黑超喵's Profile

今日約埋好友一齊去粉嶺中心食燒肉，餐廳有燒肉定食，亦有放題 (有2款放題選擇)，我地揀咗$268放題餐，120分鐘任飲任食，有豬牛雞海鮮都可以食齊，可以食到好飽。通常去食燒烤，我都好怕D衫會吸晒油煙味，但竟然入到餐廳，完全聞唔到燒烤味。原來餐廳分有電子爐及明火爐，我地坐中間枱，就係用電子爐，如果去食，建議揀明火爐枱，烤肉會燒得較香。我地每款肉都叫咗嚟試，個人覺得牛肉質素唔錯，有油花，啱晒鍾意食牛既可以不停翻叫。牛：厚切上等牛舌、牛腹肉、肩胛牛肉眼、牛板腱、美國牛脊肉、牛仔骨、角切、特上牛柳、鮮滑牛(壺漬)、牛五花肉豬：伊比利亞豚肉條、韓式辣味豬腩片、岩鹽豬腩片、美國梅肉豬肉肥瘦剛剛好，但因為係薄切，所以小心控制燒烤，好易燒燶。雞肉：韓式芝士雞腿肉、辣味噌雞腿肉、岩鹽手羽、岩鹽日本雞頸肉、辣味噌日本雞頸肉雞肉有驚喜，肉質嫩滑彈牙，配埋溶岩芝士就係最佳配搭。海鮮：青口、三文魚鮎、多春魚、魷魚蔬菜：翠玉瓜、牛油金菇、雞髀菇、秋葵、粟米豆腐野菜沙律、海蜇野菜沙律，呢兩款冷盤好好食，海蜇係海蜇頭，好爽脆。胡麻稻庭冷烏冬、櫻花蝦香蔥飯，白飯配烤肉一流。櫻花大根湯，清清地，味噌味唔重，幾好飲。無糖洛神花荼、限定白桃烏龍茶係我首選飲品，健康又解膩。…Read More

終於唔洗北上都可以喺香港食到好味嘅酸菜魚嘞~之前見飲食專欄介紹呢間廚十三老壇酸菜魚係由深圳太二酸菜魚班底開設，食過之後果然名不虛傳，好有太二的風格同口味。我地2個人叫咗3人份量，超大碟嘅酸菜魚，排場氣勢就好似喺深圳食嘅咁，2個人食，份量剛剛好，酸菜魚嘅辣度夠晒辣，除咗有又大片、又厚、又滑嘅新鮮鱸魚片，仲有好多酸菜、蓮藕片、豆腐。另外叫咗碟夫妻肺片，有牛展、金錢肚、牛舌，辣度比酸菜魚更辣，牛展份量都好多，好入味，但就嫌牛展太硬，我就較鍾意金錢肚，彈牙入味。餐廳以卡位為主，亦有做好防疫隔板，座位仲有USB充電位，最啱邊食邊打卡用到電話冇電嘅客人，好貼心嘅設備。見到餐牌有午市酸菜魚2人套餐，只係$168，好想下次早D再去食。…Read More

平時返工行經附近，見到開咗間新店係食熱石燒，見到價錢好親民，已經心急想試下。店舖坐位寬敞唔洗背對背，店裡亦冇油煙味，食得好舒適。如果怕油彈到身，亦可以在自助吧拎紙圍巾。每叫一款扒都已經可以任添白飯、麵豉湯、水、沙律。沙律菜爽脆新鮮，再配食完一轉又一轉。店家醬汁都有好多款，今次係食紐西蘭羊架，職員推介咗我幾款醬，每款都好食，不過最後都係鍾意食薄荷醬配羊。熱石燒除咗食牛都可以食，正！為咗怕油彈到周圍都係，餐廳用餐紙蓋住，非常好！每款扒都有分200g 同 300g,今次食既係200g, 份量啱啱好，如果唔夠飽，都仲可以添多碗飯。紐西蘭羊架質嫩又冇羊騷味，食得出肉質幾靚，性價比高！…Read More

