身自己都好鍾意食拿破崙，起初以為會好重芝士味又驚會蓋過晒啲豆乳味，食落又冇想像中咁重芝士味，又唔會過甜味道剛剛好👍🏻紫薯窩夫香脆既窩夫中間夾住啲紫薯溶，再配埋雪糕加cream 簡直yummy😋紫薯控既我必食。總括黎講，環境，食物都超值但就真係偏僻咗啲😜…Read More

一早已聽friend 講難食，但我死都唔信邪係要去試，畢竟以前都好食過。但事實係不聽老人言，荷包會晒錢🤦🏻‍♀️一間潮州飯店好唔好食就真係要睇佢個豪仔餅好唔好味，因為呢樣係潮州菜既標誌（純粹個人認為）德記既豪仔餅雖然好大件好大碟，原來食落啲粉仲多過啲豪仔牙。黃金墨魚卷拼蝦棗見呢個墨魚卷拼蝦棗好特別，所以就叫黎試吓。因為都係第一次見，墨魚味就食唔出架啦，不過勝在係炸嘢，點整都好味㗎啦🤭豪仔粥不過不失，都算足料嘅，值得一試👍🏻潮式糖醋伊面呢個都係第一次試，炸咗嘅伊面點糖或者醋一齊食，幾特別。不過最重要係即炸即食如果唔係就冇咁好味。滷水鵝片鵝腸滷水鵝片同鵝腸我都覺得一般般，細細碟但價錢就........椒鹽脆豆腐全場最好食😋實質係我最鍾意食豆腐。佢係好食在外皮脆卜卜，之後再點小小醋就very good啦腐乳炒通菜呢個係最普通，邊度都炒到嘅一碟菜，好難會炒得唔好食架喎🙊總括來講呢度味道就差左，價錢就貴左，所以我覺得冇以前咁抵食。但唔知點解都仲好多人排隊🤔但我見到隔離枱都係叫普通小菜並唔係潮州特色菜，唔通佢已經變咗節😆😆所以如果下次再食潮州嘢，我都唔會搵佢囉。…Read More

雖然夏日炎炎，但只要係好味既坐街邊定後行都冇問題牙😉話說今日相約朋友去太安樓掃街，點知就被帶去食咖哩飯😅呢到咖哩飯有2種，一種有加芝士，一種就冇既。佢仲要係日式咖哩，我的至愛😍 而今次我就選擇左普通果隻，滑蛋加日牌咖哩汁，內裡個飯仲要係雞肉炒底，連野飲都係只需四十幾，好鬼抵👍🏻仲要好好味。最主要係佢果滑蛋有番咁上下水準😋朋友果然冇介紹錯，就算幾熱都值得一試。如果怕熱既話，不妨買個外賣番屋企嘆😆…Read More

有次經過門口，比佢個poster既牛部位吸引住。心諗乜原來有咁多位可以食架🤔咁我就約左個牛牛發燒友一齊去試下，入到去好似見到香港啲舊鋪咁，好懷舊。平日黎講呢到竟然要等位，但因為佢有遊戲機比你打發時間，唔係等好耐就有得食lu～坐底之後緊係第一時間揀湯底啦，呢到起碼有6，7種湯底，而我地就覺得牛雜湯底係最抵既,因為又可以打邊爐又可以食牛雜，一舉兩得😄佢個湯底好有味仲好足料，的牛肚好似食極都仲有，如果鐘意牛雜既朋友一定唔可以錯過牙。至於牛肉方面我地試左3隻，每款都好新鮮好有牛肉味，最推介牛腹肉脂肪分佈very good👍🏻 牛駝峰 牛坑爪 牛腹肉 手打牛滑非常彈牙仲要新鲜，好過食牛丸 牛百葉好有咬口，仲要係黑色牛百葉，貴野牙下🤔 紫菜卷幾特別，嚮聆包住紫菜都係第一次見，所以要試下先得。浸落的湯到吸收哂的精華好好味😋 水蓮菜真係鄉下出城，真係未聽過而種菜，睇menu先知係一的植物既根部，見咁特別又點可以放過呢。長長一條，唔知以為麵條，但其實係好爽口既青甜既蔬菜。總括黎講又有得食又有得玩，我地得2個人叫左咁多仲要食得哂，唔錯唔錯🤣🤣…Read More

