eatHappyliveHappy's Profile

返工最期待嘅係乜嘢？不外乎係放lunch食好西，今日行得老細請食飯，揀咗海港城鮨央泰。Lunch Omakase非常之豐富，魚生好新鮮，師傅手勢好，有幾款好特別嘅魚值得推介。頭盤：海老芋，開胃前菜松葉蟹茶碗蒸蛋，茶碗蒸加咗蟹肉非常好味，食到底仲有一個surprise，就係加咗粒麻糬刺身：真鯛刺身，鯛魚係我最愛嘅魚之一帆立貝磯邊燒，好香炭味壽司：1️⃣北寄貝2️⃣池魚3️⃣深海池魚4️⃣春子鯛，即係鯛魚bb，每條bb只可以做到4件壽司，不客錯過5️⃣赤身6️⃣中Toro，入口即溶7️⃣車海老8️⃣三文魚子9️⃣海膽🔟海鰻，鰻魚其實有平有貴，唔同價錢，真係會好容易食得出佢嘅分別迷你丼飯，沖吞拿魚蓉再加黃瓜粒，比其他地方多一份爽口👍🏻，更有口感玉子燒2食，其中一款係加咗魚溶蝦溶以及蜂蜜調味，口感似蛋糕。另一款就做到好似crème brûlée咁。湯甜點餐廳特別訂製嘅栗子雪糕真係要多謝老細，盛為每位$880，大滿足。另外佢其實都有平啲嘅選擇，omakase另一個選擇係$680，仲有其他lunch set。…Read More

其實喺Lady Nara初初開業嘅時候嚟過，知道餐廳入面好靚，好多打卡位。今次約老婆黎食lunch，估唔到食物重keep到水準，所以忍唔住要出個食評😊Set Lunch有分傳統泰式(Thai Classic)以及泰西口味(Thai Western)😆 價錢由$138-$208，已包括沙律，餐湯，以及飲品。我個人認為泰西選擇非常吸引：🍴香煎鱸魚柳 配 黃咖喱忌廉汁 $208🍴黃咖喱軟殼蟹意大利飯 $208🍴松露雜菌意大利飯 配 香煎牛扒 $198先講跟餐沙律，有粟米，車厘茄，雞肉，生菜加泰式沙律汁，酸酸甜甜好開胃。湯就叫咗一個冬蔭功湯，同埋一個忌廉蘑菇湯。冬陰功湯充滿傳統嘅味道，而忌廉蘑菇湯亦加咗泰式元素，飲得出有泰國味，亦都有極少量嘅辣👍🏻至於主菜，我哋叫咗午市限量供應嘅”海南雞飯”同埋”雜菌意大利飯配香煎牛扒”。海南雞飯係水準之作，我老婆食到唔肯同我share😆牛扒亦都做得非常好，夠juicy，中間仲係粉紅色。Risotto好creamy，撈埋松露醬好圓滿，性價比高👍🏻以海港城來講，呢個價錢真係唔算貴，咁嘅質素，咁嘅價錢，值得一試。…Read More

之前都有嚟過SENSU 食，坐得舒服嘢食都有日本風格，屋企人都鍾意。知道 Sensu 暑假有 日本 九州KUMAMON 熊本熊夏日限定菜單，趁住小朋友放暑假，試吓💕可愛又開心▫️造型餐點每款都有 #KUMAMON 造型設計 ▫️ 不同角落都充斥著 KUMAMON 的蹤跡▫️ 登記成為會員＋主題餐牌任何一款餐點就有 KUMAMON 限定襟章今次約埋朋友仔G一齊食，佢哋嘅王牌黑松露薯條 、yummy !同埋加點 特色蛋包飯 set dinner總括用餐非常愉快，食物都有日本風味嘅水準熱麥yogurt 好睇又好食牛肉漢堡蛋包飯造型好得意，水準都係同平時一樣keep 到。…Read More

