思想's Profile

由於商場選擇不多, 所以我間中都會來堂食。這間米籽是開放式設計, 佢啲味道, 將整層商場都覆蓋左, 每次在L2 層, 都會聞到一陣米籽食店既味道。由佢開張排長龍, 到現在無人排隊幫襯。記得新開張時, 食物質素是ok 的, 啲餸都多啲。但日漸地, 發現佢啲餸比得越來越少。尤其是今晚食過有不愉快經歷後, 我決定以後不會幫襯這間店。我今晚大約7點左右嚟到, 坐下點了個胡椒湯底薯粉+冬菇+紫薯珍珠奶。點知原來手機落單無得揀少甜的, 所以問侍應。侍應話幫我落, 叫我唔好用手機落單。落完單後, 我發現侍應落漏了冬菇。我同侍應講返, 侍應問我會唔會比現金佢加冬菇錢。我問可否埋單時用八達通一張單比埋錢?佢話可以。轉頭先用電腦改返張單。我懷疑佢咁樣問我係因為唔想改單, 所以想我比現金錢加冬菇。食物和飲品嚟到, 我發現個湯很咸和很重味精。我問侍應可否幫我溝清湯, 因為個湯底很咸。侍應話, 湯底係咁㗎, 你自己出去用飲水機加熱水啦。我無奈地用自己加熱水落個湯度。感覺啲侍應不禮貌和拒絕為我加清湯稀釋咸湯。熱水機啲水有很多雜質。冬菇加左錢, 真係唔加好過加。因為佢將一個草菇, 一舊切開4條。我以前食係有2-3舊的, 而家是1舊草菇切開4條。加左6蚊就係得咁少? 之前叫金菇都有這個情況, 完全少得很。之後我見到隔離枱都係用清水溝湯底。咁咸既湯底, 我估佢落了很重既味精。飲品無味, 唔掂。我食左一半便埋單。返到屋企後, 半夜餃肚屙。我懷疑係啲重味精落得多, 令到我肚屙。經過今次和之前既經歷, 我唔會再食這間店了。已經顧客唔多啦, 仲要咁既服務態度, 叫我自己走去水機度攞熱水溝稀湯底。你估我一定要幫襯你這間店嗎？我寧願食其他, 又貴又少餸, 服務態度又差!…Read More

今晚在openrice 搵到這間泡飯店，嚟到都要排一陣隊。我和朋友各自點了全場最貴的泡飯，就係極上海鮮龍蝦湯泡飯 $68，加$7有2件響玲和送熱飲，凍飲另加$3。上枱後，年輕老闆幫我灑上岩鹽，佢話咁樣會好食啲。 我覺得上枱時，湯不是太熱，如果熱啲會好啲，賣相超靚，見到很多人都叫這一個嚟吃。龍蝦頭只是裝飾，但可以增加食客的滿意度，個湯都好飲，好飲無味精，不會口乾，我成碗湯飲晒。凍飲很大杯，夠晒飲，加埋響玲食，好好味。好多餸和海鮮呀。另一個是毛豬野菌雞龍蝦湯泡飯，加$7有魚皮餃，送熱飲，凍飲另加$3。 這一個上枱時，啲湯夠晒熱，飲落去，味道濃過極上海鮮龍蝦湯泡飯。上枱時，感覺這個比起極上海鮮龍蝦湯泡飯細碗啲，可能因為極上海鮮龍蝦湯泡飯啲海鮮殼佔據了很多位吧！這個毛豬野菌雞濃蝦湯泡飯，味道很濃，好好食，加埋魚皮餃和凍飲，好好食呀！店內環境有點逼，但都足夠空間比每個客人坐的。門外和店內，貼滿很多明星合照，令到店內充滿一種很溫馨的感覺。全場最貴的食物就是 $68，另外還有其他野食，例如咖哩吉列豬扒飯和油撈麵等，好大好大碗呀，份量十足，價錢都只是$3× - $4×， 好抵食。原來今天是店開左3週年，讚好 FB和留言，可以有半價優惠，我見同枱有人用這個優惠，於是問老闆。老闆表示最後今日優惠，而且要預早一日留言。因為今天是最後1日，明天已經無優惠，所以我係用唔到半價優惠的。店內不需加1服務，好抵食呢，下次經過都要嚟食下。…Read More

