fatfatgirl1213's Profile

終於去到星期六日又可以出去威。 今個星期六天氣陰陰地，有啲風咁，最啱就係去行山。即係諗起之前去過南丫島嘅一間世外桃源臥虎藏龍嘅咖啡室。店舖門面完全唔似咖啡室，前門感覺上空蕩蕩，只有一個細嘅counter， 穿過狹窄嘅走廊, 另有玄機，係對住沙灘嘅陽台仔。 只有數張嘅枱櫈，幾棵植物，完全感受到慢活嘅氣息。食物方面, 選擇唔算多。上次同今次都叫咗餐單既嘅全日早餐"Everything " 。 但係今次幫襯竟然大跌眼鏡，食物質素差咗超多。只有薯餅番茄同茄汁豆係食得，其餘嘅質數真係參差。首先講下杯嘢飲,要上嘅即磨咖啡唔係應該有啲泡沫？ 無泡沫之餘味道淡得可憐，加埋牛奶口感先好啲。但係依然挽救唔到災難級嘅咖啡味道。仲要唔知點解我朋友個杯多啲，我果杯好似畀人飲咗幾啖咁🙄另一重災區係條腸仔同煙肉，又乾柴又鹹。感覺很劣質，尤其是係腸仔。 多士烘得窿，但係食落又唔脆。唯一最好食嘅係薯餅同埋茄汁豆 Oh my god~😮‍💨就算個景點樣靚到好，偏貴嘅價錢配上災難性食物嘅質素真係令我對餐廳嘅印象大打折扣。希望佢哋可以反省下食物質素，重新改良同埋用返啲高質少少嘅食材。想試下benedict感覺上好似有啲吸引。但係感覺份量比較少就冇叫到。…Read More

通常食開麥記，KFC 既我，真係好少係香港食其他快餐。 今日,最後一日學急救，咁就係呢度食埋最後一餐當同尼個地方道別。喺太古廣場兜咗幾個圈，，周圍啲嘢都太高檔，一唔係就唔啱食，最後去咗超市裏面嘅快餐店。點知超細，超多人，真係超崩潰，好彩等咗五分鐘就有位。🌟Original burger combo($91) 🌟叫咗最普通最原始嘅漢堡包，combo可以加一個凱撒沙律又或者薯條。 店舖聲清漢堡牛扒係用100%澳洲牛肉製成。食落都真係幾有牛味嘅，唔似麥當勞講真一塊扒。 但係講真shake shack 同five guys同嘉寶 ，都係用real beef, 但係價錢同埋味道就好食得多。 因為佢個酸瓜世界級咁咸，仲有比得超小醬，好孤寒。 食開平價嘢嘅快餐既我表示，我會寧願食返麥當勞。 呢個價錢同埋質素真係唔值。 …Read More

呢間餐廳牆壁暖色柔和，畀人一種舒服嘅感覺。 牆上掛滿具有民族特色嘅裝飾，吊燈係色彩繽紛馬賽克陶瓷製成。 店舖裏面仲有兩隻毛孩熱烈地歡迎我哋，一隻狗狗叫啤啤，仲有另一隻叫沙沙嘅加菲貓，佢哋兩個都超可愛，店員同埋店主grace 都好nice, 成間店舖都畀人好舒服溫馨嘅感覺。裏面仲有民族特色嘅衣服比我尼啲港女打卡影相，即刻好似去咗轉土耳其咁。枱上面嘅水壺都極具土耳其特色，好似阿拉丁入面嘅神燈咁精緻。食物方面,要介紹返燒雞沙律，首先個燒雞皮香脆，雞肉嫩滑，有陣陣嘅蒜香味道，可見經精心炮製。 之後蘿蔔絲沙律甜甜地，又係有陣香蒜味。土耳其餃子第一次見，非常好奇。果然味道新鮮，同普通餃子唔同。 細細粒咁樣，大部分都係澱粉，裏面冇咩餡料。加入乳酪/芝士？ 其實幾香,但稍嫌調味得比較少，比較乏味。兩杯飲品都超好飲， 沒任何裝飾，但味道真材實料， 健康有益。 尤其是係粉得像派大星顏色嘅嗰杯嘢飲必叫！ 粉紅色的一杯係火龍果百香果乳酪飲品，喺餐廳嘅新品。雖然飲品沒有多餘嘅裝飾，看上去顏色亦都非常詭異，但係味道卻好飲到大吃一驚。火龍果同百香果嘅味道匹配程度有99.9 % 最厲害既係，餐廳嘅乳酪都係店主自家製。佢其實仲有自家製嘅乳酪雪糕，有機會大家都可以試一試。是日甜品叫咗開心果蝴蝶酥配雪糕球。兩件中色酥餅配開心果仁，非常之香脆，又有牛油香酥味。 雲呢拿雪糕球味道特別，有點雪芭口感，清而不膩。食完嘢之後店主更加教我哋點樣做被別人文化遺產之一嘅中東特色沙煮咖啡。 超開心， 自己一手一腳用熱沙咖啡機炮製左一杯超香濃烘焙味道嘅咖啡。 再配埋一嚿turkish delight 土耳其開心果乳酪糖果，苦中帶一點甜。 馬灣呢間咖啡店崇尚慢活，亦有舉辦唔同嘅工作坊，DIY馬賽克燈，陶瓷茶墊，魚缸，蠟燭座等，比香港人可以忙裏偷閑，係假日唔錯嘅選擇。另外餐廳仲有個後花園仔…Read More

