甜味貓's Profile

話說友人A最近搬左去何文田～ 大大力同我講呢間新冰室好好食（培正小學斜對面，香港九龍維景酒店隔離）～ 話間嘢開業一個禮拜，佢就食左兩晚～ 要叫埋我同友人B 過去陪佢食第三晚..一入去就發現間茶餐廳裝飾有別於一般茶記冰室，有小盆栽、書、帆船、saxophone 等等做裝飾，感覺好Modern ~ 顛覆左傳統茶記冰室既老舊死板，感覺似一間cafe 仔多啲，唔知老闆係唔係後生仔呢～話說回來～講返味道先！睇吓有乜野神仙味道，令友人A一星期要食足三晚咁誇張。..麻辣薯仔雞煲 （我叫加辣版）- 惹味之選，配飯一流！😋😋😋😋😋一上枱香味撲鼻，內有薑片、洋蔥、蒜頭、蔥、辣椒，三色椒等佐料。件件雞都掛上醬汁， 不多不少，味道足，唔味精，無死咸，微辣，每件雞件都嫩滑濃香，香辣惹味，同白飯絕對係絕配。由於個小菜名叫麻辣雞，我就就覺得麻味差咁啲喇，呢到會扣少少分。其他我都比5分！但整體味道確係一流！順帶一提，我來身係食譚仔大辣/勁辣，所以加辣對我黎講都係BB辣。如果你食開譚仔3-10小辣，呢款都食得到。 ..豬油渣炒芥蘭 - 坊間少有，必食古早味！😋😋😋😋😋識食一定係食豬油渣！豬油渣，簡直係係人間罕見的美食之一。 入口輕輕一咬，小小一舊豬油像噴泉一樣，油脂芳香係口腔內湧出，果種獨特嘅的酥油香，簡直令本來平平無奇嘅芥蘭味道多左層次，呢種絕對可以話港色古早味丫！ 連本身唔鍾意食菜既我都食多兩舊，扒多啖飯！..鐵板蒜蒜汁羊架😋😋😋😋鐵板羊架揀左配焗薯，好過食薯條油淋淋、淋吱吱，焗薯成件事健康好食好多，再者成舊薯仔，睇得出用料講究實在，真係落足本！講返舊羊先～成兜多爆蒜蓉嘅蒜蓉汁倒落鐵板時滋滋聲，香味四溢。舊羊肉既肉質無得輸～ 咬落唔係死淋，成件事係有口感，中間肉質做到保持軟腍有彈性之餘富羊味，juicy 多汁，完全無鬆肉粉果啲入口霉爛既一Pat Pat口感，真係無諗過茶餐廳可以食到咁高質嘅羊架既！抵讚..避風塘炸茄子 - 啤酒好拍檔😋😋😋😋食炸茄子，我個人最怕就係成口油，所以我好少揀茄子黎食。不過友人A話好好食，唔油夠惹味，叫我比次機會茄子喎～果然入口唔油淋淋，唔會有芒喉感覺，茄子本身軟糯，配外層裹上薄粉漿，酥脆香口，做到外脆內軟再加埋避風塘啲炸蒜的香脆，多種滋味在脷尖上層層綻放，即刻order杯啤酒，一口避風塘茄子一口啤酒～正正子 唔怕卡路里嘅～值得一戰啦！..整體黎講：以前我係土瓜灣住，何文田讀書，我就真係成日食茶餐廳冰室喇！試過好多間～ 我個人覺得，力天冰室暫時係我食過同區最高質、最有heart 嘅Modern 茶餐廳冰室～ 希望佢哋可以keep住開業初期嘅優質味道，甚至係味道更上一層樓！ 畢竟keep住品質味道都真係唔容易！ 加油支持小店Btw 呢次唯一要彈一彈嘅係～小菜選擇確係少，只有12款，希望以後會多啲選擇啦！…Read More

新年前後，無論公事、私事都特別忙，難得抽到時間，決定搵朋友食個靚飯！朋友話佢唔想去咁遠，於是揀左佢屋企附近既七福神！位於彌敦酒店附近，就彌敦道位置，好易搵！有圖有真相，每款魚生都非常高質，魚生顏色有光澤！特別推薦三文魚及油甘魚，三文魚油脂紋理平均，入口質感細嫩，味鮮！至於油甘魚口感豐潤帶微爽，香甜細膩，值得一食！我同朋友都極鍾意食海膽，所以見餐牌有，就真係忍唔住咁點喇！海膽瓣塊唔算大片，顆粒不算明顯，不過色澤黎講就統一～ 帶微光澤。口感還算不錯，帶少少creamy，淡度較淡口，價錢唔貴，可以一試。 味噌甲羅燒，餐牌見到都係會令人發光會去點既～ 不過呢個甲羅燒就要由鋪頭燒，唔係DIY 既～ 呢到就有少少失望喇！不過，好彩上台，仲係滾燙架！都似自己即燒即食既感覺既～蟹蓋內見到面頭有蟹子，撥開就會見到蟹膏、蟹肉～質感係濃稠成糊狀，食時夾埋飯同紫菜一齊食，味道都討喜丫！芝士黃金豆腐，入口唔算油膩，豆腐外表未有很脆，但裏面軟而水嫩，芝士味濃。不過始終無脆皮，係美中不足～50蚊一杯，絕對唔貴！就算就咁飲啤酒，放工、吹水都值得一去啦！…Read More

