choyibebe's Profile

今日有個朋友介紹去左一間日本餐廳食野，地點就偏遠左小小，不過坐地鐵行去不用十分鐘，仲不到都好多人幫襯，不過最好都係訂位好d，今次叫左8樣野1粟米脆餅壽司和牛三文魚籽，賣相都好得意一塊圓形脆餅夾住牛和牛上面仲有d三文魚籽，味道都好夾2金丼月見海膽三文魚籽拖羅，滿滿三文魚籽和吞拿魚上面一層海膽仲有一隻生雞蛋佩得啱啱好3金龍珠海膽吞拿魚蓉卷，好特別裡面有隻蛋黃。最有驚喜係佢d串燒4自家製雞皮蝦，好有創意食落d唔似雞皮d蝦仲好爽口5厚燒牛舌心，好有口感d唔（鞋）好好味6黑豚五花腩就普通啲7金酒杯下面係吞拿魚三文魚籽上面一大片海膽好鮮味8壽喜燒和牛鍋，d和牛好靚好好食，結果4個人食到好飽好滿足，推薦！…Read More

由於好耐無去日本, 突然興起想食下D日式居酒屋野, 朋友就帶我試下呢間, 可以一邊食, 一邊飲下酒, 一邊吹水講八掛~餐廳位置係小巷盡頭, 一入到去充滿日式居酒屋的氣氛, 食食下都坐滿曬座, 睇黎係隱世小店黎~ 我地先叫左個杯冰菠蘿燒酎飲住先~~ 都幾大杯, 入面仲有一大條新鮮菠蘿, 食落都幾甜, 酒味唔算太濃, 溝埋少少新鮮菠蘿汁, 整個味道非常fresh又甜甜地, 好易入口~咁岩經過見到餐廳內有個水缸擺滿曬貝類海鮮, 好似好新鮮咁~所以就被吸引叫左個帶子磯燒同鮑魚磯燒。原來侍應會係你面前落D 清酒, 海鮮豉油即燒, 簡單調味已經食到海鮮的鮮味, 帶子鮮甜, 鮑魚肉爽彈牙由於我未食過甲羅燒, 所以我地另外點左蟹味噌甲羅燒，黑松露蟹肉甲羅燒試下~店員會幫手將帶有蟹膏的蟹殼放上火爐燒烤，之後再加D清酒同一隻鵪鶉蛋撈勻。蟹膏甘香 入口好滑好好食!! 黑松露蟹肉甲羅燒就加入左黑松露同少少蟹籽, 黑松露味稍為突出, 但仍然食到少少蟹膏味~ 之後我地將蟹膏撈埋落個北海道海鮮炒飯到, 超級好味!之後再上個蟹肉玉子燒鬆軟, 上面有D類似蛋黃醬mix蟹籽同蟹肉, 蛋味濃。而三文魚牛油果酢漬就酸酸甜甜好開胃, 所以搞到我地都唔夠喉要叫多個叫左個魷魚鬚天婦羅同左口魚刺身送酒。不得不讚呢個魷魚鬚外皮炸得酥脆, 魷魚鬚仍保持爽口彈牙, 不油膩! 非常適合做送酒小食!左口魚刺身肉質柔軟細膩, 鮮味甘香, 非常好食!最後一邊食一邊吹水, 原來已經食左幾個鐘, 勁飽! 食材都非常新鮮, 有機會可以再encore~…Read More

