blissingmei's Profile

經過開附近買野，本來想去吉野家打邊爐，行下行下好似已經沒有，見呢間環境同餐牌都岩食，所以就黎左呢度試一試餐廳佈置走北海道牧場風，簡單得來帶點小CAFE既優閒味道。由於位置灣仔中心有點偏遠，平日主打OFFICE生意，晚上來顯得寧捨清靜，岩哂想搵個地方靜靜地食餐傾下計既朋友。每位都有一個小餐飽配牛油作餐前小食，麵飽暖笠笠軟綿綿DELEUX all day breakfast ($88) - 有黑松露配3.6牛乳炒蛋、煙三文魚、煙火腿、煙肉、炒雜菌、烤腸、薯餅、蕃茄、沙律及迷你牛角飽，炒蛋砌開有蛋汁，牛角飽亦好鬆軟，另外亦有我最鍾意食但all day breakfast很少見既薯餅，整個set味道賣相不俗，如果炒蛋再熱少少感覺會好一點。和牛漢堡伴炸薯角 ($78) - 大陽蛋放上和牛，一捧出場賣相已相當吸引，影完相已經忍唔住要放落口，一咬落去蛋汁會混合牛肉及飽，唔會有淨食飽果種口乾乾既感覺，唯和牛未見好出色，可能賣相太吸引所以很高期望，個人覺得麥當勞自選漢堡既和牛牛肉味更加濃郁。餐前已有小餐飽再加個漢堡好似有點多同奇怪，如果點burger餐前小食係沙律或餐湯會更好 整體來說環境、服務及食物都唔錯，經過又想靜靜地傾下計可以一試…Read More

平日下午到旺角，街上一樣多人，想找個地方靜靜地坐低飲杯野傾下計都唔容易。經過地下見到呢個樓上舖綠茶咖啡，再看看評語食物及環境好似唔錯，所以上來看看。店舖細細間裝飾簡簡單單，座位約20個不會太擠迫，每張枱都是坐了一兩個人，大家都係想找個地方，傾下計飲杯野自己睇下書 我地一行2人揀左1個小食，再加多 $48可以變甜品套餐，星期一至五17:30前轉甜品套餐仲可以有特飲雜莓沙冰 - $42, 酸酸地凍冰冰夠醒神，用黎配搭等一下既甜品岩哂，冰粒可以再攪多陣幼細一點會更易入口草莓朱古力 ($42) + 明太子雞翼 ($38)，草莓朱古力暖笠笠，草莓及朱古力配搭起黎味道好香好夾，而明太子雞翼內裡包得飽滿滿的，外皮煎得香脆但又唔肥膩最後係加$48的甜品三小份, 芝士蛋糕 + 焦糖燉蛋+青檸雪芭，整個份量當下午茶剛剛好 整體來說食物唔錯但唔算太驚喜，但下午環境舒服最岩想靜靜地嘆返杯既朋友…Read More

就黎聖誔節適逢尖沙咀有聖誕節為主題既市集，又可以順便睇下燈飾感染一下聖誕氣氛，所以今日我就黎到呢度搵食喇。行完市集時間尚早大約6:00P.M.，已經急不及待要去試呢間以沾麵為主打既食店。呢間餐廳除左尖沙咀外，銅鑼灣亦設有分店，同樣係不設訂位，就到晚飯時間又怕太多人等位，所以都預早少少。一去到餐廳內約20-30個座位已坐滿，外面有2-3對人等緊位，等位時會有人拎ORDER紙比你揀定，令到廚師更容易掌握烹調時間之食餘，客人一入去坐低唔駛再花時間左揀右揀就有得食 店內地方比較窄，而坐既位置亦唔係太寬敞，所以都係預食完就要埋單離座。我地兩個人被安排坐響BAR枱位，一面望住師傅密密煮一面「品嚐」沾麵。用「品嚐」好似好誇張，但係見師傅咁用心去做個麵同湯底，個麵仲可以選擇不同硬度，所以每啖都想試真啲。黎之前做過功課見唔少朋友都推薦海膽，所以我地揀左豚骨沾麵 ($83)同海膽沾麵 ($188) 。豚骨沾麵 - 2塊日式叉燒、筍、唐心蛋及葱等配料。叉燒較薄略嫌不夠入味，但肥瘦適中心感不錯。沾麵湯底一般較湛濃郁令到本身比較淡味既拉麵沾上湯後會變得更惹味，但呢款既湯底較淡味，比較適合第一次試沾麵又或者較喜歡清淡既朋友。呢度有另外一款「特濃豚骨」沾麵，最岩鍾意濃味既朋友。海膽沾麵 - 3塊海膽、筍、溫泉蛋、葱及紫菜等配料，另外+$10 加木耳，傳統沾麵搭上木耳食起上黎有爽又煙韌既麵底口感會更豐富。而湯底就有極香濃既芝士味，配有紫菜及一少塊海膽。海膽手劵及壽司就食得多，就未試過海膽做配料既拉麵，暖暖地海膽味濃郁，配上彈牙既味道略淡既沾麵及香濃湯底岩岩好。聽聞如果未飽仲可以加飯撈落個湯底度，下次再黎 沾麵湯底比較容易放涼，值得一讚係枱面上有一個小電磁爐，放上去滾一滾又可以繼續食，天氣凍食幾耐都仍然暖笠笠。如果覺得湯底太濃亦可以請店員幫忙加鏗魚清湯，食完個麵先加湯既我順便將成碗湯飲哂，大家不妨都試下…Read More

