ANAID's Profile

對太和不熟悉，見到openrice此區名列榜首，1100個笑應該也不容易，亦被所謂「米芝蓮團隊」吸引了，在openrice訂了set lunch，四道菜2位只係$406，menu有不少可以加錢的item，既然來都來了，價錢就不看了，食自己想食的吧。其實，第一印象已經有點懷疑，本身對餐檯刀叉擺放有點敏感，或是強迫症吧，正常湯更是放在外出的，這裏卻是放在最入。Anyway, 頭盤本想食牛他他，卻缺貨，不知是否也是好事。首先，加咗兩隻生蠔 $38@，質素也算不錯可惜對上碟的狀況有點... 打突 😅服務員雖然笑容很好，也很斯文，可惜應該經驗很淺。既然要用手吱檸檬，希望可以自動給濕紙巾。之後頭盤是海膽多士 及 鵝肝cream brulee +$28海膽多士還可以，cream brulee 的肝味不夠突出，花的賣相特別，可惜味道.... 不似預期，如果可以脆一點就更好，很像攤了很久帶少少濕度，總括組合未算合格。湯叫了洋葱花膠濃湯 +$48 及 黑啤龍蝦湯 +$68試了一口男朋友的龍蝦湯，可能未細心試到，但我飲落似係罐頭龍蝦湯。反而較便宜的花膠濃湯，味道算幾好，而且花膠也很足料，喝下去也有黏口的感覺。主菜叫了 鵝肝A5和牛 +$198 及 有手指公的 黑安格斯牛肋肉鵝肝和牛本來叫了四成熟，但出品差不多是七成，而且比較硬，食下去沒有和牛的感覺，亦帶點騷味。鵝肝煎封得不錯。男朋友的牛肋肉相反地煮得很淋，卻有一半是肥肉，一半是骨，看得出他根本沒有吃什麼。所以另外再額外加了一份$148的set lunch ，今次試了Daily Soup，反而覺得幾好飲。頭盤試了油漬吞拿魚，不太欣賞。主菜叫了蒜片蟹肉意粉 +$18，這個算是正常的。甜品3個也試齊了，Tiramisu， Apple Crumble +$28 同埋所謂嘅原個海膽雪糕 +$48。上了甜品後也沒有刀叉 😅 Tiramisu 突出的是Hersheys朱古力醬 Apple Crumble 似是急凍的，不像Homemade 原個海膽雪糕，「原個海膽」原來是膠殼，很少人會把一個「器皿」放在menu 上，上了台之後才倒出液態氮，有點兒多此一舉。吃不出有海膽，豆腐雪糕也是一般，男朋友吃了一啖也不想吃。所有加錢的項目，老實說，味道真係比不加的差。$406 加後加的價錢$827 ，total $1233 另外環境，因為燈光比較暗，但前後也很刺眼，一邊是發光的酒櫃，另外一邊是日曬光。…Read More

一直都很想試，今日終於第一次去，因為airside 9:00後還可入座的選擇不多試了紅顏花膠雞鍋，一個湯底$198，非常杰身，不是花膠的黏口，而是生粉的糊口，只有數條竹笙及手指尾般的花膠幾粒，湯內有比譚仔還小及碎的雞肉碎，指甲大的鮑魚。因為湯底的味道不是太突出，又不是養生style，就放了一個龍蝦頭落去滾湯，待應來說要加湯，否則會燶底，但龍蝦頭是生的，而且我在還喝湯，加水不是會影響嗎？之後又說，其實龍蝦頭可以幫我哋開邊，上枱的時候也沒有說。(雖然滾熟後也有幫我們拿回廚房開邊)飛魚子墨魚滑好像有芝士在內？不好吃。半生烏冬亦太生，侍應說，因為我們是花膠湯底，特別難熟，需要的時間長，因為好像吃粉似的，試了幾條也沒有再吃。鵝腸是比較好的，比龍蝦好吃。幸好沒有叫和牛，湯底使人胃口全沒。在我用手開龍蝦殼的時候，侍應又過來叫我埋單，莫名奇妙，催也有一個限度，看看時機吧 ! 總括是極差，除了窗邊位好坐外，食物難食，服務遲鈍，價錢不值，湊湊已列入黑名單內。…Read More