食越南粉，點可以唔試下生牛肉湯粉，今次叫咗個生牛肉金邊粉，個碗size 係一般size，不過食食下就知金邊粉份量好多，2個女仔share食都夠，哈哈，睇嚟呢個有下次，因為碗生牛粉價錢經濟，份量多多，好啱大食既我。另外配有芽菜、香草，隨個人鍾意落唔，我就鍾意落晒入湯調下味。生牛肉同平時出面食既牛肉唔同，肉比較厚D，牛肉味濃D，好正。另外叫咗杯薏米水，大大杯，本身都冇冰但又夠冰凍，超多既薏米，相信淨食薏米都可以飽肚，最讚就係呢杯薏米水唔太甜，推介！…Read More

去到太古探新入伙既朋友，突然諗起想食泰國菜，想食泰式生蝦刺生，不過朋友左諗右諗都搵唔到邊間有得食泰式生蝦刺生食，而附近泰國餐廳唔多，最後決定去太古城 Mango Tree Cafe 食泰國菜，雖然冇泰式生蝦刺生食，但都可以叫個冬蔭功湯止下泰國菜癮。叫咗個二人餐，其實價錢都唔平，不過計落二人餐比散叫真係抵好多。前菜拼盤 (雞、牛肉沙爹、 冬蔭炸雞翼、烤豬肉鮮蝦米紙卷)一個拼盤有齊咁多小食、肉食，好豐富，烤豬肉鮮蝦米紙卷味道清新，最特別讚既就係冬蔭炸雞翼，開邊雞翼，炸皮惹味，裡裡外外都好入味冬蔭功味。如果唔叫餐，下次都會必食呢個冬蔭炸雞翼！燒安格斯肉眼扒5成熟牛扒生熟度控制得啱啱好，牛扒仲有牛筋，燒得惹味又好有咬口。幼薯條值得一讚，好特別，好好食，皮脆，但裡面口感煙韌，好有咬口，可惜份量唔多。泰式大蝦炒粉絲平時多數係食炒金邊粉，今次係第一次食用粉絲炒，不過口感都係金邊粉夾D好食D，不過整體味道好食。黑糯米湯圓怕食甜既一定會好鍾意食，因為黑糯米完全唔甜，味淡，最啱鍾意食甜品但又怕甜既人。湯圓係甜既黑芝麻餡。班蘭焦糖燉蛋 班蘭味淡，味道同一般焦糖燉蛋 一樣。…Read More

一直都鍾意食牛角包，知道沙田新城市廣場第三期開咗間食牛角包為特色既 URBAN Cafe Commune，於是星期日特意去食個有牛角包既下午茶。等位期間，呆呆咁望住店門口既牛角包，牛角包款式好多，見到已經有選擇困難症，款款都想試。今次原意係為牛角包而來，但由於星期日既關係，係冇得食平時既 Tea set，不過散叫都可以加錢配 "湯 & 飲品"，或 "配湯 & 飲品 & 甜品"。見餐牌都有牛角包食，例如牛角包夾煎蛋，不過唔太吸引我。我叫咗一個類似all day breakfast 有牛角包既 <升級晨光第一炮>，有牛角包、滑蛋、肉腸、ham、火箭菜、煙三文魚、菇，每樣配菜都好好味，呢個值得叫，不過個牛角包唔熱，所以變相味道都麻麻，我唯有自已夾滑蛋食，就變得美味。升級晨光第一炮加錢配 "湯 & 飲品"…Read More

平時行開銅鑼灣Fashion Walk，一直以為呢間只係甜品店，諗住同朋友食完晚飯先過嚟食甜品或糖水，但睇過menu 見到原來都有主菜食架，即時改變行程，決定今晚既晚飯+甜品都係呢間「親愛吃」一次過搞掂。橋底辣雞翼 $68非常惹味既炸雞翼，雞翼外層炸得好脆，最特別既係用咗炸蒜同黑豆豉。Nachos  $58一個開胃小食，脆卜卜既雲吞皮，再配上牛油果沙律醬、蕃茄粒，同埋芝士醬，清新小食，酸酸甜甜。意式肉醬親愛做寬條麵 $98雖然睇落好似係一般既肉醬意粉，寬條麵厚度不一，而且比一般寬條麵薄，口感亦有D似河粉，係手造寬條麵既口感，變相更有咬口同層次，再配上唔會好酸既茄醬，仲有大大粒既牛肉碎，我幾鍾意食呢個意式肉醬親愛做寬條麵，蕃薯糖水  $68見門口有大大張海報推介呢個蕃薯糖水，見係招牌甜品，當然要試下啦，賣相確係精美，用蕃薯粒同果肉堆砌成個C字，上面放有一個小小既蕃薯蛋糕，蕃薯蛋糕有一層糖霜餅再配香芋雪葩，話明係蕃薯糖水點少得糖水，薑味既紫色糖水係另上既，畀客人自己倒入C字入面，薑味唔太濃亦唔會太甜，整體感覺呢個甜品清清地，怕甜既人都可以考慮下。…Read More

