Niki Lam's Profile

平時行過見到無咩人，但聽到做放題$198 任食6款蝦既主食，所以決定去試下😁由於限時1.5小時，所以一行8人就一次叫晒6款，但唔知係咪餐廳平時無咩人，所以人手完唔夠，等左超過20分鐘都未有野食😣 同埋每次舉手平均要5-10分鐘先會有人回應，真係好灰😕最嬲係個男經理，服務態度差到不得了，由於等得太耐既關係，我地原本想加定單先，但個男主管用鄙視眼光同我地講：「放心啦，一定食得飽」我真心想鬧佢：「你咩意思？當我地乞兒？」食物之後陸續出現，popcorn shrimp炸粉厚到食唔到任何蝦味，椰子蝦唔錯，但薄餅無咩味，餅底好似未焗熟咁，其他既意粉，蒜蓉蝦味虎ok ，但無咩驚喜。由於食得唔愉快，所以我地食左1 hr就決左埋單，埋單時個男經理不斷問我地：「食物如何？」我地禮貌答左聲：「ok」但佢仲要追問我地：「ok 渣？」 🤬🤬🤬總括而言：非常失望同唔愉快既一次用餐經驗😡…Read More

「甜」品個「甜」字其實真係好傳神，舌+甘=甜雖然我唔係特別鍾意食甜品，但呢間既蛋糕唔會太甜，仲好清新，重點係用「西瓜」入饌，真心佩服佢又唔會出水👍🏻👍🏻 蛋糕面加左rose花瓣, 再用杏仁碎做餅底同夾層，令蛋糕有一種好獨特既香味同口感😋😋#lifetastichk #hkcake #香港人加油…Read More

一向秉承隱惡揚善既精神，好少寫劣評，但今次真係要破戒！用$46買左呢碟炸大腸，剩係睇樣都知有幾過份！🤬🤬🤬乾不在話下，擺明就係賣唔出再翻炸，真心建議大家唔好幫襯😡😡作為一個支持小店既邨民，今次真係好嬲好憤怒！…Read More