好耐無去過駱駝漆，已經唔知有咩好食，係樓下見到竟然開咗間銀杏館，一於去支持下。係8樓走廊中間位置，會好容易MISS咗個位，好彩見到有D銀杏葉。入到去已經有位姨姨歡迎，入面好乾淨整潔，有位可以坐的。姨姨介紹她們招牌：傳統越南法包，因為我本身係佢地會員，＄58連埋飲品，內裡已經有十多個材料做，都好豐富抵食！麵包仲係佢哋烘焙工場自己做，唔係一般叫貨貨色。原本都怕唔夠飽，但食完之後發現份量很好，而且麵包外脆內軟，有層次，唔會食到好累。除了麵包之外，仲有其他他們長者做的曲奇，餸包，湯包，包裝的零食可以買走。下次都一定會支持！…Read More

行過幾次都比佢門口嘅顏色吸引~ 今日lunch 多d時間終於有機會坐底慢慢食~ 一入門口服務員已經好有禮貌有笑容。今次叫咗3樣食物同同事share ~ order 咗 牛油果芒果蟹肉烤夾歐包，紅標西冷扒同乳豬，另外有餐湯同沙律吧任食~ 個人覺得可以任食salad已經超值，而且沙律菜都好新鮮! 因為一般西餐好少機會會食菜，出面淨叫salad 又唔夠飽，而家可以因個人喜好而選擇真係好難得! 個包我覺得好食~入面幾款配撘都係我至愛。第二款係同事要嘅西冷，我試咗幾塊，食得出牛係高質素，而且外貌烤得好好，入面6成的真的做到6成效果，在期望之內，而且唔會太乾身，有肉汁。如果唔係我搶住試我諗同事會獨食! 第三樣係乳豬，我覺得比得起澳門正宗葡菜，皮係超脆~唔使刀~就咁用更都可以切開~ 可想言之有幾脆~ 一啖食落調味好足夠，質素好好唔會有豬嘅"so" ，第一啖有少少咸~ 但原來夾埋佢配個醬就啱啱好~ 醬好似有少少passion fruit ，但原來都好夾。食完先見到有omakase menu ，而且價錢超平民~ 不過要預定，希望疫情可以快d過，到時再book omakese 試~ ! 好難得食到廚師心機菜，而且仲係健康之選，一定會再試~ 結尾一杯果茶，唔係誇張，佢嘅甜度，茶味，新鮮果粒，配撘調味適中，食完今餐好滿足 …Read More

今日難得去開荃灣廣場，見呢間食評幾好就入左去試。時間大約15：00...隔離位有媽媽教緊小朋友做功課，又鬧寫字寫得唔好，總之冇安靜過，對面就有bb喊緊... 不過呢d都唔關餐廳事嘅.... 叫左海膽龍蝦蟹肉意大利飯，餐湯係椰菜花湯，同凍檸檬茶.... 餐湯好味，個意大利飯應該係為左配合香港人囗味，太熟.... 煮到飯都發脹到飽滿... 侍應提供了龍蝦鉗，很細心但根本無需要用因為得半個龍蝦頭同尾，個鉗應該用係其他菜式吧？！食食下發現無海膽，連橙色碎或者粒狀都冇，問一問侍應佢就話廚師話肯定有落到... 原本有諗過可能係用海膽醬，但其實個飯又好白色.... 而且冇海膽味... 不過是但啦... 飲埋杯茶.... 超難飲.. 冇茶味，當然我唔expect 佢係港式沖，但真係好難飲.... 食完就知其他食評堅定流～打咭還可以嘅... 不過唔值得再去食... …Read More