由於自己本身住屯門，見 openrice 咁多人讚此店，所以book 左枱，唔洗等位。走時見全場座。book 了7時，準時到，有位。這間餐廳幾特別，是一間村屋，如果揸車唔驚無位拍，因為餐廳外面有一個空地，很大地方，夠晒泊車。由於見到香辣豬肋骨 $88，自己未食過，但有點後悔呢。因為成排骨，肉很少。這個是鐵板餐，有湯，薯菜，飲品和啫哩。食既時候，不斷聽到啲人叫什扒餐，10個有8個都係叫什扒餐，原來什扒餐 $78，但份量很大碟的。如果下次嚟食，最好叫什扒餐。豬肋骨沒有辣味，上枱先淋質，熱辣辣，很夠熱，很多煙。選了蒜茸汁，味道有啲咸。另外叫左雪花西冷扒 $128，全場最貴的鐵板套餐。選了黑椒汁，叫了6成熟，但食落應該有8成，所以建議揀5成熟會好啲。兩個餐，叫了一紅湯和一白湯。其實兩個湯都好好飲，但白湯可以熱多一些會好啲。揀左意粉和薯菜 (無影相)，兩個都會另上碟的。份量ok, 薯菜係粗薯條，即炸，夠熱，所以好食。  飲品選了熱檸茶和凍檸茶 (無影相)，熱飲不用加錢，凍飲要加$3。凍飲都幾大杯，同 Pizza Hut 一樣。如果主菜有配菜伴碟，味道應該會好一啲。啫哩甜品，味道一般。環境都坐得舒服，唔逼。有兩部電視比客人睇，仲有wifi 提供，外面有很大地方可以泊車。唯一唔好既係，成身煙味囉。外面都有得坐，感覺幾特別，好似唔似市區地方食晒咁。Book 左枱會穩陣啲，如果唔係，人多時候便要等位了。…Read More

每次經過這條街，都會見到很多人企晒喺度幫襯。今次我終於試食下先，究竟有幾好食?這間小食店，賣既餃子有生，熟和煎的。價錢大約$3隻，價錢可以接受。佢既清雞湯，很適合大眾化口味，當作小食都幾好。餃子一般大小份量，會有一些清雞湯連雞絲比你的。味道都幾清，熱辣辣，幾好食。主要係清雞湯煲餃子吧，所以味道不會太差。以價錢來說，可以一試。…Read More

已很耐無食這間米線了，一個人食，很快有位。以前食2味，大約$24元左右。每1年都加價$2，每味加$1，到左今時今日，2味要$40，我覺得加價幅度很大，所以食返1味，$33算了。我覺得味道差左，以前成日都心郁郁要嚟食，食上隱。但現在，因為加價幅度大，間唔中先嚟食1次。  我叫左1味腩肉米線要中辣。今次腩肉份量正常，上次比得很少和很多碎。今次見人龍無以前咁誇張。坐位比較迫，出入坐得入唔洗比人撞倒。如果坐走廊位，會成日比人撞倒的。中辣米線，味道好似無味咁，純粹得個辣字，唔知是否因為無叫酸辣湯底1味餸，所以無湯底味呢？  唔知點解，今次食唔晒，可能味道已經唔係我以前食開既味道。如果嚟食，最好唔好著白色衫，因為很容易弄污的。…Read More