小編超鐘意食印度菜，而最為深刻，推薦既係上環尼間。食過兩次， 都係咁正。前幾日同幾個朋友叫咗個四人餐，晚市四人餐四百幾蚊完全唔貴，唔傷荷包，但係就已經食了高汁嘅印度菜。首先係鷹嘴豆香料湯，辣辣地，香濃cumin,同秘製香料味道,超級惹味。咖哩魚咖哩汁亦都好好味，魚柳香滑鮮甜，裏面仲有薯仔老闆超好，因為朋友唔食牛，佢畀我地將套餐裏面瑪莎拉牛轉做雞，雞肉香嫩 。 馬沙拉醬汁亦都好香好惹味。另外仲有菠菜印度芝士，雖然係碟素食菜但係味道香濃好地道。烤雞炭燒味道香，沾點檸檬汁就更清新。仲有配菜沙律解膩。烤餅蒜頭味道令人垂涎欲滴,雖然比較厚身,.但係依然很脆，裏面就軟身似薄麵包。唯一冇咁鍾意嘅係呢個冷盤，印度脆球pani puri。以前喺人度見人哋一球一口點啲汁就放落口，覺得好有趣，看落很好食。 係印度一種好有特色好地道嘅菜式。今日初體驗，賣相唔錯，打卡就靚。裏面嘅係薯仔洋蔥芫茜等等蔬菜，仲有脆脆既米條。中央嘅係薄荷香料汁。食落味道比較淡，而且波波冇想像中咁脆，而且我不嬲都唔係好鍾意食薯仔，感覺上裏面餡料嘅配搭錯咗。但係整體而言呢個價錢可以食當皇帝級既印度菜真係好滿足，好食。 …Read More

話說以前食過一次呢間餐廳覺得幾好食，決定今日再嚟探訪。我由將軍澳特登走去西灣河食尼間期待已久嘅印度菜，但係今次竟然大跌眼鏡。set lunch價錢唔算平，不過烤餅可以免費添加都算係咁。套餐有一杯茶或者咖啡，主食，烤餅/飯,同埋是日湯。扁豆加番茄前菜湯唔係咁好飲，只有蕃茄味道冇乜特別。garlic nann反而有驚喜，份量幾大份，遞上枱面依然香脆,有陣陣蒜頭香。但係paratha 千層餅都幾難食，完全冇酥皮香，反而又硬又韌，好難咬開，而且唔夠熱，好似放咗一段時間。奶油雞同平時食嘅味道有啲唔同，冇咗嗰陣瑪莎拉香料味，而且唔夠香甜， 有失水準。 裏面嘅雞塊有少少炭燒雞香，但比較偕身。 同佢價錢唔成正比。咖哩牛腩味道比較港式，但係幾好食，甜甜地咁。牛腩味道都幾香，但係嫌有啲韌，難以咬開。而且野飲都幾難飲，本身叫咗杯紅茶，講咗幾次佢都係畀咗奶茶我。 朋友杯紅茶飲落好似茶膽我自己杯凍奶茶味道淡。 …Read More