2022年就黎完啦，梗係要食好西獎勵吓自己。唔知飛唔飛到之際，都係食餐和牛先。基本上所有牛肉都係必食，燒完充滿油香，尤其係配海膽嗰兩款，生蛋拌飯簡直係燒肉嘅絕配。1️⃣炙燒日本產黑毛和牛 海膽壽司2️⃣炙燒日本產黑毛和牛 特上牛肋肉 配海膽 - 紫蘇葉提升左和牛同海膽嘅味道3️⃣日本產黑毛和牛 鑽切極上西冷4️⃣旬之燒蠔5️⃣特上牛舌6️⃣特上牛脊肉7️⃣名物！幸福生蛋拌飯趁今年完之前，就嚟試吓呢度嘅黑毛和牛節日特別餐牌，為今年畫上完美嘅句號。…Read More

法日味覺之旅Whisk嘅Chef William Lau早前去咗福岡了解當地食材，造出法日fusion餐單。每道菜都係用九州福岡時令食材。今次我哋食咗6道菜晚餐：Welcome Cocktail by The Old Man, Hong Kong (Asia’s 50 Best Bars No.1 in 2019)1️⃣ Jimono Farm Linola Lemon - 福岡檸檬酸中帶清香，造出2款開胃前菜，連搽麵包嘅牛油都有檸檬清香2️⃣ Ebisu Oyster - 福岡蠔輕微蒸熟後加上由bbq sauce, 南瓜及奶造出嘅cream sauce, 另一個蠔殼喺蠔湯3️⃣ Kabu et Fleur de Caviar - Whisk名菜, 今次用福岡蘿蔔配法國魚及蝦4️⃣ Aona Garoupa - 褔岡石班塊➕明太子及caramelized cauliflower, 食完飲埋個湯5️⃣ Miyazaki Wagyu (+$238) - 宮崎縣和牛，唔好睇小個薯餅，超好味，上面有4款唔同醬，我食到嘅有明太子，梅子6️⃣ Amaou Straberry - 用福岡甜王士多啤梨+法國雜莓做出一款布甸，一款雪糕。另外重有一款綠茶basque cheesecake inspired by mont blancFukuoka Finesse - Craft of a JourneyJan 13 - Feb 136道菜晚餐 $980 10 道菜晚餐 $1288如果3日前喺Mira e-shop book枱，6道菜晚餐只需$650，超級抵食👍🏻…Read More

估唔到嘅好味，星期六一家人嚟呢度食semi buffet brunch。頭盤係buffet style, 選擇都好豐富，西式湯係栗子南瓜湯，非常Creamy及帶甜，小朋友勁鍾意飲，另外佢哋都有中式湯選擇。頭盤除咗有唔同嘅沙律之外，仲有好多其他選擇，比較特別嘅有：1) 咕嚕肉；2)龍蝦汁腐皮卷；3) 四川麻辣手撕雞，三房到非常值得推介。至於Main Course，總共有五款選擇，我哋揀咗:1）黑松露烤本地農場黃油雞 - 烤雞考得非常之香，個屁好似食緊薯片咁，再配埋黑松露醬，真係估唔到咁好食2）三色芝士焗波士頓龍蝦(+$68) - 三色芝士好香，龍蝦焗到啱啱好，冇overcook，非常juicy至於兒童餐，都可以任食出面semi buffet，main course就有4款pasta選擇，我哋揀咗肉醬意粉，一上枱真係嘩一聲，賣相非常靚， Potion亦都好大，小朋友亦都好鍾意食。甜品就係tiramisu，小朋友就有桂花蛋撻，仲有咖啡或茶，小朋友有果汁一杯。大人$288 ，小童$98 semi buffet，呢度環境一流，食物水準高，值得回頭。…Read More