九龍城區泰國菜館有唔少選擇，今晚過到黎已經係10:00，於是揀左呢間尚有少少人氣既泰國菜館。隆姐位於衙前塱道向南角道方向既最盡頭，招牌黃底紅字大大個好易認。餐廳環境比較舊式茶餐廳既感覺，卡位如果後面張枱個人郁一郁都會整到你，所以如果想舒舒服服坐耐啲傾下計呢度未必滿足到你。餐牌上選擇好多，前菜沙律、海鮮、湯、甜品樣樣齊，一般泰國菜館有既呢度都有。亦有好多款已拼好既套餐可以選擇，我地都揀左個2人餐，有海鮮冬蔭公、飛天通菜、泰式鳳爪、蠔餅同兩杯特飲，由於我地唔想食蠔餅想食生蝦，所以膽粗粗咁問下阿姐可唔可以轉，佢可以比我地補返少少差價轉，如果你地套餐都餸唔岩食都可以試下問一問 酸梅冰 + 龍眼冰 - 酸梅冰好特別，真係成粒話梅溶左落去咁，甜甜地酸酸地又解渴，可以一試泰式生蝦 - 夾埋蒜頭辣椒，再點埋個汁，同平時食到一樣好味飛天通菜 + 泰式鳳爪 - 通菜炒得OK，青青地岩岩好，鳳爪普普通通海鮮冬蔭公湯 - 夠哂辣，入面仲有大蝦，好惹味，不過略嫌味精過多飲完個口好乾係咁飲水個餐大約$300左右2人份量剛剛好，記得如果個餐有餸唔岩不妨問一問阿姐可唔可以轉 隆姐響九龍城有2間分店，個人兩間都試過，覺得呢間比較正宗味道較優勝…Read More

東廣場樓下好多間食肆，放工時間未算係好人來人往，估計平時午飯時間應該會比較熱鬧。今次我就比廣場入面既一張宣傳牌「豪一蠔泡飯」吸引左黎鴻師傳。晚飯時間全場只有幾枱客人，比較靜坐得幾舒服，店員服務都好殷勤 餐牌食物選擇唔太多，以飽肚粉麵為主，顧客要自己行出店面付款落單，然後等叫號碼再去拎食物，今次我地少少地試左豪一蠔泡飯同碗仔翅。豪一蠔泡飯 - 蠔仔咬落都好飽滿有湯汁唔會冇咩肉，泡飯有菜片有薑絲，菜片夠脆唔係放左好耐黑哂林哂果種，似係新鮮拾起，成個泡飯都夠味同飽肚，但沒有特別好驚喜。超級碗仔翅 - 好足料，食落去啖啖都係肉絲、粉絲等材料，如果平時經過只係想食少少野呢個係唔錯既選擇選 唔講唔知，「鴻師傅」係米芝蓮「阿鴻小吃」黎偉鴻師傅創辦，下次再黎我都要試下佢既皇牌推介飽魚汁叉燒先…Read More