由於知道這一間要排隊，所以一早到達，時間大約6:15 pm。初初以為這麽早，應該唔多人咁早食晚餐，點知到達後，有8成滿座了。我們2人安排坐6人枱。之後有2個人坐了我們隔離，餘下2個座位。 當點餐時，職員和我們說，要求我們4人轉另一張枱，因為門外有6個人要入座。感覺這樣安排不太好，有種感覺係要轉枱，轉來轉去。轉枱後，我們2人和另外2人又坐埋一齊，但我們2人坐正門口出入風口位，我們2人要求轉另一張枱，無咁大風的位置，但職員感覺好似唔想咁。我同佢講，反正我們2人都只會坐2個櫈子，之後職員才讓我們2人坐另一張枱。這方面，職員做得無咁好。坐位人貼人地坐的，有點迫。我們叫了2人餐，不用加1，共 $228。有沙律，酥皮湯，小食3款，主菜選了招牌芝士熔岩蛋槳飯和鐵板牛扒拼薯條，芒果布甸和2杯特飲。沙律好好食，份量多。主菜都幾大份，招牌飯，很特別。職員會幫你撈埋蛋和芝士，熱辣辣，趁熱食。鐵板牛扒和薯條都係熱辣辣的。啲食物一次過嚟晒，非常快，可能想啲客人快啲食埋走啦。這方面感到唔好，因為食品切。當我們食緊左飯時先，食完後，小食和牛扒薯條已經凍晒，當然無咁好食啦。雞翼已經硬晒，牛扒和薯條已經唔熱了。飲品點了珍珠奶茶和芒果乳酪，味道ok, 但不是滿的，有1吋咁多。有點失望。芒果布甸不太好食，很硬，也沒有芒果肉。建議7點前到達，因為每人大約坐1小時，如果等位，起碼要等半小時以上。7點已經見門外有人排隊了。2人餐，份量都幾多，食完啲衫褲一身油煙味。以2人餐來講，都算價錢合理可接受既。酥皮湯，有少少咸，但真係好好飲。…Read More

今晚，特登睇完食評後過來這間店舖吃的。地方都幾入，2樓很多大排檔，很熱鬧，全場滿座。這間店舖，要再上多一層樓梯先會見到。沿住走廊行，兩邊都有少許人食大排檔野。啲人以男性為主，食煙，飲酒，傾計。其實令我感覺地方有點雜。如果女仔來的話，最好唔好單獨來會好啲。嚟到泰好味店，一個顧客都無，但其他大排檔就坐滿人。其實我有點衝動想離開，因為見食評講到此店鬼死咁好，所以特登來惠顧。但覺得嚟到後，有點後悔，如果係好食既話，點解一個人都無? 但其他大排檔就坐滿人。最後硬住頭皮，照坐底，食1次啦。2個人，7點幾嚟到，叫左馬拉盞炒通菜 $48，燒雞$68，泰式炒飯$40。我地等左20分鐘先開始上菜 (但全場只有我們2個顧客而已)，通菜都有點油，味道都可以接受既。泰式炒飯，炒得都幾爽，味道可以接受，唔油。到燒雞了，係咪真係咁好食呢？熱食都ok 既，有點燶，但你話係咪真係好似啲評語咁讚到咁好食呢?我又唔覺得特別好食，但又唔算難食囉。店內環境有點亂，鞋四處擺，感覺唔太衛生，而且有點殘舊，坐得唔太舒服，沒有冷氣。雖然老闆係泰國人，懂廣東話，但真心講，食物味道可以接受，但並不是評語所講咁好食囉。埋單時，我明明計到係 $156，但老闆娘話$158。算啦，收多左2元，當作貼士啦。如果咁既價錢，可以有很多選擇。應該下次唔會再來，我覺得屯門嗰間小曼谷好食啲，價錢都唔貴，又有冷氣。…Read More

今晚來了這間餐廳，見門口餐牌免收加一。餐廳內客人唔多，有電視睇，整體環境似西式餐廳格局。職員似大陸人或婦人招待，感覺同餐廳格格不入。2個職員都帶點大陸口音和說話有點粗魯，有點失去西式餐廳格局職員應有既儀態。2個職員的招待令我覺得似港式茶餐廳的感覺。叫左一個焗飯晚餐和一個美式什扒。紅湯可以接受，有點稀。白湯又淡又稀，味道一般。焗飯可以接受，麵包如果係熱既話，應該會好食啲。美式什扒係最大驚喜，$75，好大份量包括有煎蛋，腸仔，豬扒，雞扒，火腿，薯仔。其中豬扒和雞扒好大件。跟餐有湯，包和熱飲。食野途中，發現原來2個職員都好落力招呼客人，有耐性和細心，也有禮貌。仲有1個男職員，後生少少。佢地關係融洽，感覺似一個大家庭的感覺。令我覺得，不能以貌取人，佢地既招呼，好過很多年青人，一般西式餐廳的招待，職員多是無耐性或態度麻麻。但這一間卻是充滿人情味，啲職員同客人好似識左好耐咁，職員熱情招待，令我原本有啲覺得2個職員很儀態失禮，卻在另一方面發現原來佢地做野係有heart 工作的，敬業精神。…Read More