尖沙咀亞士厘道新開日本料理，淨係睇門口以為係酒吧，但其實內有乾坤，入面係一間日本餐廳。我哋叫咗佢嘅Tasting Menu ($1180/pax)，包2杯酒。我哋叫咗兩杯Cocktail，紅色個杯係sake based, 味道交談，適合唔係太鍾意飲酒嘅人士。黃色嗰杯係whiskey based, 酒味濃郁，非常好飲。Tasting Menu有10道菜：前菜：靜岡高糖蕃茄魚子醬帆立貝金䱽魚芒果塔：呢個真係冇得頂，喜歡刺身刺身：「焰」刺身三點：今日有牡丹蝦，帶子，赤身。我本身唔鍾意食赤身，但係呢度嘅赤身好新鮮，好好味。好想encore隻牡丹蝦😍卷物：「焰」海膽海鮮卷：有海膽及三文魚子，兩樣我的最愛燒物：伊勢海老入船金銀燒配蟹膏醬：賣相一流，龍蝦配蟹膏醬，新鮮嘅配搭一品料理：法國鵝肝赤海老茶碗蒸：睇落以為平平無奇，食落就知同出邊嘅茶碗蒸好大分別👍🏻九條蔥和牛薄燒：記住夾埋啲蔥一齊食會更好味或銀鱈魚西京燒：一貫嘅水準食事：和牛鵝肝松露炒飯：係另一個高潮位時令清湯：有好大隻蜆，好清甜甘品：豆腐雪糕：配紅豆夾餅整體來講，以$1180食到咁高質素嘅日本菜真係好難得。同埋佢哋貴價食材(例如魚子醬，海膽)比嘅份量都幾重手👍🏻順帶一提，佢哋set lunch嘅價錢非常親民， 1pm前埋單仲有75折，1pm之後有85折，值得一試。佢哋仲有happy hour，如果唔食嘢，喺佢哋個酒吧區飲杯嘢都幾舒服。…Read More

意日fusion omakase fine dining, menu 有幾個價位選擇：$888(Set Pazzesco)，$1280(Signature Omakase)，$2280(Uni Feast Omakase)。今日我哋叫咗signature omakase。Smoked Toro - 好香煙熏味，但係冇搶到Toro嘅味道，presentation一流Abalone - 喺椰子foam襯托下，非常清新Japanese A4 Sirloin - 充滿油份既A4牛捲住青瓜絲，再加北海道海膽，層次感一流，和牛海膽係絕配******Scampi Tsukemen (+$398 for 2 to add Caviar) - 以沾面既方式煮既小龍蝦pasta，醬汁濃郁，完美嘅合體。Hokkaido Uni Pappardelle (+$240pp) - 北海道海膽配上闊條麵，每一條麵都能夠沾上好多醬汁******Amadai - 日本鯛魚無論生定係熟都係我嘅最愛，煎香後配上酸酸地嘅醬汁，能夠帶出魚既鮮味Kagoshima Sirlion (+$260pp) - 鹿兒島和牛基本上唔需要特別處理，只需要輕輕一煎，油香已經出晒嚟******Pazzi Surprise --> 今日嘅surprise dish喺北海道海膽手卷，餐廳非常慷慨，海膽分量充足👍🏻 佢哋話surprise dish有陣時會喺大toro******Sweets --> Cremia Ice-Cream with Seasonal Fruit - 相信去過日本嘅你一定會食過Cremia嘅雪糕，餐廳喺日本訂咗部Cremia機返嚟，再配合時令水果製造醬汁。今日我哋食嘅係菠蘿，酸酸甜甜咁Signature Omakase $1280pp，Wine Paring就➕$488pp另外可以➕$180叫個生日Uni Cake, 個人覺得非常抵食，唔係生日都應該叫🤣…Read More

嚟沙田Hyatt Regency staycation, 包埋自助晚餐。本身自助晚餐要$650/位，小童半價，所以package包埋都幾抵。呢度食物嘅選擇都好正路，冷盤有龍蝦，蟹腳，蝦。魚生有三文魚，吞拿魚，油甘魚，帶子，甜蝦，全部都好新鮮，非常出色。至於Tong，中湯比細湯出色，中湯有蟲草花赤肉湯，同埋胡椒鹹菜豬肚湯。熱門方面有中式區，鐵板區，西式區，亞洲區，選擇雖然唔算多，但係食物質素唔錯。值得推介嘅有：超大花膠，鮑魚，鐵板鵝肝，羊架，原條蒸魚，咖喱魚蛋豬皮。至於甜品，有waffle，banana pancake，葡撻，朱古力麵包布甸，各式各樣嘅蛋糕，最特別嘅係羅漢果奶糖泡芙。好滿足嘅一餐。…Read More

