Java Taba's Profile

聽聞社交平台都有提過如果在北角掃街好去處系？今次特登收工同同事過來和富中心睇睇樓下美食廣場。兜完一圈大概有日式料理，臺式便當，泰式雞飯，因為朋友喜歡食辣，我地一拍即合黎左一間叫武哥麻辣小館的川菜小店。大概菜單就水煮系列口水雞，涼拌，應該是新鋪頭關係，所以感覺同川菜餐廳不同。麻辣口水雞飯 55元口水雞芝麻醬料很多，舖晒在雞肉上面。因為屬於涼拌菜系，所以熱辣辣的白飯配搭送飯就岩岩好。辣度適中。水煮牛肉飯（改薯粉）55元因為有飯可以轉薯粉，薯粉松脆，辣度都無咁油膩，最緊要系水煮牛肉味道牛肉嫩口，爽滑。食完水煮牛肉都無飲過水。口感符合不太重口味的我。和富重新裝修大概裝修8,000呎美食廣場，附近居民都有用餐，見到多數附近返工的上班一族，或者一家人用餐。等候時間都不算太耐。…Read More

養心殿台式養生鍋近排天氣反覆無常,身體抵抗力也差了不少。和朋友吃飯,正好想吃火鍋,於是記起之前有朋友和我提過的養心殿。單是從店名已經知道它是甚麼類別的火鍋店。再細看網上餐牌介紹,食材也確是夠滋補。於是就選定了這家,正好在這些時候補補疲憊的身子。來到近佐敦的養心殿,地理位置不是太顯眼,但勝在內裏裝修別樹一格,中式縷空間隔增強空間感,寬敞的座位空間也令人坐得很舒適。燈光稍暗,有一剎間令我彷似遺忘了時光,踏入了另一個境地。當然吃歸吃,湯底一定要仔細挑選。我點了能滋潤養顏的美人鍋,有核膠,烏雞,杞子,金華火腿等。一整鍋上來一看,烏雞是原隻上,真是令我喜出望外。煲了一會,我們先試了一下湯底,喝下去只覺暖意洋洋,湯底味道不算太濃烈,但雞的肉汁洋溢在整鍋湯中,粒粒桃膠也增強了口感,非常美味。之後我們用夾子夾起雞肉,連雞皮一起吃,只覺雞肉很是鮮嫰。喝完只有一個感覺就是物超所值。接著就是火鍋的配菜。由於湯底本身已經有一整隻雞,我們選的配菜不盡是肉類,而餐牌上的素菜也有多款選擇,特別適合我們口味。這多菜少肉(還是白肉)的餐牌,大概也是一種養生之道吧。餐牌上主要分為下面幾類: 海鮮, 肉類,豆品,小吃,丸類,餃類,滑類,蔬菜類,其他。先想說一說蔬菜類,養心殿比其他火鍋店多了很多種類,更有些台灣品種,例如台灣A菜,青江菜,翠絲水蓮及珍珠荀。全都是台灣直送。可能是運送過程處理得很好又或者是經挑選過,反正蔬菜送上碟都相當新鮮,綠油油又水令令的,好像是剛在田野中摘下來般,令我一見傾心,吃過更發覺一點渣滓也沒有,十分脆嫰,於是一點再點。另一個值得稱讚類別是手打丸類。恐怕別家店鋪也找不到這樣的味道了。它有芝士牛肉丸,黑松露墨魚丸,鵝肝墨魚丸,應有盡有,要創新亦有,味道也是配搭得宜,可稱得上是出奇的理想。以芝士牛肉丸為例,芝士香濃,但不會奪去牛肉的鮮味,只會是令牛肉味更香更濃郁,口感也相當好,吃下去肉汁流出,可算上乘之作。鵝肝墨魚丸也是我的最愛之一。墨魚丸彈牙不用說,墨魚丸本身味道偏淡,但配上鵝肝,口味則變得出奇的特別。鵝肝味道不俗,平時吃鵝肝感覺好油膩,但把它打成丸,混在墨魚肉中,卻沒有了油膩感,只剩下香香的鵝肝味。飽餐過後,喝上一小杯檸檬特飲,甜中帶少少檸檬的酸味,非常清新。問過服務員能否添飲卻原來只有一杯。真希望下次再來的時候能正式推出。…Read More