這一間餐廳，日日都咁多人，如果唔想等位，最好6時或之前來到會好啲。這間餐廳，比起其他泰國餐廳平少少，不會坐位會有點逼。食物味道方面好食，特別係冬蔭公湯，好足料，味道都唔錯。個菜都好好食，生菜肉碎有很多肥肉和油膩蝦醬炒飯好食蝦餅，熱辣辣，好好食椰青以為好大和好多汁，其實得好少。無得訂位，很多人企左門口等。2個人，埋單二百幾…Read More

這間餐廳，每次都很多人光顧。這晚叫左一個2人自選餐，加$30有湯，飲品和沙律，合共$158 +$30=$188這間餐廳，自助攞野，食物貴少少。又不似高級餐廳，無門口，比人望住晒食咩，超唔鐘意，因為啲行人會喺你身邊行過食物方面，不過不失啦。不是太好食，也不算難食既。不過個湯好唔掂，又細碗 (無影相)沙律都普通，好似無醬咁，當菜食一樣，又細碗 (無影相)食物賣相係靚既，但肉類無味。環境唔好，因為開放式，啲人會企定定企左你隔離等位，感覺好似被人吹趕咁，唔坐得耐，要快食，很多人會周圍望下邊張枱就快食完，之後就不斷望住你，撩緊牙都要望住晒，咁唯有唔撩囉，因為全家大細望住你，你話有咩感覺？即刻要走人，好似大×樂既情況咁無諗過用自己個樣做店舖招牌，好似包裝好靚和走高檔路線咁，其實係門面野咁，內外不一，試一次便夠了。…Read More

由於寫完上半部份，相片未能全部登出，，現在係下半部份，將剩餘部份照片登出，美食咁多，登唔晒，但見到都開心今次用了信和之友優惠，買到送一。原價$578，另外要比加一服務費。酒店上有酒吧，歌手唱到9時就會上酒吧度繼續唱，真係食得很飽。雪糕不斷供應，有很多種味道可選擇，可惜眼闊肚窄，無諗過這間酒店會咁爆場的，好熱鬧呀。…Read More

今晚食左一餐豐富的自助晚餐。本來以為主題係日，韓，台美食自助晚餐無咩野食，但見到食評講既野，又好似有好多野食咁，今晚終於試到了。由於遲訂位，所以差不多全場滿座，要坐室外座位。天氣有點凍，心諗，坐室外一定好慘啦，點知，又唔係想像中差喎，反而坐室外，可以感受到燒烤氣氛和歌手唱歌，隔離仲有個暖爐㖭，所以唔覺得好凍6:30開始有得食了，真係有很多野食。食長腳蟹先，又有扇貝和凍蝦。有壽司，肥美三文魚和超大巨形帶子，好鮮美呀自己食喎到咁多，因為實在有太多野食了，我要留肚吃其他美食呢。哇，好大隻虎蝦呀，熟食喺燒烤場度攞的，我食左很多隻呀。燒烤場帶很多美食，包括有燒豬，燒魷魚，菜，燒雞奕，燒牛扒，羊扒，海鮮湯 (好足料，材料有大蝦，魷魚，貝殼類海鮮)，窩夫，燕窩雞粥，燒波羅，天婦羅等等，有啲唔記得左了汽水和熱飲任飲，另外本身付每人可以免費order 一杯飲品㖭。熟食種類也很多，數唔晒，我也沒有食太多熟食，因為我主要食燒傷場既野食都已經夠豐富了。室內美食也很多，有韓式炸雞，薯角，豬頸肉，凍螺肉，長腳蟹，扇貝，菜沙律，朱古力噴泉，朱古力，火腿，仲有好多。湯好飲有2款，中湯和忌廉湯甜品種類也很多，幾十款，食唔晒咁多隻㖭雪糕有很多呀，H和M牌子的雪糕，H也有雪條㖭。生果種類都多，有西瓜，蜜瓜，哈蜜瓜，火龍果，燈，士多啤梨，波羅等等。我食到咁上下，已經很飽了，食密很滿足地離開。好彩今次有信和之友優惠，買一送一，今晚正價係$578和要另外加一服務費。今晚全場滿座，歌手有一男一女，主要唱英文兩為主，只聽到一首國語歌，佢地唱得幾好聽，令現場氣氛很好。其實這間酒店既職員都幾快手，職員也很多，以同類酒店來說，這間酒店人手都幾多，單單以燒烤場人數， 都起碼有10個人了，看得出這間酒店很用心，又有歌手唱歌。如果住屯門會比較方便啲，因為這間酒店位置都幾入，住九龍來食的話，可能會覺得遠。如果揸車的話，可以免費泊車，埋單時職員會問你了，真係太好了，又可慳返泊車錢。仲有很多美食, 未能登出…Read More

