邊行邊覓食，
行下行下行到一間唔太顯眼既餐廳，
門面細細，望入去店舖細細，
但又顯特色風味，
係一個食越南菜既餐廳。
客人要先到收銀處落單付款，
然後自行搵位，
之後就會有店員送餐畀你。
店裡既枱同座位都偏細、窄，
所以一、兩個人嚟食都OK的。
叫咗個主菜 + 飲品套餐
越南去骨海南雞飯
雞件去骨，雞肉彈牙嫰滑，
連雞皮食都好好食，
飯底雞油香好好味，
已經好耐冇遇過煮得咁好食既海南雞飯底嘞。
餐飲叫咗檸檬特飲，
裡面加咗香茅，
清新又開胃。
食物賣相精美又好食，
仲可以享受到特色風味，
大約$70食一個餐，
值得去食、會想再食！
