大胃Couple's Profile

約左朋友收工食飯，荔枝角工廈真係好多好野食，今次黎左呢間INN叫咗個烤羊鞍配薄荷芒果醬，上台已經聞到好香，睇落都好靚有三件，底仲有薯蓉同少少烤蔬菜落單時有問要幾成熟，我地叫左五成切開左好粉嫩好好食, 杯草莓藍莓smoothie 好邪惡，但幾好味又大杯仲叫左個main，香辣鮮蜆配意式欖油全蛋闊麵，個麵有驚喜好爽口同香，鮮蜆的確食到個鮮味，蜆都有好多隻, 但麵份量偏細最後叫左個甜點，芒果熱情果忌廉pancake加雪糕，好好食，暖笠笠pancake加雪糕冇得輸，再有d熱情果酸酸地好味😋…Read More

今日去開旺角食野, 突然想食日本野但又唔想食壽司, 就係MOKO 試下呢間日本燒肉點左個究極燒肉套餐, 兩位 HK$1080, 野食都幾豐富可以睇住師傅即席切開和牛醬料當然唔少得, 佢地燒肉醬汁做得唔錯首先有刺身盛, 味道都幾新鮮吞拿魚腩同帆立貝比較好味, 因為toro 要夠新鮮先好食, 佢呢件冇腥味, 唔錯雞泡魚乾正常水平, 但份量都幾多, 兩個人夠哂食火爐海鮮拼盤4樣, 有蟹腳, 海中蝦, 多春魚同蜆蟹腳都好食, 但同蝦一樣要自己小心控制火喉自己係度燒大蜆, DIY 睇住佢爆開再食好有成功感,食落幾有鮮味重點當然係4款牛+豬鞍扒啦日本同澳洲牛各有兩款, 個人比較鍾意澳洲, 因為較有咬口,而日本牛比較肥, depends 自己口味 各有所愛最後有和牛烏冬做主食，烏冬夠彈牙大大碗…Read More

前排去左間同朋友靜靜地傾到計既餐廳食飯，呢間意式餐廳門面好吸引好外國風情。入到裡面一樣咁有味道，感覺好warm好溫馨成個氣氛。未點餐已經有微暖面飽serve前菜食左吞拿魚他他醬配醃露筍及辣牛油果醬，他他係幾好味嘅，牛油果醬伴碟再多d就好喇!主菜叫左手造幼蛋麵伴牛仔肉醬，非常欣賞個麵底，好特別食落有d似中式嘅面又有點似意粉。牛仔肉醬好入味又唔太咸，幾好。另一個主菜係手造幼扭繩粉配羅勒青醬及手撕雞，上菜以為係銀針粉，就咁睇真係好似，食落就食得出係唔同，因為係西式粉味。手撕雞溝埋個粉唔係好覺眼，但整體都夾味。主菜有個肉，係slow cook羊腿，勁林勁入味，好容易切甜品有tiramisu，好重酒味，好意式…Read More

今晚黎左中環Check-in Taipei晚飯，呢間餐廳細細，裝修幾有特色，有一排bar枱，除左有一般既台灣菜色之外，仲有酒飲！我地點左魯肉飯，芋泥蛋餅，滷水拼盤同地瓜條～飲品就要左熱白桃綠茶同冬瓜檸檬。熱白桃綠茶幾清甜好飲，桃味自然～野食黎得好快，滷水拼盤有豬大腸，雞腎，麵根同雞軟骨，滷水好入味！最正係雞腎，好淋。豬大腸都唔錯，但很邪惡xdxd之後既芋泥蛋餅好特別，酥皮蛋卷包住好多芋泥！芋泥甜甜地，不過唔就粉，配埋蛋卷都ok, 比想像中夾。而地瓜條份量好多，炸到金黃色，好香口，好食。最後魯肉飯值得一讚！夠多汁夠多魯肉，個汁好濃撈飯一流，魯肉半肥瘦，女仔可能會怕太多肥肉，但整體味道係好食的。…Read More