有間在尖沙咀新開的火鍋店，新開期內68折, 與朋友聚會時一同去試食一下。秘製麻辣鍋$139～加了大量香料，是餐廳秘製的，味道麻而不算太辣，不會搶了其他食物原味。可能本身食到辣，所以感覺不辣。牛魔王拼盤$399～鐘意食牛的朋友一定要試下牛魔王拼盤。本地牛～香濃的牛味道，肉質鮮甜牛胸爽～一片薄薄好似脂肪漠的，只要滾二下就可以食，味道無想像中一啖油膩感覺。安格斯牛粒～牛肉味一流，肉質嫩口，入口鮮嫩，與本地牛味道不同。牛脷～不是每間餐廳都有牛脷，這個牛脷入口即融，食過不能停。美國雪花肥牛片$189～食完牛魔鬼拼盤一定要食下美國雪花肥牛，滿足一下鐘意牛的慾望。牛肉脂肪比例平均。黑松露帶子餃$99～陣陣黑松露從餃子內慢慢散發出來。再在麻辣湯底內滾熟，食時黑松露非常之香。羊肉片$89～羊肉份量多，滾兩下已經可以食，肉嫩鮮甜，仲帶有羊羶味，配上麻辣火爐，味道一流。松露墨魚滑$109～點可少了黑松露墨魚滑，黑松露份量多，墨魚味濃厚，口感彈牙，再配上麻辣湯的辣"正"。…Read More

掂 超級掂 同屋企人食飯當然要豪一豪佢結果成家都食得超級開心十全十美餐果然名不虛傳上湯青龍蝦伊麵（ 兩隻青龍蝦）青龍蝦超鮮甜，肉質超好，超有口感上湯味道調教得剛剛好，伊麵質地軟硬適中好耐冇食過禁高質的的上湯龍蝦伊麵豉汁蒸元貝，白灼生猛海蝦呢啲雖然係基本烹調方法，但好明顯感覺到啲海鮮超級新鮮，仲要清潔得好乾淨，元貝個個汁超正記得要留番碟汁點其他野清蒸沙巴龍躉仔滑，爽滑，食個身都好似食緊條魚既面珠禁薑蔥粉絲蟹煲粉絲超有鑊氣，成個石鍋上檯個刻霸氣盡現礦泉水灼鮮鮑魚4隻新鮮鮑爽口，掂豪油食配埋鮑魚既爽滑太正啦金粟海鮮湯超好飲，啲粟米勁甜仲有，酥炸大生蠔四隻，紅燒黃子鴿兩隻金銀蛋浸菜苗仲送埋個炒飯仲要包埋生力/椰青水/橙汁 3選1任飲同紅豆沙如果請客請食個10全10美餐完全夠曬大方得體，好想再食多次啊…Read More

每有新店梗有優惠，發現旺角呢間新開的自助火鍋店 性價比非常高 ，298蚊 的任食花膠火鍋放題配料超豪; 有美顏花膠雞湯底 ，大大塊的花膠不單任食，套餐有更有乳龍蝦 ，海花蟹，鮑魚， 貴妃蚌 同 大大隻 沙白， 花甲，重有好靚的雪花手切肥牛 ，豬肝，金蜆 等等 ，菜單上有60款的任叫任食火鍋配料，真是好扺食噃。新店新裝修環境梗係企理乾淨，連筷子的安排都非常講究衛生，一次性的使用，只換筷子頭，較全隻更换環保，另加$28元有汽水菓汁任飲，三百幾元食到呢D嘢又真是幾抵。優惠唔知會做幾耐呢？…Read More

打邊爐， 最緊要係個湯底， 尤其是我哋呢啲鍾意飲湯嘅 ，一定要揀啲有靚湯底嘅地方打邊爐 。而家有啲食肆除咗材料之外，湯底都會非常注重， 因為無論一年四季， 就算係大熱天時， 只要有滋補養顏嘅靚湯底，加上等材料 ，就一定能夠 吸引我哋呢啲 鍾意美食又鍾意飲湯 ，又可以同一大班朋友 慢慢拾下拾下， 傾下計，食下嘢 。好似今晚一大班朋友聚會 ，人多好做作，可以揀選幾款唔同嘅湯底, 睇到menu 啲菜式個名都非常搞鬼， 似乎老闆都好有心思， 比如一啲男士活氣補腎藥材湯底 ，拼雞子，同女士滋潤養顏嘅藥材湯底 ，會拼全隻靚雞，就會將佢哋改做才子拼佳人嘅名 ，今晚好多打邊爐嘅材料都非常新鮮 ， 但係估唔到除咗打邊爐啲嘢好味之外 ，叫左幾樣小炒竟然都非常有水準，尤其係啲甜酸排骨 ，冇骨而且肉質非常之冧，外層又脆，再飽都要食多2件先可以收手。清酒卜卜蜆超多份量的新鮮花甲，煮起來卜卜聲响，陣陣清酒的香甜蜆肉湯令人胃口大開。黃金蝦鹹蛋黃炸到金黃色嘅黃金蝦 又邪惡又好味薑葱魚雲煲魚頭炸到好香脆…Read More