黃埔交通方便又多野食，約朋友食飯最就腳。最近開左間新韓國餐廳，於是約埋朋友去試下。餐廳位置非常方便，黃埔地鐵站A出口一出行30秒就到。餐廳由韓國人主理，各款韓式料理都有，炸雞、韓式拌飯、拌麵等。最吸引我地當然係呢到主打的韓式燒肉及醬油蟹，即刻叫左個Set C 2人餐$499同醬油蟹黎試下!!首先會上3碟韓式前菜，泡菜微辣帶少少酸，蘿蔔亦非常開胃。之後上左碟醬油蟹配飯。幾年前去韓國旅行食當地的醬油蟹，覺得有D咸。今次見在場其他食客都有叫醬油蟹，所以膽粗粗叫隻試下，點知非常有驚喜！蟹味鮮甜，多膏得黎完全無臭腥味。食落有醬油的咸鮮但不會過咸，非常適合香港人口味！隨蟹會上多個紫菜飯，撈落個蟹蓋食一流！之後就上了Set C 2人餐，牛豬拼盤燒肉，包括牛五花、五花腩、豬頸肉及調好味的牛肋骨。份量十足，我覺得可以畀3-4人食都可以。豬肉相當juicy, 肥瘦適中，肥而不膩。豬頸肉肉質爽口。牛五花配上餐廳提供的烤肉醬汁，真係可以送幾碗飯。當中我最鍾意牛肋骨，牛味非常濃，入口即化，加上餐廳的獨特韓式調味，好似一秒飛左去韓國咁，韓風十足！十足！叫多杯柚子茶送下D烤肉，柚子份量畀得好足，飲落非常清爽！最後叫多個韓式冷麵cool down 下個口，埋個靚尾。冷麵麵質彈牙，湯底加左少少雪梨及醃蘿蔔作為配菜，酸酸甜甜非常解膩！阿珠媽非常好客，教我地正宗韓式食法：先用剪刀將麵條剪斷，然後按自己口味加入少量醋及mustard拌好。…Read More

經過買個早餐外賣返屋企食，成間餐廳得1枱，落單個時仲問我要多士定波羅油，返到屋企發現兩個餐都無波羅油，又唔近唔通我行返出去拎？ 希望下次小心啲，唔好漏，無咩客都可以漏…Read More

全日無咩食野餓到暈🤪 腦母話每次買凍肉有間餐廳都排長龍，上星期經過，原來 #黃店 黎既，即刻帶腦母食😂😂🍜鹽酥雞粒麵Omg雞粒炸得好酥脆，外脆內軟，鹽粉唔辣，岩腦母又香口，麵就普通啦，湯底都無咩特別😂🍛台灣腸滷肉飯滷肉好大粒，又係唔係肉碎，我鍾意，好入味，但唔會太咸，台灣腸好夜市feel😍 飯好大碗，女仔食唔哂🥚肉鬆蛋餅呢個好失望，我煎得仲好過會，雖然好大碌，但係蛋皮黏唔實，煎得唔脆，一夾起成舊散哂👎🏻Btw，呢到冬瓜茶自助任飲，甜到糖尿😂😂店名：真台客 地址：元朗仁樂坊5號利發大廈地下G及F號舖…Read More

⚠️榴槤放題出沒注意‼️雖然好似榴槤季節已過，但而家D生果一連4季都有架啦~ 觀塘一間工廈餐廳推出左榴槤放題，逢星期6、日大人只需$1️⃣9️⃣6️⃣就可以食足2粒鐘，當中包括熱食、甜品同飲品開頭以為熱食係大伏，寄望甜品，點知！！！！甜品先有少少失望，相反熱食好驚喜。呢到D一開始每款都會上一次菜先，食完想再添可以TICK紙仔，份量唔會好多塞飽你，食落D榴槤就唔係咩D24、貓山王個D啦，呢個價錢邊有咁靚既料，不過我食落都覺得OK的熱食有3款，包括炒飯、意粉、炸雞，🍚炒飯最好食，榴槤味好融合，飯身唔夠乾，但味道好特別；🍗炸雞好搞笑，無咩骨，佢係D炸皮包住D榴槤肉，無實際影響到炸雞既口感~甜品就好多款了~ 有蛋糕、PANCAKE、腸粉、雪花冰等等，個人係咁翻啅既係「榴槤不是腸粉」，晶透既皮，包住2大舊榴槤肉🤤，一D都唔濟!最唔推薦❌既甜品就係榴槤飄香丸子，一D味都無，個水勁淡，同埋榴槤芝士焗解奶都不了，味道完全唔夾值得一提係呢到既400次榴槤咖啡☕️同榴槤奶昔🥛我都覺得勁好味，真係打到400次既CREAM出黎，奶昔又淡淡榴槤味，唔會搞到個口漿住哂!🌟溫馨提示，要2日前先完成網上付款同預約先可以去喔店名：森泰遠甜品餐廳 地址：觀塘觀塘道448-458號官塘工業中心第3期1樓F及G室…Read More