每次經過呢間燒烤店總係有客人在排隊等食物，但係平時去開九龍城都係趕住食晚餐所以冇機會一試。今晚咁岩要聽報導會得返少少時間，即刻諗起呢度去試一試 呢度選擇唔多，一眼見哂，我叫左墨魚丸同雞翼，跟住就同其他人一樣企響門口等。期間不斷有熟客黎買蝦片、豬頸肉等等，對比起隔離燒烤店呢間明顯比較多捧場客。等左10分鐘終於有得食，因為個辣汁望落去有辣椒有蒽有椰汁好似好辣，我見大部分人都揀唔辣我都跟住，個燒烤汁好惹味，搽落熱辣辣既雞翼同墨魚丸上面，好夾好好味 下次出開去要試埋豬頸肉、雞腎、香腸同埋佢自己炸蝦片先 …Read More

每年11月中旬至1月都係賞紅葉既最佳時期，元朗既大棠公園響呢段期間特別熱鬧，今日我都趁紅葉初期未係最多人既時間黎行返一轉。整段路程連埋影相約需3-4個鐘，中途沒有補給站，行到一半已經好掛住起步點既偉記食堂。睇完紅葉落返山終於有野食，我地坐響門口位，店內多數係熟客，同店員有傾有講，只有2-3枱好似我地一樣郊遊完黎嘆個下午茶。唔好見佢細細間好簡陋一般茶餐廳有既呢度都有，而且一樣有風味五香肉丁湯意粉 - 意粉唔會好林，都唔錯，體力消耗完最岩，見到隔離枱有餐蛋麵都好吸引，下次再黎要留肚薯條 + 紅豆冰 - 薯條係大大條粗身果隻，熱辣辣岩岩炸起，加埋紅豆冰，簡簡單單夠哂滿足店內環境一般坐出面比較容易餵蚊，不過茶餐廳位於郊區而且選擇又多食物又唔錯，大家要去大棠睇紅葉既話不妨黎呢間偉記，就響轉入大棠公園既十字路口入少少，只此一間中間沒有其他食店，記得食飽飽起行。…Read More

火鍋簡直是天氣轉冷的恩物 ，天氣難得有一天凍少少 ，即刻打過火鍋先，同一大班朋友一路打一路嘻嘻哈哈 ，超爽我地約了6點半，放工即刻飛去。一入去人不是太多 ，但已經有人開緊餐 ，枱與枱之間比較窄 坐得不是太舒服我地有5個人 就可以試到8款海鮮啦但早兩個月見到open rice 仲係198 而家已經218每位 汽水依然係任飲 汽水任你拎 種類除了有可樂 雪碧之外 仲有清涼茶 竹蔗水 菊花茶先黎過粥水湯底 但感覺是清湯等左15分鐘 主角終於上場8款海鮮分別有蝦 不是太大隻 鮮甜 有蝦味 每人食到2隻蟹 每隻蟹都有膏 細細隻易入口 聖子 巨型聖子 爽口 元貝 不是太新鮮 熟後好細粒 鮑魚 味道只是一般象拔蚌 口感有些韌兩款硯 唔識分 有些硯未吐清晒沙 食落口沙沙聲 海鮮有d失望 沒有一隻海鮮黎到是識郁！ 味味道都是普通另外6款 牛肉 普通牛肉 唔多夠肥豬肉 有豬肉味道 少少肥肉魚頭 沒有味道魚頭魚片頭 豬肉丸 - 手打 充滿麻油油炸鬼 這個海鮮粥底火鍋失望了 。 雖然是這樣 但都需要先book 枱呀！ …Read More

