hoho12321's Profile

阿森雞飯的海南雞飯，的確係比較正宗，首先講吓佢哋嘅飯，佢哋嘅飯係雞油飯，絕對係一個正宗嘅海南雞飯嘅配飯，而且佢哋仲有一碗雞湯，雞湯毫無油膩感，但係飲落去又好濃嘅雞湯味，睇得出係真材實料，講返個主菜海南雞，雞肉很滑很嫩，同埋佢哋嘅特製醬汁，簡直是一個絕配，食呢個海南雞嘅時候，一啖雞，一啖飯，一啖湯，配合得非常之美妙。再加埋一杯佢哋嘅特色飲品，海南茶，成個套餐很完美地展現出來。最後佢哋仲有一啲嘅清新配菜，等你成個套餐入邊有一些點綴…Read More

大家樂嘅早餐，係打工仔嘅名字之選，因為價錢而言是性價比極高的一個套餐，他們每星期都有一個每周之選，那個每周之選的價錢是比較化算，今次每周之選的配菜是十分之好吃，這麼便宜的價錢，竟然有一件炸豬扒，炸豬扒的味道非常可口，加上早餐必備的牛油麵包，以及一碗湯麵，以早餐來說，足夠飽肚，份量亦都非常多湯麵方便，亦都有很多的選擇，今次我揀了雪菜肉絲米，湯味濃郁，總括而言，這個早餐是打工仔的明智之選，我是極力推介。goodgood…Read More

快餐店嘅特價午餐，係我平時嘅好拍檔，因為佢哋價錢比較平，所以我經常都選擇食快餐店嘅特價午餐。今日我就去咗大家樂食飯，試一試佢哋嘅特價午餐，平時佢哋嘅每周驚喜套餐，普通嘅炒飯，冇乜餸冇乜肉今日我竟然見到佢哋嘅特價驚喜午餐係一個麻婆豆腐雞柳飯，我見到咁豐富咁就不如試一試啦。可能我期望比較高，出嚟嘅效果唔係咁好，但係如果係期望一般般當佢係一個特價午餐嘅話，效果可能會好好多。首先佢哋嘅八婆豆腐唔夠辣，冇麻婆豆腐嘅味道，而且雞柳嘅份量亦都好少，唔係好夠食。總括嚟講只係一般般。…Read More

大家樂下午茶，食咗好多次啦，最抵嘅始終都係佢哋嘅雞髀餐，今日又想食下午茶，所以就去返大家樂度食佢哋嘅雞髀餐下午茶。今日食嘅雞髀餐下午茶，我沒有選擇到豉油雞髀，因為我比較鍾意㗎食炸雞髀多啲。而佢哋嘅雞髀下午茶餐，除咗雞髀之外仲有其他嘅食物仲一個配搭，包括有西多士，春卷，炒麵等等嘅選擇，因為我今日比較肚餓啊，所以我就揀咗炒麵了。炸雞髀嘅味道好好，好香口，炒麵亦都好夠味，我額外仲加咗辣椒醬，成個味道變得好好食。…Read More

添好運酒家是一個唔錯嘅飲茶嘅地方，嘢食方便，的確係唔錯嘅，價錢方面就中規中矩啦，始終香港地飲茶食飯都係貴㗎啦，一定冇深圳咁平嘅冇得比較。講返啲食物先，今日我哋係食夜晚嘅晚餐，夜晚一定要食返個飯先啦，有米落肚先至夠飽，所以就叫咗個排骨飯，排骨飯好好食，佢哋啲米唔會好似平時嘅酒樓咁樣咁黏口。的確係做到粒粒分明，鳳爪同排骨都好好味，仲有食咗個叉燒包，叉燒包嘅面頭菠蘿包嘅面頭，甜甜地。仲有叫咗個腸粉，腸粉都好好食，入邊係有炸物嘅腸粉。估唔到最差勁嘅係燒賣，入口唔得，好黏口又爛又散…Read More