本來對而到既生煎包好有期望，因為朋友極力推介加上網上好味食評讚不絕口，點知......當日冇乜人排隊，要乜有乜🤣心諗咁好食就買左餃子、牛肉生煎包同埋蔥油餅。我仲要孖住個嘴饞既同事去，買完放落口，un 到不得了，我夠竟食緊咩🤔生煎包牛肉味係唔差既，但個皮真係唔得羅...餃子都一樣，最正常係蔥油餅羅。最後仲要比個同事話以後唔好帶佢去試新野喎🤦🏻‍♀️經過一試之後我返去問個fd，點解覺得好食呢？佢就話佢買果時係新鮮出爐喎，咁我只可以講唔係人人都咁好彩食到新鮮出爐羅😑激氣🙄🙄…Read More

葵芳出名美食多，假日黎行街shopping,買到攰攰地就緊係要坐底搵下食啦。沿途已經被車仔麵鋪既香味吸引住我啦，咁攰仲唔拿拿淋坐底～假日$44 三送車仔麵，款色勁多，心思思既我唔知點揀好，最後貪心地叫左個孖寶招牌湯麵-豬紅、蘿白、大腸、豬皮、雞翼、魚蛋對於我黎講一個車仔麵點先叫好食呢，就要睇下佢啲豬紅嘞，因為唔係度度都整到入味。而今次呢到既豬紅好夠味，唔止牙，仲有大腸、豬皮、蘿白都入哂味😋重要配埋個美味咖哩汁，我真係連湯都飲埋而同行朋友仔叫左個金牌魚肉翅湯麵，味道香濃同十分足料，我都忍唔坐偷食佢幾啖🤤其實佢係一個魚肉碗仔翅加麵，不過朋友話有麵先夠飽喎🤣到最後我地仲叫多左個腸粉，熱辣辣、勁多醬，食完之後又有戰鬥力去shopping lu～…Read More

開心星期五，出街食飯就緊係要訂位啦，而呢間飲茶亦不例外。因為星期五既關係，非常人多，而訂位時講明用餐時間一個半鐘。嘩！而家香港地想搵間餐廳休休閒閒咁食下飯傾下計都好有難度。不過好彩，因為我地之後冇人等枱，所以唔洗比人趕😜拎住個menu睇啲菜名，睇到一頭霧水🤯，勸大家都係睇下英文翻譯好啲 一籠八戒賣相超級可愛，影相一流。味道既話，正常豬肉包，唔會食完嘩一聲羅睇住流奶呢個都係賣相出色架啦，但又未去到同個名一樣流哂奶羅，都係普通奶黃飽龍鬚芥蘭都係正常水準，如果要講只可以講佢刀功幾好，條條𠝹開櫻花蝦炒飯普通炒飯，多左啲櫻花蝦咁羅，份量算少雞雞春卷算係我最喜歡既一碟，脆炸起上碟，新鮮入口先好味辣蟻粉絲好彩唔係好辣，易入口，味道不錯送飯一流總括黎講普普通通價錢較貴，係唔抵食牙，但喜歡影靚相厄like既你就去啦😅…Read More

對於京川菜情有獨鐘既我，每次行過都好想入去試，無奈身邊既親朋戚友都冇乜興趣。😭今日就趁住同行呢位求其食都冇咩問題既朋友去試下。一行2人想食多啲都唔得，左度右度先揀到但4個餸，因為樣樣都好想食😋 花雕醉雞雞肉滑口，啖啖花雕酒香，正四川水煮魚麻辣度一流，個陣辣係慢慢咁湧出黎，仲有個份量算多，好似食極都唔完小籠包雖然皮唔算好薄，但非常多汁，咁既價錢叫好抵架啦💪🏻豆沙鍋餅好似即時整架，外皮脆卜卜，滿滿既豆沙餡，甜而不膩，good🤤…Read More