己經好耐冇去過，3-4年前都成日去的。今日姨甥仔女話想食就帶佢地去。一行5個人，4個 lunch set ＋ 1個a la carte 拉麵 ＋ 2個正價小食。入坐前都見大大個牌寫明11：30後主餐牌九五折，咁lunch set 冇折我都明。但待應9唔撘八話要5：30後，最後佢搵個 AM Kyle 黎。AM 話佢己經係全餐廳最大，並話 lunch set 冇折，我話知道，但我有 order 主餐牌，佢話唔可以比折。其實唔係折唔折問題，而係根本冇合理解釋比到我。只係同我講佢地公司係咁，我又唔係你公司做，點會無啦啦知道你地公司點做？點會知道你地POS 系統白痴到單項比折都做唔到？或者係你地單純唔想比？成件事好奇怪，既然咁，不如收返埋個牌? 另外，食物質素一如以往地差，雞的雪味好大 。沙律及飲品還可以。衛生情況亦好差，其中一個水杯有黑芝麻在內。沒有再幫襯和民的理由。…Read More

真係有D唔好意思, 呢篇食評應該好耐之前PO, 但一直都未得閒寫今次試左鹽鞠手撕春雞呢個一般般...原本黎嘅就得呢碟, 食落都幾dry下, 再問店員, 原來本身都有醬可以沾的.....呢個可以skip第二個係燒蟹肉麵豉牛油果, 我本身就係牛油果控, 所以覺得呢個幾特別, 估唔到麵豉都可以match到牛油果第三個係枝豆, 個調味都ok, 好香花椒八角味, 第四個係燒松葉蟹腳, 好軟的殼, 味道唔係好突出, 就係蟹腳的味道, 但以$48兩隻嘅價錢都幾抵~第五個係燒魷魚筒~ 呢個雖然賣相都好似幾好咁, 咁的確佢係佐酒嘅好選擇, 但醬汁欠缺特別當日我坐最尾的位置, 負責serve我們的應該都是新人, 很多東西都要替我們轉問其他同事, 同埋無乜留意客人需要, 不過影響不大的, 起碼睇得出佢努力學習緊…Read More

今次放假, 難得可以陪屋企人, 我話食好少少啦....之後媽咪就帶左我黎呢間....可能係平日, 啱啱又過左放飯時間, 黎到啱啱好有張枱, 唔使等....一食緊係要試主打野, 爸爸叫石燒一口牛肋肉賣相很好, 而且熟度可以自己控制, 肉質好的時候甚麼調味也不用~我就試吉列牛, 雖然石燒已經HIT左好耐, 但真係未試過, 因為我本身都有少少怕吉列野....但見咁特別一於試下, 一試~原來係同平時食嘅吉列豬唔同, 一來佢吉列皮好薄, 燒完之後變左外脆內軟~ 唔會好似豬扒咁鞋口, 再加埋佢D配菜, 有少少柚子醋開胃~呢個贊呀~~^^…Read More

Yeah~男朋友又帶我去食好西......呢間真係Bookmark左好耐....一直都好想試.....今次竟然佢自己搵到.....搞到我問左佢好多次"點解嘅" XD.......環境好好, 好適合情侶, 如果早d book枱應該都會有窗口位~ 不過唔緊要啦....坐低後有兩個小前菜, 橄欖同埋一個bruschetta, bruschetta個味好fresh..用新鮮蕃茄整的好開胃~!1. 帝皇蟹肉沙律 $158呢個真係不得了, 佢嘅combination全部都係我最愛.....唔好以為個舊係牛油果, 其實佢係一個紫蘇味嘅雪芭,  紫蘇味就係有少少似梅, 酸酸的, 凍凍的口感好好, 係超好, ok? 入面就有青蘋果, 蟹肉, 松子, 西柚, 整個菜式口感, 味道, 層次都好豐富!! 呢個我覺得必食...特別係女士, 或者因為我對紫蘇情有獨鍾....(平時我去食日餐, 係會連埋塊紫蘇葉食的..XDD) 2. 西班牙海鮮沙律 $198係呀..好奇怪呢個名同出品好唔同...唔會諗到係咁樣的...當然我bookmark得呢間野...就知係呢個樣.....店員都有提我一句...呢個唔係一般食開的沙律~ 但個combination又係我愛的.....入面有切好的小龍蝦, 帶子, 八爪魚, 然後再配黑掹掹嘅墨汁窩巴! 呢個一定要快d食..... 窩巴放耐左就會淋....呢個又係層次豐富的~我會話可以一試....但食完其實我而家又有少少掛住佢.........3. 香煎澳洲和牛 $375喂...其實呢個係好味的.....但前菜太厲害....加上我對紅肉嘅熱誠唔大, 呢個我男朋友ko多, 我就食d配菜 XDDD......我叫呢個蕃茄仔做噴汁蕃茄仔....因為真係超juicy....啱啱拍緊拖嘅小心d....因為juicy程度係真係可以噴到去對面 XDDD.....講返舊肉, 因為質量已經係好, 唔需要調味都已經好好味~4. Churros $88就係Churros囉, 去西班牙餐廳點可以唔叫Churros....5. Sangria  (Pink/White) $75/gls可能因為我係香港人啦..........我嫌d水果細粒左d...XDD....真係好細粒.....LOL......總括, 係港女立場黎講, 我男朋友加分啦......明啦 …Read More