7-Eleven嘅早餐係好食嘅大家都一早已經知道㗎啦，不過價錢上就唔係太過吸引，因為始終7-Eleven嘅早餐只不過係一啲嘅熱賣點早餐，佢個價錢本身係$30 ，所以都比較少買，但係呢幾日竟然佢做優惠嘅價錢，就係一個早餐A或者早餐B嘅價錢都係只係需要$20港幣。所以整體嚟講真係好抵食。講返個早餐先，我今日揀咗早餐A，就係一個公仔麵，好香濃嘅麻油公仔麵，再配合咗兩個餸，今日我就揀咗咖喱魚蛋再加芝士腸，成個早餐都好豐富好好味…Read More

午餐唔知食乜好，見到有牛奶冰室，其實都好耐冇幫襯過冰室啦，所以就揀咗呢間牛奶冰室其實佢哋嘅食物都唔錯，價錢都合理，首先我就食咗呢一個一口雞球芝士焗飯。首先呢一個一口街頭芝士焗飯，雞球嘅份量非常之多，如果係要送飯嚟講，一定足夠，而且佢全部面頭都係鋪滿咗厚厚嘅芝士，本人最喜歡吃芝士香濃嘅芝士味又有煙靭嘅口感非常之好。最後不得不提佢哋嘅芝士汁，用嚟焗飯嘅話非常之配搭，整體嚟講成個一口雞及芝士焗飯份量足，味道好非常好。…Read More

香港有好多酒店都有自助餐食，但係講到性價比最高，就不得不提呢一間the Place。因為我都有試過幾間嘅自助餐，有一啲比較平，可能係$400以內，亦都有啲可能比較貴，去到七百幾蚊一位，但係呢一間自助餐當做緊團購嘅時候，只需要係$450左右一位，但係食物就包羅萬有首先有熱盤，熱門方面有好多嘅選擇，威靈頓牛扒，中式燉湯，牛扒豬扒，魚，等等嘅中式熟食都有，鵝肝，扇貝，海鮮，等等嘅熱食亦都有。仲有一啲沙律嘅選擇，仲有煙三文魚芝士等等嘅選擇。冷盤方面，選擇更加多，有一般放題嘅日式刺身，最重要嘅係佢哋有生蠔，開邊龍蝦，長腳蟹，呢一啲性價比較高嘅海鮮食材。當然，凍蝦，青口呢一啲唔少得啦。甜品方便亦都好有級數，芝士蛋糕， 仲要最近係做緊開心果系列嘅芝士蛋糕，超好食，仲有Movenpick雪糕，呢啲絕對唔少得飲品方面，一般人飲嘅橙汁，蘋果汁，紅茶，呢啲係絕對有，汽水等等嘢都一定有。不過最重要嘅係，佢哋係有紅酒同白酒俾你任飲，好啱一啲鍾意飲酒嘅人。…Read More

今日係復活節假期嘅第三日，所以我哋又嚟咗一小龍呢度去飲返一個早茶，喺一小龍最抵嘅的確只有係早茶，因為佢哋有早晨孖寶， $40有兩個嘅點心，你可以揀點心或者排骨飯都得，所以一盅兩件就可以做到呢個效果啦食物嘅質素就中規中矩啦，我諗都係一啲預先製作好嘅嘅點心嚟㗎啦，排骨飯再加埋腸粉係一個超級好嘅配搭，我屋企人就食一個排骨飯再加一個菜苗蝦餃嘅配搭。不過值得一提嘅係，估唔到喺假期期間，飲茶嘅人數都好少啦，唔需要等位就可以入到場啦…Read More

紅葉冰室絕對一間唔錯嘅午餐選擇，因為佢哋午餐都有一啲set lunch，價錢相宜，味道亦都唔錯。今日我就嘗試咗佢哋嘅set lunch，就係白汁魚柳意粉，白汁有啲驚喜，因為除咗普通香草白汁之外，上面佢仲有一層焗芝士喺面，所以成個口感好好味，白汁亦都好香濃嘅cream嘅味道，所以配合埋意粉都係好好味嘅，加上佢哋嘅魚柳，煎過一下，所以感覺都好香口。最後配合埋佢哋嘅凍咖啡，咖啡就係一般茶餐廳嘅質素，中規中矩。…Read More

