Small_NG's Profile

在第1次光顧的時候，食物、服務、整體感覺都十分良好，所以在埋單時就直接再預約了今天的晚餐。可是，今晚在燒肉網邊居然發現上一枱食客遺漏的小肉塊，通知女侍應來處理，結果是在我們面前，夾起燒肉網，直接把小肉塊扔在火爐裡，然後放回「原來」的燒肉網。女侍應沒有意識到需要更換「新的」燒肉網給客人，除此之外，還有其他的服務都是很一般般，足以影響到我們一行人的用餐心情，希望服務水平可以有所改善，不要浪費一間餐廳的苦心經營。…Read More

雖然餐牌有寫明免收加一既原因，咁我寧願你收返加一，俾返基本既服務態度俾客人，成餐晏，貼錢買難受。1. 一坐底，咩都冇，所以問職員係咪QR code落單？職員答：轉頭。結果一個轉頭之後，就「啪」一聲，就將呢個QR code連本簿皮扔係張枱到，我都真係當堂呆左。2. 見到做會員有優惠，所以download app，但發現收唔到確認sms登記做會員，問其中一位男職員，佢就舉起隻手示意「等等」，然後就冇左下文；再問另一位女職員，問黎問去先知道原來佢地系統有問題，所以發唔到sms俾人登記做會員。最後，成個場d職員都好冷淡，態度又差。其實佢地個車仔麵唔係特別好食，但如果要受氣既話，我就寧願唔食。…Read More

路過見到新開張，俾門口d裝修吸引左，雖然係試業中，但整體食物質素不錯，特別係「炭燒牛板腱」值得推介，而且價錢合理。情人節當天，餐廳贈送「美女與野獸」特飲一杯，期待下一次約朋友再黎。…Read More

$388，二人火鍋餐，外賣自取再9折。呢個價錢，真係抵食，CP值高！湯底，揀左「粟米忌廉卜卜蜆湯」，居然有意外驚喜，係花甲呀！！！ 唔係用普通蜆。配料芫荽蔥，都俾好足量。仲要送埋加湯，唔使加滾水溝淡個湯底。2人餐，份量剛剛好。咩都有d，咩都食d。水餃好好食，特別係鳳城水餃，隻蝦新鮮仲識旭，唯獨牛小排就少左d，菜有2款2大盒，整體黎講2人份已經好夠食！勝在款式選擇多。另外，仲有2個烏冬，同埋2罐汽水。…Read More

每道菜都煮得好好味，火喉剛剛好，很適合一家人來吃飯。傳統的茶記，在馬灣經營已經很多年，家庭式經營，對客人態度都非常親切。與一般集團式經營的食肆不一樣，支持小本經營。…Read More

$398 二人套餐，呢個價錢成枱都係餸，係抵食既，3前菜+酸菜魚+3小菜+甜品。首先講返「酸菜魚」，突登為食酸菜魚而黎，加上坊間宣傳又話好好食，結果係有d失望，叫左bb辣，辣度ok，但酸味唔夠，食唔到酸既味道，成碟魚份量好夠，唯一唔夠既係味道。…Read More

平時係街，是是旦旦食一個蒸氣火鍋，基本上都係按人頭收費，普普通通價錢大約每位都要$3-400左右。呢一間，有海鮮套餐既選擇($498/4人餐)，如果唔揀海鮮套餐，另外仲可以散叫食物，選擇比較彈性。蟲草雞($128/半隻)無骨！超滑！好食！必食推介！另外，侍應姐姐服務好好，幫埋你蒸野/分菜，見你落手拆蟹，等你食完之後，會主動遞上濕紙巾。當日book唔到心儀既蒸汽火鍋店，唯有求其係尖沙咀區搵到呢間，見到openrice d食評同餐牌都N年前咁制，心入面都打左個底先去食，但估唔到竟然有意外驚喜～。…Read More

1. 中拖羅，唔新鮮，魚肉身中間呈瘀黑色，我自己都未見過咁黑既拖羅，一擺上枱已經成頭問號。個個都話：下...隻色咁既。師父見到咁既色，就唔應該擺上枱俾人食。2. 海膽，唔新鮮，擺左入口都唔知係咩野，一吞入喉嚨，但心知....嗱野。呢間店，我地以前好常去，因為有質素都好食，但可能疫情冇咩客流，d貨唔新鮮，本抱住包容心態，但返到屋企就開始肚柯，所以忍唔住要打呢篇食評。其實昨晚已經同職員表示魚生唔新鮮，但職員就敷敷衍衍話會同師父講聲，就無下文了。3. 叫清酒煮蜆，無貨；叫炸雞軟骨，無貨。呢2款食物最普通，都可以無貨。D野唔新鮮，想食既又冇得食，所以決定即刻埋單走人，真係令人好失望既一餐，永遠都唔會再幫襯。…Read More

士多啤梨冰：好食！冰感好綿...好食過台灣夜市d綿花冰。奶茶白玉冰：味道略苦，但可以接受。但下次再食，首選仍然是士多啤梨冰。排隊時，已問定食咩，一坐底，冰就到，一碗份量足夠2人食。…Read More

1. 如果很喜歡吃蝦，可以去，因為可以任食。不要期待其他食品質素，熟食冇驚喜，炸物冇驚喜，雪糕冇驚喜，簡單黎講，望到都冇興趣食。2. 缺點：可能係我book左2:30pm既關係，係尾場：味架，長期冇牛油，冇人識得refill；關東煮只得碎蘿蔔，鍋入面冇其他食物，都係冇人識得refill；座位與座位之間都排得好迫。3. 優點：海鮮有提供蜆，螺，扇貝，唯有燒住d海鮮先，另送鮑魚+帶子，不似和牛的和牛。…Read More

上星期路過想吃，但實際太多人排隊。今個星期再去，排了差不多半小時。1. 你妳珍珠魯肉飯，原來以為很特別，結果是肉鬆，蛋，鹹珍珠送飯，沒有到很難吃，但有點失望，鹹珍珠只能當點綴，不能當主菜，如果可以加多一點點魯肉會比較好。2. 肉鬆芋泥、仙草3號，可以接受，不過不失。3. 百香果綠茶，淡味，要$29。寧願去買老虎堂。總體評分不是很差，但的確沒有台灣味，也沒有到很好吃的地步。我不會再去吃第2次，比較會選擇路德圍其他的台灣小店。…Read More