趁住仲係大埔返工，緊係要食個夠本啦～有日同事話大埔有間食雞批好出名架，為食既我又點會放過呢🤔擇日不如撞日，就今日去試試啦～中午時間都唔洗點等位，最多搭枱。先黎叫個雞批再加個蘋果批，最後整多碟焗豬扒飯。😁佢啲批有分細批同大批，如果要一份仲可以由大批切出。而我緊係後者啦，硬係覺得好食啲，但結果係普普通通，一般鋪頭都食到。可能佢唔係熱辣辣所以都減左啲分，牛油皮又冇乜特別，唔係好鬆化，個餡正正常常羅。總之未到難食～而焗豬呢，都係一樣普普通通，可能大X樂仲好味啲。所以此次出行冇乜驚喜，又或者我期望太高了🤦🏻‍♀️…Read More

對於我黎講隱世姐係我平時唔係好覺佢有存在，而呢間鋪頭正位於山道斜坡上，唔係地鐵站開左，我都唔會行上去牙。隨着西環不斷發展，呢到既食肆越開越多，真係無十個胃都食唔哂。但又唔係間間都好味喎，但今次而間餐廳會令你食出驚喜😋 今日就黎到嘆住食嘆下啦, 一行5人叫左6樣野，各位都捧腹而歸。😗 頭盤黎個parma ham 薯仔沙律，佢唔只賣相靚仲配左勁多沙律醬， very good! 再黎炸雞翼槌伴蜜糖芥未，啲雞即叫即炸，熱辣辣，但我個重點放左係個醬到羅，芥未甜甜地配炸雞翼真一流 之後再叫左2個意粉1個飯💕蛋汁煙肉白菌意粉伴63度蛋，此款為本人最喜愛既dishes, 非常creamy 同意粉夠彈牙，不得不試牙 海膽櫻花蝦溫泉蛋忌廉意粉, 有濃濃既海膽味，同樓上意粉一樣非常creamy 至於墨魚汗意粉意大利飯都係高水準，啲飯黑蚊蚊，煙韌有咬口，雖然個顏色係咁，但唔洗驚食完係唔會成口黑哂既 黎到今日重頭戲 – 牛仔骨 ，7成熟都可以做到軟淋淋既口感重點係唔會太老，我諗廚師冇番咁上下功力都好難做到👍🏻 食飽飽後再黎一杯特濃朱古力，仲要有雪糕架，媽牙我今日真係好滿足牙😍…Read More

今日出大埔走走，孤陋㝰聞既我完全唔知而間陳漢記咩料。只係朝著門口寫住既”玻璃腸粉”就沖左入去啦。最初以為佢啲腸粉一定好正啦，玻璃喎！🤔咁就叫左個义燒腸同炸両，點知失望多過期望羅。腸粉皮厚啦又唔熱啦，义燒都係一般咋，呢個都還好。個炸両仲慘，淋架。。。。。🤦🏻‍♀️咁樣就睇得出有幾好味啦，細細份要收我32蚊，加野飲仲要比多3蚊，呢個價錢唔值羅。❌食完後尾上網搵佢下佢資料，睇唔出都有好多好評，但唔係食腸粉羅，失策了😖總之腸粉就真係可以skip啦，其他就唔知lu，不過我就唔like羅…Read More

星期四放工走到黎銅鑼灣食台灣野，是日真係無乜人，只有3、4枱，所以食耐啲都唔怕比人趕雖然話而到係食台式野，但都有好多其他西式野，睇落都唔錯。佢晚餐有好抵食既SET，只須$138 就有齊前菜，湯，主菜，包你捧腹而歸👍🏻 湯同沙律就因為太肚餓既關係竟然忘記左留影牙，咁以下落黎就睇下我食左的乜啦😋 首先黎個明太子卡邦尼闊條麵明太子加上好creamy既意粉簡直絕配，味道剛好唔會太咸，意粉又唔會太淋再黎肉燥茄子飯茄子再加肉燥配白飯簡直一流，其實肉燥好難整得難食，佢係肉碎，所有汁既精華都吸收哂yummy😋 最後仲好貪心地點多個鹽酥雞，無骨雞，鹽味剛好又唔會太老，正牙☺️野飲方面就叫左杯苤芽奶茶奶茶味唔算太濃，總之唔好期望太高就得架啦。總括而言，都算係抵食既台式晚餐。…Read More

