Isana Kushiro

1. 中拖羅，唔新鮮，魚肉身中間呈瘀黑色，我自己都未見過咁黑既拖羅，一擺上枱已經成頭問號。個個都話：下...隻色咁既。師父見到咁既色，就唔應該擺上枱俾人食。

2. 海膽，唔新鮮，擺左入口都唔知係咩野，一吞入喉嚨，但心知....嗱野。

呢間店，我地以前好常去，因為有質素都好食，但可能疫情冇咩客流，d貨唔新鮮，本抱住包容心態，但返到屋企就開始肚柯，所以忍唔住要打呢篇食評。

其實昨晚已經同職員表示魚生唔新鮮，但職員就敷敷衍衍話會同師父講聲，就無下文了。

3. 叫清酒煮蜆，無貨；叫炸雞軟骨，無貨。呢2款食物最普通，都可以無貨。

D野唔新鮮，想食既又冇得食，所以決定即刻埋單走人，真係令人好失望既一餐，永遠都唔會再幫襯。