去灣仔藍屋一帶覓食，順便參觀一下藍屋，原來直頭在藍屋有一間隱蔽食店，係一間素食餐廳，以食有機蔬菜為主。餐廳店舖細細，如果可以坐窗邊高枱，仲可以對住個草地食飯，好寫意，高枱上放咗一些書可以邊食邊睇。一個餐，有杯蘿蔔水，有2粒豆卜小食，有碗份量十足、好多菇碎粒既湯，個湯好濃好入味，菇味好香。主菜係... 五色養生薑黃飯五色即係有5款顏色既蔬菜，配以黃薑煮既飯，黃薑味再配混有紅米既飯，份量唔算多，飽度剛剛好。整個飯都好有田園既味道，清淡得嚟，又有淡淡既黃薑味，唔太濃，剛剛好！…Read More

超級鍾意食Outback 個黑糖長條麵包，仲要係配Outback 個牛油最佳配搭！一坐底，餐廳自動會送上畀你，通常係每2人一條，今次多口問過店員，而家先知原來食完個麵包唔夠，可以免費再添包，哈哈，同行友人同我一樣勁鍾意食呢個麵包，所以我地當然食完再添，最後每人各自食足一個麵包，已經好滿足好開心。Lux Combo 有沙律菜、主菜、餐湯、飲品沙律菜好爽脆，個餐湯好足料，偏結身，好入味！美國安格斯肉眼牛扒呢個午餐好滿足、好豐富呀，呢個價錢好值得！食得出灣仔呢間分店既廚師有質素，個肉眼牛扒熟度剛剛好，夠嫰，又保持到牛肉汁，雖然牛扒較細塊，不過仲有蔬菜同香脆薯條，超級飽！(如果真係唔夠飽，記得再添條長麵包呀！哈！)…Read More

一間以自助形式既素食餐廳，諗住呢餐可以食得健康D，多菜走肉，叫咗個午餐海南素雞配黃薑飯套餐，賣相吸引，仲好似食真雞肉咁配有薑蓉等醬油，可惜眼見同食入口就係兩回事。黃薑飯飯身太乾太硬，而黃薑飯完全冇黃薑味，淡茂茂！只係有色水，冇味道，可能食白飯都仲會有白飯香味。而海南素雞.. 當然唔係真雞肉，海南素雞係植物雞肉，口感幾特別，有D似食魚蛋，不過食物味道有待改善，其實我唔抗拒食素，可惜全部都乾爭爭、淡茂茂。…Read More

長期滿座，門口長期都有條隊等位，一餐好貴既lunch，但貴得嚟又覺得真係值同滿足，因為真係好有地道泰或味道，同埋真係好好食。嚟呢間泰國餐廳，一定要飲埋佢杯泰式奶茶，味道係泰式茶香，奶滑、味清香，會飲過翻尋味！今次我食 lunch set  "pad Thai noodles of tiger prawns"  $128  其實似係茄汁味既炒金邊粉，不過有好多隻大蝦，即時覺得值回票價！同埋有青芒果絲、好多泰式香草同伴菜，將伴菜撈埋金邊粉一齊食好好食，好食到清咗碟，好食到會翻尋味！當日太多人，我就坐對住廚房吧枱，一邊睇住外國人廚師煮，一邊享受緊自己碟泰式風味美食，有視覺同味覺享受，呢餐飯我食得好滿足，有去咗泰國既感覺。不過食個lunch 加一後要$140，唔捨得食得咁密。…Read More