最近半年，到處飛。好耐無靜靜咁留係香港食一餐好飯，所以大家都好耐無見我寫食評喇～ 唔知大家有無掛住我呢～ 哈哈～ Anyway 今晚做完野已經九點幾，係時候要醫醫肚～於是我搵埋朋友仔落銅鑼灣覓食～ 一到冬天，我就好掛住打邊爐喇！ 而難得留係香港，就一定唔可以hea食啦～呢次就搵左 bodyshop 對面，京都廣場 入面既「漁火 海鮮刺身火鍋」試下～ 一入梗係拿拿臨搵個卡位坐，揀個靚湯底先！一向揀飲揀食既我，即刻瞄到個活血祛寒祛風既天麻白芷魚頭湯！而家既天氣飲，簡直係一流！必選*1000個天麻白芷魚頭湯，一上臺，我同我朋友都嘩左一聲～ 真係好大煲！ 而且重重重點係好足料丫！ 唔信？睇相啦！有圖有真相丫嘛！ 除左有祛風散寒既白芷之外，亦足料既天麻幫助改善血氣，加入紅棗補血，以及桂圓的滋潤，足見直材實材！168蚊既湯底，有人煮埋比你，抵到爛！睇到呢度，係時候講下味道如何喇！天麻出名有一陣獨有味道，正好同魚腥味互相制衡，達癖腥之餘，更激發出奶白色魚湯既濃郁鮮甜，一碗像落口，暖在心頭，鮮味在口中低留打滾。去待應叔叔就準備好九宮格調味料喇！開始混醬喇！我係醬怪，朋友都見慣不怪了！有個咁正既湯，梗係唔可以浪費湯既精華啦！一定要叫野生竹笙啦！ 野生同人工培植既好唔同，人工培植係滑潺潺，淋PatPat~ 呢到用既係堅野生竹笙，食落口係爽口架，絕對係打邊爐佳品！個人覺得與野生竹笙一樣係盡吸湯汁精華 ，與山根、響鈐、枝竹有異曲同工之效， 但就比呢堆炸物健康、天然得多！個人必食推薦！美國桶蠔，size 絕對巨無霸！ 有我三隻手指粗，粗過隻湯匙！蠔肉鮮嫩無比， 入口非常juicy 肥美，咬落去有蠔既甘香，帶嚼勁，鮮美爆汁！如果你係蠔痴，絕對不可以錯過，因為真係令你食完一粒又一粒，返唔到轉頭架！冬天絕對係食羊既最好季節，而蒙古羊亦都係首選，全因為羊有羊味！個人覺得肥瘦適中， 羊脂能確保羊的鮮香，同時亦保持肉質細軟！ 而呢度用既蒙古羊肉絕對有一定厚度，真材實料，所以食落去係入口充實，多汁，肉質帶有嚼勁，唔似出面薄如紙既羊肉卷，好似食左陣風咁！ 食落口實實在在，啖啖肉！我鍾意！ 講到呢度，你或會覺得好浮誇，但呢餐飯能令本小姐風塵半年都要特登開筆寫，味道絕對唔係流架！ anyway , 佢地9:15後有8折，絕對值得一食！…Read More

最近周圍走， 呢兩個月根本無時間坐定定咁食餐飯，所以真係好耐無寫食評喇！難得今次終於有時間同朋友見個面，食餐好，我決定試試新野。唔講唔知，尖沙咀間太子鐘錶隔離係有野食既～ 由入大廈一刻都覺得好Grand~ Lift一打開，woohoo~ 型格設計眼前一亮，餐廳老闆估計對生活有一定要求，有品味既人！ 令我更加期待食物質素。最先上台既係意粉界經典之一蕃茄意粉，醬汁用上蕃茄、茄膏等烹煮製成。當中，蕃茄亦會煮成蓉，令醬汁的茄味更鮮、更濃郁。另外，廚師亦加入羅勒葉碎，令軟硬適中既意大利粉吃起來有更香，味道更豐富。海鮮墨魚汁意大利飯一上台，已經見到海鮮非常之多，帶子、元貝、魷魚、虎蝦，賣相吸引！墨魚汁帶著淡淡海水味，味鮮不腥，混合煙韌的意大利飯吃起來creamy 細膩。另外加上鮮甜的帶子、元貝等海鮮同吃，啖啖滋味！虎蝦亦斤兩十足，肉質亦爽彈，鮮蝦味濃，水準相當不俗！黎到壓軸重頭戲喇！極級巨型既Ribs! 呢塊Ribs 真係好味到不得了！係我同我美國朋友係香港暫時食過最正中、最好味既Ribs! 平時係香港食到既Ribs，不是煮到「如湯渣肉霉爛」就係「肉癡骨」。呢度既Ribs 輕輕一拉就骨肉分離，可見廚師既烹調技巧非常高。 Ribs 亦非常入味，入口Juicy ，鬆軟細膩，吃落去係有口感架，仲有一種入口即融的感覺，真係好食到不得了，停不了口的味美！個人覺得，豬仔骨已經好夠味，旁邊的大配角，BBQ醬一下只成為擺設喇！Apple crumble, 上台時，乾冰的煙絕對厄Like. 與熱辣辣既Apple Crumble 形成強烈對比。食Crumble必須要趁熱食，仲要同冰淇淋一起享用，蘋果既甜甜酸酸與自家制既香濃雲尼拿雪糕同吃，恰到好處，加上冷熱溫度既對比，層次分明，是一種享受。另外，撻皮非常香酥帶脆，牛油味極重，好好食！ 一道既有樣，又有味道既甜品！個人覺得，以環境、味道700蚊左右價錢食到3個主菜，1個甜品，係好抵；）…Read More

