小胃子's Profile

呢間點心店，其賣點是”有兩位米芝蓮星級廚師主理”、”本地現場製作”、”即叫即蒸，拒絕預製”，似乎有點質素保證。茶方面，除了有平時可點的普洱茶和香片茶等，這裏還有蕎麥茶、檸檬茶和薏米水類飲品。入店試試點心：蝦餃、牛腸、叉燒包、菜心、小籠包、鳳爪排骨飯和鯪魚球，點心味道唔錯，上枱時均熱辣辣，個人最欣賞係碟油菜，菜的顏色望到都已經覺得係新鮮，菜莖食落爽脆，不帶苦味，份量亦不少，讚！另外，飯類亦令人滿意，係粒粒分明的，與排骨的肉和汁一起食，啖啖美味😋店子自己調的豉油都幾好味，帶點甜味，點菜都夾。食物落單後即叫即蒸，要點時間才能上枱，但可以食到熱辣辣的點心，值得等待。個人覺得食物質素合格有餘，環境和價錢均親民，值得支持！…Read More

平日下午6:30路過此餐廳店內一位客人都沒有入店坐低幫襯，變相包場，似乎生意難做點了一份焗鮮菠菜忌廉煙三文魚螺絲粉98+凍檸茶12螺絲粉賣相普通，菠菜甚少，整體份量偏少，男士食一份未必夠飽，味道方面，配埋可拉絲的芝士，其實都唔錯喎，調味沒有過重，可以！凍檸茶就係普通貨色，要讚的是檸檬算新鮮。埋單連加一121略嚴貴了少少，但可接受😬…Read More

路過呢間粥店見今日涼了不少一於入呢家寫住”第一家魚粥”食下粥本人不好粥品但被佢店內的魚卜、魚鬚、魚雲….呢些其他粥店較少有的選擇所吸引叫了碗魚卜魚鬚粥，都成90蚊（不設加一）薑、蔥、生菜絲可免費任加一碗雙拼，魚卜有3舊魚卜質感爽彈，有炙燒的香氣，沒有腥味，好食魚鬚的肉滑，但骨多過肉，唔係好啱我呢種喜歡多肉的人，粥底唔錯，只略嚴唔夠濃稠店的油炸鬼係一條切好一小舊一小舊用碗上的，方便與粥同吃，幾好，但我今次無叫油炸鬼舊式粥店的格局，人多時便搭枱共膳，天氣涼時入店食碗粥，都唔錯啊我會再點魚卜粥，單點65…Read More

次次來都係食醉雞湯米+溏心蛋+油菜這個組合是我的常餐食物味道唔錯米粉吸收了醉雞湯汁，好味湯可加錢加酒加強酒味👍🏻唯雞肉較嚡口，肉質口感就差少少整體都算唔錯既…Read More

鐘路餐廳，食韓國嘢平日晚飯時間七點左右食客只坐到2至3枱今次經open rice訂枱可免費有一杯凍甜米露一坐下，侍應便送上三小碟泡菜，味道不錯😊晚餐點了：烤牛肉拌飯定食（108）大大碗拌飯，配菜有椰菜絲、香菇絲、菠菜、芽菜、紫菜、蘿蔔絲和烤牛肉，配料挺豐富，整體不錯，但是可想像的味道，沒有驚喜。煎雞肉香蔥餅（128）有厚度的煎餅，表皮有少少脆感，但雞肉與香蔥味均不突出，且略厭油了一點點，整體味道可以，但不太合我口味。食一塊都幾飽肚😆埋單連加一260，ok啦😬…Read More