預早訂定位, 有得坐窗邊位的確係幾好景, 起碼有街望, 不過酒吧格局, 枱椅子都是高枱, 椅子亦沒有靠背, 坐得比較累~叫左5樣野食~1. 煙三文魚酸菜沙律 $88佢個英文係用Coleslaw, 呢個Coleslaw 同我平時係德國餐廳食嘅有d唔同, 亦都唔係我expect嘅味道, 一般出面嘅coleslaw係用沙律醬整嘅, 而呢個.....似係腌酸蘿蔔...完全係無沙律醬, 只可能係用左醋....兩回事黎...味道唔係話差....但唔係個回事......可能係比英文誤解咗....所以扣左分...但d火箭菜係幾新鮮的, 煙三文個味亦唔會話好唔好, 就係煙三文嘅味道2. 水牛城辣雞翼 $58唉...第二個中招嘅菜式.....又係比英文fake左....英文寫Buffalo Wings....正常Buffalo Wings就係最少有醋, 辣椒仔, 喼汁,蜜糖味道...而且係要Shake埋佢架!!!! 一般出到黎都係紅色......但佢呢到嘅....只食到有現成BBQ Sauce嘅味....同店員確認一下, 佢又好肯定咁話無錯, 咁錯嘅就一定係我啦........都係個句....味道唔係差, 只係唔係我expect的味道....佢個Blue Cheese Sauce對我黎講就無用, 我超唔鍾意個隻味....我試左一啖, 差d要切左條脷出黎 (不過係個人口味不同者, 而且都證明佢呢個真係Blue Cheese)....3. 意大利巴瑪火腿 $108出面一般Parma Ham....好似會好少落cheese....而且仲要係芝士粉......英文寫話有18個月.....我無證據又唔可以話佢唔係.....而且cheese 已經蓋過左佢嘅原味, 呢個又唔係pizza.....唔好落cheese 得唔得呀.......4. 美國安格斯牛肉迷你漢堡配黑松露薯條 $88終於有返d正常野食...呢個burger ok, 仲有肉汁....而且個松露醬都可以....5. 德國酥脆咸豬手$178豬手都ok....味道係幾好的.....乾身之餘留有少少水份.....唔會似柴皮.....配芥末籽好味~另一提, 每一枱都會有杯咖哩味蝦片, 本人反而幾欣賞, 係無限添加的.....而且好好味...XDDDD......不約而同...同男朋友都覺得蝦片係會令我地返轉頭嘅原因...否則....都未必會有下次.......蝦片加啤酒~~有緣再見 XD…Read More

