偉記食堂

每年11月中旬至1月都係賞紅葉既最佳時期，元朗既大棠公園響呢段期間特別熱鬧，今日我都趁紅葉初期未係最多人既時間黎行返一轉。整段路程連埋影相約需3-4個鐘，中途沒有補給站，行到一半已經好掛住起步點既偉記食堂。

睇完紅葉落返山終於有野食，我地坐響門口位，店內多數係熟客，同店員有傾有講，只有2-3枱好似我地一樣郊遊完黎嘆個下午茶。唔好見佢細細間好簡陋一般茶餐廳有既呢度都有，而且一樣有風味

2

五香肉丁湯意粉 - 意粉唔會好林，都唔錯，體力消耗完最岩，見到隔離枱有餐蛋麵都好吸引，下次再黎要留肚

五香肉丁意

$25

薯條 + 紅豆冰 - 薯條係大大條粗身果隻，熱辣辣岩岩炸起，加埋紅豆冰，簡簡單單夠哂滿足

薯條+紅豆冰

$36

店內環境一般坐出面比較容易餵蚊，不過茶餐廳位於郊區而且選擇又多食物又唔錯，大家要去大棠睇紅葉既話不妨黎呢間偉記，就響轉入大棠公園既十字路口入少少，只此一間中間沒有其他食店，記得食飽飽起行。