經open rice平台訂位，正價餐牌有8折餐廳環境望落有空間感坐位間隔唔錯公假有brunch menu主食+ tea/ soft drink餐湯要另加15沙律要另加15Coffee / juice 另加18Orderedan seared fish fillet + ice lemon tea （138）魚肉較嚡口，表皮又不是煎到脆脆那種，薯菜有西蘭花、椰菜花、粟米和薯仔，可想像的味道，沒有甚麼特別。檸檬茶質素普普通通。Nduja 8” pizza + hot flat white （128）pizza 🍕 可以的，有淡淡的芝士味，芝士可拉絲， Pizza底尚算軟熟，配埋芝士和辣肉腸都幾夾。Crab meat penne with tomato cream sauce and parmesan crumble （158，有8折）這項是單點的，長通心粉軟難道適中，掛滿醬汁，有微酸的蕃茄醬汁味，但嚐不到蟹肉的味道，有點失望。Tiramisu （78，有8折）單點項。不錯，有咖啡酒的味道，整體不過甜。如果想同朋友聚下傾下計，呢間餐廳的環境都是吸引點嚟嘅。…Read More

餐廳環境唔錯，望落舒服，窗邊位還有大大玻璃可望外出的碼頭，座位間隔亦令人坐得舒服。午飯時間，我點了椒麻手撕雞拌麵（ $86 ）加一杯熱雪梨無花果水（另加$12），埋單加一$107先講拌面，椒麻和辣味平衡得不錯，沒有過鹹，沒有過辣，拌麵食的椒麻醬份量剛好，每啖面都有椒麻味，味道唔錯，面的質感有彈性，亦掛汁，😋，如果椒麻味重多點，雞絲份量加多一點點會更好😬。杯冰糖雪梨無花果水，有淡淡的甜味，可以可以😌整餐份量不大，吃畢約8成飽，👌🏻啦！…Read More

主打抹茶與抹茶系甜品之前試過以上2者抹茶味濃，好味道今次到店食午餐，沒有點任何抹茶食品秋茄子自家製甘辛肉味噌丼（108）唐揚雞咖喱飯配味噌湯（108）壽喜燒牛肉丼（附溫泉蛋）配味噌湯（88）3個人各食1個餐每人食第一口時異口同聲表示：好普普通通，味道可以罷了味噌湯略厭咸了一點，要加點水中和一下埋單連加一共$334 用呢個價錢享用餐廳的抹茶系甜品會開心好多😅…Read More

下午茶時間路過入店試試我見差不多每台都有點招牌海南雞飯咁我都唔諗咁多，就點招牌海南雞飯配油飯（65）+輕怡排骨茶（+10）+熱鮮檸薏米水（不用加錢）落單後下午茶餐很快便上枱，睇落個餐嘅份量都幾足。先講海南雞，沒有什麼雞味，但肉質尚滑，配附加的醬油、薑蓉、辣醬同吃，其實都幾好味。至於那碗油飯，望落有點點油，但食落又不覺很油膩，香香的油飯，一啖接一啖，很快便食完了。輕怡排骨茶有兩舊排骨，排骨已煮至淋身，骨肉容易分離，茶湯有胡椒味，但個人覺得胡椒辣度未夠，但整體算可以接受。我幾喜歡那杯熱鮮檸薏米水，內有薏米和糖冬瓜，薏米水清清的，有淡淡的甜👍🏻埋單$75 ，有飯有湯有肉有餐飲，唔錯唔錯！…Read More

街上路過見到尖沙咀呢間蓮香樓一定會望多兩眼充滿懷舊風再加24小時營業食客真係24小時都有點心食，有茶飲😆論裝修設計，見到花了心思Menu成本秘笈咁既樣，有趣點心車賣點心，這是賣點之一唔想光等啱心水的點心車出現可到一個固定的點心櫃位叫點心叫了牛肉、蝦餃和蓮蓉包點心味道普普通通蓮蓉包反而唔錯，幾好食蓮蓉香滑不太甜，每個包仔都有粒咸蛋黃👍🏻2位用餐，最後埋單連加一168食物雖普通，但環境同車仔點心都讓食客可打打卡，整體ok啦…Read More