之前晚餐仲未開返，所以會周圍去食下午茶。今次嚟四季酒店The Gallery之後佢哋呢度嘅下午茶，weekdays $338/pax唔算貴，佢哋嘅afternoon teaset食物係inspired by佢哋其他既米芝蓮餐廳，好似好有睇頭。The Gallery位於酒店大堂，充滿落地玻璃，陽光充足，樓底極高，所以唔覺得好嘈，環境舒服。先講講鹹點，inspired by 龍景軒，下層左至右：1）鰹魚碎燒鵝盞 - 鰹魚碎提升左成哥撻既層次及味道，口感豐富2）焗迷你鰻魚包 - 望落去以為係叉燒包，但係佢又點會俾啲咁普通嘅嘢你呢，入邊嘅餡係鰻魚，而作為鰻魚迷嘅我對呢一個點心非常滿意3）慢煮八爪魚沙律撻 - 清新嘅配搭，煥然一新4）水牛芝士半蕃茄蓉及法國風乾火腿 - 好似食緊一個一口pizza咁輪到甜點，上層左至右：1）柑橘香橙半圓蛋糕 - 逢親橙味嘅嘢我都係鍾意，蛋糕非常清甜，夏天食係一流2）法式士多啤梨忌廉蛋糕 - 冇得輸嘅一款蛋糕3）迷你香片蜜糖茶壺 - 非常香嘅茶味，配上朱古力片，配搭唔輸比咖啡加朱古力，係呢四款蛋糕入面我最鍾意嘅一款4）木槿花馬達加斯朱古力蘑菇 - 朱古力配上花香，呢個配搭冇得輸最後奉上Scone + 英式忌廉 + 自家製jam。個自家製jam簡直冇得頂，酸酸甜甜，今次係芒果味，我查完個scone後仲有剩，結果我將剩餘嘅jam直接食晒🤣最後不得不介紹佢嘅iced mochaccino，味道好好，但係又唔會好甜令到你覺得飲完之後好濟，非常值得推介👍🏻…Read More

中環有新嘅西餐set lunch由$120起？中環，新餐廳，裝修型，最緊要係有落地大玻璃，非常通風😆如果真係想$120落到樓嘅，頭盤可以選擇湯或者沙律，主菜可以揀pasta。至於我哋，就選擇咗3 cheese fondue，佢用三款唔同嘅芝士，再加埋黑松露油焗，，雖然要加$30，但如果你鍾意芝士，你一定唔會失望。個warm halloumi salad用蘋果酸醋汁，加埋羽衣甘藍同車厘茄，非常好味。主菜我哋兩個都揀咗牛柳，牛柳配個泰式酸汁，提升味道，配菜嘅西蘭花，薯仔都笑得好香，非常好味。甜品我哋叫咗dark chocolate brownie，份量好大，食完超級飽。…Read More

今日食米芝蓮一星牡蠣湯底拉麵，湯底賣點係用大量蠔肉烹調，加上自家製日本牡蠣醬及秘制鮮蠔油。1️⃣牡蠣鹽味拉麵 - 湯底非常鮮甜，充滿蠔嘅味道，叉燒上面有一Pat濃郁蠔醬👍🏻另外湯上面都有一浸鮮甜嘅蠔油，唔係煮餸嗰啲，係真係油👍🏻2️⃣牡蠣野菜天婦羅 - 呢個小食真係冇得頂，天婦羅蠔非常香口，生熟適中，一定要試3️⃣凍蘋果焙茶 and 熱紅菜頭薑蜜 - 係焙茶但有蘋果味，好清新。紅菜頭薑蜜潤喉，正常水準。下次嚟好想試佢個厚切牛脷don飯，好吸引。…Read More

一入到黎餐廳真係覺得好似去咗韓國嗰啲炸雞店咁，特別嘅係佢有一排好似閱讀室書枱咁嘅兩人面壁位，雖然係面壁，但係餐廳好用心去佈置每一格，令到你就算面壁都好有feel。一嚟到首先order醬油蟹，一上枱有驚喜嘅係佢跟埋一大碗紫菜飯，店員叫我哋撈左個飯然後再將飯放入蟹蓋一齊食。可能我大鄉里，我真係第一次咁樣食將由蟹，個飯撈左啲蟹膏，同埋甜醬油，非常之好味，真係食晒成碗飯都得。醬油蟹有兩隻，碗飯亦都好大碗，絕對係兩人份量，值得推介。另外我哋叫咗半隻蜂蜜黃油無骨炸雞，追加左原隻魷魚。炸雞熱辣辣上枱，即刻試食，炸雞充滿蜜糖味，非常好食，如果叫炸雞的話，我覺得一定要試呢個蜂蜜炸雞。另外我哋都叫咗海鮮蔥餅，擺得好靚，好少地方見到海鮮蔥餅係咁厚，好多餡料，除咗可以點佢個辣辣地嘅汁之外，我覺得都可以點醬油蟹嗰個甜甜地嘅汁，咁樣食法都好好味😋最後我哋叫咗個五花肉泡菜麵，Kimchi湯底對我來講都幾辣，但係味道幾好，五花籃肥瘦適中，用來做結尾非常好。總括嚟講餐廳嘅環境好似去咗韓國咁，食物質素亦都非常之好，識得推介。我哋仲帶咗個米酒助興下。仲有，餐廳好爆，記住book位。…Read More