朋友不停催促要組團去三門仔食海鲜，重話一定要食隻招牌菜當红炸子雞，難得夠脚出發，一路以為是去大埔三門仔啦，點知比佢帶左去石籬邨大隴街，當如夢初醒時，巳經沒好氣去追究，專心看餐牌吧。其實餐廳裝修都幾住家Feel, 多層書架上一格格放置不少懷舊飾品，一邊牆身鬆上全幅漁村壁畫，另一邊掛上裝飾魚綱，此店原在大埔三門仔經營多年，後來地方被業主收回，現時東山再起，再戰江湖。至於我們的目標: 當紅脆皮炸子雞 , 簡直驚為天人，比起許多大酒家的更加好味; 皮薄，脆口，冇肥膏，肉質嫩滑，非常入味，吃過這裏的當紅脆皮炸子雞 ，以後去酒家飲宴時，食到呢個例牌菜，都會記得呢度。其他呢幾度菜也很好吃，特別是個咸菜豬肚魚窩: 生猛的石斑，豬肚豬粉腸以至咸菜等等湯料都非常優質新鮮，可惜個湯太少，在您争我奪下令到愛湯的我覺得唔多夠喉。香蒜牛柳粒 蜆芥鯪魚球 金銀蒜鮮虾飯蒜茸粉絲蒸貴妃蚌咸菜豬肚魚窩石窩啫啫通菜…Read More

見天氣又轉凍返, 而且多年朋友無見, 所以搵間就腳的火鍋店.滿堂紅係限時任飲任食食物選舉多,而且火鍋配料新鮮!地理位置方面又易搵! 除左有火鍋配料任飲之餘,仲有唔同熟食任食,例如咖哩魚蛋,雞腳等等滿堂紅係限時任飲任食,,火鍋配料選擇多而且非常新鮮!地理位置方便,十分容易找到!除左有火鍋配料任飲之餘,仲有唔同熟食任食,例如咖哩魚蛋,雞腳等等! 而且店內環境大,坐得好舒服!價錢方面十分公道,平均都只是百餘二百元一個人, 十分抵食!「…Read More

再次光顧名門私房菜，再次非常享受各款菜式的配搭和質素，從湯至主菜及甜品，都體驗到製作的認真和選料的嚴格，創新的菜式也令人增添驚喜，再挑剔的人也會得到很大的滿足。粉葛鯪魚赤小豆煲豬粉腸豬𦟌豬踭豬横脷侍應捧上一大歪碟排列得整整齊齊的餸，原來是湯渣，太誇張了吧，兩條大鲮魚煎得靚靚，煲過湯後也無損花蓉，豬粉腸，豬，豬踭，豬横脷全部選料都非常新鮮優質，連粉葛都好嫩食落冇渣，湯料都巳經無可挑剔，老火煲出朱古力般的湯香濃美味，馬上搶喝三大碗。薑蔥焗鮮鮑魚了花的鮑魚增加了視覺效果，也更入味。荔芋乳鴿酥 酥炸荔芋蓉再包住D乳鴿肉，令芋蓉充滿乳鴿肉汁香味，再加埋自家秘制雞干xo醬，既獨特又美味。網網千斤素食菜，有蘿蔔絲，雲耳絲， 竹筍 ，甘筍，竹笙同芹菜，炸球的造型也盡顯手藝。和味粉絲煲秘醬和味粉絲煲，有蘿蔔絲，冬菇絲， 蔥段，撈過咸旦黄，令口感有薄薄的沙質效果。古法秘制鮮羊腩煲羊腩煲是新鮮的黑草羊，非雪藏急凍等貨式可比擬，一D羶味都冇，皮薄無肥膏，冬天必食。生炒臘味糯米飯冬天必食的還有臘味糯米飯，臘腸，臘肉，蝦米，蝦肉，雞蛋絲，煙韌的飯粒包含臘味的香油最為邪惡，也最難抗佢。蛋白杏仁茶 餐館招牌甜品，香，滑，杏仁味濃厚，熱熱的喝著，成身暖晒。…Read More