朋友好鍾意食和牛，未攞到假飛轉日本神戶，去住新假期得獎食店──和牛燒肉純食住先啦！一入到燒肉店，店員例牌用日文打招呼，坐低後，仲不斷聽到有人用日文有講有笑，原來有一大班日本大媽大叔包左半個場，係度開Party。坐低無耐，又有幾個日本人入座，睇來呢間和牛燒肉店口碑唔錯啊！打開Menu，有一張圖介紹和牛稀少部分的特色和價錢。呢度除咗有和牛，仲有豚肉和雞肉。可以揀單叫，亦可以揀Dinner Set。我哋最後揀咗一個特選日本產和牛西冷拼盤，有和牛西冷、和牛牛排肉、和牛上牛排肉、厚切牛舌。另外，再加兩杯荔枝特飲同蜜桃特飲。牛排肉好厚身，燒到五六成熟就夠了，一擺入口，油脂同牛肉係嘴入面融化，真係好正！牛排肉油脂分布均勻，就算唔小心燒耐咗，牛肉都不會變得煙韌，七八成熟的牛排肉都做到入口即化啊。跟住，燒牛舌，塊塊牛舌都好厚好彈牙。同薄薄一片燒牛舌嘅口感完全唔一樣。牛舌油脂相對少，食落比較爽口。最後，係滿佈雪花油脂嘅和牛西冷！三個不同部位中，最多油脂嘅係和牛西冷，不過食落一啲都唔肥膩，因為西冷嘅油脂分佈十分均勻。一擺舊牛肉入口，油脂的甘香充滿整個口腔，嫩滑的牛肉融化係油脂嘅甘香入面，真係好好食！雖然埋單價錢有啲貴，不過勝在和牛新鮮品質高，偶爾獎勵一下自己，都唔錯啊！…Read More

今晚帶新朋友黎晚飯，餐廳平日都好full, 好彩有bk定位。野食方面點左牛肉墨西哥卷，避風塘茄子同德國豬手。牛肉墨西哥卷有2大條，配牛油果醬，蕃茄沙沙同sour cream. 墨西哥卷皮好薄微脆，入面有好多餡，作為小食份量頗大。而避風塘茄子亦好出色，每件茄子都厚切，外脆入面juicy, 加埋避風塘少少辣好惹味。德國豬手好大隻！勁厚肉而且嫩滑，唔錯，配有薯角，夠3-4人share! 野飲方面呢杯Mr. Kitty幾得意呀，用荔枝整左kitty個樣，其實係荔枝味既mocktail~…Read More

朋友帶我黎左呢間西餐晚飯，餐廳環境唔錯，靜靜地好舒服，野食方面主要係set dinner. $398幾抵食頭盤有法式田螺，大大隻而且彈牙，下面有頗多薯蓉，好飽肚。而黑毛豬火腿配蜜瓜係無得輸既配答，蜜瓜超甜。之後既餐湯都幾特別，係生薑南瓜湯，南瓜好rich，加左生薑有少少辣味估唔到幾夾！主菜揀左黑豚蓋上肉同美國安格斯牛柳，牛柳好嫩好香肉味，好好食，配芝麻辣椒汁幾有趣。而黑豚肉有驚喜，好juisy一d都唔鞋，而且分量好足，配菜亦有花心思，用左好甜既葫蘆瓜蓉。最後甜品就普普通通，有白桃雞蛋布丁同apple crumble. …Read More

朋友中意食日本野，所以今晚帶朋友黎家賀屋晚飯，試下呢度既吞拿魚腩~見到今期限定北海道海膽同池魚王，就點黎試下。池魚王薄切賣相已經好吸引！有15切，池魚好新鮮鮮味，值得一試。而北海道海膽軍艦亦唔錯，海膽一d都唔腥。之後點左呢度出名既吞拿魚腩壽司! 分大中小吞拿魚腩，一層層食上去，中同大吞拿魚腩油脂好香，好新鮮。另外點左d熱食，炸墨魚咀好香口，而且分量好多，幾岩佐酒。而薄燒牛舌好彈牙，不過都係中意厚切多d~最後食左牛油果軟殼蟹卷，軟殼蟹大大件，幾足料，但牛油果唔夠突出。…Read More