一間好有氣氛嘅bar, 一邊可以唱k, 一邊可以射鏢, 但我太肚餓, 乖乖坐埋一邊吃東西, 去bar食野其實好少人會咁做, 因為落bar通常都係想同friend吹下水飲下酒, 一般bar嘅野食, 來來去去都係現成買黎炸嘅, 但Twister menu就有好多選擇, 今次就揀左清酒冰魷魚($98), 魷魚鮮甜, 配日式芥辣很好味, 差d就想叫多一份, 另外有台灣香腸拼薯條($78), 香腸上有調味料, 吃唔出係咩味, 但配酒一流, 之後有燒原條豬仔骨 ($148), 又係有一堆薯角, 其實味道係幾好, 個人口味, 我鍾意食d可以"骨肉分離"的, 但我男朋友喜歡這種有咬口的, 有咬口得黎, 又唔會太過乾, 所以呢個啱佢, 可惜環境太黑, 拍出黎個樣唔係咁靚仔, 所以唔放相了最後忍唔住, 叫埋呢個醉香豬手($208),  應該叫酒浸豬手, 因為酒味超濃~ 幾正~當日得個Manager，Bar要做埋樓面個份，兩位都好ｎｉｃｅ，不過Manager忙住要應酬，Bar可憐少少要走來走去，所以都唔太敢麻煩佢地，但Bar仍然抽到時間幾忙都好，都會黎問下我地野食如何，服務一流！其實原先叫了兩杯cocktail，味道一般，太甜及飲得出好有syrup味道..同bar傾後原來這不是他的真功夫，我地邀請他發板，再做兩杯屬於他的cocktail, 他按我們原先order的分析我們的口味，再調了兩杯出來，果然係有ｄ料子，兩杯的口味都好有層次，跟原先的是兩回事，老實說，如果是頭一轉的，我估我下次黎，都係叫返啤酒算，但後尾兩杯，是值得為cocktail而再來，希望下次可以見到有全新的cocktail menu~！…Read More

已經bookmark左呢間餐廳好耐, 今次終於有機會試, 位於M1酒店內, 想不到這小小酒店會有一間算高質的餐廳, 室內裝修幾特別, menu上的別名令我細看了很耐(因為名字實在太長), 餐具及盤的擺設很有心思, 但這裡唯一缺點是冷氣太凍, 令平時不喝熱東西的也忍不住叫了一杯熱桂花蘋果蜜, 桂花味很夠, 但過於甜, 即使再加一半熱水, 味道也超甜,  如果可以再放一片新鮮蘋果, 提出少少酸味, 可能會好一點. 首先來的是芝士黑松露薯條, 黑松露醬很濃, 味道幾好的, 但以小食來說, 對於我們兩個女仔份量實在太大了, 而且這個必定要襯熱食才好吃, 但因為冷氣太大, 雖則我地兩個已經默默地食, 但好快凍了, 最後也要放棄, 因為仲要留肚食甜品, 呢個如果可以揀half或者full size就好了主食叫了明太子蟹肉意粉, 蟹肉有很多, 加上忌廉及蟹籽這個配搭已經係無得輸, 明太子味不太重, 這個一樣係要熱食, 一凍左就好難分開最後, 因為太飽, 係朱古力同檸檬中間, 還是選了檸檬, 檸檬的酸, 剛剛可以balance返之前的膩, 酸味加埋烤過的棉花糖, 為整餐劃上完美句號…Read More

當日係apps book定枱~由美孚出發, 好大雨但好彩離咪標位不遠, 行1分鐘就到...Tiffany Blue的外牆十分容易認...入面係open bar嘅設計, 有少少希臘白屋嘅感覺我地order咗chef's salad做starter, 雖然份量不多(餐牌上亦寫明如果當salad做main, 就要另加$40), 但當作前盤亦ok, 沙律菜很新鮮爽脆, 配埋羊奶芝士很開胃之後就係Blue Mussels with Wheat Beer, 唔知係唔係食完個沙律太開胃, 定係太肚餓, 我同男朋友秒殺左呢個, 淡啤酒嘅咪道超好, 比平時食開用白酒煮嘅更加入味, 用埋麵包點~更加好味, 我地最後連個汁都飲埋~呢個下次都一定要encore!第三個係Grilled Boston Lobster, 龍蝦烤得啱啱好, 出面好多餐廳烤嘅時候會連肉都烤到好乾, 但呢到烤得好香, 肉質啱啱熟, 亦留有肉汁, 比起凍食更加好味, 亦有膏, 一般Boston都係急凍, 其實唔會expect太好, 但廚師會上香草, 牛油, 配合好好, 細問之下, 原來呢到嘅西廚, 只係得18歲~前途無限呀~最後係Whole Fish in a Bag, 原來Bag係指錫紙包, 佢個做法, 有D似我地嘅檸檬烏頭~ 其實味道都有D似, 用左Rosemary釀係魚入面, 所以味道出晒黎, 不過檸檬可以少D...因為味道有少少苦, Side dish 有個藜麥, 用左蒜容炒, 原本藜麥係無乜味, 但都比佢煮到好香...總括黎講, 係可以encore嘅餐廳, 雖然當日大雨, 我地坐近窗所以都有雨撇到, 但問題不大, 入到去都好有relax嘅感覺, 蚊呢d就當然有, 始終周圍都有草又近海, 但係呢d只係外在因素…Read More