原來銅鑼灣都有平靚正的火鍋仲要系的海鮮火鍋。位置在銅鑼灣Holiday Inn 樓下3樓。300蚊左右任食5.5鐘，無乜邊都可以食得到。按每枱客人數安排以下食物旬之海鮮盛合~三文魚腩，北極貝，希靈魚，大大隻甜蝦刺身，象拔蚌片。象拔蚌五品刺身盛~蜆，沙白蛤，聖子，鮑魚，象拔蚌仔，蚌。芝士帶子~熱辣辣，即叫即焗，每位食客一人一個，芝士味濃厚。極上安格斯牛小排~一份牛小排，肥瘦比例剛剛好，滾兩下已可以食，肉質嫩滑。雙目海鮮滑~鯪魚滑與墨魚滑，爽口彈牙，可以添加的。手打薑汁貢丸及手工餃子~按人數的手打薑汁貢丸及手工餃子。熟食枱都有好多選擇。有魚，牛腩，雞，蟹，飯，麵不斷更新。停火鍋加熱時，可以食下其他熟食。火鍋的蔬菜種類也有很多，有皇帝菜，娃娃菜，生菜，雜菇。我地追加了黑毛豬肉片及羊肉片，賣相也可以，食時肉質嫩滑。飲品有好多選擇，我比較歡喜飲韓國飲品，細細罐可以飲多幾款。最後，食返條雪條，不是所有火鍋店或放提地方有得到榴槤味雪條。…Read More

餐前香草包比較乾身, 但可以加D醋同埋橄欖油，令到佢變番軟屬之後再食完全唔同晒，濕軟香滑。沙律是紅椰菜加紅菜頭，菜本身鹹鹹地，沙律有薄荷味，秘制醬汁也別具風味。棒棒糖鵝肝醬立方配士多啤梨，仲有好多開心果碎，士多啤梨醬汁平衡了鵝肝的油膩，像在吃甜品雪糕。慢烤一口豬腩肉配上chimichurri sauce阿根庭香辣蒜醬，包含微辣醋酸，薑蓉同埋蔥碎的材料，伴剛好每口一塊的豬腩肉暖暖地有炭燒香味， 肉質軟淋淋仲有少少軟骨，幾惹味，全晚至愛。Green Cooler青蘋果加奇異果同桃混 jinger beer的鮮果汁，開胃醒神，吃燒扒常常喝紅白餐酒，這次由侍應介紹這款飲品都幾夾同D燒扒肉類一起吃，既清新又較少酒精。香辣墨汁意大利麵配墨魚及車厘茄，黑得發亮的墨汁麵，彈牙的墨魚，茄醬蒜汁等驅使我將它以九秒九爬進肚內。香煎法國黃雞肉質嫩滑，又冧又多汁，不像一般的雞肉口感，原來是經過低温慢煮的精心調制，令人非常享受的咀嚼質感和味道。…Read More

逛街找美食最好就是這樣: 食肆坐落於街邊，大大的舖面讓您一眼看到內裏的裝修,環境氣氛，menu，客人的表情，他們點的菜式買相等等，當這些都吸引您時，應該也值得去開餐了吧，加上現場已經坐無虚設，更令人充滿期待，幸好也不用等侯太久，這間西班牙酒吧餐廳， 好有酒吧氣氛，牛扒有扒房水準，menu 也有很多西班牙及法國的精美食品，下次去尖沙咀要喝喝啤酒輕鬆晚飯的，這間屬於首選了。炭燒美國安格斯T骨牛扒20g 的牛扒大得誇張，Order了五成熟，端出來巳有令人陶醉的香燒炭焦牛肉味 ，有海鹽同埋黑胡椒喺面，切開大大舊的放入口中，軟绵的口感及豐富的肉汁令人感動落淚。仲有蒜蓉，薯蓉，同焗得好靚嘅蒜頭及西蘭花，特別製作嘅甜酸醬，安排週到。Belhaven 90 Wee heavy strong Ale UK隨意挑選的蘇格蘭麥啤，麥味香濃，淡淡花香，果味同咖啡味，冰凍怡神，送牛扒真的令人很享受。四式芝士薄餅四種不同的芝士混合的味道增加了四重復式層次品味，這次食pizza 就不需要自己再添加芝士粉了，香脆薄皮尤如餅乾，這個份量剛好。西班牙炸油條好多人都點，似乎係餐廳嘅招牌菜 ，一於唔好執輸， 可以當係甜品，侍應話材料係一啲雞蛋同麵粉搓成嘅，加咗好多砂糖同用咗好多優質嘅肉桂粉，再配上有橙味的朱古力醬食，真夠邪惡美味了。…Read More