好奈冇去過大西北, 仲要將軍澳人晨早流流入去踩單車。 我地十二點左右係天水圍出發踩到上水， 路程話長唔長，但係就食左好多野😂。 途中經過錦田， 有條街超多餐廳， 咖啡店。 見到樂都冰室裝修都幾chill, 竹林般既設計引人入勝。下午茶餐選擇都算幾多， 上至日式冷麵 ，下至港式公司三文治。 雖然價錢比平時食既餐茶貴，但食物質素及份量卻在其上。大大份既三文治，兩個人食都飽到上心口同埋另人驚喜既係，呢到既奶茶比出面茶記既更香濃，更有港式風味。用既不只是錫蘭紅茶，仲有伯爵茶香， 又不失奶香。 超多料， 而且麻醬一啲都吝嗇， 超邪惡之選。而且雞疑似係手撕雞， 雞味香滑可口。今日最讚嘆既係， 冇諗過簡單既西多士，好似兩塊面咁大份，切開裡面係kayan。 加上牛油同糖漿邪惡得尼又惹味。附上元朗美景…Read More

日常便飯日🍚🍛今日去咗位於油麻地廟街一間冰室，充滿老香港冰室風味，門口掛滿彩色霓虹燈，裡面有冰室經典磁磚牆壁。 係茶餐廳尼講算坐得舒服。餐廳雖然唔大，但係座位坐得舒適，而且設計別緻。餐廳嘅餐單選擇包羅萬有，有常餐，蕃茄通粉，公仔麵咖哩心、全日早餐，扒餐西餐等。雖然係茶餐廳，但係就有西餐嘅服務。店員服務殷勤，雖然人多，服務都唔錯。落單到上菜都唔算好耐。用餐之前仲有合掌瓜豬骨湯飲😋😋，豬骨味道香濃，用料豐富，有杏仁片，紅蘿蔔合掌瓜同豬骨，雖然係附送，但係絕不馬虎。🌟椰汁咖哩焗飯（$44）🌟首先嗰個椰汁咖哩焗飯超香超惹味，雞扒脆卜卜，仲有焗薯青椒同埋拉絲芝士等等嘅配料，而且個椰汁咖喱醬超香。🌟乾炒牛河（$52）🌟乾炒牛河夠鑊氣，配料十足，有韭黃，牙菜，牛肉分量亦多絕對唔吝嗇。調味啱啱好，味道中上。雖然食物質素未去到哇一聲，但係從入去用餐到埋單過程都超流暢。價錢實惠得尼，選擇好多，服務又唔錯👏可以再幫襯…Read More

今日同朋友行山之前去左呢間位於禮頓道既POKE外帶餐廳， 主打夏威夷飲食， 健康輕盈， 主要做外賣生意， 但入面亦有兩張大枱堂食用。 本身冇咩期待,因為見OR 咁多負評。 但係食完真係覺得要幫佢平反下。 POKE BOWL 可以自己選擇主食，有三文魚吞拿魚蘑菇等等，加三款配料,同埋飯或沙律底。今日叫左個鴻喜菇雞蛋絲豆腐同海帶雙拼配蟹肉再配香烤果仁芝麻醬盛為$70 , 感覺清新健康。 配料美味又新鮮得尼一啲都唔吝嗇,個芝麻醬好香， 鴻喜菇口感爽口。 雖然睇落唔算大碗,但勝在夠飽肚,食完都冇罪惡感。 網上既評價果然唔可以盡信，有時真係要自己Fact Check 試真啲。❤️❤️❤️❤️❤️食完又要做運動,繼續減肥了。…Read More

約左朋友去完睇太空館既恐龍電影之後，去左呢間成600 既個好評既餐廳到朝聖。 今次要幫差評平反。 我見有啲食評批評呢到既海南雞飯唔好食， 服務差等等既問題， 但係今次個人用餐既經驗非常良好。地方有啲穩閉,去到果陣果條街既商場都已經關門， 唯獨是係呢間仲開緊。 海南雞飯雖然份量唔大，但係價錢實惠，雞肉鮮甜， 好有雞香, 雞皮薄薄, 雞肉嫩滑， 完全唔肥膩。 而且油飯有浸薑既香味，平時唔係好食飯嘢我今日都食多幾啖。而海鮮喇沙配料唔多，有啲㝰但勝在湯底惹味香濃，椰汁味超濃， 唔算太辣，超適合香港人嘅口味。麵底幾多厚， 配料有豆卜，蝦，芽菜等等， 如果可以有鮮蜆就仲惹味。串燒麻麻地，沒有炭燒香味，而且雞肉的口感有點老，反而豬肉較香嫩。 菜就中規中矩，冇話好食, 咁多碟呢個最唔抵食。整體而言， 價錢實惠，食物味道中上,雖然份量唔多，但係質素幾唔錯。 可以再幫襯。…Read More