天龍軒已經被我 book mark 左成年有多..... 今次終於有腳陪我去！..... 不過有一句是真的，期望越大，失望越大。因為冇 book定枱，窗口位置都已經訂滿了，不過冇所謂吧，當日期待的始終是食物。景色又不是那麼特別，都是面對貨櫃碼頭。蟹肉帶子香煎小籠包 - 不太突出，雖然都夠juicy.... 但始終太厚皮，朋友說吃不到蟹肉(因為他整舊放入囗的關係吧？） 我就吃得出有少量蟹肉的泡椒雞樅菌腸粉- 腸粉的皮亦偏厚... 太粉了，泡椒的做法挺特別，可以一試的。椒鹽田雞腿- 這個看到已經想說 omg... 賣相，味道，質素加埋價錢完全不及格！質素像由ground floor 外賣到102 樓似的。不熱，不鬆化，不脆，亦不香囗，只是炸粉加老蛙似的肉..... 香茜星斑燒賣～ 我猜比例上有8份粉，2份星斑.... 講完.... 芝麻奶黃煎堆仔～ ok 嘅...... 就係預料之中的味道楊枝甘露～ 朋友話四季的好一點, 沒甚麼驚喜因為食物太令人失望，心情由102跌返去地面！所以要求搬去窗口位喝杯茶冷靜一下 （是我無理的籍口吧XD) 服務員都很好，叫我可放下袋子他們替我取，只需移玉步便可，這個是整餐值回票價的服務吧！可能我一開始便錯重點，服務，環境是好的，要食好野，還是平民的好。…Read More

遇上醉酒式颱風，下午時服務員已致電說晚上如掛八號風球，將一小時前關門....即使是用餐中...... 心想...你想太多吧...... 還是想我 cancel booking 呢？當晚去到，果然全場加埋我地，得四枱客。因為是朋友先到，她說在Reception 企了1分鐘，不敢打擾在面前掛住覆 whatsapp 的姐姐。感覺已經冇服務可言。但不理啦，我來又不是吃服務。環境確是不錯的，牆身還有幾幅 Led 會變的畫..... 但當中播到夏日特飲，就出事了，感覺忽然變了翠華...... 不過有人生日時，會播出happy birthday, 都係一個細心位（ 雖然拍照會有反光/背光效果）首先一道湯.... 荷蘭青豆煙燻火腿湯配豐收麵包，餓底人士必叫，因為真係超飽肚！！如果叫呢道湯，主菜就不要叫24小時慢煮燴和牛面頰，因為兩者味道挺相似的。飲完飽了4成.... 24小時和牛面頰，味道不錯的，但友人說..... 無驚喜，形容像牛腩麵。藍龍蝦配鮮雞蛋茴香子意，這個不錯，如有下次都會再叫。友人的魚子醬烏魚子，我沒有試，但她的評論是positive 的。麵糰這個口感十分好，冇得輸的。甜品方面，失望了一個點.... 味道還是比不及坊間的這個紅酒梨做到不會太淋，而又入味，可以吧用的碟子雖則十分漂亮，但洗完應該沒有抹碟或風乾不夠吧，水漬幾明顯的。而食完的碟，或空空的水杯，待了很久都沒有人去理。全場四枱客，有3-4個服務員，都這樣的服務....... 食物又不算突出，真的想靠<梵高>兩個字坐係到等發達嗎？？…Read More