同舊同事講起想當年嗻係中環返工。。。當我地一唔傾一路講，傾到好慶起之際，決定坐言起行，去中環食個dinner 懷免一下過去～今晚挑選左Springfield 為今晚與舊同事既敍腳地。一直都喜歡吃南瓜及蕃茄，所以是日餐湯完全是我的菜，一款令我一喝愛上的純素濃湯，非常適合炎炎夏日的湯。既然是濃湯，質感自然較濃稠，南瓜打成泥茸，能吃到南瓜的踏實，卻有蕃茄酸酸甜甜，著實開胃。炸物是我點餐時的常客，前菜時炸魷魚，即炸熱騰騰，眼見吸油戀已知廚師手勢一級拌，油份不多，吃下去非常乾爽沒油膩感。重點是炸得外脆內嫩、肉質q彈！來到今晚兩款主菜，薯仔法式蕎麥餅，餅皮顏色呈深啡色，薄身軟糯，餡料是薯仔粒及洋蔥粒，薯仔加了洋葱口感相對地會豐富一點，味道還算不錯。這個羊奶芝士意粉好好吃！利申：我是芝士控！無論藍芝士、羊奶芝士對我來說也是上品。哈哈～ 這個羊奶芝士聞起來沒有太大的味道，我覺得人人都能接受，吃起來卻是奶味濃郁，有點點羶香，掛在軟硬適中的意粉上，令人一口接一口！來到甜品crepe，相對剛剛的咸食，我較喜歡甜食，朱古力醬用上Nutella 榛果醬，榛果味醬而不膩，不算太肥膩，加上香脆杏仁片、軟糯煙韌的餅皮和細滑忌廉，味道及口感得到完美的平衡。…Read More