話說我朋友send左一個post俾我，話喺寶琳Uny超市入面有一間專食waffle +croissants =croffle 嘅舖頭，好似好吸引。其實牛角酥係幾好食嘅，但係嗰兩個靚妹態度真係超差。一去到發現咗兩樣嘢：1️⃣原來舖頭係超市入面一個開放式廚房，有幾張枱櫈嘅吧枱。 2️⃣有兩個靚妹（似係暑期工學生妹），一個喺度瞓緊覺，令一個喺度玩緊手機。等我朋友嚟咗之後，我哋叫咗個忌廉芝士草莓牛角酥。張相同埋display有點兒落差，不過都唔緊要，最重要係食物好食。以前有喺第二間舖頭食過忌廉芝士草莓窩夫，人哋會將個餅底放入焗爐烘完再加忌廉芝士係上面，熱辣辣嘅餅底，凍冰冰嘅忌廉芝士冰火交融嘅口感真係永世難忘。失望地，呢度嘅croffle餅底係凍嘅，一啲都唔脆,有啲難咬。 不過其實除咗個牛角酥底之外，croffle嘅味道，同埋忌廉芝士配草莓呢個配搭係冇得輸。 之後我問個靚妹係咪即叫即整，佢就黑晒我面。食物本身係幾好食，但係靚妹嘅態度，令我有一個超級差嘅用餐經驗。…Read More

好開心呀，今日同個朋友去游水，先發現原來寶琳呢度開咗間沙嗲王。記得以前喺觀塘都有一間分店，細個成日同屋企人到觀塘加勒比海盜主題嘅沙嗲王，走既時候就會送辣椒醬，同薄荷糖。眨眼間幾十年，小飛象，蓮香樓嗰啲都執咗，但係沙嗲王依然屹立不倒，但係經典嘅辣椒醬就冇再送啦，有啲可惜。以下係Menu不過我覺得配飯係最好食，於是都冇諗其他選擇。仲有好平嘅小食。份量都幾大🌟蟹粉豆腐鍋（$83）🌟呢個菜式可以講係餐廳嘅招牌菜，僅次於白咖喱豬扒飯，不過對我嚟講呢個係我心目中嘅the best! 介紹番，食物上枱嘅時候仲係bulub bulub ,熱騰騰嘅豆腐仲有香濃而且一啲都唔吝嗇既蟹膏，再配埋蟹肉，三樣簡單嘅材料，味道卻令人樂而忘返，番兜10次都冇問題，而且打卡都好靚。❤️❤️❤️❤️❤️💕💕💕💕🌟 印度烤餅配黃咖喱（$26）🌟黃咖喱一啲都唔辣，有啲甜甜地，非常港式，雖然入面冇薯仔或者任何餡料，但係味道唔錯，而且個烤餅脆卜卜，比起我平時係印度餐廳食嘅千層餅更加金黃香脆。 加$26可以食到咁正咁大份嘅烤餅真係唔錯。❤️❤️❤️❤️❤️好老土都要講句，沙嗲王真係永遠唔會令你失望😂…Read More

今日嚟到位於灣仔同銅鑼灣交界，有間居酒屋，串燒風格餐廳，今日叫咗個咖喱吉列豬扒同埋蒲燒鰻魚飯定食。 ⭐️咖喱吉列豬扒（$88）⭐️吉列豬扒份量頗多，一份有七八件，即使影左10分鐘相之後豬扒依然金黃香脆。 同埋珍珠米粒粒分明，特別香口。 ⭐️蒲燒鰻魚飯定食（$108）⭐️蒲燒鰻魚一啲都唔馬虎，鰻魚大大條，啖啖都有鰻魚，感覺好幸福。而且食材上乘，鰻魚十分嫩滑，係高質之選。 午市套餐價錢合理，人均消費80至100左右。而且食物份量頗多，而且即叫即整，超有誠意， 味道方面中上。另外串燒亦都出色，Shiitake 串燒遞上枱仲熱辣辣，脆卜卜。整體而言真係幾好食，可以再幫襯。…Read More