今日大約十一時去左這間點心友買外賣"糯米雞", 以前這一間店舖開張時,免茶芥和免加一的, 可能生意太好了, 開始收茶芥3元一位, 新開張時, 我覺得"糯米雞"很好吃, 包都好好食, 但可能生意太好了, 食物開始慢慢加價, :( 今日買"糯米雞"外賣, 職員態度麻麻,  首先食物又加左價了,之前"糯米雞"係 $20,現在係$21, 外面下緊雨, 客人也不算多, 職員要求我企出店舖外等候, 不准企入裡面等, 外面落緊雨, 我沒有帶雨傘都要我企出外面等, 唔通我比錢你賺, 仲要我淋雨? 好現實啫 "糯米雞"以前好好食的, 會很軟身和水份充足, 熱辣辣, 用料充足,今日我買的"糯米雞", :( 不但乾身, 而且水份不充足, 只係暖身的, 最大問題係那粒臘腸係一粒肥肉 (大家要小心呀, 食左落肚的話, 只係食肥肉)我覺得這間店舖自從生意越做越好後, 食物質素便下降了, 服務態度都差左, 食物開始加價,又開始收茶芥錢, 以利益為先, :( 以下是我之前堂食的經歷:( :以前不用人齊都可以入座, 現在未人齊, 不准你進入,當你的食物到齊和食完後, 茶都未飲完, 職員便會立刻替你收拾碗筷, 好似想嗺促你快些離開咁, 有一次職員竟然話, "你地啲野來齊了?" 我答"來齊了", 原來佢地話 "既然來齊了, 外面有人等位,我地想要你張枱" 我心諗 : 有無搞錯呀, 我仲撩緊牙, 而且茶都未飲完, 洗唔洗快成咁呀!唔通一停筷子, 就要立刻走咩 ! 唔係咁做生意呀 ! , 由於職員齊心, 佢地本著賺錢為先, 眾人的目光都注射在我地的枱上, 因此我地只好急急腳埋單走人 我的建議 :如果大家想飲茶, 可以到附近的 "功夫點心" , :) "羊城酒樓" 和 "稻香酒樓",  職員服務態度一定好過 "點心友",而且"羊城酒樓"的蝦蛟" 堂食又大粒, 又便宜, 4粒大大粒都係$11.8咋, 仲有特價點心o添 (9:30am前),職員不會好似"點心友"咁趕客走人的, 而且一大壺茶, 不會好似 "點心友" 咁, :( 用茶包, 只有兩種茶包選擇,仲要每飲一小杯茶, 都要職員走過來倒, 先有得飲, 環境座位擠迫, 牙籤要問先會比你o架, (點心友為慳成本, 什麼都算都盡),既然 "點心友" 生意咁好, 都不會志在有無客人幫襯啦,除非佢生意唔好, 先會對客人友善的,…Read More

份量少,感覺價錢和食物份量不成正比:(今晚6:45 pm 和朋友二人到這裡吃晚餐, 餐牌上的圖片相當吸引, 價錢好似都好合理咁:(我們點了五樣野其實得半碗份量, 豬柳都算厚身的, 但個飯和豬柳都有點濕這個相對其他, 都算OK的:)這個烏冬不好吃, 湯沒有味道, 烏冬唔淋, 牛肉淡而無味, 超細碗, 只得細半碗這一個串燒有點呃人的, 只得兩隻細雞亦, 一串豬肉, 不值$38, 少到飛起豬肉淡而無味, 雞亦只有少少味而已:(這個海鮮火煱, 細到飛起, 材料少, 我覺得大家樂的火煱好食好多和份量充足,這個海鮮火煱, 沒有烏冬跟的, 要另外比$22先有, 超貴,湯用鹽水而已, 無味, 材料全部迷你版,煮完後, 縮到這樣老實講, 如果女仔食飯和烏冬, 都緊緊夠的, 男仔一定唔夠飽,全部份量都非常少, 唔好食, 完全無味, 但唔知點解都有很多人來吃的, 可能相片賣相吸引啦全部埋單連加一 $198我下次不會再來了, 因為份量少和唔好食:(…Read More