要知道一間餐廳係唔係「真」好食，一定要食兩次。如果第二次用餐都大叫好食，先叫「真」好食。今晚我就帶友人W，去食我之前食過，覺得好食嘅灣仔Odelice。事隔數月，再次光顧，睇下食物水準係唔係真係Keep 到啦～ 對上一次食係4月尾左右時間，今次黎佢地生意一樣咁好，一台接一台，成晚無停手。至於個餐牌，有輕微變動，但signature 款式不變。好喇～言歸正傳，講番食物先～第一道菜係生薑檸檬吞拿魚作前菜。吞拿魚經輕煎，令魚吃起來外帶微脆，內帶軟糯。面頭會有黑椒包住吞拿魚，食起黎會有一粒粒的有質感，味道有點點黑胡椒香，但不辣不嗆喉。加上檸檬的清新酸味，有既提鮮效果，令吞拿魚味道變得更加鮮甜和諧。但老實說，生薑味就食唔出喇，我估計生薑係用黎辟腥，並非為主要調味料，所以至會唔係好食得出。Anyway，作為前菜，味道相當推薦！如果有睇過我之前果篇食評，會見到我上一次狂食甜Crepe ，今次我就決定棄甜取咸，試下佢地既咸Crepe喇～ Crepe 同Galette 有啲唔同，Galette 用蕎麥麵粉+10%麥粉，再以雞蛋和水混合攪拌製作而成。相反，Crepe 係用牛奶去開麵漿架。正常黎講，Galette 嘅配料越簡單越好，因為咁樣至可以食得出餅皮嘅麥香。今次點嘅係Parma Ham Galette，一眼就可以見到深褐色蕎麥餅皮上圍滿Parma Ham，更加上蔬菜、蕃茄、mozzarella 芝士及流心蛋做搭配，材料一眼睇曬，簡單唔複雜。外邊酥脆，內裡煙韌嘅薄餅皮包著爽脆嘅蔬菜及清甜嘅蕃茄，中和咗咸香嘅Parma Ham及芝士。不過，正如我前言，食Galette係為左食佢嘅麥味，所以佢用既Parma Ham 無咁濃味架！亦因為咁，放到口裡满溢着蕎麥味道的薄脆與Parma Ham嘅少咸香一齊食會有一種妙不可言，再佐以流心蛋醬，味覺豐富而平衡。不過，如果你問我，會推薦食咸定食甜，作為嗜甜者嘅我，我會覺得Crepe 味勝一疇。這個黑毛豬肉係無敵好食！成餐飯最好食既正道菜！出面成日都會食到所謂既黑毛豬肉，但食落口就唔見有啲乜野大驚喜，會覺得同普通豬無分別！但呢一款黑毛豬堅係好有驚喜，食得出黑毛豬肉有一家嘅質素，呢塊豬肉外層係脆口既，入面亦超級Juicy，油脂分佈好平均，食落係堅彈牙，食落口一啲都無半點鞋口或韌或有根！口感絕對甘腴豐香，肉質細緻，爽而嫩滑，味道亦非常濃郁，真係真正的「豬有靚豬味」。以紅酒燒汁作底，有輕輕的葡萄香，能帶出鮮甜肉香，醬汁香濃，絕對一流！真的必必必食！鵝肝就食得多喇～今次就試一下鴨肝啦～鴨肝口感上比鵝肝實啲啲，但口感同樣都係柔軟綿密，但會比味濃。呢個菜既主角唔使講都知係鴨肝，入口滑順即溶，油脂極高，鴨肝嘅香味充斥住整個口腔，食得出鮮美無雜味。但由於鴨肝係油脂極重、意粉亦伴有油，以香港人口味黎講，單食呢道菜會有啲油，所以我極建議點杯紅酒作為搭配，以葡萄中和當中嘅油膩感。不然，會太飽滯，食唔落甜品喇！好喇～ 黎到我每次食飯都最期待既環節，食～甜～品～Tiramisu，自家制Tiramisu，咖啡味香濃朴鼻，奶味則未算太濃，口感細滑綿密，入口即化且不油膩不死甜，全因咖啡味既中和，與餡料非常地對味，令人食落去每一啖都係幸福。小Tips：話說我一坐低，我就同友人講，我好想食飄浮之島丫～點知～因為我前面食左太耐，食到人地差不多收工，當想點飄浮之島時，已經賣曬喇～所以如果你想食受歡迎甜品，記住落主菜時順便落埋甜品喇！食後感：食咗兩次，基本上都食左佢地大約十樣既菜式。整體黎講，食物水準overall 都有7.5-8分，以signature 菜式較出色。👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻以下係我食左兩次之後，總結出黎既心水餐單（不分先後）：雜錦塔丁拼盤，虎蝦扁意粉（今次黎好似唔覺眼），黑毛豬肉配紅酒燒汁，生薑檸檬吞拿魚，香蕉焦糖班戟（嗜甜者）Tirimisu (不嗜甜者）。…Read More

上星期在面書找私房菜的餐廳，剛好找到觀塘御膳，於是就電話聯絡，決定去開餐喇！店鋪沒特別裝修，簡單平實。當日為平日晚上8點半左右，80% 滿座，全部人也跟我一樣是預先訂位的。麻醬手撕雞為冷盤，為這餐飯剪開序幕，麻醬雞絲配青瓜絲，雞肉冰涼清甜，青瓜清甜輕爽，與濃郁的麻醬混合，非常醒胃。什菌大蜆豆腐湯，以白魚熬成的湯基底，配大蜆，味道鮮甜到不得了！亦加入了才滑嫩的豆腐與多款野菌，海陸清甜互相輝映，停不了一碗的添碗！招牌菜，避風塘炒肉蟹，可見蟹鉗油色澤橙紅，金黃澄亮， 單看外表已經夠吸引奪目。肉蟹先走油，再用正宗避風塘材料炒香，避風塘的惹味浸透蟹肉之中，蟹肉吃起來味道惹味鮮甜， 且爽口，豐腴惹味！佐料入口甘香，絕對是啤酒伴侶！這個招牌菜，真的會令人再三回味，好吃！必吃！黃金蝦，咸蛋黃緊緊包著大蝦，吃時帶著咸蛋的咸香惹味！蝦肉鮮甜，口感結實爽彈，橙色的蝦膏更加juicy ，口感與味道的層次亦更豐富，值得一讚。第一次吃用白胡椒煮的鮑魚，鮮鮑魚肉質彈牙，帶著天然海產的鮮甜，配上白胡椒煮制，醬汁濃稠中帶着細滑的口感，吃起來有白胡椒香，亦有著鮑魚的爽鮮，味道非常的搭！我跟朋友也超喜歡吃！平常的咕嚕肉會用米醋茄醬所成，今次改用士多啤梨醬汁，入口帶士多啤梨的天然甜香，酸酸甜甜，比平常吃的咕嚕肉更清新健康。而排骨亦被炸至香脆，名符其實的外脆內嫩，與士多啤梨醬汁混合，絕對可口美味。從少我就不太喜歡吃豉油王炒麵，因為出面的炒面不是太油膩就是麵條太乾，有的什至是太咸。這裡的炒面令我有驚喜，首先是味道夠，不太咸不太淡，味道剛剛好，單香麵條顏色均勻，每一條麵條都平均沾上醬汁，亮而不油，口感適中，一種實而不華的享受。豉油王炒麵看似普通，但卻考功夫的菜式！個人認為，吃的食物或者比較平凡，但味道絕對有驚喜，我會推薦各位一試。…Read More

