pianoray's Profile

同朋友誤打誤撞入去呢間日本餐廳，入到去服務係ok嘅，不過嚟到啲嘢食呢真係好嚇人，個鰻魚飯面頭得幾粒，啲飯呀係好凍嘅啱啱雪櫃拎出嚟咁，你話我如果係叫壽司飯我都算啦，我係叫熱食嘅鰻魚飯，估唔到個飯係完全冰凍嘅。咖哩雞飯呢就太鹹，好彩呢佢都係叮熱咗個咖哩雞先上碟，啲雞肉呢都熱嘅，但係有啲醬汁啲呢係未熱到，所以見到啲咸雞肉熱但係隔離有一嚿嚿以為係牛肉嘅嘢原來係鯨咗嘅咖哩汁。整體完全係一個冇誠意冇熱承整嘢食嘅偽日本餐廳，好後悔冇check過openrice先入去食，因為經過太多次都冇幫襯過，依家好後悔馬上去咗隔離間茶餐廳坐低食嘢，連餐飲都懶得叫啦都慳返費事叫，已經埋單走人。唯一可以賺嘅制服務員態度算係咁，睇得出煮出嚟嘅嘢嘅質素，我估個老闆應該係想捱埋個租約就執笠嗰種感覺，係“無心料理”著通菜式都唔整得唔好，又點會再有下次幫襯一啲更好嘅嘢丫。冇下次講完。…Read More

其實響2月份我寫過一篇食評，事隔半年多之後我忍唔住再寫多篇食評。我諗依家應該好街坊己經試過呢間隱世雞，亦覺得佢所整嘅雞真係名不虛傳。 雖然好多時好食店啱啱新開果陣好似好好食，整整下就越做越差嘅。但係呢一間隱世雞，到目前為止都一樣咁好食，cp值保持一直咁高。佢所有款式嘅雞都做得好好嘅，包括主打嘅。口水雞，鹹雞同埋醉雞。各位未試過嘅真係要試，好欣賞一間咁有心做菜式嘅小店，以呢個價錢，食物嘅質素同埋味道，你會感受到佢哋真係用心去做菜式，即使就算係一份下午茶都好，假若你食過你會知我講乜嘢。題外我成日去買外賣嘅時候，有時會見到一個好開心嘅老闆（即是大廚）同埋入面d後生仔同事響度同人客傾計，你會感受到除咗做菜式之外，仲係一間好有人情味嘅小店，希望隱世雞長做長有，等我有得繼續幫襯🤭😂❤️👍…Read More

當日去駱駝漆同朋友去睇傢俬，之後想同場搵嘢食，傢俬店老闆話樓上11樓有餐廳，之後上去樓上揀咗呢一間西餐廳入去食。出奇地有意外驚喜，上盆好靚，睇得出係用心整嘅食物。使落去乾牛扒出奇地十分好食，有炭燒味，好腍，有肉香。朋友點嘅意粉亦十分出色。細問之下原來個廚師係酒店出身，怪唔之得食物咁有水準。服務態度十分好，食物亦都好有水準好有心製作，環境亦都好舒服，價錢我覺得一啲都唔貴每個人圍起都係百七蚊左右，有甜品有嘢飲有餐湯，我覺得好值得喇，完全冇諗到駱駝漆可以食到呢種質素嘅西餐值得推薦畀大家。…Read More

呢間嘢個舖位經歷過好多唔同嘅食店，裝修完之後開張，生不逢時印象中岩岩又嚟夜晚冇堂食，我日日經過都覺得慘慘，由於我估冇咩人去試新嘢，外賣都少人買。不過，我沉晚的起心肝，買左佢兩碗碎雞米線外賣，真係估唔到佢咁好食。首先價錢唔貴，下午茶價，仲要分湯上，成份雞絕對比得唔寒酸，我果兩配都有好多舊，醉雞酒味岩岩好，好正。湯相當清甜，正到爆，完全另眼相看。我個人對味精好大反應，如果落好多味精，我食完會唔舒服。不過我食晒成碗，冇呢個感覺。好好食，我希望d人會試下佢個醉雞，真係做得唔錯。如果真係要彈，雞肉如果再滑仲好，不過基本上做呢個醉雞同咁有心機嘅湯，絕對對得起個價錢有餘。點都好，經歷過咁多間，今次呢間令我會的起心肝寫comments,呢個經濟環境，係好食嘅小店，應該推薦！…Read More

屋企樓下，因為自己一陣子減肥，開業一陣子從未打算一試。後來有次同朋友食完，驚喜度十足，佢d home make雪糕同格仔餅，以呢間新開小舖，人流唔多，完全比到驚超我，格仔餅甜道啱啱好唔太甜，雪糕好食，成個賣相仲睇得出好有心思添! 仲有好多甜品都超水準，雖然位置屋邨樓下，如果可以嘅話，又或者有駕車，我一定會帶朋友去食，唔響出面佐敦呀尖沙咀食，我大膽講，真係暫時未有一間好食過呢度，我衷心希望呢間小舖能夠繼續堅持做落去，同埋越做做大。 唯一我有小小意見 ，就係希望裡面細細聲播放d音樂， 例如爵士樂，或者一d歐洲cafe音樂，個格局會好好多。 同埋擺位方面，舖面雖然唔大，但係我相信用小卡位既話，就好似佢隔離果間川菜小館咁，會好好多。 因為有時自己唔想堂食， 好似條街d人望住自己食野咁，所以唔係咁自然。小小個人意見，我真心支持甜館!…Read More