新年流流，好多食肆都爆哂棚。好彩有醒目既朋友一早訂左位，在下就可以大搖大擺就直接入去😆 話明新年，緊係黎個新春套餐啦～一黎就整個意頭菜 – 撈起味道清新，我當左自己食中式沙律，入面有芋頭同蓮藕絲，脆卜卜好有口感 第二道菜係鮮魚羹，味道清甜，飯前食醫肚一流 之後再黎個蟹粉獅子頭，隨白菜奉上，清清淡淡唔會太濃味👍🏻 我地仲點左個蟹粉豆苗，平時大多數食開蒜蓉炒豆苗，而呢到用蟹粉炒，非常特別，味道仲好唔錯😋 再黎就到左今日重頭戲-北京填鴨😍呢到既填鴨係會有師博親自出黎幫你片，你唔只有得食仲有得睇表演添牙。填鴨香脆可口，再包上薄薄既皮配埋呢到特別提供既密瓜，真係別有一番風味。除左好食，佢既賣相都好靚，用番鴨仔碟，你睇幾得意 新年又點可少得食年糕牙，以下既醬炒年糕蟹，蟹肉新鮮配埋甜甜地既醬汁送飯一流 最後再整左個木桶飯，對於無飯不歡既我，而個飯緊係好好味啦，真係飽死 新年食飯點可以少左甜品牙，以呢個腰果露作結，新既一年定必可甜甜蜜蜜💕…Read More

一提到新年呢，我成個腦都係食。咁食咩好呢，唔洗問緊係食盆菜啦，因為入面咩都有滿足哂我所有願望。所以今次就約足一班人黎試下御名軒既金尊鮑魚盆菜，除左盆菜之外而到仲一大特色－就係巨型西米布甸，有成18寸架😍 第一輪先黎個6人份既足料煲老火湯，成煲野都係雞腳、海底椰，十分足料味道清甜，飲完湯仲可以食埋的湯渣 再黎個臘味煲仔飯－臘腸，潤腸同臘肉。個人本身係唔好潤腸同臘肉所以其實我係冇試過架，但同枱友人唔洗幾分鐘就將其消滅可想而知應該有幾好食而好彩就因為咁冇人同我爭最愛既臘腸，由於佢唔會太咸仲要甜甜地送飯一流👍🏻 主菜黎啦－鮑魚盆菜牙，𥚃面有鮑魚，燒肉，雞，冬菇，鴨掌，大蝦，髮菜，鯪魚球，蓮藕，枝竹，豬皮，生菜，蘿蔔等等⋯⋯的料多到呢⋯⋯又入味喎所以的蓮蓬、枝竹同豬皮都勁正 到最後不能錯過既甜品黎啦－就係18寸巨型布甸，而個布甸要預先訂架，就咁去食係食唔到架，大家要留意牙。 熱辣辣出爐，好鬼香食落唔會太溜𥚃面仲有蓮蓉，好好味值得一試😋…Read More

凍冰冰最好打邊爐，今日就去左北角試左滾得囍。呢到有好多湯底都好吸引而聽講最出名係花膠雞湯鍋，但係我地冇叫到而係叫左個卜卜蜆鍋，貪佢有半斤蜆肉超低食。到上鍋時發現佢個鍋靚到呢～佢的餐具好有特色，唔只靚又可以影下相厄like🤭 卜卜蜆湯底－蜆肉多味道鮮甜，個湯一滾我淨係掛住飲湯都唔記得放野食 手切牛肉－個人覺冇肥牛咁滑，雖要用多一點牙力，不過都算唔錯黃金響鈴－最特別值得推介，點解叫黃金因為佢係有加入蛋黃再炸成，非常香口。就咁即食都已經好正😋如果要放落火鍋到最好2秒就拎返上黎啦手打丸我地叫左個拼盤，每款肉都爽口彈牙，最值得一提既係芝心牛肉，啲芝士同平時食既唔係好一樣，好好味👍🏻 而鴨血蜂巢豆腐同魚皮－而幾款食物都係好靠個湯底入味。唔洗講啦，個湯底咁正緊係好食啦😆 黎到最後仲有甜品糖水飲添牙，不過都飽到死已經不能再食哂佢啦。總之呢到既特色湯底我下次一定要再黎試～…Read More