久未有到九龍城吃飯，剛巧今天要去傲雲峰找朋友，所以我就提議過九龍城安摩加吃個飯喇～按摩過後，就選擇旁邊的津屋爐端燒。津屋裝修用上簡約和風格調，以屏風作分隔，牆上掛上木牌，日本居酒屋格調。宮崎蠔刺身以蠔刺身作前菜，蠔吃得多，但宮崎蠔較少吃。這款蠔刺身，size屬中小型，蠔身入口清爽。蠔以酸汁作調味，入口酸汁質海水相互融合，瞬間咸酸交織味道如置身海洋之中。鹽燒三文魚串一直都覺得三文魚應該以刺身最為傳神，沒想過這款鹽燒三文魚顛覆了我的固有觀念。燒制時間剛剛好，令魚油充分包裹著三文魚肉，吃起來沒半點乾柴，魚味復郁，是高水準之作。七味豚腩我很吃宗豬腩，但這個真確好吃，真真正正的豬皮脆爽，肉質汁多肉嫩，咸香回味！值得一試的高質菜式。雞肉棒日式料理店常找到的一款菜式—免治雞肉棒！這款免治雞肉入口鬆化，肉質濕潤，肉汁滿溢，蘸上醬油蛋漿，蛋液混上雞肉，口感更見細滑，加上醬油汁濃郁，提起了雞肉的鮮甜。比目魚天婦羅比目魚天婦羅，先說一下粉醬，漿薄酥脆，單吃也不覺油膩，中央部份魚肉亦熱騰騰，魚肉潔白細嫩，味道清香，愈吃愈涮嘴。…Read More

最近壓力特別大，所以一定一定要約朋友去Happy Hour~ Chill 🍺🍺🍺 酒訴心中情！ 今晚去的地方位於銅鑼灣附近的一間餐廳酒吧（橋底辣蟹向灣仔走過一點）。有桌球，睇波 ，擲鏢等，應有準有。喜歡來這裡的其中一個原因就是因為他們的happy hour 時段較出面的酒吧長，至晚上9:00。很適合加班的打工仔及酒鬼們。哈哈～ Happy hour時段小吃半價，白/紅酒也不過是200支，極化算。朋友說肚子餓，所以我們點了一個pizza set~ 小食+pizza +兩支啤酒，加一後也不過是250。套餐的指定啤酒為新加坡老虎啤酒，味道易入口，麥味算濃郁，帶微甜，after taste 帶輕微苦澀，是一款入門級啤酒，適合女士飲用。選了日式煎餃及薯條，但最後餃子換上了雞肉棒。雞肉以甜味汁醬燒制，燒至微焦，入口香口，肉腍。至於薯條方面，這裡的薯條比老麥的薯條粗一點口感上會比較軟糯，綿密，薯味亦會較香濃，適合愛薯者細嚼品嚐。以酒吧來說，這個巴馬火腿火箭菜薄餅算是出色，餅底香脆，咬下去「 咔嚓」一聲，卜卜脆，香口好吃，沒有半點過乾情況！但略厭巴馬火腿不夠乾身及咸香味稍遜，但如果不喜歡鈉太重的朋友，這個薄餅絕對是一個好選擇。…Read More

炎炎夏日, 完全沒有阻止去打邊爐的意欲, 一個價錢半放題+任飲+甜品, 絕對是一班朋友的聚腳點雖然店鋪不算大, 但好處在於這裡有多間不同主題的獨立房間, 私隱度極高, 餐店的牆上畫上手繪畫, 別具特色門口位置擺放了多款醬汁及飲品櫃, 可以自行添加或自取, 汽水/茶類及果汁樣樣齊入座後店員先安排雞煲, 三位以上是免費享用, 火鍋前雞煲是任食的, 店員告知雞煲要先焗煮七分鐘, 每二分鐘攪拌一次, 最後加上附送的油炸鬼, 輕輕一炒便能進食, 雞肉又滑又多肉, 油炸鬼依然脆卜卜, 忍不住再多點一鍋雞煲過後, 在五選一的湯底中選擇了新鮮蟹窩花甲湯底, 原因是每鍋跟上一個南瓜蓉冰公仔, 極度可愛, 店員待我們拍照後便幫忙加上湯, 避免看着冰公仔慢慢溶掉, 只好忍痛蓋上煲蓋 (有種在泡湯的感覺)隨後送上6款海鮮拼盤, 馬刀貝/鮑魚/海蝦/胭脂蚌/龍躉片/脆鯇片, 整齊地排列出鮑魚 - 處理得非常乾淨, 爽彈無比海蝦 - 蝦頭鮮甜, 可以無限追加胭脂蚌 - 爽甜不帶沙, 好食到友人更割愛讓我多吃一口火鍋怎能錯過牛肉, 餐廳用上本地手切牛頸脊, 每片牛頸脊的厚度比出面吃到的厚身一點, 入口嫩滑之餘,牛肉味重任點的火鍋配料中, 較多人選擇的丸類/雲吞/韭菜餃/時蔬類均齊全, 配料雖然是一次過一碟上, 但廚房沒有漏單, 這點真的非常重要手打類的牛丸/蝦丸/鯪魚丸, 每粒size平均, 彈性彈勁, 感覺很真材實料這裡的讚岐烏冬是獨立包裝, 口感煙靭, 一條又一條讓人吃不停口在捧著肚子的情況下, 沒有進食甜品便離開了, 各人都非常滿意, 決定下一個月再來一次, 這一次要看着冰公仔慢慢溶化。…Read More