呢間Ember係M1 bar旗下既餐廳，質素有保證，我地happy hour時間黎，唔係好多人，可以靜靜傾下計。點左凱薩沙律配煙三文魚，麻辣黑毛豬粒，泰式雞亦同黑毛豬火腿pizza~凱薩沙律好大盆，勁夠sauce所以味道好好，沙律菜好爽口，不過煙三文魚得2塊就少左d~麻辣黑毛豬粒賣相好吸引，鐵板上有勁多辣椒，但食落唔算好辣，黑毛豬粒juicy有咬口，入面仲加左青瓜好惹味。泰式雞亦好大隻，點泰式汁又係辣辣地，不過炸粉有點厚好熱氣xd而黑毛豬火腿pizza都唔錯，餅底脆身，黑毛豬火腿富咸香，夾埋芝士同餅底唔錯。最後呢度既mocktail幾有特色，呢杯cocktail上面疊滿菠蘿，下面都係菠蘿味既特飲，賣相special!…Read More

光顧了數次, 試了幾款不同既雪糕, 最愛係新鮮紅豆牛奶雪糕。這款採用濟州的紅豆, 口味與一般市面上的北海道十勝紅豆大大不同。濟州紅豆無日本紅豆那麼甜, 但豆味很香，濃郁很多! 豆的腍道剛好, 唔係煮到爛茸茸那種。雪糕既牛奶味亦很濃,加上紅豆沒有太甜, 整體來說不會很膩,自己一個食完一杯都可以。另外最近新出了手製多士, 好奇之下試了,有點小驚喜。麵包以有機牛奶自家製, 外層烘得頗為香脆。多士屬於厚身, 所以有外脆內軟既口感。當天既無花果醬亦是自製的, 這款果醬比較少見,所以覺得很特別! 果醬不會調配得太甜, 而且有粒粒的無花果茸,配合酥軟既多士口感很好。除了果醬還配合了韓國的牛油, 牛油是雪白色的,口感比一般沒那麼肥膩, 而且味道較淡, 似乎很適合女生。這間店既用料很講究, 多是採用韓國進口既原材料, 而且食品都是手工現製的, 口味更為獨特! 雖然價錢較高, 但仍值得一試!…Read More

今晚黎左呢間幾正既米芝連餐廳，環境好chill~未上starter 前 先有面包, 明顯有烘熱過, 配埋香草醬唔錯starter parma ham 都幾別出心裁, 好少可會佈置到一座山咁, 外面parma ham 圍住入面係哈蜜瓜用上 truffle honey 作點綴味道有驚喜, 第一次試呢個配搭主菜要左pork ribs, waiter好細心,比左好多濕紙巾, 因為食呢個可能會比較麻煩個汁好rich得黎又唔會太greasy. 美中不足係肉既份量比較少 另一個主菜係慢煮三文魚, slow-cooked 需要多d時間. 第1次試slow-cooked, 原來係入口即溶, 同平時食煎既感覺大不同! sauce 入面有fregola 幾有咬口, 令成個dish有更有層次既 texture. Crab meat份量都比想像中多!Side dish加左炸薯角，份量好多，配truffle mayo好好味！drink 要左Mocktail ge sweet life, apple juice 同cranberry 好夾, 唔會太甜, 感覺好chill :)…Read More