今日嚟到屋村嘅地方去食嘢，上次因為食咗個乾炒牛河口感麻麻，所以今次嚟試吓第二度嘅乾炒牛河。雖然呢間冰室乾炒牛河口感係OK，因為佢炒得唔會濕粒粒咁樣，不過最重要嘅係價錢的確比較貴，佢嘅價錢係拍得上喺市區嘅茶餐廳，呢個係意想不到嘅。講返食物先，乾炒牛河炒完之後嘅製成品係乾身，所以第一件事佢係合格嘅，而且味道方面每一條嘅河粉都佔有咗豉油嘅顏色，味道亦都夠嘅，嘅份量亦都算係適中，所以總括而言，呢一個餐係合格嘅分數，不過就比較貴啦…Read More

一粥麵，而家都已經唔止係食粥啦，佢哋都有好多多元化嘅早餐，包括一啲米飯之選，連一啲米線都有啦，而今日我只係食咗個晏晝，午餐入邊有唔少嘅選擇正如我頭先所講嘅米線，米飯之選等等嘅選擇之外，我揀咗一個乾炒牛河，不過乾炒牛河的確令我有少許失望，因為呢度嘅乾炒牛河炒咗之後竟然唔夠乾身，乾炒牛河濕漉漉嘅話，就會黏口，所以口感方面就麻麻哋啦，而且味道方面亦都唔夠鹹味，所以總括嚟講係冇咁好食，只係一個正正常常偏向下嘅水平…Read More

最近麥當勞嘅巨無霸成為咗風頭躉，因為佢哋除咗係以前一般嘅巨無霸之外，佢哋而家出咗一個雞肉嘅巨包，上次食過雞肉嘅巨無霸，感覺其實係一般般，所以其實麥當勞搞咁多新意思，其實都冇乜用。今日我食返最原始嘅牛肉巨無霸，兩款巨無霸嘅比較，牛肉巨無霸的確嘅肉肉感覺係好啲，因為雞肉同巨無霸嘅配合完全係唔算太夾，所以其實最終嚟講巨無霸都係舊嘅好。但係美中不足嘅係，今次佢哋嘅薯條係凍嘅，即係一早預先炸定咗嘅薯條，呢個真係比較失望…Read More

大家樂嘅早餐，雖然係一般嘅快餐店早餐，但係佢哋嘅款式的確有唔少，一般嚟講佢哋會有魚柳，雞扒，牛扒等等呢啲類型嘅肉類去做早餐嘅項目，而粉麵方面通粉，炒麵，米粉，呢啲根本都係不可缺少嘅選擇喺大家樂嚟講所以今日我就食咗佢哋嘅雞扒炒麵，首先呢個雞扒扒炒麵，今日我點解會揀呢，因為佢竟然放咗喺澳洲驚喜嘅餐單上面，每周經理餐單即係代表佢係有減價嘅價錢，雞扒炒麵再配腸仔再配合埋佢嘅減價價錢，絕對係一個吸引嘅早餐。…Read More

相川滬絕對係一間食過返尋味嘅餐廳，佢哋嘅午餐套餐絕對抵食，因為只係需要價值$398港幣就可以食到一個四人餐，四人套餐入面包括有餸3個同埋點心。今次我哋好多人食，所以點咗兩個四人套餐。四人套餐必叫嘅項目有酸菜魚，酸菜魚味道拍得上大陸正宗嘅酸菜魚，當然仲有佢哋嘅酸甜糖醋排骨，酸甜菠蘿魚柳，都好好食。當然唔少得佢哋嘅上海粗炒同埋炒飯，做主食嚟講係一流。加上除咗套餐之外，佢哋仲可以散叫一啲點心。 而且點心嘅種類亦都好多選擇，今次就嚟咗個咖喱魷魚，咖喱汁好好味好香。…Read More