空姐友人四圍飛，能跟她吃個飯，真的難難難！今天她下飛機，就跑到他家附近的餐廳來一個Chill。選定times champagne，位於愉景新城對面，環境暗暗的，帶情調，以小木屋主題作裝修，別緻有特色，我個人覺得非常適合談心！看了餐牌一遍，決定點我跟他的最愛「墨西哥粟米脆片及fish and chips 」另加一個飯作晚餐。 墨西哥粟米脆片又名Nachos，呈三角形狀， 質地較厚身，口感香酥脆。上層淋上芝士醬及蕃茄蓉，黃黃紅紅，外觀吸引，至於味道因為芝士變得咸香濃郁。沾上牛油果醬、酸乳酪醬，令味道變得清新，絕對是佐酒佳品。正好讓我跟空姐有人邊吃邊談邊聊天。在英國，我最愛吃fish & chip and all day breakfast ,幾乎隔天吃～ 哈哈～ 好懷念丫～ 話說回來，炸漿沒有很厚，亦完全包裹整個魚塊，剛剛好。至於魚肉亦厚身，咬落有質感，滑嫩。另外建議沾上附帶的白醋，減低炸物的膩滯。北海道蟹肉意大利飯，每飯粒都被汁滿滿包圍，絲絲蟹肉，很足料，有一兩口吃到蟹殻，足以證明是鮮蟹肉，真材實料人手挑肉，每顆飯粒添上鹹鮮味，香味撲鼻，好味得要細嚼慢嚥，必吃之選！…Read More

友人將要飛去大陸工作，今天一別，又有一段長時間見不到，所以大家在一別之前，必須盡興。今晚盡興地點是太子道西的慢煮工業，以前沒來過，今晚倒是第一次～ 到達時約八點，大排長龍！半自助模式餐廳，即是客人雖自行到收銀處點餐，即時付費。付款後，客人就回自己的桌子上等待應送上食物。餐牌上寫，這樣的半自助模式目的是希望客人所消費的金額只focus on food , not on service，因此沒10%服務費。蕃紅薯條是由真真正正蕃薯製成的薯條。蕃薯條有著蕃薯的特有香甜軟糯，經過油炸，口感變得香脆，配上透心涼的手工啤，成為麻甩女生組合。一款曾入選為澳洲t Top20 啤酒，我個人覺得是一款女生啤酒，味道是比較清新，帶有檸檬的清爽之餘，亦有蜜桃的甜香，喝完後亦有淡淡的麥香after taste 。口感順滑，泡沫屬中度豐盈。這個薯條非常粗，能夠充分保留薯仔的原有口感，色澤尚算自然，表面無撒鹽，需自行加上或配上茄汁，口感外脆內軟，薯味誘人！最後一款小食類就是海鮮拼盤，裡頭有炸蝦、尤魚圈、魚柳，每一款都熱辣辣，吃著燙口。個人推薦炸蝦，金黃香脆，非常適合配啤酒。啤酒配炸物，絕對吹水佳品！：）來到主菜煙燻豬仔骨，店家以慢煮烹調，所以煮出來的豬仔骨似肉與會較軟腍、一切開就做到骨肉分離，明乎其實的肉嫩多汁。另一款主菜是羊後膝，羊後膝肉質帶著香濃的羊羶香，個人覺得吃羊就是要吃羶，所以羶味正合我意。另外，羊帶微脂肪，油而不膩，入口更 juicy ，吃起來口感佳。…Read More

作為一個吃貨，閒時就是要四出覓食，今晚走到長沙灣，晚上8:30經過 Oui Oui ， 看到這家小店全店滿座，深信食物一定有一定質素，所以決定走進去吃晚餐。畢竟是小店，所款式沒有像大餐廳般海量選擇，不過酒水跟食物的款式還算是全面。我個人特別喜歡吃薯條，所以這次也不例外。這次的黑松露薯條加入了黑松露及拉絲芝士作調味，香脆的口感的薯條隱透出黑松露特有的香味，加上拉絲芝士的配搭，絕對是長勝組合！法式燒春雞意粉， 用上整隻雞腿，料足！春雞腿經醃製，味道分佈均勻，外皮烤至脆口，肉質細白，咬下去皮香口。加上蕃茄汁醬同吃，份外美味。西班牙伊比利豬，聽說伊比利豬有「世界上最好吃的豬肉」的稱號，是西班牙國寶級食材，當然要點來吃。肉質細膩，肉味濃郁，帶著點點果香的芳香甜味，有口感之餘，亦多汁。值得一吃！朱古力香蕉crepe, 班戟皮煎得夠薄，口感外面非常脆，中間部份則非常煙韌，加上在朱古力醬及軟糯的香蕉，味道非常可口，夏日之選！…Read More

