隱世雞 (Closed)

其實響2月份我寫過一篇食評，事隔半年多之後我忍唔住再寫多篇食評。我諗依家應該好街坊己經試過呢間隱世雞，亦覺得佢所整嘅雞真係名不虛傳。 雖然好多時好食店啱啱新開果陣好似好好食，整整下就越做越差嘅。但係呢一間隱世雞，到目前為止都一樣咁好食，cp值保持一直咁高。佢所有款式嘅雞都做得好好嘅，包括主打嘅。口水雞，鹹雞同埋醉雞。各位未試過嘅真係要試，好欣賞一間咁有心做菜式嘅小店，以呢個價錢，食物嘅質素同埋味道，你會感受到佢哋真係用心去做菜式，即使就算係一份下午茶都好，假若你食過你會知我講乜嘢。題外我成日去買外賣嘅時候，有時會見到一個好開心嘅老闆（即是大廚）同埋入面d後生仔同事響度同人客傾計，你會感受到除咗做菜式之外，仲係一間好有人情味嘅小店，希望隱世雞長做長有，等我有得繼續幫襯🤭😂❤️👍