行左成日金魚街，都是時候食個晚餐了，呢條街近年越開越多連鎖茶餐廳，食嘅嘢其實都差不多，見街頭呢間泰國餐廳門口都幾多人，天氣稍涼，令我不禁唾涎熱辣辣的泰式冬蔭功的滋味，一於攞飛等位啦。其間見到門口阿姐忙過不停在制作串燒，陣陣香味似乎已經是最佳的生招牌了，也正好利用這些時間看看要試那種串燒和門口貼着的餐單，選擇都幾多，菜式的味道賣相同質素都幾好，除了每日指定菜式有優惠外，消費滿二百重可以加一元選一個小食或甜品，夠晒喎心。燒和牛串，雞肉，豬肉。燒豬頸肉難怪門口阿姐忙過不停地燒，這些串燒幾乎是必食的招牌菜了，燒出來的肉串不但保留了肉汁，淋上的燒烤沙爹醬也增加了味道的層次及享受。豬頸肉也很大塊呢。泰式鹽燒黑鰂蓋開滿布粗鹽及乾瀝的魚皮，正擔心裏面的魚肉會否太乾，食落卻是濕潤滑溜的魚肉，鹽燒的咸味也提升了魚的鮮甜。冬蔭大頭蝦湯期待的冬蔭公湯终沒令我失望，大頭蝦也增加了視覺的刺激，酸酸甜甜與香茅的配搭洽到好處，越喝越開胃。馬拉盞炒通菜菜嫩夠镬氣，少少辣。泰式椰汁糕近乎是送的甜品也正好為剛吃完的酸辣小菜平衡一下，此時吃西米露椰汁同粟米份外香甜。…Read More

帶左屋企人去玉桃軒食晚飯，方便起見就揀左銅鑼灣呢間。係近時代廣場個入口入要穿過aland先會見到電梯大堂。環境都幾舒適乾淨，而且都夠光猛，枱與枱之間又唔會太迫。我地叫左個晚膳三寶，有半隻雞，一條魚，仲有一個小菜，$328非常抵食！蒜香雞既皮非常脆口，啲雞肉亦唔鞋，有水準。條魚係沙巴班，都唔算細條。魚肉好嫩滑，蒸得啱啱好，唔霉！我非常喜歡。咕嚕肉層皮唔會太厚，唔會覺得成口粉漿。另外，再加咗特價龍蝦伊麵加埋麵都係$178。不過麵有D碎難夾D，但係啲龍蝦肉好爽，好有咬口，好有龍蝦味。埋單大家都捧住個肚走。…Read More

這裏講求食材的新鮮與及重塑日本近岸即捕即燒的製作方法。 即是選料嚴謹，每日新鮮日本空運到港，除了生吃以外 ，可以嘗到燒烤的碳燒美味 ，令不喜歡吃生冷海鮮的顧客吃到既新鮮又肉汁彈牙的海鮮，最重要當然係廚師嘅手藝， 顧客可在自己的枱上看著廚師 在小小的烤爐上以純熟的技法加入不同的配料 ，例如香草，牛油 ，上等清酒以及多種不同的海鹽加到食材上 ，以精確的火路控制，炮製出各種高級海鮮嘅美味 ，簡直嘆為觀止。難怪雖然是樓上鋪， 但都座無虛設， 幾位廚師不停穿梭於各個顧客臺上為佢哋烹調 ，真係辛苦曬了。小食有甜甜的細芝麻鹽醬椰菜，小小咸味的燒銀杏，最愛是燒河豚魚干，不會太乾身，肉汁感豐富，是時候叫D好嘢飲了。赤潦清酒由專業註場嘅品酒師為我哋介紹嘅大吟釀 ，淡淡果味，芳香馥郁，果然是配襯佳餚的美酒。特上漁獲滨燒盛合成隻碟咁大隻嘅珍寶大蝦兩隻， 蝦肉結實，蝦頭仲有啲膏添，活鮑魚兩隻， 口感煙韌彈牙，文蛤蜆兩隻白蜆兩隻， 滑嫩甜美 ，榮螺兩隻 ，活帆立貝兩隻 ，仲有燒到香味撲鼻嘅 魷魚同響螺。特制黑松露炙燒平目魚邊沙律炙燒過嘅平目魚依然又滑又香 ，牛油果，車厘茄同沙律菜配黑松露，視覺味覺營養健康都滿分。燒A5和牛扒牛味香濃， 肉汁豐富， 估唔倒專食日本海鮮嘅專門店原來煎牛扒都咁好功夫。柚子雪芭酸酸甜甜， 醒神又好味 ，雖然已經食得好飽 但係都要將呢個餐後甜品挖得乾乾淨淨先捨得放低隻匙羹。…Read More