今晚去崇光血拼，血拼完畢，人也累了，當然要找個地方歇息一下，順便祭一下五臟廟啦！在崇光側門走出去沒幾步，就看到漁獲浜燒，沒多想，直衝過去～ 因為日本四面環海，漁獲豐富新鮮，所以漁民都喜以最簡單、傳統的方法烹調海鮮—直接「燒烤」，這種方法日本人稱之為「浜燒」。所以就不用我介紹，就知道我要吃海鮮咯！黑松露比目魚沙律 ，比目魚、牛油果、沙律菜，加上黑松露做成沙拉。比目魚油脂豐厚，入口即化，加上各種清爽的蔬果與黑松露的提味，更能突顯比目魚的甘甜鮮味。 北海道空運的厚切赤睦魚刺身，一款稀有的深海魚，長居深於四百米的海底。眼見魚眼清澈，魚頭及魚皮顏色鮮艷、說明魚的新鮮。魚肉質感細嫩，口感豐潤帶爽，魚味愈咬愈濃，香甜細膩，絕對必食！剩下的魚頭及魚骨，會拿來炸，成為最佳的佐酒。魚頭及魚炸得乾身，沒有半分的過份的油膩，吃起來甘香酥脆。這個梅酒，顏色為淡黃色，聞到帶點梅香之餘，酒香味亦濃郁撲鼻，加入巨大冰球，味道不錯，香醇，口感滑溜，正好配上佐酒小食同吃～喜歡這裡的浜燒均由待應代勞～不用自己動手～我最愛吃松葉蟹甲羅燒，蟹殼內有蟹籽、蟹肉、蟹膏、鵪鶉蛋及蔥。放到烤盤上一邊伴勻，一邊燒，烤煮至質感濃調，即可食用。上台時，甲羅燒香味濃郁撲鼻～ 令人急不及待的品嚐，入口啖啖松葉蟹肉，加上濃郁的蟹膏，味道香濃，鹹鮮在口腔游走擴散，單吃甘香味美，細滑creamy~ yummy yummy~另外，將甘香細膩的蟹膏精華放到香脆的法包上，一口香一口脆，絕對為你帶來味覺和嗅覺的雙重享受。 特上漁獲浜燒盛盒（2人前）集合了珍寶大蝦、松葉蟹腳、蠔、活鮑魚以及帆立貝。後來我跟友人決定加錢將珍寶蝦改成龍蝦。價錢就由原來的668變成1008。龍蝦即叫即劏，更會在你面前展示，好讓你知道你的食材的新鮮生猛！龍蝦肉質非常紮實，而且爽口彈牙，亦juicy ，龍蝦膏亦非常甘香creamy ，原來以浜燒品嘗真的別有一番風味，一種最能吃出本品的烹調方式！牛油帆立貝，是繼波士頓龍蝦之後的第二最愛，肉質有彈性，清甜鮮美，味道相當誘惑，加上自家制牛油炒香，簡直有一股無法抗拒的滋味！來到我的盛盒最愛排行榜第三名的松葉蟹腳，經過浜燒後，蟹肉仍保持鮮甜美味，細看可見蟹肉綿密，吃時口感亦緊實，不鬆散，好吃！這個絕對不得了！絕對要吃！第一次見帶殼的北寄貝，原隻比一隻女生手板還要大，有別於平常見到的片裝紅色北寄貝，其實紅色的北寄貝是已經被煮熟了。事實上，未煮熟的北寄貝是淡紫色的。這次以清酒浜燒，吃時有著象拔蚌的爽脆口感，鮮甜有彈性，微著微酒香。另外，緊記，要喝湯汁，精華所在，無敵鮮甜！這個原隻蕃薯雪糕簡直是滿分之作！好食到難以言喻！雪糕以鮮蕃薯所制，啖啖香濃的蕃薯味道，口感細膩，像吃真蕃薯，而且非常冰凍，每一口都涼透心，是近年吃過最好吃的蕃薯雪糕！下次經過銅鑼灣，我會有衝動跑上來買雪糕外賣！蕃薯控，推薦必食！…Read More