觀塘新開左一間千之味分店，以前大學果陣都有食過，味道認真唔錯，拍得住元X,但係價錢方面就相對更實惠，而且知咩料啦😏。 講真果句， 觀塘分店的確係有啲遠，行到去宏利大廈果邊先到，但係勝在地方大， 而且店員服務周度有禮。一去到一大個anson Lo 紙牌， 晚餐跟餐有得飲新出0卡路里既OOHA 烏龍蜜桃茶味同海鹽柚子梳打，個人最鐘意蜜桃味， 海鹽果款似檸檬味。餐廳既晚市選擇多多，有刺身丼、壽司、冷麵同 牛肉/咖哩飯， 而且 價錢合理, 套餐$60-120有找， 仲有野飲，加沙律螺肉都中係$8, 加炸蠔/ 蝦/花之卷都係$20,非常之抵食。🌟角切魚生飯（$65） 🌟呢個餐係超級~抵食~裡面有油甘魚/ 三文魚/ 池魚/吞拿等既切粒魚生， 魚脂甘香鮮甜，口感嫩滑，加埋切粒青瓜，同紫蘇葉即平衡膩感。 配搭的確係唔錯。 而且個人超鐘意食三文魚籽， 鐘意三文魚籽既人必嗌！ 因為真係超多料🤤🤤 送飯有突添。 🌟壽司冷麵餐（$78）🌟冷麵配既係日式麻醬， 配搭合宜，食落冇肥膩感，但係麵條既口感比想像冇咁彈牙。 另外如果壽司既飯稍微多左啲，如果多啲餡就Perfect。 不過甘平既價格食到咁大份既壽司其實已經好滿足。🔥火灸丼（$85）🔥呢到眾所周知火灸刺身非常出色，果然冇令我失望， 但係美中不足係甜蝦就夠大隻， 但係其他既刺身就得一兩片。 如果飯同餡既比例更合宜就好。🍤炸物（+$20）🍤我鐘意呢到既炸物脆卜卜，即叫即整，即使過左一個鐘，依然脆卜卜，仲有餘溫🤤 尤其係炸蠔，外面脆卜卜，裡面仲保留到蠔肉汁嫩滑。唔使點沙拉醬仍然口感豐富，味道夠晒。 超抵食之選~…Read More