原本想去飲咖啡但路過呢間有中式茶的店好奇心驅使下，決定坐低幫襯坦白講，店內的茶飲價錢唔平行設最低消費，每人須選一款茶店子有店內位和店外位我們選擇坐店內位雖然較開揚，但坐位都算寬敞，唔錯。今次我們選了：福鼎原產老陳皮白茶（88 ）抹茶.日本京都宇治雲龍（ 88 ）凍竹香高山烏龍手打香水檸檬茶（ 78 ）每款茶都配有一件小糕點亦附上一張小卡簡介茶的特性以木製盤子盛茶飲和糕點送上凍飲的杯子都是冰凍了才上場賣相值得一讚我不是品茶師，不知店子的茶是否以靚茶葉泡製以普通人的角度來說我聞到每款茶有其香氣色方面亦見清透，恰如其色味方面不過淡不過濃每口茶都順喉而入個人很喜歡至於小糕點方面不是必試之選糕點偏較乾身味道普普通通😅茶飲質素比我預期的好，這是值得支持的茶飲店…Read More

個場係自助搵位的星期日下午食飯時間挺多人想快快坐低，唯有搭搭枱今次選了雞駅食胡椒豬肚雞米線（60）和藥膳黃酒花膠雞米線（68）同枱的兩位中年阿姐一早已食緊雞駅的花膠雞米線，但評價不多正面：”咁多油既，雞又無雞味，湯又探茂茂，唔好食…….”, 我當時心諗：有冇咁差呀？當我的米線到台時，便立即試試。胡椒豬肚湯有胡椒味，不是很重胡椒辣那種湯，湯的調味適中不過咸，豬肚和雞肉的肉質口感正常，米線有少少Q彈感，整體唔錯😀但未見驚喜，可以的話，希望俾多少少蟲草花和黑雲耳（ 碗內只得3至4條蟲草花和1片黑雲耳）😅至於藥膳黃酒花膠雞米線，就令我覺得比較失望，黃酒味不太出啊！68蚊的花膠雞，如預期，花膠不會是什麼高級的質素，沒有膠質感，普普通通咁啦😬食完我又覺得整體不是兩位阿姐所講的那麼差喎！…Read More

呢間店我曾經喺首爾試過，當時感覺：正👍🏻！見尖咀開分店，由韓國開到來香港一於去回味一下星期六5點去到，我們成第一枱客，用餐90分鐘餐廳環境和坐位安排不錯我們的目標食物：蒜泥豬手（M）（400）見有二人餐（438）：招牌蒜泥豬手（M）+吞拿魚蛋黃醬紫菜飯團就咁拍板6點未夠，餐廳差唔多坐滿大半場啦可見幾受歡迎講返個蒜泥豬手上枱時有點吸睛一大盤上，有一碟沙律菜（我個人prefer係新鮮大菜葉可包肉和小配菜食）、一大碟豬手和2款醬料及6小碟小配菜），可打打卡。講下碟豬手，蒜泥有少少甜，蒜泥量仲要多到成座山咁多😍唯有點可惜既係豬手係室溫的溫度，唔熱唔凍。我記得我喺首爾食時，豬手係熱既，肉質亦比較嫩和淋，似乎韓國店較好食。雖然個人覺得香港店較遜於韓國店，但整體味道都算好味。豬手唔會話好肥，豬皮有彈牙感，調味亦適中，拌蒜蓉和大盤上的小配菜食，唔錯！飯團上枱時是一大碗飯，食客要自搓飯團，如果想要對膠手套搓飯團就要加1蚊。飯伴有紫菜、吞拿魚、蛋黃醬、粟米粒，配搭和調味都合得來，👌🏻小配菜幾好食，有酸、有甜、有辣，隨自己喜好選擇，唯一有點失望係我懷疑青辣椒粒唔係好新鮮，個心有啡啡地既色，我都唔想多掂😕埋單連加一482，3人食2人餐都夠飽😀總括嚟講今次用餐體驗係開心既，可以勾起我係韓國遇上韓式豬手的滋味😋…Read More