兩星期無出街了🌝 琴日U Magazine 報完「🥦素年」開左分店，今日輕輕出關快食，新分店有D隔涉，但空間比本店大，勁多人等位，今日勁熱，等位中途腦魔個妝都溶哂🔥餐廳供應素食，食物款式唔算多，但最緊要重質，仲要食落完全唔似食素😆🍝不可能肉醬意粉食完都仲係覺得不可能，點解可以同正常肉醬意粉一樣味，啲肉醬咬落去口感同肉一樣，點解素食都可以整到？🧐 一路諗，默默咁食哂了🤤🍝冬蔭功意大利粉呢個就真係齋啦，配料係茄子、蕃茄、菇等等，個冬蔭功汁好似飲緊冬蔭功湯咁，愈食愈辣🌶 但配意粉口感同冬蔭功好似無咁夾，轉做金邊粉/河粉/炒假仲好，但咁就無咁特別🌝🌽燒粟米沙茶醬烤粟米，仲有沙律醬，超香，超甜，100分小食，一定要叫，就係咁多😂😂每款價錢同出面啲cafe差唔多，但份量好大，一個意粉我覺得可以兩個女仔食了😉😍店名：素年地址：深水埗汝州街132號地舖…Read More

早排排蘇媽既時候，聞到後面一大陣燒肉味，忍唔住過左一個星期就去試🌚 特上次男丼定食🐂賤外無牛不歡，要試就試最貴既🙂 好似個牛火山咁，啲牛又真係入口即溶喎，牛有燒過既味，以佢百零蚊既價錢食到呢個level都算值😆 初初以為咁少飯會唔飽，點知食大半就濟🤪豚肉丼🐖窮撚唔捨得食貴飯，揀左個最平既豬飯食，唔好以為平就唔好食🤫我覺得佢有啲好食過牛，口感紮實啲，有咬口，但唔un，一咬就開，無肥膏，個人黎講就buy呢個又平又好食既丼多d啦😌店名：牛角次男坊 地址：荃灣大壩街4-30號荃灣廣場1樓112B-113號舖…Read More

Dinner可以食到10點啦👻今次都係 #黃店 推介！元朗雞地真係有一堆黃店圍住，呢間地方細細，但食物絕不馬虎，又平，又坐得耐，我坐左3個鐘都有🤣🤣芝士鮮牛肉漢堡配沙筆🍔拿拿拿，牛肉要juicy係基本，但醬汁可以再多啲🧀我最想講既係薯條🍟好好食！幼身既，炸到脆一脆，有啲似m記個脆薯圈咁，但呢個好食好食😍😍😍 食肉獸既我就無食沙律了原條鰻魚炒蛋紫菜飯🍚坦白講呢個係朋友既，為免交換口水唔覺意中武肺，我係無食既🤨 但原條鰻魚就貨真價實，炒飯望落都唔差，朋友都清左碟飯，大家可以去試吓☺️店名：肆悅地址：元朗建業街80號聯發洋樓地下4號舖…Read More

幾個月前生日去左山旮旯慶生😂 地點真係山旮旯，行到我出哂汗💦價錢就港島價，但食完覺得個廚真係好掂😍😍🍕日式芥末煙三文魚pizza成親飯覺得最好食🤩 微微芥末辣，三文魚整成朵花咁🌹皮脆餡靚，must點item☺️🇩🇪德國烤焗脆皮豬手好大隻，建議4個人以上食，皮是脆的，但我切得有啲困難，咬落去有啲太硬，可能over烤左🤔🦞龍蝦汁海鮮意粉秒清，汁多，海鮮新鮮，意粉勁幼身係我鍾意既，軟硬度適中😆 龍蝦汁味都好突出🍟炸薯條配黑松露醬+辣千島醬我最鍾意既千島醬😍 朋友都鍾意黑松露醬，我食哂千島醬！薯條外脆內軟，同兩個醬都好夾😛🍹青瓜梳打我唔飲酒，呢個梳打好fresh，fresh到好似食新鮮青瓜，個味好真實，搞到我去其他餐廳都係咁搵青瓜梳打飲😂😂店名：山旮旯 地址：銅鑼灣摩理臣山道84-86號香港銅鑼灣太平洋帆船酒店地下…Read More