🌟7E 咖哩王（尖沙咀）🌟利申： 我對印度菜不算得上係好熟悉，但係對印度菜情有獨鍾，以前做印度機嘅時候差唔多一個月一班印度機，就會自己鼠出去食印度菜。我記得係疫情前呢間係重慶大廈內風摩一時既印度餐廳，餐廳內絡亦不絕，縱然餐廳位置非常難搵，而且重慶大廈地方複雜，仍然經常滿座，可想言之當時有幾受歡迎。 今日鳴謝朋友陪心血來潮既我食印度野，同埋借左隻靚手比我做手模，因為身邊真係冇咩人鐘意印度菜。今日重遊舊地，此情不再了，明明係星期日嘅夜晚，但係餐廳竟然得兩枱客。 餐廳裝修簡陋，但勝在菜色選擇頗多，而且好多都啱香港人口味，唔會太重香料或者太辣。 我哋揀咗個招牌 chicken Makkhani( 奶油雞），一個沙律，仲有Butter Naan(印度牛油烤餅）,Chicken Tikka(炭燒雞球）,飲品方面叫咗杯mango lassi，仲有Masala Tea。講真，今日嘅菜式只有奶油雞同埋牛油烤餅達到水平，其他嘅菜式有待改進。而且店員雖然識得講廣東話同埋幾靚仔😆，但係介紹錯曬啲菜式🤦（睇埋落去就知咩事） 仲要前菜papadams(胡椒餅） 都冇畀到我哋,認真嬲左。 🌟Masala Tea($20)🌟Masala tea 係印度風味嘅拉茶，個人認為呢一杯masala tea偏貴,因為飲得出佢嘅Masala 味道比較淡，比較水，無咩驚喜。而且有個小插曲，我問店員呢度嘅香料拉茶係用杯裝定係茶壺，之後佢就話係teapot。點知尼到係一杯細細杯咖啡杯😅有少少失望太細杯。🌟Mango Lassi ($39) 🌟杯芒果乳酪沙冰，完全飲唔出飲乳酪味道，味道好淡，好似溝咗好多水。失望。 而且都係好細杯。🌟Chicken Tikka ($105/5pieces)🌟 呢盤炭燒雞球正常發揮,明明記得上次過尼，啲炭燒味道好濃好惹味，但係今次冇咩炭燒味道，火候唔夠。同埋肉質方面，冇咩肉汁，啲雞又有啲鞋。而且靚仔店員明明講話冇跟沙律，點知嗰度都有好多沙律，呃左我叫多碟沙律食。🌟Chicken Makhani ($86)🌟另一碟又係好迷你嘅奶油雞，但係話曬係招牌菜，味道終於無令我失望。奶油雞係加咗好多creamy嘅椰汁同埋蕃茄醬同傳統印度咖哩香料整成嘅醬汁。甜甜辣辣咖哩又有奶油香，真係受唔住誘惑🤤🤤我哋為咗食曬佢嗰醬汁仲點咗兩盤烤餅。但係食食下入面嘅雞肉先發現有啲似炭燒雞球嘅雞肉，所以我一直懷疑其實餐廳係咪一雞十幾味🤣🤣係啦，同埋請注意， 烤餅要分開叫嘅，唔好以為係套餐。🌟Butter Nann($27)🌟呢個牛油烤餅真係整得超好食，同個奶油雞係絕配。個烤餅好食嘅原因係外面脆卜卜，不失牛油香，同埋夠厚有質感，上枱嘅時候仲熱辣辣嘅。尼到一定要叫呢一碟又香又脆嘅烤餅🤤其實我平時唔鍾意食nann，因為嫌佢太厚身，反而會叫一隻叫Paratha嘅千層餅，但奇怪地，呢度嘅千層餅竟然同我想像中嘅有出入，比想像中嘅冇咁脆。整體而言，呢度嘅印度菜唔算太正宗，但係幾啱香港人口味而且選擇好多，但係地方比較簡陋如果你同伴侶約會最好就唔好過嚟啦。而且食物質素普普通通，又或者可能我對佢嘅期望太高喇。其實重慶大廈裏面都有好多值得試嘅餐廳，成千萬間餐廳，有機會再幫大家試試😅同埋其實重慶大廈係一個好有趣嘅地方，入面充滿著印度人同黑人同菲律賓人，好多唔同種族嘅人，彷彿去咗一個唔同嘅世界。而且裏面會買到一啲普通市場唔會買到嘅嘢，得閒拍短片畀大家睇。雖然食物比較細分,但係有openrice折扣價錢都幾實惠,人均大約$125左右…Read More

今日同朋友嚟到赤柱嘅市集，難得喺呢個咁chill既地方，就順便食埋聖誕大餐。見到H&M上面2樓呢度有間靚靚餐廳，出面有個聖誕佈置俾人影相，裏面嘅聖誕氣氛好好於是就入咗去。餐廳主要食海鮮同埋牛扒，真諷刺嘅係朋友都唔食海鮮同扒。🌟蟹肉南瓜湯🌟（$88）身為前菜， 呢個湯真係一流，首先佢個南瓜蓉整得好滑好濃。 而且入面蟹肉足晒料，好滿足，超高質。🌟軟殼蟹青芒沙律🌟個軟殼蟹嚟到嘅時候真係有少少O咗咀。冇諗過碟菜咁細碟，而且啲沙律係咁嘅樣。但食落又OK好食。首先個軟殼蟹好脆，而嗰啲沙律入面有柚子，酸酸甜甜咁好開胃。🌟西班牙臘肉腸🌟咸到出汁嘅臘肉腸，真係唔冇叫，又細碟又難食。好難受好似食咗好多鹽。🌟蘆筍大啡菇青醬意粉🌟個意粉除咗麵好食之外，其他都麻麻哋。首先個青醬蠔油，味道又好淡。 😔 細碟得來價錢都唔平架。🌟Croquettes 炸魚球🌟裏面係好似吞拿魚蓉嘅炸物，出面脆卜卜。 比起以前係西班牙食嘢，真係馬上比下去，啲魚肉好腥。🌟芝士布丁配香草雪糕球🌟食到好失望嘅時候，甜品反而有驚喜。首先個雪糕係用咗雲呢拿籽，可見質素唔錯，好香嘅雲呢拿味。芝士布丁面上有焦糖脆脆， 見裏面係熱辣辣嘅雞蛋布丁，真係超高質，想食完再食。早知嚟到就叫甜品，同龍蝦湯一人一份就算😂所以嚟到呢度唔會奢望咁多，呢度係食過境嘅唔係食食物。…Read More