之前已經去過尖沙咀店，去過一次就唔想再去尖沙咀店，好擠迫，自始通常如有朋友生日，想去食我都建議去灣仔店，灣仔分店環境比較舒適，又有卡位，當你食到唔顧儀態時，都唔驚畀周圍既人見到，私人空間感較好，好適合同朋友嚟邊暢談邊食大餐。每次嚟都係必食海鮮袋，已經唔記得今我係揀咗邊款combo set，不過首選係食蟹，因為餐廳有自設魚缸活養海鮮，見到店員會在魚缸撈起生猛大蟹。店員會送上一個脹卜卜既海鮮袋，係客人面前shake shake 然後為客人打開，餐廳細心預備咗即棄圍巾、即棄手套、剪刀。我地個海鮮袋有蟹腳、蝦、蜆、青口、小龍蝦，而汁方面就揀咗檸檬胡椒汁，好清新惹味，每次都指定食呢個汁，我仲推介朋友叫多個包，用嚟可以沾個檸檬胡椒汁食，之後個個都大讚呢個配搭推介好好食。除咗海鮮，配料方面有大大件薯仔同粟米，有薯仔打底覺得好飽。雖然價錢都偏高，但間中嚟帶朋友嚟慶祝食餐特別形式既晚餐，朋友都好開心，加上餐廳既裝修同氣氛都好有主題感，會令人未食心情都靚靚。…Read More

之前網上經常見到Oldish 係打卡點，好多人都會在門外影相打卡，Oldish 門面又確係很有英式感，好啱影返張Style 相。今次係慕名而來，除咗想係附近影下相、行下，當然要食我最鍾意食既 All Day Breakfast啦。當日去到得兩枱客，但食物就需要等咗好耐，諗住係慢工出細貨，等下冇所謂，反正唔趕時間。點咗我最鍾意食既 All Day Breakfast先嚟咗碗周打蜆湯，湯味道麻麻，忌廉湯味唔濃偏淡。至於個Oldish All Day Breakfast 有炸薯餅、茄汁豆、磨菇、白肉腸、煙肉火腿等等但食得出食材質素一般，個磨菇有陣腥味，應該係唔太新鮮。炒蛋一般，唔太滑，而其他食材味道真係好一般，突然覺得行咗咁多樓梯、斜路上嚟食個味蕾得唔到滿足。Oldish All Day Breakfast $158 實在好貴，跟餐加杯飲品 +$25之後仲要加一服務收費埋單要 $200食完真係覺得唔值！…Read More

深圳名物進駐香港，在香港已經陸續越開越多分店，香港每間分店都仍係多人排隊。多肉莓莓有厚厚芝士奶蓋，配上士多啤梨果肉，但果肉並唔多，應該講係好少！而且果種甜味係好甜既糖水味，跟深圳的甜味完全唔同，深圳的甜味會似水果的甜味，唔似純水糖水味。之前已經飲過深圳旗艦店喜茶，同一款式飲品，再比較返香港喜茶，都係寧願深圳好飲好多！深圳飲真係好足水果肉，又多又真材實料，最重要係個甜味並唔係糖水味！真係唔值得在香港要等咁耐排隊買。見到香港店既店員製作好慢，而且見到店裡面已經有好多人買完等緊，但當日某位主要店員，可以心散到不時check 手機同覆message，好明顯睇到點解會咁多人堆滿店內。…Read More

灣仔一個人既午餐，邊行邊覓食，行下行下行到一間唔太顯眼既餐廳，門面細細，望入去店舖細細，但又顯特色風味，係一個食越南菜既餐廳。客人要先到收銀處落單付款，然後自行搵位，之後就會有店員送餐畀你。店裡既枱同座位都偏細、窄，所以一、兩個人嚟食都OK的。叫咗個主菜 + 飲品套餐 越南去骨海南雞飯雞件去骨，雞肉彈牙嫰滑，連雞皮食都好好食，飯底雞油香好好味，已經好耐冇遇過煮得咁好食既海南雞飯底嘞。餐飲叫咗檸檬特飲，裡面加咗香茅，清新又開胃。食物賣相精美又好食，仲可以享受到特色風味，大約$70食一個餐，值得去食、會想再食！…Read More