已ENCORE唔知幾多次既海鮮粥底火鍋因為真係太抵食既關係，好多時三五知己諗唔到去邊度食既時候我都會提議黎佐敦既鍋心。呢度分2個時段 6:30PM 同 8:30PM，6:30PM限時2個鐘又要剝蝦又要損埋隻蟹比較趕，所以我通常都會揀8:30PM果場。大家注意要去一定要BOOK位早到都冇得入架。呢度劃一 $198每位有7款新鮮海鮮 + 每枱5款火鍋配料 + 南瓜芋頭粟米黎做粥底先上前菜粟米小青瓜蕃茄生菜沙律，樣樣野包括生菜都好爽脆生唔似一早整定放雪櫃先拎出黎比客食。跟住就上一鍋粥水，亦即係今晚既湯底，望見個咁清淡既湯你可能會擔心打邊爐湯底最重要，得鍋粥水邊會好食，事實係跟住落黎既海鮮白拾都已經夠哂鮮味😋 今晚既海鮮有鮑魚、蟹、海蝦、多寶魚、花甲 及 其餘2 款小貝類海蝦 – 記住唔好隨便拎開COM住個碗既蓋，如果唔係條蝦係會跳出黎，我地拿拿聲一開蓋就倒哂落個鍋度。炙一陣已經食得，蝦肉好-彈-牙，就算你未見到佢跳，不用懷疑呢條蝦一定係新鮮貨 蟹 – 一樣鮮甜，有部分蟹膏會溶落個粥底，令到個湯開始變黃黃地多寶魚 – 魚肉夠滑，唔會好腥，但略嫌欠魚味貝類 – 幾款都係滾一陣攪掂，耐左反而好UM，雖然我唔係好識分辨佢地，一句講哂全部係鮮甜，咬落去D汁響你個口度無法抗拒火鍋配料我地揀左黑毛豬腩片、美國肥牛片、牛餐肉、油炸鬼 及 炸魚片頭初初以為呢度唔駛$200已有7款海鮮其他配料普普通通都正常收貨，但原來配料一點都唔普通! 黑毛豬腩片 – 望落去充滿肥肉咬落去啖啖脂肪先係精華美國肥牛片 – 充滿住雪花，一睇就知唔會係一般平價貨，牛肉味亦好濃郁油炸鬼 – 好少打邊爐有油炸鬼朋友話好味所以試下，油炸鬼浸一浸湯再食外面仲係脆脆地入面已經充滿湯汁，食左好多舊仲想ENCORE，推介! 不過相比黑毛豬美國肥牛叫油炸鬼好似冇咁抵 😅 炸魚片頭 – 魚片夠爽而且有少咸味，一D都唔簡單。可惜食到呢度已經飽飽地，仲有鍋粥等住我地店員已預先將南瓜芋頭粒放落個粥底，食到最後已經同魚蝦蟹花甲既精華溶埋一齊。建議大家用餐要專心食，一來湯底可能有海鮮既骨 (好好彩我未試過)，二來如果個湯乾哂要加水最後個粥就會淡左。最後魚片頭都要打包，埋單每人計埋野飲都係$220左右，ENCORE多10次我都唔覺厭 😁😁😁…Read More

轉角的小驚喜 會席料理自己本身沒有特別鍾情食日本野，但今日生日有人話帶我去食好野，就一於去睇下有-幾-好! 八寸位於大坑蓮花街既小巷入面，正正係林子善做老闆既龍鳳冰室對面。門口既裝潢已經好日式地道既感覺，令我更加期待呢一餐。店內環境唔太大，可以揀坐BAR枱同師傅傾下計或者ORDER枱，一坐底每人已有醃魚既小食，MENU有分散叫或者SET，我地每人揀左SET $688既會寸料理 (霜月)，有12道菜。柚子宮城蠔 – 生蠔一向係我至愛，呢個唔係太肥但一食落口個感覺係「真係有海水味」架，加埋個汁個味道響口入面好夾京菜白身魚 - 放低生魚片後之後師傅會拎壼暖湯加落去，令到魚片呈白色半透明，未試過用呢個方法食，咬落去魚片好滑，好有魚味道 ，半生熟既 ，連湯都要飲哂剌身三點 – 油甘魚、劍魚腩、吞拿魚，每一樣都好肥美，魚味好濃，魚油好豐富， 入口即溶既感覺，平時我唔鍾意食吞拿魚剌手硬係覺得有渣，呢個完全沒有! 呢5塊剌身睇落好似好少，但其實岩岩好再多可能會膩 鮟鱇魚肝 – 呢樣都係第一次試，充滿魚味口感比豆腐硬少少，簡直是食緊一粒魚肝油丸，不過怕鯹既朋友未必接受到松葉蟹薩摩芋 – 師傅響你面前將蟹膏畢響芋頭同松葉蟹肉上，蟹膏咸咸地膩膩地配上芋頭出奇地夾，蟹味好重，雖則本人對敏感但我都冇思考已經清哂海老蓮根 – 日本蓮片夾住蝦滑，日本蓮片口感不同平時食 硬彬彬，炸完後脆卜卜 感覺似天婦籮牛薄燒 – 呢個根本就同MR.STEAK BUFFET既「和牛」一樣味道! 薄牛肉捲埋蒽花燒，咬落已有肉汁蟹羔豆腐.秋茄子 – 蟹蓋只係裝飾，下面個豆腐先係重點，蟹味濃郁到我地都一致認同呢個根本係「蟹羔扮豆腐」，但正因為咁所以略嫌咸左少少，如果豆既比例重返少少PERFECT其餘茶式 - 長芋柚子.赤蕪漬、銀魚生海苔飯、鰤魚潮汁 及 京花餅埋單加埋一約$800一位，喜歡日本菜精緻料理又想坐低慢慢食，慶祝呢度係唔錯既選擇，男士黎講剛剛足夠，女士就夠哂飽😋…Read More