餐廳環境較暗，而且寧靜，氣氛浪漫，非常適合情侶撐枱腳！侍應態度熱情，十 分有禮貌。7 courses dinner set，價錢合理，MAIN COURSE選擇多店員推介的酒，甜甜地帶有花香，好易入口！十分推介！酒精5%，好岩女仔飲，唔飲得既人都可以一試！下次再去都一定會再點這枝白酒。上菜時是暖的，口感鬆軟，亦配上自家製的麵包醬，十分有心思。麵包醬有兩款，香草茄子醬及辣肉腸南瓜醬。推介薄脆配南瓜醬！頭盤選了阿拉斯加皇帝蟹腳沙律配椰菜花慕絲，藍色一粒粒的是橙酒味魚子，加入了橙酒去除了魚子的腥味，蟹肉份量頗多而鮮甜！餐湯是紐西蘭鑽石蜆配煙肉菠菜忌廉湯，蜆肉大粒而新鮮，有咸咸的海水味。忌廉湯厚身，沒有菠菜的青味，平時不喜歡吃菠菜的我是為了鑽石蜆才點的，但也覺得這個湯很不錯，驚喜！這前菜是香煎北海道刺身帶子配黃金荷蘭醬，帶子肉非常厚身，有半隻食指咁厚！雖然大粒，但一點都唔韌，好軟滑鮮甜，超級推介！食完上面幾知COURSE都開始飽，去到MAIN COURSE既份量比想像中大！慢煮伊比利亞黑毛豬火腿卷黑毛豬梅肉，賣相很吸引，每塊豬都有火腿卷住。火腿不是很咸很濃味果種，所以連埋豬扒一起吃都沒有搶去豬扒的肉味，但個人覺得豬扒不夠濃味。因為是慢煮的關係，豬扒一點都唔會鞋。吃完MAIN COURSE店員就上了JASMINE TEA，話可以消滯，花味好香，只係嗅下都有種好舒服的感覺。甜品是番石榴雪葩，是市面少見的味道，清清地唔會太膩。整個晚餐食足4個鐘，一道一道菜甘上，而且是很飽的，完全不是法國餐的貴夾唔飽。…Read More

依間西班牙餐廳裝備有格調，坐得幾舒服而且氣氛浪漫，仲有戶外座位添～至於餐牌上選擇都幾多，最重要當然係有西班牙特色既Tapas!我地去果時咁岩生蠔做緊優惠$52四隻，所以叫左黎試下～味道好鮮甜，而且唔腥，而且做緊promotion ，抵食又好味！黎食西班牙菜當然唔少得Tapas，因為太多野都好吸引所以我地叫左個小食拼盤～拼盤有忌廉芝士煙三文魚波，炸薯角，西班牙炒辣肉腸，同埋炸risotto炸薯角真係好好食！炸risotto都唔錯但啲飯可以再濃味一點，辣肉腸都唔錯但略嫌有啲太咸～仲叫左parma ham pizza，ham既份量好足夠，pizza底好乾脆一啲都唔油膩！好味道成晚既重點就係依個板燒西班牙黑豚肉！！！肉質好林好滑，好厚淨，加埋啲燒汁一放入口就食到好香既炭燒味！依個絕對想再encore仲叫左杯最中意飲既Sangria最後叫左千層蛋糕作結～味道好香，但有點過實，好似食緊雪糕咁但算係唔錯的～整體而言，服務環境同味道都好唔錯～依間西班牙餐廳係值得再去既！…Read More

今晚同家人黎左圓山台灣料理晚飯，呢度有多款小菜選擇，除左台灣菜仲有四川菜式，幾有趣。呢度既套餐都幾抵食。涼拌茄子好開胃，茄子煮得好淋，配埋醬汁唔錯。而三杯雞係用鍋上，雞既份量去幾多，用左好多香料幾惹味，不過雞肉就唔夠滑。然後呢個石燒黑豚肉好特別，沙鍋入面真係有幾舊石頭，所以滑度一直keep到好熱！黑豚肉幾嫩滑，個汁辣辣地。而炒A菜平時較少食，好大碟好爽口。食台灣野當然要點翻個肉燥飯啦！肉燥味道唔錯不過份量少左d xd…Read More

來到大圍出名嘅夏雪食甜品，極度邪惡，試左返唔到轉頭！紫薯牛乳雪糕系自家製牛乳雪糕，好軟滑，入口即融。淋上香噴噴的紫薯汁，配搭無得彈！魔鬼窩夫一次過滿足你４個願望！心太軟外脆內軟，切開後，朱古力迫不及待好似岩漿甘湧出來，流落Ｄ窩夫到，回想起個畫面都舔舔舌！窩夫配朱古力雪糕又係人生一大享受，凍凍地嘅朱古力同熱辣辣的窩夫一起食，一熱一凍係口中相撞，正！皇家伯爵窩夫，最特別係伯爵茶味的窩夫，外脆內軟，入口有淡淡嘅茶味，好特別！最後，來一杯蜂蜜茉莉牛奶，牛奶加蜂蜜的甜度掌握得剛剛好，不會太甜或太淡，飲落口仲有淡淡茉莉花香味，為呢餐甜品大餐畫上完美句號！…Read More