一入餐廳就覺得自己好似去咗日本咁，餐廳唔算大，最多可以坐18人，主攻廚師發板，所以全餐廳只有吧枱。晚餐嘅價位係$1580, $1880, $2280。我哋今次叫嘅係$1580，15席料理既omakase。前菜魚生1️⃣伊佐木 - 唔需要豉油，因為已經加咗岩鹽，只需要放少少Wasabi上去2️⃣北海道生蠔配金箔，生紫菜，酸汁 - 非常creamy3️⃣深海池魚配木魚花 - 師傅已經為你掃上白豉油4️⃣北海道粒貝-即係我哋嘅響螺，其實我好怕食響螺，因為有陰影以前食過好難食好硬嘅響螺。咁呢度當然唔會有呢個問題啦，質感非常爽口5️⃣平政魚 - 貌似油金，其實佢哋係同一種魚，但平政是指體長達1m以上，口感清爽。平政的捕獲量極少，可以稱為頂級的食用魚6️⃣炭燒鯖魚配昆布 - 非常香口，燒完之後充滿魚油香，配埋熟昆布，味道簡直一流，非常非常好味7️⃣北海道毛蟹 - 完全喚起我對北海道嘅記憶，因為我哋honeymoon第一餐晚餐就係喺北海道食毛蟹8️⃣炭燒鰹魚 - 燒完再加埋蒽非常香口9️⃣炭燒拖羅 - 不需要特別形容，食過嘅人就會知壽司1️⃣金目鯛 - 本人非常喜歡食金目鯛，建議輕輕燒一燒會更加香2️⃣北寄貝 - 非常新鮮，加咗青檸汁，就係呢啲細節位令到味道提升3️⃣時不知野生三文魚4️⃣白蝦5️⃣馬糞海膽➕帶子tempura6️⃣炭燒赤鯥7️⃣三文魚子8️⃣北海道白海膽 - 口感濃郁，味道較甜，非常值得一試湯甜品芝士豆腐日本蜜瓜…Read More

為配合冬天嘅來臨，千両又有新Menu。今次Seasonal Menu就係「北海道冬之餐目」！1️⃣北海道時令生蠔(弁天) - 大過一隻手掌，超級新鮮，creamy口感，有海水味2️⃣鮫鰈刺身薄切 - 有口感，博切配孫汁令到件事好開胃3️⃣活北寄貝刺身 - 新鮮嘅北寄貝真係非常好食，值得一讚係佢哋用北寄貝加青瓜加紫菜包成卷裝，非常適合唔食得澱粉質嘅我🥰4️⃣活北寄貝壽司及裙邊軍艦 - 非常新鮮嘅北寄貝真係值得食完再食5️⃣炙燒鮫鰈壽司 - 燒咗之後嘅鮫鰈充滿油香，比刺身出色6️⃣炙燒秋刀魚壽司 - 秋天係秋刀魚嘅季節，亦係我非常之鍾意嘅魚之一7️⃣石狩鍋 - 有三文魚，蝦，帶子，冬菇，豆腐，粟米，菜。個湯我哋飲晒😋8️⃣汁煮喜知次 - 原條上，汁煮非常好味，好想叫碗飯嚟送9️⃣忌廉帆立貝薯餅配明太子醬 - 炸得好鬆脆，薯蓉好滑🔟十勝粉紅薯卷蛋 - 淡淡的卷蛋配紅豆非常好味1️⃣1️⃣花畑牧場焦糖奶凍 - 配搭好有日式風味，拉動質地做得好dense，好有cheesecake口感，減肥中嘅老公食到停唔到口今次必食推介有蠔，北寄貝，秋刀魚，燒鮫鰈，喜知次 😋🥰…Read More