為慶祝我生日 決定去食豪dd一早黎到上環食個brunch --搵到一間小店食我至愛all day breakfast 比佢 雖然細細間 但充滿特色 全店枱腳櫈腳都由巴黎鐵塔設計餐牌種類唔算多 只有兩版 但總會滿足到客人 有意粉 面包 扒 但我就比這個版吸引 甜酸苦辣 人生！ 我既人生選擇了甜我揀左兩個樣 一個all day breakfast 同慢煮無骨雞煺意粉 加一杯熱朱古力咖啡。職員會比一個鐵塔牌等食物 個牌好精緻All day breakfast 有竹炭面包 --有烘焗 暖笠笠 外脆內暖 有面包香味 不似一般法包蔬菜沙律 -配一個酸酸甜甜既醬汁 好開胃牛油果沙律 喜愛牛油果必食 配果仁 口味不錯黑松露沙律 好重黑松露味道 好滑沙律特別剪裁的旋風薯 熱辣辣 食唔停口慢煮兩小時雞煺 食落好嫩滑 煮得剛剛好 配合番茄意粉 意粉都入味 份量適中 朱古力咖啡 好香咖啡味 好香滑咖啡 層次分明朝早一杯寧捨醒神 …Read More

遊閒星期六 漫無目的左逛右逛 黎到禮頓道 發現原來有好多新開食野店 但比這間熱狗店吸引 因為我是芝士迷 熱狗迷 諗都唔諗就衝入去 雖然位子不多 但坐得好舒服 唔會好逼 好辛苦 㨂好坐就睇餐牌 職員非常有禮貌 解釋好詳細有好多款新色熱狗 有選擇困難症既我 真係抓爆頭最後我都選擇了 魚蛋狗同黑松露熱狗職員會比個牌你等 大約15分鐘就可以拎野食 一打開盒 香氣撲鼻 配有好滑炒蛋 入面仲有蛋汁 會有蛋汁流出 配魚肉腸 腸有少少硬 但可以接受 熱辣辣黑松露沙律醬薯條 新鮮熱辣 每條薯條都食到黑松露味道 好正 黑松露熱狗個人比較喜歡 有流心炒蛋 食到脆腸 再配埋熱熔芝士 簡直罪惡感上升 食唔停口熱狗 叫左個見到都開心哈哈 薯笑餅 入面係薯仔軟林林 外面脆朴朴 小朋友至愛 溫馨提示 要清理枱面比番職員！ …Read More

終於捱到星期五 梗係黎過happy Friday啦！ 搵過地方唔會比人趕走 同知己慢慢吹！ 就黎到滿江紅 ！ 我地8點去到 好好彩唔使等位！ 見到每枱餸都紅當當 我地都唔輸蝕 即係黎過 麻辣田雞煲 我地唔記得左叫小辣但都ok 田雞完全入味 個底有青瓜 薯仔 同蘿白 配埋一流 食唔停口第二碟 水煮魚 都係辣得出色 魚都完全入味 好滑 沒有腥味 有粉條 同芽菜係底 如果怕骨就唔食得啦！ 真係非常多骨第三碟 蒜蓉炒萵筍 好清甜 放落田雞煲煮一煮 一流 辣辣地 溫馨提示 如果放落田雞煲 就應該叫清炒 我地最後個湯底有d咸推介飲品 青檸樹 係青檸 檸檬汁 第一啖有d酸 食完辣野 再飲 簡直絕配 完全解辣好滿足的一餐又要捧住個肚走…Read More