yannislau1234's Profile

每次都係去食下午茶！因為真係超抵食，$39有晒主食，小食3款，仲有野飲。最鐘意佢地既麻辣面，真心好食過出面上海舖整既！份量岩岩好，每次水準都一樣，都係咁好食，見到佢地餐牌同飲品杯不斷有更新，有進步，會一直支持👍🏽…

3點個陣去買外賣，諗住入去叫既時候，個員工叫我用佢地個app叫外賣，講真如果你專叫人用app落單既話唔該就整好啲啦，頁面多餘又複雜，落完單之後無耐個員工同我講，話我落單落左去太子，我心諗，下？咁點啊？員工: 你再落過單啦我地整唔到架 (已經唔好態度)我: 我比左錢啦喎員工: 無啊咁一係你自己去返太子拎，一係再比過錢係到落單我真係呆左，咁嘅建議佢都可以比到，我喺附近過嚟買個外賣佢叫我去太子度拎，好野👏🏽 咁既情況我相信會有更好既解決方法，但佢無做到，唔緊要，就以後唔會去食，會叫埋身邊人唔好幫襯啲咁既舖頭👍🏽…

經開西營盤做野，唔知食咩好，一出地鐵站就見到哩間burger shop! 裝修好靚，一啲都唔似平時嘅burger shop，好有個人特色🤩😆用左粉藍加黃色做主題，影相都好靚！個日撞岩lunch time，因為舖頭位子唔多，所以爆晒😣不過店員同我講話好快有位，真係等咗10分鐘就有位，同埋我一早睇咗Menu叫定先，所以店員都好好睇住時間幫我整，我一坐低就食得啦！💕🫶等位期間好多人嗌外賣，不過我個人覺得食burger一定要堂食先好食！而事實證明我係冇錯的！！堂食真係好好味🤤🥹我揀左個墨辣芝士牛肉漢堡(小辣)，第一啖咬落去，個包烘到勁脆🫡🤩之後個辣醬好惹味，唔係個種’死辣’，仲有入邊配菜好新鮮，夾埋個安格斯牛肉，好多汁，超正🤤🤤配埋佢哋個番薯條，食完辣嘢再食少少甜野，真係絕配！一定再會返嚟食🫶…

見佢咁多好評就去試下，店內坐滿八成人，咁岩有位就唔使等，一坐到落去揀嘢食嘅時候，隔離位叔叔同佢個仔講，”啲面好難食唔使食啦食埋啲肉啦”，已經心知不妙。不過坐咗入去就即管試一試首先滷肉飯嚟先，哇！第一啖食落去，同友人嚇親，點解可以咁難食，啲豬肉乾到我以為佢用咗豬肉乾整，個味又怪，完全唔係滷肉飯嘅味嚟。之後個面嚟到，賣相好好，一試，湯底明明叫左濃味，結果一啲味都冇，剩係得啲好似藥材咁嘅味，牛肉可以接受，夠淋但唔入味，講到個麵質，真係同隔籬嗰個叔叔講嘅一樣，真係好難食！友人話仲衰過係街買$2烏冬，真係唔想嘥嘢先食晒佢一定無下次！埋單二百幾蚊食咗啲垃圾，順便一提舖頭有兩個侍應，瘋狂咁傾偈，叫又唔應，不如直接坐底傾偈算啦…

見網上咁多好評，(食完唔會再信所謂foodie寫既野🙃) 放假就特登揸車入去試吓，去到見有幾個人排隊，間舖好細，出面對滿雜物，衛生認真唔係幾好🫠睇個menu，本身覺得都幾平，但睇睇下就覺得有啲伏😓個包本身就得蛋黃醬同埋一塊菜，洋蔥蕃茄乜都無，加蕃茄竟然要$4😥不過佢既然個包setting係咁，我就試下乜都唔加，叫左個安格斯牛肉，$46。個店員態度真係一流，去到乜都唔問，淨係講一句$46，之後多謝/等一陣/笑容乜都無，唔休做咁。之後見到個包，我真係呆左，你態度唔好都算，$46個包你比啲咁既野我？個包核突到，仲要唔熱既，我起碼等左15分鐘以上，我就預左你係即刻整比我啦，點知等咁耐唔熱既真係接受唔到。大家睇相就知，乾到。啲蛋黃醬真係超市都買到個種味，好普通。唔明點解有咁多好評，唔會再去🙃…