住左係元朗廿年，呢間韓燒就由細食到大，價錢一直相宜，有時想同屋企食好啲都會揀呢到🤗 座位仲好闊落，兩老坐得好舒服添早幾日去係平日，唔需要等位，夜晚任食都係百零蚊，入座個時見到好多枱都燒緊蝦，原來仲有泰國流水蝦，加錢就得，枱隔離會有個水缸，係入面夾蝦燒，不過今次只係普通晚飯就無加錢食了一如以往好多野食，首先緊係熟食先啦！最鍾意就係食豬腳薑，隻隻都咁大隻，又入哂味！黎到肉類，款式唔算好多，但豬牛雞羊魚都齊哂，算係抵食架啦！牛仔骨超出預期咁好食，另外原味豬扒都推介🤩 最令人驚喜係魷魚，燒完一啲都唔難咬，超香，我地食左4、5隻😂😂。臨走見到原來門口有爆谷同棉花糖整，不過太飽就無試了…Read More

而家D蛋糕愈整愈靚，蛋燃店都愈黎愈多，有時朋友生日都唔知買邊間好，因為好多時見靚就買，點知食落係中哂伏既，但今次竟然比我搵到間平靚正既蛋糕店，好開心呢間LA FAMILLE朗豪坊，平時放工走既時候都會經過，一直無試過，早兩日朋友26大壽，朋友們就一齊夾錢買左個日本柚子戚風蛋糕黎食喇！蛋糕15CM真係夠4個人食，入面蛋糕個層超鬆軟！！咬落先知有D柚子皮係入面，口感幾得意，有少少澀味，好似食果皮咁~ D CREAM 一D都唔漏，我最層食漏既CREAM ><  仲要有粒馬卡龍係面，好精緻得黎又好味，馬卡龍唔太甜，好岩我！！！呢間真係好推薦比大家試下！…Read More

人氣文青打卡雞翼專門店，LUNCH TIME 近近地就買黎試下啦，環境唔大，就算堂食都係要企，建議外賣走，今次試2款特式雞翼過下口癮，即叫即整，熱辣辣咁食最正!韓式蟹皇蟹籽OppaD雞翼佔滿哂蟹膏，又有蟹柳絲同蟹籽，口感好豐富，食之前無諗過蟹膏可以同雞翼配搭。鼠尾草鹹蛋黃哥唔係用咸蛋黃包住黎炸🥚而係整個汁淋上去，令到成個口都充滿咸蛋黃既味道，我第2推介！士多啤梨番山榴乳酸夏天飲D酸咪咪既飲品岩哂，乳酸味出過D士多啤梨同番石榴！飲完仲解膩TIM，爽啊…Read More

假日最好就係自然醒，食個靚午餐，靜靜咁比自己休息一下。今次第一次去位於i square既割煮 櫓杏享用午餐，侍應安排我坐係窗邊，包覽維港海景，同隔離枱仲有布簾相隔，私隱度甚高👍🏻👍🏻叫左個熊本天草直送鮮魚海鮮丼一set有齊丼飯、茶碗蒸、前菜、麵豉湯同水果，相當豐富！有拖羅、鱸魚、鯛魚、紅魚、青魚、生蝦、炸蝦頭、玉子等配料，刺身好新鮮，完全唔腥，拖羅仲要入口即溶！而炸蝦頭脆到可以成隻食，對平時唔係好食蝦頭既我倍感特別！生蝦刺身超大隻，肉質豐盈彈牙茶碗蒸有菇、蝦做配料，口感豐富；西果用黎最後清清口腔，清甜超fresh！呢到門口仲有一個區擺左啲陶瓷制品比客人買，亦有新鮮食材揀，真係唔止食lunch咁簡單！…Read More

早排去左三上食野慶祝我既生日，平日去唔太洗排隊，真係好啊! 我地坐低左之後就叫野食LU，首先叫左個豆腐海苔胡麻沙律清清腸胃先,，胡麻味道好出啊，菜好新鮮，配海苔好夾!之後叫左個壽司拼盤，飯暖暖地我鍾意，上面既刺身都新鮮啊，款式好多，個人最LIKE帶子，又鮮又厚身，但得2件唔夠喉啊~之後叫左個鍋仔烏冬，估唔到咁多配料WOR! 個天婦羅蝦真係好正，粉一D都唔厚，蝦肉實正！ 仲有叉燒TIM，食完都幾飽架!!!!食野之餘緊係要叫埋野飲，白桃汁、綠茶檸檬梳打、巨峰乳酸，我比較喜歡白桃汁，鮮甜~~~ 綠茶檸檬梳打就唔係好飲到綠茶味，巨峰就同平日飲的一樣~…Read More