一入餐廳見到餐廳的裝修設計都感受到一種熱帶，風情我哋坐近魚缸可以一邊用膳，一邊賞魚餐廳養魚養水都做得好靚星期六午飯時間有午餐供應個甜品（有主食、飲品和甜品），還不設加一點了青咖喱豬肉炒米（68）+凍啡（加9）和無骨豬手飯（78）+熱洛神（加6）落單後，無骨豬手飯很快便上枱有半隻蛋、豬手、椰菜豬手份量足，味道入味，調味適中，配飯很好豬手底有不少椰菜，椰菜有甜味，不錯熱洛神（我無加糖）帶酸，我接受的味道炒米要等15至20分鐘才上枱嚟到見到有陣煙升起，熱辣辣先聞一聞，有陣鑊炒既香味每啖米粉都乾身同沾上青咖喱既惹味又有青咖喱既香草香味豬肉片未係豬頸肉咁彈但正常整體食落有啲辣，但開胃又惹味KO一整碟無難度凍啡就正正常常，👌🏻2個lunch set, 埋單161，已食到質素很不錯的泰菜，店員又有禮，讚👍🏻我會再幫襯試其他食物😄…Read More

這店在OpenRice有大比數的好評，從食客提供的相看，店子裝修帶有歐陸Cafe的感覺，在佐敦那位置出現，算是吸睛，以地方名作餐點的名字甚有趣，食物的presentation有點美感，再加上有自家製美式鹹牛肉和厚切煙肉，讓人期待在店內用餐會有不一樣的體驗。店子小小，午飯時間總會有人在店外排隊（室外有三張小枱，唔怕熱的可以選擇坐室外，室外位通常唔使點排）。由於午飯時間不多，我選擇了坐室外位。下午1:12坐下來，二話不說點了New York 加一杯Iced Mocha（$55）（平日的午飯時間，店子的食物都只有單點），一心想試試店子自家製的美式鹹牛肉，但過了約5分鐘後，店員才告知沒有美式鹹牛肉😑那我便轉了Yokohama(壽喜燒澳洲和牛配焦香米餅.溏心蛋)（$180）。下午1:40+，Yokohama上枱，賣相不錯，最面層有隻溏心蛋（蛋的外圍有味，但味道未滲入心😑），有塊蓮藕片（睇落以為是脆的，咬一口便感覺像是出了氣的蓮藕片，一點都不脆😑），蛋的下層有大約五塊和牛薄片（和牛片口感嫩滑，有點牛味，配調過的壽喜燒汁，挺夾得來，味道唔錯，但不是令人驚喜之作），牛肉片蓋著2小團*焦香米餅*（我初時以為焦香米餅會像是飯焦餅那種有脆感的食物，但當我揭開牛肉片後，發現*焦香米餅*是兩團小飯團（整體份量約是1.5個華X結飯團的飯量）， 那刻有點滴汗，以為自己點了牛肉飯😑），小飯團上有少許芝士、洋蔥和白蘿蔔薄片，亦有燒過下的痕跡，但是食每一口的小飯團都嚐不到焦香，我覺得自己那刻正在食撈有特調壽喜燒汁的飯，有點燒汁味，加點洋蔥味，又加點芝士味，味道不難食的，但飯的口感像是偏爛飯的質地，好難想像呢個Yokohama值$180，亦令我對米餅的定義充滿疑惑🧐食完成個Yokohama，杯iced mocha終於上場，以為慢工出細貨，飲完加多幾個😑😑😑，收$55一杯，冰多唔緊要，但飲時舌頭有感有未能完全融化的粉流過，對於飲開咖啡的人，用呢個價錢買到呢個質素，真的好難接受！呢杯mocha唯一可取是唔甜。最後埋單還要加一，成為259，真的令人難忘的一餐😑😑😑😑😑在佐敦呢個位置，其實收呢個價，好難叫人對店提供的食物沒期望沒要求吧！！！…Read More