住元朗的朋友們三不五時就會炫鮨文的食物照片，說鮨文的食物味道一流，師傅專業之類的話，更說我沒試過真可惜。。。的確，當朋友圈之間鮨文成為熱話的時候，未光顧過鮨文真的枉為一個稱職的吃貨。。。所以，今晚決心走進對我來說非常偏遠的元朗，拜會久仰大名的鮨文。鮨文的外部裝潢及布置極具東洋風味，走進店內，就看到酒櫃內備有十多款清酒供人客選擇；牆上面的獎牌，2016及2017年，鮨文也成為開飯熱店！能夠連續兩年獲獎，加上朋友們的熱烈褒揚，令我更加期待！*特別一讚，在壽司吧前的坐位下，都有充電器，對於我這些電話經常沒電的人來說，絕對是天堂級配置！好吧～還是言歸正傳。回到食物之上喇！今晚第一道菜碗蒸—黑松露金箔茶碗蒸，單香名字已經是極盡奢華，為這頓飯打響頭炮！蒸蛋用上日本雞蛋，蛋味更加香濃，細嫩，加入海鮮高湯煮成。面頭的黑松露醬汁，散發著黑松露獨特的菌香，與蛋伴勻同吃，黑松露的味道與香濃細滑的蒸蛋相融合，加上足料元貝及鮮蝦同吃，鮮味盡顯，回味無窮。師傅在面前即席處理，保證衛生清潔！生蠔不算超級肥美，但仍屬飽滿、新鮮，色澤鮮明。 因為以生蠔作前菜，所以海水味淡，蠔味雖淡但卻鮮甜足，質感亦突為清爽！作為前菜，恰到好處！金線魚：又名紅衫魚，魚身帶有金黄色鱗線，予人矝貴感覺。而金線魚在海魚中絕對能佔一席位，肉質柔軟細膩。師傅利用熱水與冰水燙霜魚皮，魚皮經一熱一冷的擴張與收縮，變得非常爽脆，與魚肉本身的柔軟細嫩形成對比，口感一流之餘，亦充滿鮮味！炭燒深海池魚，鮮魚肉香與油脂於被炭火逼出出，油香緊隨而來，佈滿魚皮表面，入口一刻炭燒味濃，經不斷咀嚼既魚的鮮甜味愈顯，更帶有魚油的細滑。毛蟹伴蟹膏醬，毛蟹蒸熟拆肉，色澤雪白，放上特調蟹膏醬及春菊，配以蟹膏醬，入口肉質飽滿爽彈，咸香味濃郁，甘甜鮮味。亦可點上附帶的酸汁，更有提鮮效果，入口鮮甜至極。中拖羅，雖沒有大拖羅油脂多，但魚鮮味卻比大拖羅更濃郁，吃起來鮮甜軟糯，灑上少許柚子皮， 帶著清新，平衡油脂味道！大拖羅，油脂最豐富，筋亦較少，入口即溶，油香在口中濃得化不開。另外，師傅利用Wasabi 莖部利成醬，加入大拖羅之中，令吃的時候所更香。 油脂甘腴拖羅，其油香與芥末的辛辣緊密結合，吃時不會有任何辛辣感，反而令大拖羅更香更甜。以岩鹽取代豉油配上白肉魚—鯛魚，岩鹽的微咸帶出及提升鯛魚的天然美味， 令味覺更上一層樓，而鯛魚肉質細嫩，鮮甜十足，喜歡刺身的朋友不可錯過！鱆紅魚，除含有豐富脂肪之外，蛋白質及亞麻酸、胺基酸同樣豐富，肉質亦屬細嫩，吃起來口感清脆、爽口，有嚼勁！石垣貝壽司，只有足夠新鮮的貝類，一拍即會出現收縮狀態！說實的，第一次看到如此新鮮的食材，咬下去質感爽彈，脆口，帶有清甜，確實鮮美！「鮪腦天」顧明思義是吞拿魚的頭頂肉，一般只拿80公斤或以上的吞拿魚的「鮪腦天」，一條亦只得兩片，非常矜貴，無論在日本還是香港都不容易在一般的日本料理店出現！「鮪腦天」脂肪含量極過，師傅將「鮪腦天」輕燒，令魚香輕飄。放到口裡感覺像吃魚油，真正的入口即溶，口感軟滑，魚味極濃，用作刺身或壽司皆宜。蘿蔔昆布蒸鮮鮑，新鮮的鮑魚用蘿蔔、昆布蒸煮好幾小時至入味腍身，切件上台，簡單，卻最考食材的新鮮度與質素。味道非常鮮甜，入口彈牙。配以靈魂人物—鮑魚肝做成醬汁，每口都嚐到鮑魚肝的豐腴滋味。鮮鮑配上鮑魚肝，味道的確增加不少層次感！三文魚子壽司，顏色鮮明，非常吸睛。單看照片已感受到紫菜的新鮮脆卜卜，上面的魚子每粒都晶瑩剔透帶有光澤，渾圓飽滿，一口咬下去咸鮮在口中爆破，再加上酒香香氣，令人印象深刻！富美海膽配炸帶子，富美海膽清甜，甘之如飴，質感細滑，帶微黏性。配上海膽鮮美配上同是來自大海的帶子與紫菜，令人不知不覺的沉醉於海洋的甘香美味之中。羽立紫海膽是日本料理界中，超級級別，每日全球200-300板，排全球第十。 入口即化，Creamy，海膽味重，味道餘韻亦較長。白魚湯，由白身魚魚骨魚頭磨碎，熬湯而成，魚香濃厚，入口順滑，無腥味，喝著舒心。 最後的甜品宮崎赤肉蜜瓜配威士忌，蜜瓜甜味如蜜餞，噴上威士忌，令味道多到分纖細與輕盈的酒香，為整頓飯畫上完美句號。…Read More