:(今次第一次來吃, 因為見到openrice有$100 coupon我7:40pm到達後拿飛, 哇, 竟然要等第67個位先到我, 我心諗, 無所謂啦, 反正自己係食9:30pm的, 拿完飛後可以行一陣先再返來, 行完半小時後回來, 我便問職員究竟我張openrice $100 coupon是否可以用, 佢話可以, 但要另外排過另一條隊, 吓 ! 有無攪錯呀, 無任何指示, 竟然話要另外排過另一條隊 ?!好彩, 另外一條隊無咁多人, 因為佢地都係食所謂特價時段, 我問職員是否食滿$300便可以減低100, 佢話係, 不過要9:30pm入座計, 食用時間為1小時30分我問, 如果我叫2個$128火鍋, 另外加工$18火鍋湯底, 可以用到$100 coupon嗎?佢話可以, 因為合共$301.4, 可以用到$100 coupon我問, 我現在排這條特價時段隊, 是否無$100 coupon在手上都可以用到優惠o架?佢話無$100 coupon在手上, 會收正價, 咁我又問, 既然係咁, 點解這條隊是叫特價時段隊呢?佢話這條隊係指可以用到優惠的隊, 如果你手上無$100 coupon, 照收正價 吓, 咁我見有一半人排這條特價時段隊, 他們手上無$100 coupon, 佢地排這條隊都係收正價錢的,咁咪好按居?(但我相信很多人以為排這條隊以為有特價, 所以先排)我等到8:45pm, 職員開始派飛, 等到9:40pm,正價時段的人入晒去食野, 先輪到我地這條隊可以入,我係第一個號碼, 但職員竟然話, 手上無$100 coupon可以優先入去食先吓 ? 咁都得, 咁我拿飛來做什麼? 因為佢地無$100 coupon要收正價, 所以優先?我見有一半人如夢初醒, 以為自己排緊條隊係有優惠的, ,原來係無, 但可能佢地都排左一段時間了, 所以都無奈照入去食啦:(終於收正價錢的人入晒去了(即係手上無coupon的), 輪到我入去了, 職員問我要那一個價錢火鍋, 我話要$128,點知佢話如果我叫2個$128火鍋, 另外加工$18火鍋湯底, 未計加一前, 未過$300, 用唔到$100 coupon的,我話, 唔係喎, 頭先妳地個職員話可以喎, 之後佢就同另一個職員講, 係未計加一前要滿$300先得,我心諗, 張$100 coupon寫明消費滿$300便可以用, 而家妳地竟然同我講係未計加一前的消費 ?但我心諗, 我埋單係$301.4, 但比妳地話唔過$300? 真過份呢 ! 有點誤導人!我於是無奈揀了2個$158 的火鍋啦 !入到去, 我等左成15分鐘先有湯底, 無端端無左15分鐘時間, 食到一半, 要食晒枱面的肉先可以叫牛肉,咁好啦, 我再叫一碟牛肉和豬肉(即係豚肉), 那個職員好似唔想咁, 我心諗, 兩個人吃$158的火鍋價錢, 叫多一碟牛肉和豬肉有什麼問題先 ?我覺得那些丸不是太吸引, 好普通, 因為不是人手打造的, 所以我沒有吃過丸類.菜類都幾多款和新鮮的, 甜品類只有乳酪雪糕和雲呢拿雪糕, 自己可以加其它的配料, 汽水任飲, 不過沒有果汁,醬油都有幾款, 不過可惜沒有辣醬 牛肉和豬肉都幾好吃, 不會太多肥肉和新鮮, 賣相都可以, 不過這次食得好趕時間, 而且無酒樓提供的海鮮, 例如蝦,蠔和糖水等等, 感覺上好似來這裡吃只為吃牛肉和豬肉而己, 經過這一次的經歷, 我決定不會再來, 這裡的賣點係牛肉和豬肉, 但我覺得我去酒樓食會開心些和酒樓種類會多一些,只係酒樓無咁靚的牛肉和豬肉吃而已 !:(…Read More